Morgunblaðið - 05.10.1995, Side 1

1995
■ FIMMTUDAGUR 5. OKTÓBER
BLAD
Sigurður í árs
keppnisbann
frá handbolta
SIGURÐUR Björgvinsson, leikmaður Keflavíkur í
meistaraflokki karla í handknattleik, hefur verið
dæmdur í eins árs leikbann af aganefnd HSI vegna
atviks sem átti sér stað í leik Keflavíkur og Gróttu
í meistaraflokki B-liða sl. föstudag. Bannið tók gildi
í gær, 4. október og stendur til 1. september 1996.
Samkvæmt skýrslu dómarans átti atvikið sér stað
um miðjan fyrri hálfleik. Sigurður stöðvaði leikmann
Gróttu ólöglega í hraðaupphlaupi og fékk fyrir það
tveggja mínútna brottvísun hjá dómara leiksins. Sig-
urður var ekki sáttur við það og mótmælti, en dómar-
inn sýndi honum þá rauða spjaldið og þá réðst Sigurð-
ur á dómarann og sló hann tvisvar, fyrst í andlitið
og síðan í bijóstkassann. Dómarinn var með brákað
rifbein eftir árásina.
KNATTSPYRNA
Guðjón Þórðarson skrifaði undirfjögurra ára þjálfarasamn-
ing við IA og segist vilja komastyfir „Evrópuþröskuldinn"
„Aðstöðuleysi í borginni
mikið umhugsunarefni“
Morgunblaðið/Ásdís
Á heimleið
GUÐIÓN Þórðarson, til vinstri, og Gunnar Slgurðsson, formaður Knattspyrnufélags ÍA, við
undirskrift samningsins — lengsta samnings sem um getur hjð íslensku félagsliði.
GUÐJÓN Þórðarson, þjálfari
KR tvö síðustu keppnistimabil,
skrifaði í gær undir fjögurra ára
þjálfarasamning við Knatt-
spyrnufélag ÍA sem gildirtii
hausts 1999. Guðjón, sem lék
um árabil með ÍA og þjálfaði
liðið síðan með frábærum ár-
angri, verður framkvæmda-
stjóri meistaraflokks eins og
hann var áður og raunar yfir-
þjálfari allra elstu flokka fé-
lagsins.
Guðjón hefur verið mjög sigur-
sæll sem þjálfari. KA varð
Islandsmeistari undir stjórn hans
1989, ÍA 1992 og 1993, en það ár
varð liðið einnig bikarmeistari, og
KR bikarmeistari 1994 og 1995.
Hann segist telja sig skilja vel við
KR: „Það væri hroki ef ég segðist
óánægður með árin tvö — hvað
mega hinir segja sem vinna aldrei
neitt?“ sagði hann á blaðamanna-
fundi þar sem skrifað var undir
umræddan samning í gær. „Ég hef
skilað KR tveimur bikarmeistara-
titlum á tveimur árum, skil við hóp
sem er þokkalega sterkur og það
er tiltölulega bjart framundan hjá
KR-ingum. Þeir eiga mikið af efni-
legum strákum,“ sagði þjálfarinn.
„Eg átti tvö ágætis ár í Vesturbæn-
um,“ sagði hann, en á Guðjóni
mátti greinilega skilja að frábær
aðstaða Skagamanna vó þungt í
ákvörðuninni um að halda aftur
heim, sömuleiðis aðstöðuleysið í
Reykjavík, Hann gagnrýndi harka-
lega uppbyggingu íþróttahúsa hér
á landi, og sagði „handboltaham-
ingjunni" verða að ljúka.
Peningavon
Þjálfarinn sagði knattspyrnuna í
dag vera „púra bisness", allir vildu
komast í Evrópukeppnina, enda
væri þátttaka í Evrópukeppninni í
knattspyrnu eina von flokkaíþrótta
hérlendis til að komast yfir pen-
inga. Ef byggð yrðu hús sem full-
nægðu kröfum knattspyrnumanna
gætu íslensk félagslið jafnvel barist
á sama vettvangi og norsku meist-
arnir í Rosenborg væru að keppa í
dag — Meistaradeild Evrópukeppn-
innar, þar sem gífurlegir fjármunir
eru í boði.
Mikil uppbygging hefur átt sér
stað á Akranesi síðustu árin, en
„aðstöðuleysið í borginni er mikið
umhugsunarefni," sagði Guðjón.
„Þegar KR kom upp á Akranes að
spila við ÍA árið 1952 átti ÍA einn
grasvöll og fjöruna en KR tvo gras-
velli. Nú á ÍA átta eða níu gras-
velli og fjaran er enn á sínum stað
— en KR á rúmlpga tvo grasvelli,"
sagði Guðjón. „Ég hef fulla trú á
að með samstilltu átaki getum við
komist lengra í Evrópukeppninni
[en hingað til]. Ég vil upp á Evrópu-
þröskuldinn, veit ekki hvort ég
kemst yfir — en ég vil reyna,“ sagði
Guðjón.
