Morgunblaðið - 17.09.1995, Blaðsíða 4
4 B SUNNUDAGUR 17. SEPTEMBER 1995
MORGUNBLAÐIÐ
GALDRAKARLINN í
Mikið hefur verið látið með samn-
ing OZ við Microsoft um sölu á
forritum sem líkja eftir skýjafari
og vatnsyfirborði og Guðjón leggur
áherslu á að sá samningur skipti
miklu máli vegna kynningarinnar,
þar sem nafn OZ fylgi búnaðinum.
Hann segist þó vera með ýmislegt
annað á pijónunum sem honum
þyki meira um vert.
„Samningurinn við Microsoft er
eini opinberi samningurinn, en við
erum líka að semja við ýmsa aðra
aðila um mun tæknilegra efni, sem
mér finnst meira spennandi. Þannig
erum við að ljúka viðræðum við
þýskt fyrirtæki um þróun á ákveðn-
um hlut og þar koma til sögunnar
fyrirtæki eins og Mercedes Benz,
BMW og fleiri þýskir risar, sem
vantar ákveðna sérhæfða forritun-
arvinnu. Við höfum líka verið í
samningaviðræðum við mjög stórt
japanskt fyrirtæki, eitt stærsta fyr-
irtæki í heimi, og það er mjög
spennandi. Við erum þó að reyna
að stilla þessu í hóf, við verðum að
passa okkur að festast ekki í þjón-
ustunni og þannig neitaði ég um
daginn verkefni fyrir Time-Wamer
um grafíkvinnslu í tölvuleik sem
hefði tekið okkur tólf mánuði. Einn-
ig neitaði ég því nýlega að vinna
miklar tæknibrellur í kvikmynd,
sem hefði vissulega verið mjög
skemmtilegt verkefni fyrir okkur,
en við erum búin að finna okkur,
fínna það sem við ætlum að ein-
beita okkur að í framtíðinni og þá
þarf allur hópurinn að vinna saman.
Ein deild í fyrirtækinu má þó og
á að taka við svona verkefnum,
rannsókna- og þróunardeildin, enda
þarf fyrirtækið að vera í góðu sam-
bandi við atvinnulífið úti í heimi.
Samningurinn við Microsoft er af-
rakstur starfs þeirrar deildar og hún
gerir langtímasamning við þýska
fyrirtækið sem gefur okkur fastar
tekjur og síðan meiri tekjur þegar
vinnu er lokið.“
Fyótir að bregðast við
„Við höfum verið fljótir að átta
okkur á hvað vantaði og bregðast
við og þannig létum við þessa deild
vinna í mánuð við forrit sem hefur
vantað á markaðinn og er fyrir þá
sem vilja setja upp þrívíðar heima-
síður með notkun á sérstakri sýnd-
arveruleikatækni, tækni sem er
skammstöfuð VRML og er mjög
umtöluð í dag. Þetta er hugbúnaður
sem við erum að selja í gegnum
Intemetið, þú getur sótt hann á
heimasíðuna okkar, prófað einstak-
ar aðgerðir, og ef þér líkar hann
keypt af okkur lykil sem opnar fyr-
ir alla möguleika forritsins á 600
dali. Þetta er mjög einfalt forrit,
en ætlað fyrir vinnustöðvar og há-
tæknigrafíkvinnslu. Fyrsti kaup-
andinn var Sony í Japan, sem var
einnig fyrsta sala okkar á forriti í
gegnum Intemetið, en það á ömgg-
lega eftir að verða vinsælt að versla
með forrit á netinu.
Þetta er mjög spennandi tækni
og mjög umtöluð í dag. Það er mik-
il umferð inn á heimasíðuna okkar
á netinu til að kynna sér forritið
meðal annars, það heimsækja okkur
20.000 manns á hverri viku á net-
inu, 60 til 70% frá Bandaríkjun-
um,“ segir Guðjón, en dæsir svo
yfír naumt skammtaðri Internet-
tengingu íslendinga við umheiminn.
