Morgunblaðið - 22.09.1995, Blaðsíða 12

12 FÖSTUDAGUR 22. SEPTEMBER 1995
AKUREYRI
MORGUNBLAÐIÐ
Listamenn mótmæla tillögum um að flytja tómstundastarf í Ketilhúsið
Húsið í lykilhlutverki
Listamiðstöðvar
í Grófargili
TIL umfjöllunar eru í íþrótta-
og tómstundaráði tillögur um
að færa tómstundastarf sem
verið hefur á Punktinum í Ketil-
húsið í Grófargili. Bæjarstjóra,
Jakobi Björnssyni, var fyrir
fund bæjarráðs í gærmorgun
afhentur undirskriftarlisti með
19 nöfnum, einkum listamanna
á sviði tónlistar, myndlistar og
leiklistar þar sem slíkum áform-
um er mótmælt.
Þar segir að vegna hugmynda
sem fram hafi komið um að
taka Ketilhúsið undan yfir-
stjórn menningarmálanefndar
og þar með úr samhengi við
Listagilið og nota það sem eins
konar tómstundamiðstöð vilji
undirritaðir árétta að Ketilhús-
ið hafa frá upphafi gengt lykil-
hlutverki í áformum um Lista-
miðstöðina í Grófargili, sem góð
sátt hafi náðst um í bæjarfélag-
inu.
Þarf ekki að kosta miklu til
„Það er ljóst að hægt er að
taka Ketilhúsið í notkun fyrir
margvíslega listastarfsemi, án
þess að til þess þurfi að kosta
miklu fé í upphafi," segir í list-
anum til bæjarráðs og að Gilfé-
lagið hafi lagt fram tillögur þar
um sem njóti stuðnings menn-
ingarmálanefndar.
„Við lýsum yfir stuðningi við
framkomnar tillögur Gilfélags-
ins um nýtingu Ketilhússins
enda teljum við þær best falln-
ar til að styðja áframhaldandi
viðgang þeirrar starfsemi
Listasumars og Gilfélagsins
sem verið hefur í húsinu undan-
farna mánuði og er fyrirhuguð
áfram. Þess vegna mótmælum
við því að Ketilhúsið verði skil-
ið frá listastarfseminni með
þeim hætti sem íþrótta->og tóm-
stundaráð leggur til.
Tillögur þessa efnis eru sem
fyrr segir til umfjöllunar hjá
Iþrótta- og tómstundaráði og
sagði Guðmundur Jóhannsson
sem sæti á í ráðinu að enn hefðu
ekki verið lagðar fram mótaðar
tillögur í þessum efnum, en
verið væri að vinna að málinu.
Morgunblaðið/Hilmar T. Harðarson
LISTAMENN vilja nýta Ketilhúsið í Grófargili undir listastarf-
semi af ýmsu tagi, en til umfjöllunar er í Iþrótta- og tómstunda-
ráði tillaga um að flytja starfsemi Tómstundamiðstöðvarinnar
Punktsins í húsið. Ragnheiður Ólafsdóttir og aðrir Gilfélagar eru
því mótfallin.
Háskólinn á
Akureyri
Gyða Har-
aldsdóttir
ráðin lektor
GYÐA Haraldsdóttir hefur verið ráð-
inn í starf lektors í sálarfræði við
Háskólann á Akureyri.
Hún fæddist árið 1953, lauk BA-
prófi í sálfræði við Háskóla íslands
1978 og doktorsprófi í sömu grein
frá The Victoria University of Manc-
hester árið 1983. Doktorsverkefni
hennar fjallar um gildi örvunar og
viðhalds tiltekinna ósjálfráðra við-
bragða fyrir þroskaframvindu barna
með Down’s heilkenni.
Hún hefur frá 1989 verið for-
stöðumaður Ráðgjafar- og greining-
ardeildar á Svæðisskrifstofu fatlaðra
á Norðurlandi eystra, þar sem hún
hefur m.a. athugað þroska og ýmiss
konar frávik í þroska og hegðun hjá
börnum og fullorðnum. Þá hefur hún
unnið að skipulagningu og eftirfygld
meðferðarúrræða og ráðgjöf við for-
eldra og starfsmenn. Nýlega öðlaðist
hún viðurkenningu menntamála-
ráðuneytis sem sérfræðingur á sviði
fötlunarsálfræði.
Við háskólann mun Gyða einkum
kenna þroskasálfræði og námssál-
fræði, en hún hefur störf við skólann
1. janúar næstkomandi.
-----» ♦ »-----
BÉTVEIR
um helgina
FURÐULEIKHÚSIÐ sýnir í sam-
vinnu við Leikfélag Akureyrar
barnaleikritið BÉTTVO í Sam-
komuhúsinu um helgina.
Þtjár sýningar verða á sunnudag,
kl. 13.30, 15.00 og 17.00. Á mánu-
dag verða tvær sýningar, kl. 10.00
og 17.00. Þetta eru síðustu sýning-
arnar á Akureyri, en á þriðjudag
verður leikritið sýnt á Vopnafirði.
