Morgunblaðið - 05.10.1995, Blaðsíða 5
MORGUNBLAÐIÐ
VIÐSKIPTI
Bremerhaven leysir Hamborg af holmi hjá Samskipum
Höfnin einn stærsti
fiskmarkaður Evrópu
Uranus, leiguskip Sam-
skipa, lagði í fyrsta sinn
að bryggju í Bremerha-
ven í Þýskalandi í síð-
ustu viku. Koma skips-
ins markaði upphaf að
vikulegum viðkomum
skipa félagsins í Brem-
erhaven. Sigþór Ein-
arsson heimsótti skrif-
stofu Samskipa í þessari
nýju viðkomuhöfn
Darmstadt. Morgunblaðið.
Morgunblaðið/Sigþór
ÓLAFUR Ólafsson, forsljóri Samskipa og Baldur Guðnason,
framkvæmdastjóri flutningasviðs tóku á móti Úranusi í Bremer-
haven í fyrstu ferð skipsins þangað.
Olafur Ólafsson, forstjóri
Samskipa, sagði í sam-
tali við Morgunblaðið, að
ákvörðunin um að færa
viðkomustað félagsins hafi verið
þjónustulegs eðlis, þar sem stjórn-
endur félagsins teldu, að Bremer-
haven hentaði viðskiptavinum fé-
lagsins að mörgu leyti betur en
Hamborg, bæði hvað inn- og út-
flutning varðar. Þetta rökstyður
Ólafur með því, að í Bremerhaven
sé einn stærsti fiskmarkaður á
meginlandi Evrópu, og höfnin eigi
sér framtíð sem tengihöfn til ijar-
lægari áfangastaða. Félagið mun
hins vegar áfram bjóða vörumót-
töku í Hamborg.
Höfðinglegar móttökur
Hafnarborgin Bremerhaven til-
heyrir sambandsríkinu Bremen,
sem er eitt þriggja borgarríkja í
Þýskalandi. Borgar- og hafnaryfir-
völd í Bremen/Bremerhaven gerðu
mikið úr upphafi siglinga Samskipa
til borgarinnar. Af þessu tilefni var
efnt til sérstakrar móttöku, þar sem
samningur hafnarinnar og Sam-
skipa var undirritaður, og í fram-
haldi af því fylgdust gestir með er
Uranus sigldi í höfn. Forsætisráð-
herra sambandsríkisins var m.a.
viðstaddur móttökuna, ásamt Ingi-
mundi Sigfússyni, sendiherra Is-
lands í Þýskalandi.
Höfnin í Bremerhaven er talsvert
minni en höfnin í Hamborg. Hún
hefur verið í miklum vexti undan-
farin ár, og státar nú af lengsta
bryggjukanti í heimi, sem er ríflega
þriggja kílómetra langur. Mjög að-
djúpt er í höfninni, og er það ein
ástæða bjartsýni rekstraraðila
hennar, sem telja að dýpið muni
tryggja þeim framtíðarviðskipti í
ljósi þess að flutningaskip fari æ
stækkandi. Rekstrarfélag hafnar-
innar, Bremer Lagerhaus-Gesellsc-
haft (BLG) hefur um 3.500 starfs-
menn, og um höfnina fara um 1,3
milljónir gáma auk 760 þús. bíla á
ári. í ávarpi sínu í móttökunni sagði
fulltrúi BLG m.a. að ákvörðun Sam-
skipa væri enn ein sönnun þess, að
höfnin væri á réttri leið í sam-
keppni við höfnina í Hamborg.
