Morgunblaðið - 14.09.1995, Blaðsíða 41

MORGUNBLAÐIÐ
FIMMTUPAGUR14. SEPTEMBER 1995 41
BRÉF TIL BLAÐSIIMS
Starfið í
Grafarvogskirkju
Frá Vigfúsi Þór Árnasyni og Sig-
urði Arnarssyni:
EITT af því jákvæðasta við komu
haustsins er að þá hefst allt félags-
og menningarstarf að nýju eftir
nokkurt hlé að sumarlagi. Þáttur í
þessu menningarstarfi er allt safn-
aðarlíf kirkjunnar, sem um þessar
mundir tekur einnig á sig nýja mynd.
í Grafarvogssókn hefjum við
hauststarfið með því að halda aðal-
fund safnaðarins að lokinni guðs-
þjónustu sem hefst kl. 11:00 sunnu-
daginn 10. september.
A aðalfundinum munu m.a. arki-
tektar kirkjunnar þeir Finnur Björg-
vinsson og Hilmar Þór Björnsson
kynna nýjar teikningar af aðalsal
og safnaðarheimili kirkjunnar. Boðið
verður upp á léttan hádegisverð.
Nýjungar í starfi safnaðarins á
þessum vetri eru þær helstar að auk
hefðbundinnar barnamessu í kirkj-
unni kl. 11.00, verður barnamessa
í Rimaskóla kl. 12.30 hvern sunnu-
dag.
Æskulýðsfélagið mun á komandi
vetri starfa í tveimur deildum, yngri
og eldri deiid, en félagið hefur starf-
að í allt sumar.
Á fimmtudagsmorgnum verða
foreldramorgnar með fjölbreyttri
dagskrá, t.d áhugaverðum fyrirlestr-
um og fleiru. Umsjón með mömmu-
morgnum hafa þær Helga og Ragn-
heiður.
Starf K.F.U.M. og K fyrir drengi
á aldrinum 9-12 ára verður áfram á
þriðjudögum kl. 17.30-18.30 og nú
mun einnig bætast við starf fyrir
stúlkur á aldrinum 8-12 ára. Það
starf verður á miðvikudögum á sama
tíma.
Vetrarstarf kirkjukórsins er hafið
undir stjórn Ágústs Ármanns Þor-
lákssonar organista, sem hefur verið
organisti og kórstjóri í Neskaupstað
um langt skeið. Hann mun leysa af
Bjarna Þór Jónatansson sem er í'
ársleyfi. Kórinn er orðinn fjölmennur
en ávallt er hægt að bæta við áhuga-
fólki, sérstaklega karlaröddum.
Barnakórinn starfar áfram undir
stjórn Áslaugar Bergsteinsdóttur.
Starfið í þeim kór eins og kirkjukórn-
um hefur verið blómlegt. Á hveiju
hausti bætast við einhveijir nýir
kórfélagar. Barnamessur hefjast 17.
september næstkomandi.
Safnaðarfélagið er að hefja sitt
sjötta starfsár. Starf félagsins hefur
haft góð áhrif á allt safnaðarstarfið.
Félagið er öllum opið og félagsgjöld
eru engin.
Fundir félagsins eru haldnir fyrsta
þriðjudag í hveijum mánuði og er
dagskrá þeirra mjög fjölbreytt.
Ekki má gleyma hinu ágæta starfi
eldri borgaranna hér í sókninni. Þeim
fer fjölgandi þó að meðalaldur sókn-
arbarna í Grafarvogssókn sé sá
lægsti í öllu landinu. Um fjögur
þúsund sóknarbamanna eru undir
sextán ára, en nokkur hundruð 67
ára og eldri. Það er von okkar að
enn bætist í okkar góða hóp eldri
borgara, sem hittast kl. 13.30 hvern
þriðjudag.
Sorgarhópur mun og starfa við
kirkjuna líkt og síðastliðinn vetur.
Fjölbreyttir fræðslufyrirlestrar
verða svo hvert fimmtudagskvöld í
október á vegum Reykjavíkurpróf-
astsdæmis eystra í kirkjunni.
Hér hefur verið stiklað á stóru í
umfjöllun um blómlegt og fjölþætt
safnaðarstarf í Grafarvogi en ljóst
er að nú þarf söfnuðurinn að taka
í notkun sem fyrst aðstöðuna á efri
hæð kirkjunnar.
VIGFÚS ÞÓR ÁRNASON og
SIGURÐUR ARNARSON.
ÚTSALAN
HEFST í DAG KL. 10:00
MIKILL AFSLATTUR
- í NOKKRA DAGA -
LEVI'S BÚÐIN - LAIIGAVEGI 37 - S. 561 8777
Það sem þú vilt - þegar þú vilt!