Morgunblaðið - 08.10.1995, Blaðsíða 17

MORGUNBLAÐIÐ
SUNNUDAGUR 8. OKTÓBER 1995 17
DAGUR IÐNAÐARINS
Evrópubúar
á Eyrarbakka
ALPAN hf. á Eyrarbakka hef-
ur framleitt potta og pönn-
ur allt frá 1986. Fyrirtækið
selur 98% af framleiðslu sinni til
23 landa utan íslands. Lárus Elías-
son framkvæmdastjóri greindi frá
því helsta sem um er að vera hjá
fyrirtækinu og hvað verður kynnt
á Degi iðnaðarins.
Lárus sagði að fyrirtækið fram-
leiddi um 350.000 gripi á ári, en
afkastageta verksmiðjunnar væri
nokkuð meiri, eða um hálf milljón.
Sagði hann fyrirtækið vera að rétta
úr kútnum eftir áfall sem á því
dundi árið 1991, en þá kom fram
galli í vöru þeirra sem varð til þess
að sala dróst mjög saman. „Það var
gölluð húð á tækjunum og það hafði
slæm áhrif. Við höfum verið að
vinna okkur út úr vandanum og sem
dæmi má nefna að söluaukningin á
þessu ári stefnir í 20 prósent, en
það má skoðast sem teikn um kú-
vendingu. Þrátt fyrir áfallið 1991
hefur Alpan á sér ímynd stórfyrir-
tækis í þessari grein og þó við séum
raunar mjög lítil á heimsmæli-
kvarða erum við í hópi gæðaleið-
toga,“ segir Lárus.
80% til EES-landa
Eins og fram kom í upphafi, sel-
ur Alpan framleiðslu sína til alls
23 landa. Hvaða lönd eru það sem
versla við fyrirtækið?
„Við seljum 80 prósent af okkar
vöru til EES-landa og helming af
allri framleiðslunni til Þýskalands.
Við höfum verið að bæta við við-
skiptalöndum jafnt og þétt, yfirleitt
svona tveimur á ári, en það sem
af er þessu ári hafa fjögur bæst
við, Portúgal, Chile, Kórea og Saudi
Arabía. Þannig má sjá að auk EES-
landa þá eru þetta alls konar lönd
í ýmsum heimshornum. Það mætti
einnig nefna Sameinuðu arabísku
furstadæmin og Nýja Sjáland.
Nafnið Alpan kemur þó alls ekki
alltaf við sögu, því við framleiðum
ýmsar línur undir ýmsum nöfnum.
Sú algengasta er Look,“ segir Lár-
us og heldur áfram:
„Fólki hér heima finnst sumu
undarleg tilhugsun að 45 manna
fyrirtæki á Eyrarbakka skuli vera
stórt nafn í sinni grein erlendis, en
ytra finnst mönnum ekkert tiltöku-
mál þótt varan komi frá Eyr-
arbakka. Fólki hér er orðið ljóst að
við erum íbúar í stóru samfélagi.
Þetta er eins og stór fjölskylda. Við
sýnum árlega okkar framleiðslu á
50 fermetra sýningarsvæði í
270.000 fermetra sýningarhöll í
Frankfurt. Þar sýna allir í þessari
grein og það þekkjast allir. Við sitj-
um kannski á Eyrarbakka, en finnst
við vera Evrópubúar.“
Hvaða nýjungar hafa helst litið
dagsins ljós hjá Alpan og hvað
munið þið leggja áherslu á í tilefni
dagsins?
„Alpan framleiðir fargsteypta
potta og pönnur úr áli. Helsta nýj-
ungin okkar ber heitið rafbrynjun,
en með henni þvingum við fram
áloxíðhúð til vamar gegn tæringu.
Það er erfitt að útskýra það nánar
og þess vegna verður gestum okkar
á Degi iðnaðarins boðið upp á að
kynnast tækninni. Við sýnum einn-
ig dýpri potta sem við erum að
kynna. Ætlunin er að setja upp
Kjarni málsins!
Frankfurt-básinn okkar og fleiri
aðilar verða einnig með til þess að
gera daginn sem glæsilegastan og
má þar nefna Sjóminjasafnið, „Hús-
ið“ og Kjörís.
Þá verður þarna kokkur sem sýn-
ir eldamennsku í Alpanpottum og
pönnum. Við ætlum sannarlega að
nota þetta tækifæri til að reka af
okkur slyðruorðið á heimavígstöðv-
unum. Hlutur okkar dalaði þar mjög
eftir áfallið 1991, en við erum að
framleiða hágæðavöm sem stenst
fýllilega samanburð við það besta
sem gerist í öðrum löndum," sagði
Láms Elíasson að lokum.
Morgunblaðið/Óskar Magnússon
LARUS Elíasson, framkvæmdastjóri Alpan.
Landssamband Bakarameistara
í dag, á Degi iðnaðarins, bjóða eftirtaldir
félagar i Landssambandi bakarameistara
viðskiptavini sína sérstaklega velkomna.
Miðbæjarbakarí
Háaleitisbraut 58-60,
Reykjavík.
Bakaríið Austurveri
Háaleitisbraut 68 og
Rangárseli 6,Reykjavík.
Bakarameistarinn
Stigahlíð 45,
Reykjavík.
Bæjarbakarí
Bæjarhrauni 2,
Hafnarfirði.
Bakaríið Neskaupstað
Hafnarbraut 2,
Neskaupstað.
Hverabakarí
Heiðmörk 35,
Hveragerði.
Mosfellsbakarí
Urðarholti 2,
Mosfelisbæ.
Geirabakarí hf.
Borgarnesbraut 57,
Borgarnesi.
Bernhöftsbakarí
Bergstaðastræti 13,
Reykjavík.
G. ÓÍafsson og Sandholt
Laugavegi 36 og Grafarvogi,
Reykjavík.
Breiðholtsbakarí
Völvufelli 13,
Reykjavík.
Brauðgerð Kr. Jónssonar
Hrísalundi 3,
Akureyri.
Björnsbakarí
Austurströnd 14,
Seltjarnarnesi,
Hringbraut 35 og
Fálkagötu 18,
Reykjavík.
Komið og sjáitt faglegt handbragtt og bragðið
ilmandi sýnishorn hjá bakaranum ykkar.
DAGUR
IÐNAÐARINS
sunnudaginn
8. október
Landssamband Bakaramcistara
Opið til kl. 17.00 í dag