„Bandbreiddin er hræðileg, eins
og allir vita, og við verðum að
bregðast þannig við henni að setja
upp netsíður í Bandaríkjunum. Við
erum búnir að setja upp skrifstofu
þar í landi, erum þar með mann í
fullu starfí, og hann er meðal ann-
ars að undirbúa að setja upp heima-
síðuna. Við emm líka að vinna að
því að koma á fót skrifstofu í Japan
þar sem heimasíðan verður að
mestu á japönsku, og stefnum að
því að af því geti orðið á þessu
ári, en hlutverk skrifstofunnar verð-
ur meðal annars að annast tengsl
og samskipti við japanska fyrirtæk-
ið sem við erum að semja við.“
Fullt af tækifærum í Japan
„Meðal annars vegna þess samn-
ings var ég í Japan fyrir stuttu,
kynnti þar þrívíddartækni á Inter-
netinu sem vakti mikla athygli,
enda er OZ eitt af fyrstu fyrirtækj-
unum sem kynna slíka tækni þar í
landi, og fyrir vikið er ég í opnuvið-
tali í virtu japönsku hönnunartíma-
riti og álíka viðtali í Intemet Asia.
Ég eyddi dijúgum tíma í Tókýó
og komst að því að Japanar eru
furðu aftarlega á merinni hvað
varðar hugbúnaðarþróun og ný-
sköpun. Mér finnst nýsköpun Jap-
ana vera mjög lítil. Þeir em með
alla helstu risana í framleiðslu, en
eiga ekki margar uppfinningamar,
þær em eiginlega allar frá Banda-
ríkjunum og Evrópu.
I Japan er því fullt af tækifæmm
fyrir okkur og þetta er bara spurn-
ing um tíma og mannskap. Það
má geta þess að Útflutningsráð
hefur verið okkur mjög hjálplegt í
samskiptunum við Japani og veitt
okkur mjög góðan stuðning. Ég er
alfarið á móti því að fyrirtæki séu
styrkt beint, en opinber stuðningur
við Útflutningsráð er fjárfesting
sem á eftir að borga sig margfalt
til baka.“
Guðjón segist sannfærður um að
íslensk fyrirtæki eigi góð sóknar-
færi í Japan og reyndar ekki síður
í Bandaríkjunum.
„Ég hef verið nokkuð á ferð vest-
an hafs vegna OZ undanfarið og
rak mig hvað eftir annað á að menn
vom að tala um að fyrirtæki þeirra
störfðuðu um allan heim, en áttu
þá við að þau voru með útibú í
helstu borgum Bandaríkjanna. Þeg-
ar við svo fórum að segja þeim frá
því hvað við vorum að gera og hvaða
árangri við hefðum náð í samskipt-
um við Japani voru þeir mjög hissa.
íslendingar eiga mjög góða
möguleika á að ná góðum samning-
um við Japani og Tævani, vegna
þess að við erum ekki í stríði við
þá eins og Bandaríkjamenn, við
emm það litlir að við ógnum eng-
um. Það kom reyndar líka að góðum
notum að vera á Íslandi þegar við
sömdum við bandaríska fyrirtækið
Microsoft, því við erum utan ákveð-
ins markaðs- og samkeppnisvæðis
þess og einfaldara og öruggara fyr-
ir það að semja við okkur."
Leit að meðeigendum
Eins og áður segir er Guðjón eini
eigandi OZ sem stendur, en hann
segist hafa hug á að koma nýjum
eigendum inn í fyrirækið og þá er-
lendum. Hann segist þó ekki hafa
áhyggjur af því að breytt eignar-
aðild eigi eftir að breyta starfsemi
fyrirtækisins í grandvallaratriðum,
hugbúnaðarfyrirtæki séu ekki sam-
bærileg við önnur fyrirtæki.
