Morgunblaðið - 14.09.1995, Blaðsíða 40

40 FIMMTUDAGUR 14. SEPTEMBER 1995
MORGUNBLAÐIÐ
Dýraglens
BREF
TTL BLAÐSINS
Kringlan 1103 Reykjavík • Sími 5691100 • Símbréf 569 1329
Ferdinand
Hvernig heldurðu flugvélinni
þinni svona hreinni?
I HAVE a pedicatep
MECHANIC..HE'5 ALWAY5
ON TUP JOB..
Ég á dygga og trúa vél... hún
er alltaf starfandi...
Afsökunarbeiðni
Greenpeace
Frá Árna Finnssyni:
í TILEFNI fréttar um afsökunar-
beiðni Greenpeace í Bretlandi til
forstjóra Shell þar í landi vil ég
koma eftirfarandi athugasemd á
framfæri við lesendur Morgun-
blaðsins.
Breska Shell lýsti því yfir þann
20. júní sl. að félagið hefði hætt
við að sökkva pallinum í hafið. Fjór-
um dögum áður, eða þann 16. júní,
komu Greenpeace-samtökin fram
með niðurstöður þeirra mælinga á
innihaldi Brent Spar sem nú hafa
sýnt sig að vera rangar og voru
tilefni afsökunarbeiðni Greenpeace.
Þessi afsökunarbeiðni breytir
engu um andstöðu Greenpeace
gegn því að úreltum olíuborpöllum
sé sökkt í sæ. Afstaða Greenpeace,
og þeirra sem mótmæltu áformum
Shell, byggði heldur ekki á þeim
röngu niðurstöðum sem samtökin
hafa nú beðið breska Shell afsökun-
ar á. Hún byggðist á þeirri grund-
vallarafstöðu að iðnaðarúrgangi á
ekki að henda í hafið. Slíkt athæfi
hefur nú í flestum tilvikum verið
bannað með alþjóðlegum samning-
um.
Barátta Greenpeace gegn því að
Brent Spar yrði sökkt í hafið 350
sjómílur suðaustur af íslandi stóð
í 10 mánuði. Allan þann tíma, ef
frá eru skildir síðustu fjórir dagarn-
ir áður en breska Shell breytti af-
stöðu sinni, tóku samtökin mið af
þeim tölum sem Shell sjálft hafði
gefið upp um innihald pallsins.
Ríkisstjórnir Danmerkur, ís-
lands, Svíþjóðar, Belgíu og Þýska-
lands mótmæltu leyfisveitingu
breskra stjórnvalda til Shell að
sökkva pallinum áður en umræddar
tölur Greenpeace komu fram. Norð-
ursjávarráðstefnan, ráðstefna um-
hverfisráðherra landa er liggja að
Norðursjó, sem haldin var þann
8.-9. júní sl. samþykkti með miklum
meirihluta að banna skyldi að
sökkva úreltum olíupöllum í sjóinn.
Ekki má^ heldur gleyma að Skelj-
ungur á íslandi lýsti yfir að félagið
styddi í einu og öllu afstöðu ríkis-
stjórnar íslands til þessa máls; af-
staða sem breskum stjórnvöldum
var gerð grein fyrir í bréfi frá Guð-
mundi Bjarnasyni umhverfisráð-
herra til breska umhverfisráðherr-
ans, John Gummer. Bréf íslenska
umhverfisráðherrans var sent mán-
uði áður en hinar röngu niðurstöður
Greenpeace komu fram í fjölmiðl-
um.
Niðurstaðan verður sú að barátta
Greenpeace, afstaða ríkisstjórna í
Evrópu, samtaka sjómanna, út-
gerðaraðila á Norðurlöndum eða
annarra er láta sér annt um vernd-
un sjávar gegn mengun, grundvall-
aðist ekki á röngum tölum frá
Greenpeace, enda hafa samtökin
ekki beðist afsökunar á því að hafa
barist gegn því að Brent Star yrði
sökkt. Ekki er heldur ástæða til að
ætla að íslenska ríkisstjórnin eða
forstöðumenn Skeljungs muni gera
það.
Það er hvort tveggja eðlilegt og
sjálfsagt að biðjast velvirðingar á
mistökum sem gerð eru. Það er
jafnframt forsenda þess að Green-
peace njóti trúverðugleika í framtíð-
inni. Tilefni þessarar greinar er að
skýra hvert tilefni afsökunarbeiðni
Greenpeace var og jafnframt árétta
að samtökin hafa ekki beðist afsök-
unar á að beijast gegn mengun líf-
ríkis sjávar.
ÁRNI FINNSSON,
Gautaborg.
Frelsið er afstætt
Frá Hrafni Sæmundarsyni:
FORSETI íslands mátti ekki segja
að frelsið væri afstætt. Hvað þýðir
þetta? Það þýðir einfaldlega að
strika á yfir allt. Menningararfleifð-
ina. Heimspekina. Málfrelsið.
Kannski er Vigdís Finnbogadóttir
of stór fyrir þetta fólk sem nú geng-
ur fram til að gagnrýna af skamm-
sýni inn_ í dægurmálum líðandi
stundar. Á hvaða grunni telur þetta
fólk grundvallaratriði mannlegrar
hugsunar ekki eiga lengur erindi
til smáþjóðar. Að frelsið er alltaf
afstætt. Hvaða stöðu hefur fólk í
þessari gagnrýni.
Það fólk sem alltaf tekur skamm-
.tímasjónarmið fram yfir varanleg
verðmæti.
Það fólk sem rányrkir allt sem
það kemur höndum yfir.
Það fólk sem er tilbúið að eyða
fiskistofnum hvar sem er fyrir
stundarhagsmuni.
Það fólk sem búið er að veðsetja
framtíðina fyrir gen/iþarfir og
skynlausa ofneyslu.
Það fólk sem þrengir stöðugt að
lífríki landsins með aukinni mengun.
Það fólk sem er að innleiða lág-
menninguna í ijölmiðlunum.
Það fólk sem raunverulega er
hætt að nota sérréttindi tegundar-
innar til að hugsa og draga vitræn-
ar ályktanir.
Það fólk sem gægist upp úr leð-
ursófasettinu til að halda fallegar
ræður um frelsið í útlöndum.
Það fólk sem þolir ekki reisn
Bessastaða sem litið er til víða um
heim.
Það fólk sem vill færa pólitíska
þrasið í Austurvallarstíl inn í for-
setasetrið.
Þetta fólk heldur því fram að
frelsið sé ekki afstætt! Þetta fólk
er að gagnrýna forsetann. Þjóð-
höfðingja sem hefur málað ísland
sterkum litum á landakorti heims-
ins. Þjóðhöfðingja sem þorir að
standa gegn skynlausu suði dægur-
flugunnar. Þjóðhöfðingja sem þorir
að standa vörð um þau verðmæti
sem dvergþjóð þarf að varðveita.
Menningararfleifðina. Heilbrigða
rökrétta hugsun.
HRAFN SÆMUNDSSON,
atvinnumálafulltrúi, Kópavogi.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.