Morgunblaðið - 08.10.1995, Blaðsíða 18
18 SUNNUDAGUR 8. OKTÓBER 1995
DAGUR IÐNAÐARIIMS
MORGUNBLAÐIÐ
Sérhæfing í pústkerfum
Morgunblaðið/Áslaug Jónsdóttir
GUNNLAUGUR Steingrímsson, framkvæmdastjóri Stuðlabergs hf.
STUÐLABERG HF. á Hofsósi
er framleiðandi pústkerfa
og veitir fyrirtækið allt að
15 manns atvinnu. Það er 30 ára
á þessu ári, en Gunnlaugur Stein-
grímsson framkvæmdastjóri hefur
verið þar innanbúðar í 25 ár.
Stuðlaberg hf. verður opið almenn-
ingi í dag.
Gunnlaugur segir að fyrirtækið
hafi byggst upp úr vél- og málm-
smiðju og smáþróast síðan í þá
átt að framleiða pústkerfi undir
algengustu gerðir bifreiða. „Sem
hliðarbúgrein höfum við framleitt
sterkar steypuhjólbörur, sem
reynst hafa vinsælar meðal iðnað-
armanna, múrara, hestamanna og
bænda.
- En hver er hlutdeild fyrir-
tækisins í pústkerfamarkaðnum?
Og hver selur kerfin?
„Það eru ekki fyrirliggjandi töl-
ur um hlutdeild okkar í markaðn-
um, en hún er nokkuð góð. Sam-
keppnin harðnaði mjög í fyrra, við
gildistöku EES-samningsins, þeg-
ar tollar af slíkum vörum voru
felldir niður. Svo virðist sem staða
okkar sé sterk eftir sem áður. Við
höldum góðu verði, erum með kerfi
sem passa undir flestar algeng-
ustu gerðir bíla. Að auki erum við
með gott fyrirtæki í aðaldreifmgu,
Bílanaust hf. í Reykjavík.“
- Er hægt að lýsa því hvernig
pústkerfi verður til?
„Ég get reynt, en sjón er sögu
ríkari. Efnið í byrði og botna fáum
við í plötum. Það er klippt niður
í plötusaxi, höggvið og mótað í
pressum. Rörin koma í 6 metra
lengjum. Þau eru efnuð niður í
sjálfvirkri sög í þær lengdir sem
nota þarf. Botnar og rör sem inn
í hljóðkútinn fara eru pressuð og
soðin saman og þrýst inn í byrði.
Útbotn^r loka síðan hljóðkútnum.
Sumir hljóðdeyfarnir eru „filterað-
ir“ með steinull. Púströrin eru
beygð í rörbeygjuvél. Flansar eru
höggnir úr flatjárni í 150 tonna
pressu, eða höggnir og formaðir
úr þynnra efni. Festingar eru
formaðar í lofttjökkum. Rör, flans-
ar og festingar eru soðin saman
í uppstillingum og síðast er varan
húðuð áður en henni er komið fyr-
ir á lager fullunninnar vöru,“ segir
Gunnlaugur.
Vöruþróun í fyrirrúmi
LJÓMI, Trópí, Svali, Brazzi,
Létta, Sólblóma, Topp og
Aldin grautar eru meðal
þekktustu vörumerkja Sólar hf.,
en fyrirtækið framleiðir rúmlega
50 vörutegundir í 100 mismunandi
umbúðaútfærslum.
Sól var fyrst stofnað árið 1939
sem framleiðandi smjörlíkis, en
framleiðsla og pökkun á safa hófst
svo árið 1972 og varð fljótlega
einn af burðarásum starfseminnar.
Síðan hefur fjöldi nýrra vöruteg-
unda bæst við og verður frekari
vöruþróun í fyrirrúmi eftir sem
áður, að sögn Páls Kr. Pálssonar,
framkvæmdastjóra Sólar. Fyrir-
tækið hefur oft komið með merkar
nýjungar í matvælaiðnaði. M.a.
má nefna þróun plastdósa og sjálf-
virkni í lagerhaldi.
í ágúst 1994 tóku nýir aðilar
við rekstri Sólar hf. og var þá ráð-
ist í endumýjun á öllum vörulínum
Morgunblaðið/Kristinn
Páll Kr. Pálsson, fram-
kvæmdasljóri Sólar hf.
fyrirtækisins og nú, rúmu ári síð-
ar, er búið að breyta nær öllum
vöruflokkum í framleiðslulínu fyr-
irtækisins á einn eða annan hátt.