Leikritið er byggt á samnefndri
bók Sigrúnar Eldjárn og fjallar um
tvíhöfða geimstrák sem kemur til
jarðarinnar.
Morgunblaðið/Hólmfríður
Vegaframkvæmdum lokið í Grímsev
nsey. t/
VEGAFRAMKVÆMDUM í Grímsey er nú lokið og
er það aðeins á eftir áætlun, enda gekk verkið ekki
áfallalaust fyrir sig.
Síðasti skammturinn af tjöru kom með Sæfara á
mánudagskvöld. Var vestankaldi og leiðindaveður og
gekk sjórinn yfir hafnargarðinn á meðan dælt var yfir
í tankbílinn og aðstæður því allar erfiðar en jafnframt
vel af sér vikið hjá Örlygi Ingólfssyni skipstjóra að
komast upp að. í gær fór Sæfari fyrri ferðina með
tæki og verður seinni ferðin farin í dag.
Grímseyingar eru afar ánægðir með þessar miklu
vegabætur, bundið slitlag komið á nær allan veginn.
Morgunblaðið/Hilmar T. Harðarson
Páll Sólnes
sýnirí
Ketilhúsi
PÁLL Sólnes opnar sýningu í
Ketilhúsinu í Grófargili á morg-
un, laugardaginn 23. september.
Páll stundaði listnám við Skol-
en for Brugskunst í Kaupmanna-
höfn 1978-1982 og var búsettur
þar um árabil, hélt einkasýning-
ar og tók þátt í samsýningum.
Hann sýndi á Akureyri árið 1984
ogáísafirði 1990.
Á sýninguni í Ketilhúsinu eru
15 olíumálverk, flest máluð á
Akureyri á þessu ári. Sýningin
er opin daglega frá kl. 14.00 til
18.00 og stendur til 8. október.
Bæjarráð
Akvörðun
um húsa-
leigubæt-
ur frestað
BÆJARRÁÐ Akureyrar
frestaði á fundi sínum í gær
að taka ákvörðun um hvort
greiddar verði út húsaleigu-
bætur á næsta ári í sveitarfé-
laginu, en félagsmálaráðu-
neyti hefur minnt sveitar-
stjórnir á að ákvörðun þurfi
að liggja fyrir 1. október næst-
komandi.
Á fundi bæjarráðs var ekki
gerð athugasemd við útgáfu
leyfis til Sigurðar Einarssonar
til að reka veitingastað að
Strandgötu 53 og bera fram
veitingar utanhúss framan
veitingarstaðarins.
Þá var á fundi bæjarráð
samþykkt að rífa húseignina
Strandgötu 53B fyrir næstu
áramót og jafnframt að segja
upp leigusamningi við Sigl-
ingaklúbbuinn Nökkva um
bráðabirgðaafnot af hús-
næðinu.
Bæjarráð fól tæknideild
bæjarins á fundinum í gær að
kanna hvernig grunnvatns-
stöðu og grunnvatnsrennsli er
háttað á kirkjugarðssvæðinu
og hvort raunhæft sé að fram-
ræsa landið frekar en þegar
hefur verið gert, en kirkju-
garðsnefnd hefur farið fram á
að úrbætur verði gerðar vegna
jarðvatns í kirkjugarðinum við
Þórunnarstræti. Bæjarráð
óskaði eftir að leitað yrði sér-
fræðiráðgjafar jarðfræðings
og vill að greinargerð verði
lögð fyrir bæjarráð. Erindinu
var að öðru leyti vísað til gerð-
ar fjárhagsáætlunar fyrir
næsta ár.
Forgangslisti í
íþróttamálum
Bæjarstjórn
hefur ekki sam-
þykkt listann
ÍÞRÓTTA- og tómstundaráð
hefur samþykkt stefnu í upp-
byggingu íþróttamála til
næstu þriggja ár þar sem
verkefnum er raðað í for-
gangsröð. Bæjarstjórn Akur-
eyrar hefur ekki tekið afstöðu
í málinu, en ranglega var frá
því sagt í blaðinu í gær að
bæjarstjórn hefði samþykkt
stefnu Iþrótta- og tómstunda-
ráðs. Fjallað verður um for-
gangslista ráðsins í tengslum
við seinni umræðu um þriggja
ára áætlun um rekstur og
framkvæmdir á vegum Ak-
ureyrarbæjar á fund bæjar-
stjórnar 10. október næstkom-
andi.
Um sálina
GARRETT Barden heimspeki-
prófessor við university Col-
lege í Cork á írlandi flytur
opinn fyrirlestur á vegum
kennaradeildar Háskólans á
Akureyri á morgun, laugar-
daginn 23. september kl. 14.
í stofu 24 í húsi skólans við
Þingallastræti.
Fyrirlesturinn nefnist „Um
sálina“ og fjallar um ólíkar
hugmyndir um eðli manns-
sálarinnar. Hann er öllum opin
enda sérstaklega saminn fyrir
almenning.