„Við Gunni [Gunnar Sigurðsson,
formaður Knattspyrnufélags ÍA]
störfuðum þijú ár saman á Skagan-
um og samstarfið var farsælt og
friðsælt, hvort sem menn trúa því
eða ekki.“ Hann sagði báða vita
að hveiju þeir gengju og e.t.v. þess
vegna væri samningurinn svo lang-
ur sem raun bæri vitni. „Þeir sýna
mikinn kjark og mér mikið traust
með svo löngum samningi."
Persónulegt samband
„Aðdragandi þessa samnings
hefur verið tíminn síðan Guðjón fór
frá okkur. í mínum huga hefur það
ekki verið spurning hvort, heldur
hvenær, hann kæmi aftur heim,“
sagði Gunnar Sigurðsson aðspurð-
ur. „Kannski trúir því enginn, en
þó Guðjón hafi verið í burtu höfum
við meira og minna verið í persónu-
legu sambandi við hann, eins og
reyndar aðra Skagamenn, leikmenn
og aðra, sem fara burt. Kannski
þess vegna er það svo algengt að
menn komi aftur til okkar,“ sagði
Gunnar.
Guðjón var einn þeirra sem talinn
var koma til greina í stöðu landsliðs-
þjálfara er Logi Ólafsson var ráðinn
á dögunum. „Ég hef ekki mikinn
áhuga á því starfi,“ sagði Guðjón
í gær. „Ég var reyndar svo barna-
legur að halda að mér yrði boðið
starfið, en það er ljóst að það þarf
mikið að breytast í Laugardalnum
til að ég starfí fyrir KSÍ,“ sagði
hann — og útskýrði það nánar með
því að mannabreytingar yrðu að
verða „á toppnum“ hjá KSÍ til að
hann hefði áhuga á starfi þar. Ekki
vildi Guðjón þó nefna nein nöfn í
því sambandi.
Virðum ákvörðunina
„Það er engin spurning um að
Guðjón hafí verið að gera góða hluti
fyrir okkur og við gátum hugsað
okkur að hafa hann áfram — og
viðræður verið á milli okkar. En
ákvörðun hans varð á endanum sú
að fara upp eftir og við virðum
hana. Guðjón er sannarlega litríkur
maður og það er gaman að vinna
með honum, en við erum ekki hætt-
ir að spila knattspyrnu í Frosta-
skjólinu," sagði Björgólfur Guð-
mundsson, formaður knattspyrnu-
deildar KR við Morgunblaðið.
Þorvaldur
í fjötrum
hjá Stoke
ÞORVALDUR Örlygsson er
ekki sáttur við gang mála hjá
Stoke og hefur neitað að
spila með aðalliði félagsins
undanfarnar vikur. Samn-
ingur hans rann út eftir síð-
asta tímabil en fyrirspurnir
annarra félaga hafa fallið um
sjálft sig þar sem þau hafa
sett fyrir sig uppsett verð
Stoke, að sögn Þorvalds.
Þorvaldur sagði að verðið
hefði farið eftir því hvaða
félag ætti í hlut. Þegar Manc-
hester City vildi fá hann
hefði Stoke farið fram á
milljón pund (um 103 millj.
kr.), 800.000 til 900.000 pund
þegar Birmingham sýndi
áhuga og 250.000 pund þegar
Barnsley kom til greina.
„Stoke hefur sett upp of hátt
verð og þvi hef ég ekki viljað
vera með í aðalliðinu en hald-
ið mér í leikæfingu með vara-
liðinu," sagði Þorvaldur.
Meðan svo væri sagðist hann
halda launum og félagið tæki
ekki áhættuna að hætta að
borga því þá væri hann laus
allra mála.
Logi byrj-
ar með
landsliðið
á Möltu
LOGI Ólafsson fylgist með
undirbúningi landsliðsins
fyrir Evrópuleikinn gegn
Tyrkjum, sem verður á Laug-
ardalsvelli 11. október, og
fer með liðinu til Búdapest
þar sem síðasti leikur þess
verður gegn Ungveijum 11.
nóvember en tekur síðan
formlega við sijórninni.
Fyrsta verkefni landsliðsins
undir hans stjórn verður
þátttaka í fjögurra þjóða
móti á Möltu i febrúar en þar
keppa Slóvenía, Rússland,
Malta og ísland.
HANDBOLH: KA OG STJARNAN HAFA SIGRAÐIFYRSTU ÞREMUR LEIKJUNUM / 02