Ýmist hefur útliti umbúða eða inni-
haldi verið breytt og í nokkrum
tilvikum hefur allri gerð og útliti
vöru verið gjörbreytt. Það á t.d.
við um Svala ávaxtadrykki.
Páll segir að fyrirtækið sé að
þreifa fyrir sér á mörkuðum er-
lendis. „Við sjáum t.d. möguleika
á útflutningi smjörlíkis til Rúss-
lands og sömuleiðis áformum við
markaðsátak í Bretlandi á næsta
ári þar sem við munum kynna
Svala, en nýlega náðum við samn-
ingum við fimmtán ensk fyrstu
deildar lið um sölu Svala á leik-
vöngunum og búið er að gera
samninga við áttatíu skoska skóla,
sem ætla að bjóða skólabörnum
sínum upp á sama drykk. Okkar
vara var valin eftir bragðprófanir
og út frá hollustusjónarmiðum
þrátt fyrir að vera dýrari en aðrar
drykkjarvörur, sem einnig voru
prófaðar."
Kynna Folda Natura
Morgunblaðið/Kristján Kristjánsson
ÁSGEIR Magnússon, framkvæmdastjóri Foldu.
FOLDA hf. á Akureyri er
stærsta fyrirtækið í ullar-
iðnaði á íslandi. Nær öll
framleiðslan fer úr landi, eða 75%,
og megnið af sölu innanlands er
til erlendra ferðamanna. í dag
kynnir Folda nýja línu í tískufatn-
aði, sem Eva Vilhelmsdóttir hefur
hannað.
„Nýja línan heitir Folda Natura.
Þetta er afrakstur þróunarverkefn-
is, sem fyrirtækið hefur unnið að
á undanförnum misserum og er
fullkomlega vistvæn framleiðsla,“
segir Ásgeir Magnússon, fram-
kvæmdastjóri Foldu. „Það er ekk-
ert launungarmál, að ullariðnaður-
inn hefur átt undir högg að sækja
hin seinni ár, en það er ekki hægt
annað en að reyna að vinna sig
út úr vandanum og það höfum við
verið að gera með þessari vöruþró-
un._
íslensk ull er mikil gæðavara
og hún nýtur sín best létt og laust
spunnin. Það hefur ekki verið
hægt í vélum, en með nýjum vélum
og nýrri tækni er nú verið að ná
því besta út úr hráefninu. Útkom-
an er ný og algerlega vistvæn
framleiðsla. Það eru engin litar-
eða bleikiefni notuð við framleiðsl-
una og því er þetta eins ómengað
og hugsast getur. Fötin eru líka
ný og skemmtileg. Aðalatriðið er
að fólk sjái að það eigi sér stað
þróun í ullariðnaðinum, að hann
sé ekki dauður og grafinn. Þá
erum við bæði að horfa til yngri
hóps með nýju hönnuninni auk
þess sem við gerum okkur vonir
um að ná betri fótfestu á innan-
landsmarkaði, en til þessa hafa
ullarvörurnar meira og minna
streymt úr landi.
Það eru tískusveiflur í þessu og
samkeppnin við annan fatnað er
hörð,“ segir Ásgeir. „Það verður
því að bregðast rétt við, gera sér
grein fyrir breyttum tímum og for-
sendum og leita nýrra leiða sem
uppfylla vonir og þarfir viðskipta-
vina.“
Plastprent hf.
Plastprent framleiðir plastumbúð-
ir og prentar á þær. Fyrirtækið
er með um 65% hlutdeild í inn-
anlandsframleiðslu. Gestum verð-
ur boðið að ganga í gegnum verk-
smiðjuna til að sjá hvernig um-
búðaframleiðslan fer fram, allt frá
því að hráefnið er brætt og þar
til umbúðimar koma úr prentun.
Af forvitnilegum þáttum má nefna
endurvinnslu á plasti og litmynda-
prentun á plast með ljósmynda-
gæðum. Vöxtur fyrirtækisins hef-
ur verið mikill undanfarin ár. Frá
1989 hefur salan nær því tvöfald-
ast.
Hampiðjan hf.
