Morgunblaðið - 16.09.1995, Side 3
MORGUNBLAÐIÐ
LAUGARDAGUR16. SEPTEMBER1995 D 3
HANDKIMATTLEIKUR
ÓLAFUR Stefánsson, landsliðsmaður úr Val, gat ekki leikið með Valsliðlnu stóran hluta sl. keppnistímabils vegna meiðsla.
Ólafur hefur náð sér vel á strik og handknattleiksunnendur eiga oft eftir að sjá hann í þessari stöðu, eins og í leik gegn Aftur-
eldingar í úrslitakeppninni sl. keppnistímabil - þá urðu Valsarar sterkari í undanúrslltum í keppninni um íslandsmeistaratltlinn.
Sjö leikmenn
eru famir
ívíking
SJÖ leikmenn sem léku með
liðum i 1. deildarkeppninni sl.
keppnistimabil, eru farnir í
víking til Evrópu. Geir Sveins-
son, fyrirliði Vals og landsliðs-
ins, er farinn til Fi’akklands,
þar sem hann er Ieikmaður
með Montpellier. Jason Ólafs-
son, Aftureldingu, er orðinn
leikmaður með Brixen á Ítatíu,
FH-ingamir Ai-nar Geirsson
og Hans Peter Motzfeldt hafa
gengið til liðs við Bregenz í
Austurríki. Þrír ieikmenn eru
farnir til Danmerkur - Páli
Beck, KR, sem leikur með Ny-
borg, Rúnar Sigtryggsson,
Víkingi, sem leikur með Bjerr-
ingbro og KA-maðurinn Þor-
valdur Þorvaldsson, sem er
leikmaður með Fredericia.
Tveir nýir
erlendir
leikmenn
TVÖ 1. deildarlið hafatryggt
sér erlenda leikmenn, sem hafa
ekki áður leikið hér á landi.
Kúbumaðurinn Julian Dunan-
ona er kominn í herbúðir KA
og Rússinn Davor Kovacevic,
sem lék með Krasnodar, er
kominn í herbúðir Gróttu.
KR-ingar hafa verið með
Rússann Ewgini Dudhin, en
þeir liafa ekki tilkynnt um fé-
lagaskipti. Dudhin, sem er 29
ára, hefur leikið með Granada
á Spáni undanfarin ár.
„Valsmenn erfid
ir viðureignar"
- segir Þorbergur Aðalsteinsson, þjálfari ÍBV, sem spáirað Afturelding,
KAog Stjarnan komi til með að að veita Valsmönnum mestu keppnina
„ÞAÐ verður erfitt að ná meistaratitiinum af Valsliðinu, sem hefur
sterka leikmenn í herbúðum sínum, eins og Ólaf Stefánsson, Dag
Sigurðsson, Jón Kristjánsson, Skúla Gunnsteinsson og Guðmund
Hrafnkelsson. Fyrir utan þessa leikmenn eiga Valsmenn stóran
hóp af ungum leikmönnum, sem eru í mikilli framför," sagði Þor-
bergur Aðalsteinsson, fyrrum landsliðsþjálfari og þjálfari nýliða
ÍBV, þegar Morgunblaðið ræddi við hann um 1. deildarkeppnina í
handknattleik, sem hefst á morgun.
egar Þorbergur var spurður um
hvort lið hans kæmi til með að
blanda sér í toppbaráttuna, sagði
hann að svo væri ekki. „Eyjaliðið er
skipað ungum leikmönnum, sem
ættu eftir margt ólært. Það er mjög
skemmtilegt verkefni að vinna með
strákunum. Það er allt annað að
vinna með félagslið en landslið, þar
sem þjálfarinn fær stuttan undirbún-
ingstíma fyrir hvert verkefni. Hér
hitti ég leikmenn mína á hverjum
degi,“ sagði Þorbergur.
- Hvaða lið koma til með að veita
Valsliðinu keppni í vetur?
„Ég hef trú á því að Afturelding
eigi eftir að veita Valsmönnum harða
keppni. Bjarki Sigurðsson styrkir lið-
ið mikið og þá er Gunnar Andrésson
búinn að ná sér eftir meiðsli. Þá er
Stjaman stórt spurningamerki, eins
og undanfarin ár. KA-liðið verður
einnig með í baráttunni - heimavöll-
ur liðsins er geysilega sterkur. Alfreð
Gíslason mun byrja að leika með KA
áður en langt líður.
