Morgunblaðið - 01.10.1995, Blaðsíða 48
48 SUNNUDAGUR 1. OKTÓBER 1995
MORGUNBLAÐIÐ
Amokachi
. ábatavegi
DANIEL Amokachi leikmað-
ur Everton er á góðum bata-
vegi eftir höfuðhöggið sem
hann hlaut í leiknum gegn
KR á fimmtudagskvöldið.
Hann var léttur í lund í fyrra-
dag og pantaði sér kínversk-
an mat á spítalann í heim-
sendingarþjónustu. „Hann
[Amokachi] er væntanlegur
út af spítlanum á næstu dög-
um. Framfarir hans í dag
hafa verið miklar en ekki er
á hreinu hvenær hann er
væntanlegur á æfingar til
okkar,“ sagði Joe Royle,
framkvæmdastjóri Everton.
Herrlich á
ný í hópinn
BERTI Vogts, landsliðsþjálf-
ari Þjóðverja í knattspyrnu,
hefur valið hóp sinn sem
mætir Moidavíu í undan-
keppni Evrópumótsins i
knattspymu eftir rúma viku
og Wales þremur dögum síð-
ar. í vali hans að þessu sinni
ber hæst að þrír leikmenn
meistaraliðs Dortmunds,
Heiko Herrlich, Matthias
Sammer og Stefan Reuter,
koma inn en þeir voru ekki
með síðast gegn Georgíu.
Herrlich gat ekki gefið kost
á sér þá vegna meiðsla og
Sammer og Reuter voru í
banni. Alls eru 14 leikmenn
frá Dortmund og Bayern
Miinchen í hópnum.
Nýrþjálfari
hjá FK
IFK Gautaborg sem komst
svo iangt í Meistaradeild Evr-
ópu í fyrra, en var slegið út
í undankeppninni í ár hefur
ákveðið að framlengja ekki
samning sinn við þjálfarann
Roger Gustafsson. Gustafsson
hefur þjálfað liðið í 6 ár og
undir hans stjóm hefur það
unnið 4 meistaratitla og éinn
bikartitil, auk góðs árangurs
í Evrópukeppni. Gustafsson
telur sjálfur að það sé orðið
_ timabærtaðskiptaumþjálf-
ara. Hann mun þó ekki hverfa
frá félaginu, heldur taka við
stjórn þjálfunar yngri flokka
félagsins. „Fyrir mér gildir
einu hvort ég vinn að því að
móta og bæta leikmann sem
er 30 ára eða 13 ára“, sagði
hann í viðtali við sænska sjón-
varpið. Ljóst er þó að mörg
iið kunna að hafa áhuga á að
ráða hann til sín. Gautaborg-
arliðið hefur ekki enn fundið
eftirmann Gustafsson, en
mikið er pískrað um að Mats
Jingblad, þjálfari Halmstad,
taki við. Þá hefur gamla
kempan Torbjörn Nilsson
einnig verið nefndur sem
möguleiki, en Nilsson er nú á
góðri leið með að koma liði
Oddevold upp í 1. deild.
Ballesteros
hvflir sig
SPÁNVERJINN Severino
Ballesteros hefur ákveðið að
taka sér fimm mánaða hvíld
frá keppni í golfi, en hann er
hins vegar ákveðinn í að
keppa þar til hann verður 54
ára, en kappinn er nú 38 ára.
„Golfið hefur reynst mér vel
og ég er alls ekki að hætta.
Þetta frí er bara smá hlé á
miðjum keppnisferlinum, en
ég er nú búinn að vera at-
vinnumaður í 20 ár,“ sagði
_ Ballesteros.
ÍÞRÓTTIR
IÞROTTIR FATLAÐRA
Pehkonen
tókvið
af Ólafi
Aaðalfundi íþróttasambands
fatlaðra á Norðurlöndum
(Nord HIF), sem fram fór á Hótel
Loftleiðum um síðustu helgi, lét ÍF
af formennsku og yfirumsjón sam-
takanna en skrifstofa Nord HIF
hefur verið á íslandi frá árinu 1993.
Ólafur Jensson, formaður ÍF, hefur
verið forseti Nord HIF sl. þrjú ár
en við embættinu tók Arto Pehkon-
en, formaður íþróttasambands fatl-
aðra í Finnlandi.
Á aðalfundinum um helgina voru
ýmis brýn mál tekin fýrir og voru
alþjóðamálefni þar í öndvegi. í nóv-
ember n.k. verður aðalfundur Al-
þjóðasamtaka fatlaðra, IPC, hald-
inn í Japan. Barátta fyrir jafnrétti
hinna mismunandi fötlunarhópa á
íþróttasviðinu er einnig mjög í
brennidepli en Island er í dag eina
landið sem hefur alla fötlunarflokka
innan sama íþróttasambands og
býður upp á sameiginlegt landsmót
í fjölda íþróttagreina fyrir alla
flokka.
