Morgunblaðið - 30.09.1995, Blaðsíða 18
18 LAUGARDAGUR 30. SEPTEMBER 1995
MORGUNBLAÐIÐ
Útlit fyrir að 40 ára húsbréf fái góðar
viðtökur á verðbréfamarkaði
Áhrif mismunandi binditíma húsbréfa ;
Miðað er við 4,75% nafnvexti og 6% ávöxtunarkröfu allra flokka eins og nú eru á 25 ára husbréfum
Lánstími Meðaibinditími Gengi Afföll
e8þ 15 ár 7,0 ár 91,8% 8,2%
25 ár 10,2 ár 88,2% 11,8%
u 40 ár 13,6 ár 84,4% 15,6%
Góður kostur
fyrir lífeyrissjóði
DAVÍÐ Björnsson, forstöðumaður
hjá Landsbréfum, segir að húsbréf
til 40 ára, sem stefnt er að því
að gefa út, verði góður fjárfest-
ingarkostur fyrir lífeyrissjóði.
„Við höfum ekki áhyggjur af
því að þau bréf muni ekki ganga
í markaðinn. Okkur sýnist að
áhugi fjárfesta á borð við lífeyris-
sjóði sé að beinast að bréfum til
lengri tíma en verið hefur. Tvennt
gæti valdið því. í fyrsta lagi virð-
ast fjárfestar eiga von á því að
raunvextir eigi eftir að fara lækk-
andi á næstu árum. Þá er auðvitað
betra að læsa núverandi raun-
vaxtastig inni í langan tíma. í
öðru lagi er smám saman verið
að minnka verðtryggingu og því
ekki óeðlilegt að velta þeirri spurn-
ingu fyrir sér hvort verðtryggð
bréf verði ril sölu eftir tíu ár.“
Davíð segir hins vegar að því
megi slá föstu föstu að ávöxtunar-
krafa 40 ára bréfanna verði örlítið
hærri en ávöxtunarkrafa 25 ára
bréfa. Þetta sjáist af því að spari-
skírteini til 20 ára hafi verið seld
í útboði á miðvikudag með 5,95%
ávöxtunarkröfu en hægt sé að
nálgast spariskírteini til 10 ára á
Verðbréfaþingi með 5,84% ávöxt-
unarkröfu.
Eins og sést á meðfylgjandi
töflu nema afföll við sölu 25 ára
bréfa nú 11,8% miðað við 6%
ávöxtunarkröfu en yrðu 15,6% á
40 ára bréfum og 8,2% af 15 ára
bréfum. Vegna útdráttarfyrir-
komulags á húsbréfum er meðal-
binditími 40 ára húsbréfa 13,6 ár
en binditími 25 ára bréfa 10,2 ár.
Lyfja hf. verður
í Globus-húsinu
RÓBERT Melax og Ingi Guðjóns-
son, lyfjafræðingar sem hyggja á
rekstur apóteks í Reykjavík, hafa
fest kaup á 300 fermetra rými á
jarðhæð Globus-hússins í Lágmúla
5 undir fyrirtæki sitt, Lyfju hf.
„Við munum opna þarna apótek
um leið og lögin um opnun lyfja-
búða taka gildi, annaðhvort núna
strax í haust eða 1. júlí á næsta
ári,“ sagði Róbert í samtali við
Morgunblaðið. „Við skoðuðum hús-
næði á nokkrum stöðum en þama
var hægt að fá húsnæði sem upp-
fyllti skilyrði okkar.“
Þeir Róbert og Ingi standa einir
að hinu nýja apóteki og hafa lagt
allt sitt undir, þannig að fyrirhuguð
frestun á gildistöku lagaákvæða um
opnun lyfjabúða kemur illa við
áform þeirra. „Það liggur auðvitað
ljóst fyrir að svona húsnæði kostar
töluvert mikið og ef lögunum verð-
ur frestað þurfum við að standa
undir þeirri fjárfestingu án þess að
fá nokkra peninga á móti. Við töp-
um umtalsverðum upphæðum fyrir
hvern einasta mánuð sem líður.“
„Við vonumst til þess að umræða
snúist ekki upp í pólitískt þjark.
