Morgunblaðið - 14.09.1995, Blaðsíða 3

MORGUNBLAÐIÐ
FIMMTUDAGUR 14. SEPTEMBER 1995 B 3
VIÐSKiPTI
Framkvæmdastjóra Kaupmannasamtakanna sagt upp störfum
Stjómin ber við
skipulagsbreytingum
Framkvæmdastjórinn rekur
ástæðurnar til valdabaráttu
MAGNÚSI E. Finnssyni, fram-
kvæmdastjóra Kaupmannasamtaka
íslands, var sagt upp störfum í
fyrradag eftir 23 ára starf hjá sam-
tökunum og gert að hætta samdæg-
urs. Forráðamenn samtakanna
segja að uppsögnin sé hluti af end-
urskipulagningu á skrifstofunni en
Magnús telur hins vegar að ástæð-
una megi rekja til kreppu og valda-
baráttu innan samtakanna.
Viðar Magnússon, formaður
Kaupmannasamtakanna, og Bene-
dikt Kristjánsson, varaformaður,
vildu lítið tjá sig um málið í gær
en gáfu þá skýringu á uppsögninni
að hún væri liður í endurskipulagn-
ingu á skrifstofu samtakanna. Þeir
vildu hvorki játa því né neita að
ágreiningur hefði verið á milli
Magnúsar og stjórnarinnar né gefa
upplýsingar um hvort frekari breyt-
ingar væru á döfinni í skrifstof-
unni. Nýr framkvæmdastjóri hefur
enn ekki verið ráðinn til starfa.
Magnús staðfestir að sér hafi
verið sagt upp störfum síðastliðinn
þriðjudag. „Eftir 23
ára vammlaust starf
hjá samtökunum gerði
nýkjörin stjórn mér
það ljóst að annað
hvort segði ég upp
sjálfur eða yrði rekinn.
Eg ákvað að velja síð-
ari kostinn og eftir af-
hendingu uppsagnar-
bréfs var mér síðan
gefinn klukkutíma-
frestur til að taka sam-
an persónulega muni
og yfirgefa húsið. Mér
þykir þetta afskaplega leitt enda
átti ég ekki von á að störfum mín-
um fyrir samtökin lyki með þessum
hætti.“
Valdabarátta í kjölfar
formannskjörs
Nokkrir flokkadrættir hafa verið
innan Kaupmannasamtakanna á
síðustu misserum og komu þeir
m.a. fram í formannskjöri á aðal-
fundi þeirra í maí síðastliðnum þeg-
ar formaður og vara-
formaður voru kjörnir
úr hópi kaupmanna af
landsbyggðinni. Magn-
ús segir að hann hafi
ekki tekið' afstöðu í
þessum de'lum og eng-
inn efnislegur ágrein-
ingur sé til staðar milli
sín og stjórnarmanna.
„Það hefur eflaust eitt-
hvað að segja að stjórn
samtakanna er í
ákveðinni kreppu og
þar ríkir enn mikil
valdabarátta eftir for-
mannskjörið í vor enda
er stjórnin að mestu
leyti skipuð reynslu-
litlu fólki. Hún virðist ætla að
endurskipuieggja starfsemina með
því að segja upp því fólki, sem hef-
ur unnið mest og lengst fyrir sam-
tökin en áður en mér var sagt upp
hafði mér verið falið að undirbúa
starfslok tveggja starfsmanna.
Svona vinnubrögð þekkjast ef til
vill í stórfyrirtækjum en að mínu
mati mati ganga þau ekki upp inn-
an félagasamtaka þar sem sátt
þarf að ríkja,“ segir Magnús.
Magnús E.
Finnsson.
Afgangur á
fjárlögum
Norðmanna
1996
Ósló. Reuter.
VERULEGUR afgangur verður á
fjárlögum Noregs 1996, en stjórnin
mun halda áfram að fylgja að-
haldsstefnu í fjármálum að sögn
Sigbjörns Johnsens fjármálaráð-
herra.
Hann sagði í viðtali við Reuter
að nauðsynlegt væri að láta ekki
undan kröfum um aukin útgjöld,
þótt ástandið væri gott.
„Við verðum að sýna að við ráð-
um við uppsveifluna og getum
beint þróuninni í öruggan farveg,“
sagði Johnsen.
Norska hagstofan hefur spáð
því að þjóðartekjur að undanskild-
um tekjum af olíu og gasi muni
aukast um 2,7% 1996 miðað við
4,2% í ár.
Sjónvarpið í Noregi spáði því
nýlega að afgangur á fjárlögum
yrði 9 milljarðar norskra króna.
Norski seðlabankinn hefur ítrek-
að spá um að verðbólga muni auk-
ast um 2,5% 1995 og 2,6% 1996.
Fjárlagafrumvarpið verður lagt
fram 4. október.
Stjórnin hyggst ráðstafa fé í
ríkisolíusjóð, sem ráðuneyti hafa
leitað í og verður breytt í eftirla-
unasjóð. Um leið á hann að veita
vemd gegn skyndilegum breyting-
um á olíuverði.
Johnsen sagði að Norðmenn
hefðu lært af uppsveiflunni á síð-
asta áratug, sem lauk eftir lækkun
á olíuverði 1986, og lagt grund-
völl að meiri stöðugleika.