Á myndinni afhendir Ólafur Jens-
son, formaður ÍF og forseti Nord
HIF, Arto Pehkonen, formanni
íþróttasambands fatlaðra í Finn-
landi, fundarhamar Nord HIF, en
Finnland tekur nú við formennsku
og yfirumsjón Nord HIF næstu þrjú
árin.
p
■ "í ■
FOLX
■ ERIC Cantona franski lands-
liðsmaðurinn hjá Manchester Un-
ited, verður með félaginu í opinber-
um leik í dag í fyrsta skipti síðan
25. janúar, en í gær rann út keppn-
isbann sem hann var settur í eftir
árás á stuðningsmann Crystal
Palace. Cantona og félagar mæta
Liverpool í dag á Old Trafford í
Manchester.
■ CANTONA missti af 32 leikjum
United meðan á banninu stóð.
■ STEVE McAnespie, hinn smái
en knái hægri bakvörður Raith
Rovers, sem sló IA út úr Evrópu-
keppninni, hefur verið seldur til
Bolton í Englandi og leikur því
við hlið Guðna Bergssonar í vörn
liðsins. Bolton greiðir 900.000
pund fyrir Skotann, sem er 23 ára.
■ PETER Schmeichel, danski
landsliðsmarkvörðurinn hjá Manc-
hester United í Englandi, var í
vikunni útnefndur besti markvörður
Evrópu af Samtökum sagnfræðinga
og tölfræði í knattspyrnuheiminum.
Svíinn Tomas Ravelli hjá IFK
Gautaborg kom næstur í röðinni
og Belginn Michel Preud’homme,
sem leikur með Benfica í Portúgal
varð þriðji.
■ GYLFI Orrason dæmdi leik
Celtic gegn Dinamo Batumi frá
Georgíu í Glasgow í vikunni sem
Skotarnir unnu 4:0. Línuverðir voru
Egill Már Markússon og Pjetur
Sigurðsson og varadómari Eyjólf-
ur Ólafsson.
HESTAIÞROTTIR
Islensku „útlendingamir“
óánægðir með stöðu sína
gagnvart landslidinu
ÞRÁTT fyrir góðan árangur ís-
lenska landsliðsins íhesta-
íþróttum ísumar hefur verið
nokkur umræða um val á lands-
liðinu sem keppti á heims-
meistaramótinu í Sviss. Eins
og gengur sýnist sitt hverjum
en ekki má gleyma því að öll
málefnaleg umræða á þessum
vettvangi er af hinu góða og
nauðsynleg. Óánægjuraddir
hafa oft heyrstfrá íslendingum
sem búsettir eru á meginland-
inu og télja þeir sig ekki sitja
við sama borð og þeir sem taka
þátt í úrtökumóti heima á ís-
landi fyrir HM.
Voru nokkrir úr þessum hópi
teknir tali fyrir skömmu og
þeir beðnir að skýra sitt sjónarmið.
Þeir eru Einar Her-
Valdimar mannsson, Jón
Kristinsson Steinbjornsson, Jó-
skrífar hann G. Jóhannes-
son, Styrmir Snor-
rason og Styrmir Árnason, allir
búsettir í Svíþjóð, Jóhann Skúlason
og Guðmundur Björgvinsson, Dan-
mörku, og Magnús Skúlason, Sví-
þjóð.
Það var Jón Steinbjörnsson sem
opnaði umræðuna og sagði það
skoðun þeirra að þegar fram kæmu
á meginlandinu góðir knapar með
góða hesta, sem hefðu sannað sig
á sterkum mótum þar, ættu þeir
að eiga jafna möguleika og knapar
á íslandi. Sagði hann að finna
mætti dæmi þar sem gengið hefði
verið framhjá mönnum með mjög
góð og frambærileg hross. Nefndi
hann í því sambandi nýjasta dæmið
sem væri Styrmir Árnason með
hryssuna Nótt frá Skammbeins-
stöðum. Þegar íslenska liðið var
valið hafi hún verið komin með sjö
spretti undir 23 sek. og þar af
mætti nefna að hún hafði fimm
sinnum náð betri tíma en Eitill frá
Akureyri hefði náð bestum á árinu.
Jóhann G. benti á að skilsmunur
væri á hvaða forsenclum væri valið
í til dæmis þýska liðið og svo aftur
það íslenska. Sagði hann að við val
í þýska liðið væri gengið framhjá
hestum sem líkur voru taldar á að
gætu helst, en í íslenska liðið væru
valdir haltir hestar sem hugsanlega
verði orðnir góðir þegar í keppnina
kemur.
