Morgunblaðið - 20.09.1995, Blaðsíða 3
MORGUNBLAÐIÐ
MIÐVIKUDAGUR 20. SEPTEMBER 1995 B 3
FRETTIR
Kennsla hafin í Fiskvinnsluskólanum í Hafnarfirði eftir nokkurt hlé
Morgunblaðið/Ásdís
BJORN Bjarnason ávarpaði gesti á skólasetningunni.
„Við megum ekki
missa af lestinni“
Kennsla er nú að hefjast í Fiskvinnsluskólanum í Hafnarfírði á ný eftir
hlé, sem gert var á starfsemi skólans. Verulegar breytingar hafa verið
gerðar á starfsemi skólans. Pétur Blöndal var viðstaddur skólasetningu í
lok síðustu viku og ræddi meðal annars við nemendur, menntamálaráðherra
og skólastjórann Gísla Erlendsson. 17 nemendur eru nú að heíja nám í
skólanum.
FISKVINNSLUSKÓLINN var
settur síðastliðinn föstudag og
kennsla hófst á mánudag þegar
sautján nemendur settust á skóla-
bekk. Verulegar breytingar hafa
orðið á formi skólans frá því sem
áður var, en hann hefur verið gerð-
ur að sjávarútvegsdeild Flensborg-
arskólans. Það kom fram í rgsðu
Gísla Erlendssonar, nýráðins
skólastjóra Fiskvinnsluskólans, að
sett var sem skilyrði fyrir því að
þessar ráðstafanir næðu fram að
ganga að nemendur mættu ekki
vera færri en tíu. Þegar uppi var
staðið sóttu 40 um og 17 komust
að. Nemendur koma frá öllum
landshlutum og ekki nóg með það
heldur koma tveir beint af veiðum
á Fiæmska hattinum og einn frá
Namibíu.
Um ástæðuna fyrir þessum
breytingum á rekstri skólans sagði
Gísli að talsvert hefði hallað á um
rekstur og vinsældir skólans
undanfarin ár. Ef til vill vegna
þess að verknám í landinu hefði
farið halloka fyrir bóknámi eða
vegna samdráttar í landvinnslu
sem hefði orðið til þess að mikið
framboð væri á hæfum stjórnend-
um. Þegar sú ákvörðun hafi svo
verið tekin að ekki þyrfti mats-
menn hafi það komið illa við skól-
ann, en hann taldi þann þátt þó
vera ofmetinn.
Brýn þörf
Gísli er þeirrar skoðunar að enn
sé brýn þörf á rekstri Fiskvinnslu-
skólans, jafnvel meiri en nokkurn
tíma fyrr. Fiskvinnslan þyrfti hæfa
stjórnendur sem kynnu skil á
tölvuvinnslu, gætu stjórnað gæð-
um framleiðslunnar, verið í beinu
sambandi við kaupendur erlendis
og ekki síst valið vinnsluferla fyr-
ir mismunandi hráefni eftir gæða-
og arðsemismati. íslendingar
mættu ekki missa af lestinni, því
þróunin væri feiknalega hröð í
þessari atvinnugrein.
Vonar aö skólinn nál sér
aftur á flug
Það sem er frábrugðið í kennslu
skólans frá því sem áður var er
að nú er krafist meiri undirbún-
ingsmenntunar en áður eða 52
eininga í framhaldsskóla, mun
meiri áhersla er lögð á matvæla-
fræði, dregið verður úr verklegri
kennslu og kennsla í tölvuvinnslu
aukin. Námið er fjórar annir og
að því loknu geta þeir sem vilja
halda áfram lokið stúdentsprófi á
tiltölulega stuttum tíma. Fyrst og
fremst er þó lögð áhersla á að
undirbúa nemendur undir vinnu-
markaðinn.
„Mér finnst mjög ánægjulegt
að þessi starfsemi sé aftur farin
af stað í þessum húsakynnum og
í tengslum við Flensborgarskól-
ann,“ segir Björn Bjarnason,
menntamálaráðherra, en hann
flutti stutt ávarp á skólasetning-
unni. „Það var hlé á kennslunni
hér og nú hefur henni verið hrund-
ið af stað á nýjum forsendum, til-
raunastarf til tveggja ára til að
byija með, en vonandi verður þetta
til þess að skólinn nái sér á flug
aftur og þjóni hlutverki sínu.“
Þetta blessast allt saman
Jón Valur Sigurðsson, einn af
eigendum síldarplansins á Seyðis-
firði og laxeldisfyrirtækis, er á
meðal þeirra sautján nemenda sem
eru að heíja nám í skólanum. „Ég
hef alla tíð unnið í fiski eða frá
því ég var smápatti. Núna vantar
matsmann í fiskeldinu og þetta
gæti verið ágætis undirbúningur
fyrir það.“
Hann segir að það eigi eftir að
koma í ljós hvernig hann kunni
við sig í nýju umhverfi, en hann
sé búinn að koma sér vel fyrir.