Þá fara menn að taka afstöðu eftir
pólitískum línum í stað staðreynda
málsins. Helstu rök fyrir frestun
hafa verið þau að skoða þurfi áhrif
EES-samningsins á lyfjamarkað-
inn. Staðreyndin er hins vegar sú
að EES-samningurinn hefur engin
áhrif á smásöluhluta lyfjamarkað-
arins heldur fjallar hann um inn-
flutning og heildsölu lyfja ásamt
skráningu og markaðssetningu."
Marco
HUSGAGNAVERSLUN
Langholtsvegi 11, sími 533 3500
VIÐSKIPTI
Mikill áhugi á heimabönkum á sýningunni Tölvur & tækni
Viðmótið lykilatriði
hjá sýningargestum
Viðskiptavinir
bankanna hafa
brugðið skjótt við
HEIMABANKAR eru án efa meðal
þess sem er heitast á tölvusýning-
unni Tölvur&tækni sem stendur yfir
nú um helgina og hefur fjöldi gesta
lagt leið sína um bása bankanna á
fyrsta degi sýningarinnar. Það var
Islandsbanki sem fyrstur bauð við-
skiptavinum sínum upp á þann
möguleika að sinna bankaviðskiptum
sínum í gegnum einkatölvuna en hin-
ir bankamir hafa fylgt í kjölfarið.
í samtölum við forsvarsmenn
bankanna á sýningunni kom fram
að sýningargestir hefðu sýnt þessari
nýjung gríðarlegan áhuga. Nú þegar
eru u.þ.b. 1.600 ísiendingar komnir
með þennan aðgang, 1.000 við-
skiptavinir íslandsbanka og um 600
viðskiptavinir Landsbankans. Búnað-
arbankinn fór hins vegar af stað með
Heimilisbanka sinn í gær og Spari-
sjóðirnir munu opna Heimabanka
sinn á mánudag og vafalítið á fjöldi
notenda eftir að bætast við í kjölfarið.
Utlitið mikilvægt
Að mati flestra þeirra sem Morg-
unblaðið ræddi við er það notandavið-
mótið sem skiptir mestu máli hjá
neytendum, en auk þess velta þeir
öryggi þessa kerfis fyrir sér. Hvað
útlit varðar verður að segjast að
Sparisjóðimir hafi vinninginn, enda
þeir einu sem bjóða upp á grafískar
vaimyndir. Heimabanki Sparisjóð-
anna er hannaður fyrir Windows, á
meðan að hugbúnaður hinna þriggja
byggir upp á skjáhermi og er um-
hverfið þar því nokkuð hrárra. Hins
vegar má allt eins gera ráð fyrir því
Verðhrun
á áli íAsíu
Hong Kong. Reuter.
ÁL hefur sjaldan fengizt á eins
góðu verði í Asíu og nú vegna
lítilla kaupa Kínveija á áli síð-
an á fyrri árshelmingi.
Þar sem Kínveijar keyptu
ál umfram þarfir á öðrum árs-
fjórðungi 1995 eiga þeir um
100.000 lestir. Þær birgðir
bárust til Kína eftir „gráum
leiðum“, það er aðallega með
smygli, og af þeim voru ekki
greidd opinber gjöid.
Um það leyti sem birgðimar
komu til Kína hófst þar mikil
herferð gegn smygli, sem hef-
ur sannfært kaupmenn um að
verðhrunið kunni að standa í
marga mánuði — að minnsta
kosti fram í desember og ef
til vill til marz á næsta ári.
að hinir bankarnir þrír ráðist í ein-
hveijar endurbætur á sínum búnaði
á næstunni enda hefur atburðarásin
á þessum markaði verið gríðarlega
hröð að undanfömu.
Áþekk verðlagning
Verðlagning bankanna á þessari
nýju þjónustu er nokkuð svipuð.