Þá var nefndur til sögunnar Bald-
ur frá Sandhólum sem Rikke Jensen
Danmörku sat í skeiðinu á mótinu
í Sviss og færði Dönum þar gull.
Hann er í eigu Styrmis Snorrasonar
og sagðist Styrmir strax hafa tekið
þá stefnu að lána Rikke og Dönum
hestinn í stað þess að reyna enn
einu sinni að banka á dyr landsliðs-
ins til að láta skella á nef sér. Enn-
fremur bentu þeir á að þegar um
Norðurlandamót væri að ræða, þar
sem oft hefur gengið illa að fá kepjj-
endur til að keppa fyrir hönd Is-
lands, hefur þótt gott að leita til
„útlendinganna“ og þar hafa þeir
staðið sig vel og tekið ófá gullin.
Um þann möguleika að koma til
íslands og hreinlega taka þátt í
úrtökunni sé vart að ræða því liðin
tíð er að menn „finni“ sér hesta
nokkrum dögum áður en skráningu
lýkur. í dag mæta menn með hesta
sem búið er að undirbúa í eitt eða
tvö ár með þetta markmið í huga
og þá séu möguleikarnir litlir eða
engir fýrir þann sem fær lánaðan
hest á síðustu stundu auk þess sem
flestir séu þeir með starfsemi ytra
sem ekki sé hægt að hlaupa frá
yfir sumarið þegar viðskiptin
standa sem hæst. Þá minntu þeir
félagar á tilraunir Jóns Steinbjörns-
sonar 1991 til að mæta með Pjakk
frá Torfunesi i úrtökuna fyrir HM
í Svíþjóð. Þar var honum meinuð
þátttaka á þeirri forsendu að hann
væri ekki félagsbundinn á íslandi
og væri þar af leiðandi ekki gjald-
gengur ( íslenska landsliðið.
Birgir Gunnarsson sagði að ljóst
væri að ekki væri nóg að vinna sigra
á stórmótum erlendis til að ná at-
hygli þeirra er veldu liðið. Ekki
væri annað að sjá en menn á ís-
landi hafí fullkomna vantrú á dóm-
urum á meginlandinu og fram-
kvæmd móta, þá sérstaklega kapp-
reiðaskeiðs, og Jóhann G. bætti við
að ekki yrði betur séð en markvisst
væri unnið gegn aðgangi þeirra að
landsliðinu þau ár sem HM er haldið.
Að þeirra mati ættu landliðsein-
valdar, annar eða báðir, að koma á
stærstu mótin á meginlandinu og
skoða menn og hesta sem til greina
gætu komið í landslið og kynna sér
um leið störf dómara og fram-
kvæmd keppninnar. Á minni mótum
væri hægt að nota myndbands-
tæknina til að miðla til þeirra
frammistöðu einstakra keppenda
svo dæmi væri nefnt. Þeir félagar
bentu á að í bæði handbolta og
fótbolta væri óspart leitað til þeirra
er stunduðu íþróttina á erlendri
grund og því skyldi það ekki eiga
rétt á sér í hestaíþróttinni.
Talið barst að sjálfum heims-
meistaramótunum og voru þeir
sammála um að stefna ætti að því
að opna þessi mót meira og hækka
þannig gæði keppninnar. Væri það
hægt með því að fækka í þeim fasta
fjölda sem hvert land hefur heimild
til að senda á mótin en þess í stað
fengju þeir keppendur keppnisrétt
sem hefðu til þess unnið í stigasöfn-
un eftir ákveðnum reglum og í
skeiðinu gilti þá lágmarkstími.
Nefndu þeir sem dæmi í þessu sam-
bandi að sá hestur sem náð hafði
bestum tíma ársins fyrir síðasta
HM, Trausti frá Hall (21,75 sek)
var ekki á mótinu. Með slíku fyrir-
komulagi opnaðist möguleiki fyrir
þá án þess að þurfa að vinna sér
sæti í landsliðinu auk þess sem slík
mót yrðu mun sterkari og um leið
skemmtilegri sem er náttúrulega
aðalatriði málsins.
Að endingu vildu þeir undirstrika
að allt sem þeir færu fram á væri
að fá að sitja við sama borð og
aðrir í þessum efnum ef þeir væru
með jafngóða og svo ekki sé nú
talað um betri hesta en knaparnir
heima. „Við erum ekki að fara fram
á einhverja þróunaraðstoð að heim-
an, við viljum aðeins njóta sann-
mælis þegar landslið er valið,“ sagði
Jón Steinbjömsson að endingu og
félagar hans tóku undir þau orð.