Góðir tengimöguleikar
Ólafur Ólafsson, forstjóri Sam-
skipa, segir að þrátt fyrir að félag-
ið spari nokkurn kostnað við breyt-
inguna, ekki síst þar sem siglinga-
tími styttist um 2-3 tima, hafi
kostnaðarhugleiðingar ekki ráðið
þessari ákvörðun. „Upphafið má
rekja til þess, að Bruno Bischoff-
skipafélagið keypti hlut í Samskip-
um fyrir nokkrum misserum, og
varð í framhaldi af því umboðsaðili
Samskipa í Þýskalandi," sagði Ólaf-
ur. „Félagið hefur aðalaðsetur í
Bremen, og er með skrifstofur í
Bremerhaven og Hamborg. Fljót-
lega kviknaði sú hugmynd, hvort
það hentaði okkur að hefja sigling-
ar til Bremerhaven." Ólafur segir,
að ætlunin með breytingunni sé
ekki að tengjast siglinganeti Bruno
Bischoff. „Þeir eiga sína eigin hafn-
araðstöðu í Bremerhaven, en við
skiptum við BLG. Við teljum ein-
faldlega að þessi höfn henti hags-
munum viðskiptavinum okkar bet:
ur, bæði í inn- og útflutningi. í
Bremerhaven er einn stærsti fisk-
markaður á meginlandi Evrópu, og
þangað fer mikið af íslenskum físki.
Þá teljum við Bremerhaven eiga
bjartari framtíð en Hamborg, ekki
síst hvað tengingar vestur um haf
og til Asíu áhrærir. Skip á þessum
leiðum fara stækkandi, og fyrir það
er höfnin í Bremerhaven vel undir-
búin. Við höfum aðgang að feikna
stórum frystigeymslum í Bremerha-
ven, og getum þannig boðið upp á
athyglisverða tengimöguleika fyrir
fiskútflytjendur. Þessi staðreynd
fellur vel að þeirri stefnu okkar,
að koma okkur frekar upp frysti-
geymsluaðstöðu á mikilvægum
tengihöfnum erlendis, en ekki í
Reykjavík, þar sem við teljum slíkt
henta viðskiptavinum okkar betur.
Höfnin í Bremerhaven er einnig
afar skilvirk, afgreiðslutími skipa
er styttri en í Hamborg. „Frysti-
geymslan sem Ólafur minntist á var
byggð og notuð af bandaríska hem-
um, sem hafði um árabil mikil
umsvif í Bremerhaven. í kjölfar
minnkandi umsvifa hersins getur
BLG nú boðið viðskiptavinum sínum
afnot af þessari aðstöðu.
Vörumóttaka á fyrrum
viðkomustöðum reynist vel
Samskip reka tvö skip á leiðar-
neti sínu til meginlands Evrópu,
Uranus og Helgafell. Undanfarin
misseri hefur leiðanetið verið ein-
faldað til muna, og viðkomustöðum
verið fækkað verulega. Félagið
býður hins vegar upp á vörumót-
töku á mörgum stöðum sem áður
var siglt til, t.d. Kaupmannahöfn
og Antwerpen. Ólafur segir að sú
þjónusta hafi gefist svo vel, að við-
skiptavinir veiti því vart athygli
að ekki sé lengur siglt til viðkom-
andi staða. Hann segist þess full-
viss, að það sama verði upp á ten-
ingnum varðandi vörumóttöku fé-
lagsins í Hamborg. „Við erum
ánægðir með að hafa stigið þetta
skref, og ég tel mig geta fullyrt
að viðskiptavinir okkar verði mér
sammála," sagði Ólafur.
SPseagate
Harðir
diskar
FIMMTUDAGUR 5. OKTÓBER 1995 B 5
aco
SKIPHOLTI 17 -105 REYKJAVÍK
SÍMI: 562 7333 ■ FAX: 562 8622
Ert þú
með lánshæfa
hugmynd til eflingar
atvinnulífí ?
Við veitum
góðri hugm)md
brautargengi!
Við veitum fúslega nánari upplýsingar
um lán til atvinnuskapandi verkefna
í öllum greinum.
D
LANASJOÐUR
VESTUR -NORÐURLANDA
ENGJATEIG 3 - PÓSTHÓLF 5410, 125 REYKJAVÍK
SÍMI: 560 54 00 FAX: 588 29 04
"p.T. igfe f
álAÐÍ J I.
Konur lesa fleira
en kvennablöð
iðs
aoiö
01
662*
VIKUBLAÐ UM VIÐSKIPTI OG EFNAHAGSMÁL