Annars vegar er um að ræða stofn-
gjald sem notandi greiðir fyrir hug-
búnað og skráningu. Þar em Spari-
sjóðirnir lægstir með 1.000 krónur,
íslandsbanki kemur þar á eftir með
1.500 krónur og Landsbankinn og
Búnaðarbankinn því næst með 1.900
króna stofngjald. Rétt er þó að taka
það fram að innifalið í pakka Lands-
bankans og Búnaðarbankans er bók-
haldskerfi fyrir heimilið. Hómer Bún-
aðarbankans kom á markað fyrr í
sumar en Einkabókhald Landsbank-
Landsbanka-
útibú opnað
í Grafarvogi
LANDSBANKINN opnaði í gær
nýtt útibú á Fjallkonuvegi 1 í
Grafarvogi þar sem viðskiptavin-
um gefst kostur á afgreiðslú ,
gegnum bílalúgu. Þetta er eina
bankaútibúið hérlendis sem hef-
ur yfir slíkum búnaði að ráða en
er alþekkt fyrirkomulag erlend-
is. Utibúið er Iíka færanlegt því
alveg eins er reiknað með því
að það verði flutt til síðar.
Grafarvogsútibúið er sextánda
útibú Landsbankans og mun
fyrst og fremst sinna viðskiptum
við einstaklinga en getur einnig
annast viðskipti við fyrirtæki.
í tilefni af opnun útibúsins
mun Landsbankinn bjóða öllum
íbúum Grafarvogs til sérstakrar
fjölskylduskemmtunar í dag.
Morginblaðið/Þorkell
ans mun vera væntanlegt. Það er
þó galli við pakka Búnaðarbankans
að þeir viðskiptavinir sem þegar hafa
fest kaup á Hómer fyrir 900 krónur
geta ekki fengið neinn afslátt eða
einungis keypt það sem vantar.
Annar kostnaður sem notendur
þessarar þjónustu greiða er árgjald
og er það óháð notkun í öllum tilfell-
um. Þar eru bankarnir svipaðir í
verðlagningu, taka um 900 krónur
fyrir þessa þjónustu, utan Búnaðar-
bankans sem tekur 1.200 krónur á
ári fyrir hana.
Þær upplýsingar sem notendur fá
aðgang að eru í öllum megindráttum
þær sömu og því verður ekki farið út
í samanburð þar. í grófum dráttum
er þar um að ræða aðgang að reikn-
ingum, þjóðskrá og kreditkortafærsl-
um auk ýmissa fjármálaupplýsinga.
Hrávara
Góðmálmar
hækka lítið
eittíverði
London. Reuter.
GÓÐMÁLMAR hækkuðu lítið eitt í
verði í gær eftir tíðindalitia viku.
Breytingar á gullverði í vikunni námu
aldrei meira en einum dollar, sem
er fátítt.
Gull seldist á 383,75 dollara únsan
við lokun í gær og hafði hækkað um
20 sent síðan í fyrradag. Nokkrar
máttlitlar tilraunir til að þrýsta verð-
inu upp fóru út um þúfur þar sem
framboð jókst jafnóðum
Þar sem gullverðið komst ekki í
yfir 385 dollara í vikunni telja ýmsir
að það muni Iækka í um 380 dollara
í næstu viku.
Aðrir telja að staða gulls muni
eflast vegna líflegra viðskipta með
platínum og palladíum. Verðhækkun
á þeim málmum hljóti að koma gull-
verðinu yfir 385 dollara, sem hefur
verið erfiður þröskuldur.
Platínum hefur hækkað um 4,5%
síðan á mánudag þegar verðið hafði
ekki verið lægra í sex mánuði — og
treysti sig enn í sessi í gær þegar
verðið komst í 425 dollara. Palladíum
hefur einnig styrkt stöðu sína og
seldist á 144,25 dollara.
Lítil hreyfing hefur einnig verið á
verði silfurs, sem seldist við lokun í
gær á 5,49 dollara, sem var óbreytt
verð. Þar sem verðið hefur ekki kom-
izt í yfir 5,60, dollara eins og spáð
hefur verið mun það líklega lækka
aftur í 5,25 dollara að sögn sérfræð-
inga. Aðrir segja að ef verð á gull
hækki verulega muni silfur einnig
hækka í verði.