„Ég mun líklega selja meirihlut-
ann, en dreifa eignaraðildinni á
milli Bandaríkjanna og Asíu. Það
er vissulega alltaf viss hætta sam-
fara því að selja meirihlutann í aðr-
ar hendur, en þetta er annað en
að eiga sjónvarpsstöð. í sjónvarps-
stöð er eilíf valdabarátta á milli
hluthafa, sem hefur í raun ekkert
að segja fyrir stöðina sjálfa, en fyr-
irtæki eins og OZ veltur hinsvegar
á fólkinu sjálfu, það er verið að fjár-
festa í hugmyndum.“
Guðjón segir að fyrir ýmsar sak-
ir komi alltaf upp á yfirborðið öðm
hvoru vangaveltur um að flytja fyr-
irtækið út og um tíma hafí verið
tvísýnt um hvort af yrði. „Ég vil
síður flytja vegna þess að hér er
aðstaða góð og aðgangur að góðu
fólki. Við emm reyndar búnir að
stíga fyrsta skrefið í að koma okkur
upp aðstöðu þar, eins og ég nefndi,
höfum samið við tvo lögfræðinga
sem vinna fyrir okkur. Akveðin svið
munu líklega starfa alfarið eða að
einhveiju leyti í Bandaríkjunum eða
Japan, en framleiðslan sjálf verður
vonandi hér á landi.“
Verkefnin blasa við
Það má segja að verkefni blasi
við OZ-liðum. Áður er getið vinn-
unnar fyrir Microsoft, sem var
vinna tveggja forritara í þijú ár sem
þrír forritarar skiptu með sér, og
Guðjón segir að það sé gott dæmi
um hvernig hann vilji að OZ vinni
framvegis, þeir hafi hrint verkefn-
inu af stað sem þróunarvinnu til
að efla grafíkdeild fyrirtækisins og
niðurstaðan varð söluhæfur hug-
búnaður. „Við vinnum við þetta
verk áfram, emm búnir með skýja-
far, vatn, ýmis fyrirbrigði af reyk
og emm nú að búa til sérstakt af-
brigði þoku, sem ekki hefur verið
til í tölvum til þessa. Framleiðendur
tölvuleiksins Myst, sem var mest
seldi tölvuleikur heims á síðasta
ári, fréttu af þessu fyrir skemmstu
og leituðu til okkar um að fá að
nota þessa tækni í næstu útgáfu
af leiknum.
Japanska stór fyrirtækið, sem ég
vil helst ekki nefna á nafn, vegna
þess að við eigum eftir að undirrita
samninginn, vill fá okkur til að
vinna ákveðið verkefni sem tengist
Internetinu og ef það gengur vel
vill það semja við okkur til þriggja
ára um ákveðna tækni sem tengist
gagnvirku sjónvarpi, sem á að setja
á markað í Japan eftir þijú ár.
Margir spyija okkur af hveiju við
séum að vinna við tækni sem er
hægfara og ekki tilbúin í dag, en
málið er að vera tilbúinn þegar
tæknin er tilbúin.
Áður er getið CD-ROM leiksins
sem Evrópusambandi styrkir, en við
erum líka í samstarfi við lítið ís-
lenskt fyrirtæki sem heitir Primus
Motor um að setja á geisladisk
Grimms-ævintýri í margmiðlunar-
búningi. Undirbúningi, sem staðið
hefur frá því í janúar, er lokið og
nú hefst framleiðslan sjálf, en við
emm að vona að verkinu verði lok-
ið fyrir jólin 1996.“
Það tekur langan tíma, þarf mik-
inn mannskap og öflugar tölvur að
framleiða hugbúnað eins og OZ
sinnir í dag, en Guðjón segir að
slík vinna borgi sig, geti menn hald-
ið sér í fremstu röð. „Þetta er mjög
sérhæfð starfsemi og þa.ð em alltaf
miklir peningar í umferð þegar sér-
hæfð starfsemi er annars vegar.