Liðin sem koma á eftir þessum lið-
um eru FH, Haukar og Selfoss. FH-
ingar eru reynslumiklir og hafa feng-
ið Héðin Gilsson til liðs við sig. Ef
FH-ingar ná sér á strik, geta þeir
hæglega blandað sér í toppbaráttuna.
Fimm lið koma til með að beijast
í neðri hlutanum - Víkingur, ÍBV,
ÍR, Grótta og KR.“
- Þitt gamla félag, Víkingur, hefur
orðið fyrir mikilli blóðtöku?
„Já, það eru ekki mörg lið sem
þola það að missa leikmenn eins og
Bjarka Sigurðsson, Sigurð Sveins-
son, Gunnar Gunnarsson og Rúnar
Sigtryggsson á einu bretti, þeir voru
lykilmenn liðsins síðastliðið keppnis-
tímabil. Allt eru þetta mjög öflugir
leikmenn."
Valsmönnum
spáð efsta sæti
Forráðamenn fyrstu deildarfélanna
tólf hafa spáð um lokastöðuna í deild-
inni á blaðamannafundi á þriðjudag-
inn og kom það fáum á óvart að
Val er spáð efsta sæti. Annars var
niðurstaða forráðamannanna þessi:
Valur..................256
Afturelding............216
FH.....................206
Stjarnan...............199
KA.....................192
Selfoss................154
Haukar.................143
Víkingur...............121
Grótta................. 99
ÍR..................... 87
KR..................... 83
ÍBV.................... 66
Undirritaður var samningur við
Ingvar Helgason hf. um fyrstu deild
karla og mun deildin því áfram bera
nafnið Nissan-deildin.
Þorbergur sagði að það væri lang-
ur vetur framundan. „Það á margt
skemmtilegt eftir að gerast. Ég hef
trú á því að mótið fari rólega af stað,
en síðan magnast spennan jafnt og
þétt - hámarkinu verður náð í febr-
úar, þegar barist verður um sæti í
deildinni."
- Telur þú að lélegt gengi í HM-
keppninni komi til að setja strik í
reikninginn hjá landsliðsmönnum?
„Nei, ég hef ekki trú á því.
Landsliðsmennirnir eru búnir að
jafna sig eftir heimsmeistarakeppn-
ina, enda eru þeir komnir með hug-
an við nýtt verkefni. Evrópukeppni
landsliðs er framundan og fyrstu
tveir leikirnir gegn Rúmeníu hafa
mjög mikla þýðingu fyrir handknatt-
leik á íslandi. Það er mjög mikil-
vægt að við náum góðum árangri
gegn í þeim leikjum.“
- Því hefur verið haldið fram að
það sé miklu meiri stemmning úti á
landsbyggðinni. Ert þú sammála?
„Þróunin á undanfömum árum
hefur verið sú, að stemmningin f
kringum handknattleiksliðin á lands-
byggðinni, eins og hér í Eyjum, á
Selfossi, á Akureyri og í Mosfellsbæ,
hefur farið ört vaxandi. Andrúms-
loftið er skemmtilegra og einnig taka
stuðningsmennirnir virkan þátt í
starfsseminni. Höfuðborgarsvæðið
hefur setið eftir, enda miklu meira
í boði þar. Forráðamenn á svæðinu
verða að fara að leggja vinnu í,
hvernig best er að ná til fólksins -
virkja stuðningsmennina og láta þá
taka meiri þátt í starfinu. Það er
stemmning í kringum knattspyrnulið
KR - þar með er það upptalið. Það
þarf að endurskoða alla íþróttastarfs-
semi í Reykjavík og nágrenni," sagði
Þorbergur Aðalsteinsson.
Fylkisvöllur
2. deild
FYLKIR-ÞÓR
Laugardaginn 16. september 1995
kl. 16:00
Móttaka í Fylkisheimili fyrir
stuöningsmenn Fylkis strax eftir leik
Neöangreind fyrirtæki óska Fylkismönnum
tii hamingju meö frábæran árangur í sumar
og senda liöinu baráttukveðjur i 1. deildina
NOATUIN
É&^ÉZk. oi i •
Skandia
Shellstööin Arbæ
ÚR & SKARTGRIPIR. KRINGLUNNI
/72izina
"A BAKVIÐ"
567 3311
S
Sparisjóður Vélstjóra