Morgunblaðið - 21.09.1995, Blaðsíða 4
I
KNATTSPYRNA
Sala samningslausra leikmanna og takmörkun erlendra
leikmanna stangast á við reglur Evrópusambandsins
Evrópudómstóllinn getur
kollvarpad ríkjandi kerfi
CARL Otto Lenz, helsti laga-
sérfræðingur Evrópudómstóls-
ins, sagði í gær að sala samn-
ingslausra knattspyrnumanna
í Evrópu og takmarkaður fjöldi
erlendra leikmanna í liði stang-
aðist á við reglur Evrópusam-
bandsins og ráðlagði Evrópu-
dómstólnum að úrskurða í
máli belgíska leikmannsins Je-
an-Marc Bosman samkvæmt
því. Fylgi dómstóllinn venju og
fari eftir tillögum ráðgjafans
gjörbreytist fyrirkomulag
knattspyrnumála í Evrópu, en
dóms er að vænta í árslok eða
byrjun næsta árs.
Þetta hefur verið löng barátta,“
sagði Jean-Louis Dupont, lög-
fræðingur Bosmans, en áréttaði að
málinu væri ekki lokið. „Það er
mikilvægt að undirstrika að þetta
er ekki dómur Evrópudómstólsins,
en engu að síður er þetta mjög
mikilvæg vísbending."
Tildrög málsins eru þau að Bos-
mann hafði gert samning um að
skipta úr belgíska félaginu FC
Liege í franska féiagið Dunkerke
1990, en belgíska félagið kom í veg
fyrir félagaskiptin og setti Bosmann
í bann. Hann fór með málið fyrir
dómstóla í Belgíu þar sem úrskurð-
að var honum í hag og fer nú fram
á sem samsvarar um 66 millj. kr.
í skaðabætur frá UEFA og Knatt-
spymusambandi Belgíu, þar sem
hann segist hafa verið settur á
svartan lista vegna málaferlanna.
Bosman var viðstaddur þegar Lenz
kvað upp úrskurð sinn og þakkaði
leikmannasamtökum í Evrópu
stuðninginn. „Þau hafa stutt mig
andlega og fjárhagslega," sagði
hann og beindi orðum sínum sér-
staklega til leikmannasamtakanna
í Frakklandi, Danmörku, Portúgal
og á Spáni.
Skýrsla Lenz var 124 blaðsíður.
Hann sagði að greiðsla fyrir leik-
mann hindraði fijálsan flutning sem
stríddi gegn reglum Evrópusam-
bandsins og ekki væri hægt að rétt-
læta reglu um fjölda erlendra leik-
manna í liði því hún mismunaði
þegnum þjóðanna. Til að tryggja
minni félög sem væru háð söiu leik-
manna lagði hann til að hluta af
tekjum allra félaga mætti skipta á
milli þeirra á svipaðan hátt og
UEFA gerir í meistaradeildinni.
Luc Misson, annar lögfræðingur
Bosmans, sagði að honum hefði
verið sagt að UEFA ætlaði að reyna
að viðhalda núverandi kerfi með því
að fá viðkomandi ríkisstjómir til
að gera tilslakanir á Rómarsáttmál-
anum. Hann sagði ennfremur að
ef Evrópudómstóllinn færi að til-
mælum Lenz væru dómarar í Evr-
ópusambandinu bundnir af nið-
urstöðunni.
Reuter
Áfangasigur
BELGÍSKI knattspyrnumaðurinn Jean-Marc Bosman sagðl að belgíska félaglð FC Llege hefðl
eyðllagt ferll hans með því að koma í veg fyrlr að hann sklptl og færi til franska félagslns
Dunkerke eins og um hafði samlst. Hann fór með mállð fyrlr dómstóla og fagnaði áfangaslgrl
f gær með lögfræðlngum sínum, Luc Mlsson (t.v.) og Jean-Louis Dupont (t.h.).
UEFA vill eigin
reglur og berst
gegn breytingum
Lennart Johansson, formaður
Knattspymusambands Evr-
ópu, UEFA, sagði að umræddar
breytingar á félagaskiptum sköpuðu
óreiðu og barist yrði fyrir því hjá
Evrópusambandinu að knattspyrn-
an hefði eigin reglur. í yfirlýsingu
UEFA kom fram að tillögur Lenz
væri skoðun en ekki dómur og Evr-
ópudómstóllinn gæti tekið þær allar
til greinar, sumar eða engar. „Við
treystum því að dómstóllinn rann-
saki frekar staðreyndirnar og lögin
áður en úrskurður verður kveðinn
upp,“ sagði m.a. í yfirlýsingunni.