Yið erum í harðri samkeppni við
aðrar lausnir, en ekki einstök fyrir-
tæki, og höfum alltaf þurft að geta
sýnt fram á að okkar lausnir séu
hagkvæmari og þægilegri."
OZ enn í örri þróun
Eins og framan getur er OZ enn
í örri þróun eftir fímm ára starf og
Guðjón segir að hann sé í raun að
stofna OZ .upp á nýtt. ,,.í mínum
huga er OZ ennþá á byijunarreit,
en nú er komið að því að stofna
fyrirtækið fyrir alvöm, vonandi á
þessu ári eða næsta ári. Ég stefni
að því að safna það miklu fjár-
magni að fyrirtækið geti starfað
næstu tvö til þrjú árin að fernum
framleiðsluverkefnum og sinnt
engu öðm. Þegar menn stofna fyrir-
tæki hér á landi byija allir með lán
og miða reksturinn út frá því. I
Bandaríkjunum byijar þú ekki á
fyrirtæki nema þú sért með byijun-
arsjóð, sem hleypur á tugum eða
hundruðum milljóna. Ég stefni að
hlutum sem em mjög stórir og
framandi í augum íslendinga og
hef varla þorað að segja frá því.
Ég stefni að því að stofna OZ upp
á nýtt með nokkuð hundmð milljóna
króna fjármagn í höndunum. Undir-
búningsvinna er í fullum gangi, að
vinna kynningarefni fyrir fyrirtæk-
ið og viðskiptaáætlun okkar er ver-
ið að vinna á gagnvirkan geisladisk.
Meðal þess sem stefnt er að, þó
mér finnist alltaf leiðinlega að vera
að tala um væntingar og áætlanir,
er að fara með OZ á NASDAQ,
bandaríska hlutabréfamarkaðinn, í
svokallað IPO, Initial Public Offer-
ing, árið 1997 eða 1998, og undir-
búningur að því er þegar hafinn.
Það gemm við vegna þess að við
erum að leita að miklu fjármagni
frá erlendum aðilum og í Bandaríkj-
unum eru fyrirtæki sem leita að
því hvar þau geti ávaxtað fé sitt
örugglega til langs tíma og OZ fell-
ur einmitt mjög vel að þvi. Við
höfum einmitt fengið þann dóm frá
sérfræðingum sem þekkja til fyrir-
tækisins að það henti afskaplega
vel á þennan markað.
Það er allt of algengt að íslensk
fyrirtæki fari skakkt í þessi mál,
menn átta sig ekki á að besta leið-
in er að velja fyrirtæki sem þú vilt
vinna með og eyða tíma í að sann-
færa það um að þú sért með rétta
fyrirtækið til að ijárfesta i.
Ég vil helst ekki nefna neinar
tölur, en OZ var metið í Bandaríkj-
unum og við fengum umtalsvert
mat á fyrirtækið sem gefur okkur
mikið öryggi í að halda áfram. Að
setja saman fimmtán manna hóp
sem hefur fimm ára reynslu á þessu
sviði er gríðarlega dýrt og gríðar-
lega erfitt og að geta fundið eitt
fyrirtæki sem getur gert þennan
hlut frá a til ö er mjög áhugavert
fyrir stórfýrirtækin, enda er það
staðreynd að allir helstu margmiðl-
unarleikir síðustu ára hafa komið
frá smáfyrirtækjum. Stórfyrirtækin
hafa ausið peningum í þessa leiki
sína og hafa tapað miklu fé þannig
að þau hafa farið þá leið að leggja
fé í smáfyrirtæki og fá þau svo til
að sinna uppbyggingu leiksins.
Möguleikamir em óþijótandi í
tölvuheiminum og þróunin gríðarlega
ör. Mér fínnst stundum sem ég lifi
í gamla daga, ég verð oft óþolinmóð-
ur að bíða eftir framtíðinni.“