Hvað líði kostnaðarhliðinni á flutn-
ingunum til höfuðborgarsvæðisins
og skólavistinni segir hann: „Það
er dýrt að vera í skóla, en ég held
að ég sleppi alveg þokkalega frá
þessu. Þetta er góð fjárfesting og
á eftir að blessast allt saman.“
Skrefiö tekiö tll fulls
Zanny Elfar frá Garðabæ er
einn af þremur kvenmönnum sem
skráðu sig í skólann. „Ég hef unn-
ið í fiski í tuttugu ár og mér fannst
tími til kominn að taka skrefið til
fulls.“ Hún hefur unnið í fiskbúð-
um og smærri fiskvinnsluhúsum,
en segir að námið komi til með
að skipta miklu máli: „Þetta mun-
ar öllu. Ég á að verða fær um að
taka að mér verkstjórn og ýmis-
legt sem ég er ekki í dag. Auk
þess hefur þetta vafalaust mikla
þýðingu launalega séð.“ Zanny
segir að námið leggist mjög vel í
sig og að hún bíði spennt eftir
framvindu mála.
Opnar margar dyr I framtíöinnl
Davíð Jónsson þarf ekki langt
að sækja skólann, því hann kemur
frá Reykjavík. „Ég hef unnið und-
anfarin sex sumur hjá Granda og
stunda nám í Fjölbrautaskólanum
í Breiðholti á veturna: „Ég var
búinn að draga lappirnar of íengi
í náminu þar, ákvað að breyta til
og koma hingað. Þetta leggst mjög
vel í mig.“
Davíð telur að námið eigi að
geta opnað margar dyr fyrir hon-
um í framtíðinni. „Ég á eftir að
öðlast betri þekkingu á fisk-
vinnslu og svo er spurning hvort
ég geti farið út í frekara nám.
Annars verður það bara að koma
í ljós.“
Skólanum
vel tekið af
atvinnulífinu
„ AÐ VISSU leyti líst mér betur á þetta en ég átti
von á,“ segir Gísli Erlendsson, skólastjóri Fisk-
vinnsluskólans. „Sérstaklega hvað þessu hefur
verið vel tekið af atvinnugreininni og eins hvað
margir hafa sýnt því áhuga að stunda nám við
skólann. Ég hef fengið töluvert af upphringingum
frá mönnum úr atvinnugreininni, þar sem þeir
hafa verið mjög jákvæðir, bent mér á verkefni og
komið með ábendingar.11
„Miðað við venjulega fjölbrautaskóla eru þessir
nemendur mun þroskaðra fólk. Það má sjá af aldr-
inum á þeim og því að það er mun erfiðara fyrir
sumt af þessu fólki að rífa sig upp og setjast á
skólabekk. Margir koma utan af landi og í mörgum
tilvikum er þetta fjölskyldufólk. Það er greinilegt
á öllu að þetta er fólk sem er staðráðið í að læra.“
Fylgir mikill kostnaður þvíað reka skólann?
„Það gefur auga leið að þetta er dýrt á hvern
nemandaþegar þeir eru aðeins sautján í öllum
þessum húsakynnum. En á næstu önn munu nýir
nemendur bætast í hópinn og þá mun kostnaður
á höfðatölu lækka.
Á móti kemur að skólinn kaupir óunninn fisk á
Morgunblaðið/Ásdís
GÍSLI Erlendsson skólastjóri Fiskvinnsluskólans.
markaði til kennslu og selur hann fullunninn, sem
mun skapa skólanum nokkrar sértekjur, auk þess
sem gert er ráð fyrir einhverju námskeiðahaldi á
vegum skólans."
YAMAHA
DÍSELVÉLAR MEÐ HÆLDRIFI
Gerð ME 420, 6 strokka, 240 hö.
Frábært verð.
Aðeins kr. 1.495 þús. án vsk.
Hér er boðin nýjasta kynslóð hældrifsvéla,
hlaðin nýjungum þ.ám. vökvatengsli, sem tryggir mýkri
og hljóðlátari skiptingu en áður hefur þekkst.
Leitið upplýsinga!
Skútuvogi 12A, sími 581-2530.