UEFA sagði að málið ógnaði stjóm
leikmannakerfisins og gæti alvar-
lega skaðað minni félög sem treystu
á sölu leikmanna til að afla nauðsyn-
legra rekstartekna. Wolfgang Ni-
ersbach, talsmaður Knattspymu-
sambands Þýskalands, tók í sama
streng og Johansson um að tillögur
Lenz kæmu niður á minni félögum.
Hann sagði að núverandi fyrirkomu-
lag væri lífsspursmál fyrir knatt-
spymuna, einkum minni félög og
áhugamannafélög, því sala á leik-
mönnum héldi þeim gangandi. Hann
sagði að nánast einu tekjur áhuga-
mannafélaga væm vegna sölu leik-
manna og í Þýskalandi nytu sjö síð-
ustu félög leikmanns sölu hans frá
áhugamanafélagi til atvinnumanna-
félags. „Allt of mikið er hugsað um
stóm félögjn og atvinnumannafé-
lögin á kostnað áhugamannanna.
Það verður að líta á knattspymuna
í heild."
Niersbach sagði ennfremur að
ekki ætti að breyti leyfilegum fjölda
erlendra leikmanna með hveiju liði.
„Reglurnar varðandi erlenda leik-
menn hafa sannað sig og em góð-
ar. Þær ganga vel og vom í góðu
lagi áður en Evrópusambandið kom
til sögunnar. Ef við köstum þeim
fyrir róða geta 11 Brasilíumenn leik-
ið fyrir Frankfurt og 11 Argentínu-
menn fyrir Hamburg. Það rústar
markaðnum innanlands. Hvemig á
átta ára enskur drengur að tengjast
hverfisliðinu þegar enginn Englend-
ingur leikur með því?“
Forseti
Alþjóða
samtaka
leikmanna
ánægður
GORDON Taylor, forseti Al-
þjóða samtaka leikmanna og
formaður Samtaka enskra at-
vinnuknattspymumanna, lýsti
yfir ánægju með framkomna
ábendingu til Evrópudómstóls-
ins, en varaði við að ákvörðun
um frjálst flæði leikmanna inn-
an Evrópu gæti komið niður á
svonefndum minni félögum.
„Þetta er mikilvægur dagur
fyrir framtíð alþjóða knatt-
spymu,“ sagði Taylor. „Von-
andi eigum við aldrei aftur
eftir að sjá að atvinnuknatt-
spymumanni sé neitað um rétt
til að skipta um félag að eigin
ósk.“ Hann lofaði Bosman og
lögfræðinga hans fyrir að
fylgja málinu eftir af ákveðni
og þrautseigju í fimm ár og
sagði að atvinnuknattspyrau-
menn ættu skilið að hafa sama
rétt og aðrir launþegar í Evr-
ópusambandinu. Mál Bosmans
sannaði að íþróttir væru ekki
hafnar yfir almenn lög.
Hins vegar sagðist Taylor
hafa áhyggjur af þvi að félög
innan Evrópusambandsins
sætu ekki við sama borð og
félög utan þess ef Evrópudóm-
stóllinn færi að tillögunum og
hann óttaðist mest fækkun
leikmanna og félaga félli dóm-
ur Bosman í hag.
Ótímabær
umræða
RICK Parry, talsmaður ensku
úrvalsdeildarinnar, sagði að
ekki væri ástæða til að hlaupa
upp til handa og fóta vegna
tillagna Lenz og umræða um
aðför að knattspymu fram-
tíðarinnar væri ótímabær og á
villigötum. „Knattspyrnan og
markaðurinn aðlaga sig að
aðstæðum og finna nýjan
starfsgrundvöll ef breytingar
verða á kaup- og sölukerfi leik-
manna og reglum um fjölda
erlendra leikmanna." Parri
sagði að tilkynning gærdags-
ins hefði ekki komið á óvart
og þegar hefðu farið fram al-
varlegar viðræður við félög
deildarinnar um möguleg út-
spil vegna hugsanlegar niður-
stöðu í málinu. Enska knatt-
spyrausambandið sendi frá sér
yfirlýsingu vegna málsins, þar
sem fram kom að aðalatriðið
væri að tryggja rétt hvers
knattspyrnumanns til að eiga
möguleika á eins miklum laun-
um og kostur væri á stuttum
og ótryggðum ferli með hlið-
sjón af hag iþróttarinnar á
öllum stigum.
Nauðsyn á
samningum
GRAHAM Kelly, fram-
kvæmdastjóri Knattspyrnu-
sambands Englands, sagði að
skoðun Lenz kallaði á þörf
skynsamlegra viðræðna og
samninga UEFA, Evrópusam-
bandsins og leikmanna. Hann
sagðist ekki vi(ja sjá núverandi
fyrirkomulag á félagaskiptum
hverfa á einni nóttu og ráð-
lagði UEFA „að vera raunhæft
og skynsamt í samningum**.
i