London og Frankfurt
Methækkanir
á verðbréfum
London. Reuter.
VERÐBRÉF seldust á metverði í
London og Frankfurt í gær vegna
bættrar stöðu dollarans, vísbend-
inga um hóflega verðbólgu og
hækkandi verðs í New York.
Hæsta gengi dollars í 15 mánuði
vakti ánægjú þýzkra útflytjenda og
ýtti undir verðbréfahækkunina í
Evrópu. Methækkanir urðu á FISE
verðbréfavísitölunni í London og
þýzku DAX-kauphallavísitölunni og
verulegar hækkanir urðu einnig í
París. I New York var markaðurinn
nokkuð hikandi í fyrstu, en síðan
stefndi einnig í miklar hækkanir á
Dow Jones-vísitölunni.
Að sögn sérfræðinga í New York
virðist ekkert geta komið í veg fyr-
ir meiri hækkanir. Nýjustu upplýs-
ingar benda til þess að verðbólgu-
þrýstingur sé lítill og það eykur
vonir um að vextir verði lækkaðir
fyrir árslok.
Bætt staða dollarans hefur aukið
bjartsýni þýzkra fyrirtækja, sem
styrkleiki marksins hefur komið illa
við, og leiddi hún til þess að verðbré-
fasala tók mikinn kipp í kauphöll-
inni í Frankfurt. Við lokun hafði
DAX-vísitalan hækkað um 24,65
stig í 2.295,48 og hafði ekki verið
hærra skráð síðan í desember 1993.
Síðan hækkaði hún í 2.300,72 stig
í viðskiptum eftir lokun.
í London hækkaði FTSE-100
vísitalan um 34,9 stig eða 0,99% í
3.570,8 stig við lokun og þar með
var sólarhringsgamalt slegið. Bjart-
sýni hefur aukizt vegna bendinga
um litla verðbólgu í Bretlandi og
Bandaríkjunum. Dæmi um það eru
fréttir um minni launahækkanir í
Bretlandi og aðeins 1% hækkun
verðs á neyzluvarningi í Bandaríkj-
unum.
Í Frakklandi höfðu hlutabréf
hækkað um 1,3% við lokun vegna
hækkana annars staðar og styrk-
leika franska frankans vegna
bættrar stöðu dollarans.
Samþykkir ESB
norræna rás?
Kaupmannahöfn. Reuter.
VONIR hafa vaknað um að Evrópu-
sambandið (ESB) samþykki áform
um að komið verði á fót norrænni
gervihnattarás. ESB kom í veg fyr-
ir að hugmyndir í þá veru yrðu að
veruleika fyrr á þessu ári.
Viðræður fulltrúa norrænu sjón-
varpsfyrirtækjanna og ESB eru
hafnar að nýju. „Þessu miðar vel
áfram og jákvæður andi hefur ein-
kennt viðræðurnar," sagði Per
Bendix, stjórnarformaður NSD,
Norrænu gervihnattarstöðvarinnar,
fyrirtækis sem stofnað hefur verið
um reksturinn, í samtali við Reut-
ers-fréttastofuna. Að NSD standa
danska fyrirtækið Tele Danmark
A/S, hið norska Telenor AS og hið
sænska Kinnevik.
I júlímánuði hafnaði Evrópusam-
bandið áformum fyrirtækjanna
þriggja um rekstur gervihnattasjón-
varps á þeim forsendum að þau
brytu í bága við samkeppnislög
sambandsins. í tilskipun ESB sagði
hins vegar að að það væri reiðu-
búið að taka til meðferðar nýjar
tillögur fyrirtækjanna á þessu sviði,
kæmu þær fram.
Útsendingar um áramót?
Per Bendix sagði að viðræður
væru nú hafnar við önnur fyrirtæki
um að þau kæmu inn í fyrirhugað
samstarf á vettvangi NSD. Vonin
væri sú að með því móti yrði unnt
að koma til móts við samkeppnis-
kröfur ESB.
Stefnt hafði verið að því að NSD
tæki til starfa í ágústmánuði en nú
þykir líklegt að af því verði um
áramótin.
Kaffihlaðborð á sunnudögum kl. 14-17.
í kaffihlaðborðinu er mikið úrval af gómsætum kökum
og brauði.
Verð kr.
Matarhlaðborðá
í sunnudögum frá kl. 19-22.
I matarhlaðborðinu er yfir 20 heitir og kaldir réttir sem
njóta vinsælda sælkerans.
Lifandi tónlist
Píanó- og harmónikuleikur:
Ólafur Beinteinn Ólafsson
Verð kr.
Skíðaskálinn er í 20 mínútna fjarlægð frá
borginni, staður, sem býður upp á stórkost-
legt umhverfi, góða þjónustu og góðan mat.
í Skíðaskálanum tökum við vel á móti gestum
okkar; Þú velur matseóilinn meó okkur.
Pantanasími 567 2020
Skíðaskálinn í Hveradölum
Ykkar fólk ífjöllunum!
ihbi
Hveradölum i ára
í tilefni af 60 ára afmœli
Skíðaskálans bjóðum við gestum
okkar sérstakt afmœlistilboð
nœstu sunnudaga:
í Skíðaskálanum
er opið allar helgar
Aðra vikudag fyrir hópa