Hampiðjan er eitt stærsta og elsta
iðnfyrirtæki á Islandi, stofnað árið
1934 í miðri kreppunni, en á 60
ára afmæli þess í fyrra námu sölu-
tekjur einum milljarði króna. Gest-
ir fá m.a. að skoða þráðafram-
leiðslu, kaðladeild, röragerð og
netahnýtingar á ferð sinni um níu
þúsund fermetra húsnæði fyr-
irtækisins. Fyrir utan verður efnt
til kynningar á svonefndu ofur-
tógi. Bö'm fá tækifæri til að sippa
og gestir verða leystir út með gjöf-
um. Hampiðjan framleiðir trollnet
og ýmsar gerðir af gami og köðl-
um til veiðarfæragerðar. Um fjórð-
ungur framleiðslunnar er seldur
til útlanda. Auk verksmiðju Hamp-
iðjunnar í Reykjavík rekur hún
verksmiðju í Portúgal sem fram-
leiðir fléttað gam. Netin em síðan
hnýtt úr þessu garni á íslandi.
Prentsmiðjan Oddi hf.
Prentsmiðjan Oddi er stærsta
prentsmiðja landsins með um
33-36% markaðshlutdeild og 270
starfsmenn í tíu þúsund fermetra
húsnæði. Oddi starfar undir ein-
kunnarorðunum „þar sem prentun
er list“ og annast nær allar tegund-
ir prentþjónustu, frá gerð nafn-
spjalda til prentunar símaskráa.
Gestum verður boðið að skoða
prentsali, bókband, filmugerð,
setningu og hönnun. Framfarir em
sérstaklega miklar í hönnun prent-
gripa og verður hægt að skoða það
allra nýjasta í þeim efnum. Oddi
tekur einnig virkan þátt í þróun
upplýsingamiðlunar á borð við út-
gáfu geisladiska.
Sjóklæðagerðin hf.
Framleiðsluvörur Sjóklæðagerð-
arinnar verða til sýnis í rúmgóðu
verslunarhúsnæði hennar í Faxa-
feni. Þar verða tískusýningar all-
an daginn og gestir geta fengið
nöfnin sín bróderuð í fatnað í sér-
stökum bróderingavélum. Velta
Sjóklæðagerðarinnar hefur aukist
um 65% á sl. 5 árum og er það
til vitnis um vaxandi vinsældir
innlends útivistar- og vinnufatn-
aðar. Meðal vörumerkja má nefna
Kraft kulda- og vinnufatnað, Six-
tex útivistarfatnað, Eðal-flís og
Vinyl-húðaða sjóvettlinga, sem er
eina framleiðsla sinnar tegundar
hér á landi. Sjóklæðagerðin starf-
ar á fimm stöðum í Reykjavík, á
Akranesi og Selfossi.
Gúmmívinnslan hf.
Auk þess að reka alhliða dekkja-
verkstæði, hefur Gúmmívinnslan
á Akureyri með höndum fjöl-
breytta framleiðslu á gúmmívör-
um fyrir sjávarútveg og landbún-
að. Fyrirtækið er þekkt fyrir
framleiðslu á öryggishellum úr
gúmmíi, en ferfætlingar njóta
einnig góðs af fyrirtækinu því það
framleiðir básamottur. Þá sólar
fyrirtækið dekk af öllum stærðum
og gerðum. Gúmmívinnslan er
sömuleiðis Ieiðandi í endurvinnslu
á gúmmíi og umsvifamikið í fram-
leiðslu bobbinga, jafnt úr gúmmíi
sem og stáli og hefur sem slíkt
haslað sér völl í sjávarútvegi hér-
lendis og erlendis. Allir fram-
leiðsluþættir fyrirtækisins verða
til sýnis og geta gestir þar með
séð hvernig endurvinnsla nýtist
til aukinnar verðmætasköpunar.
Víking hf.
Gestum bruggverksmiðjunnar
Víking á Akureyri gefst kostur á
að fræðast um hvernig hægt er
að greina mun á milli bjórteg-
unda. Helstu tegundir Víking í
sterkum og léttum bjór verða
kynntar, en Víking annast ein-
göngu ölgerð. Auk bjórsins er þar
bruggað maltöl.
Bjórgerð hófst í þessari ölgerð
fyrir rúmum 30 árum, en árið
1988 var verksmiðjan stækkuð og
búin betri tækjum. Afkastageta
hennar er sjö milljónir lítra á ári;
en nú eru framleiddar þrjár millj-
ónir lítra. Markaðshlutdeild Vík-
ing bjórsins er um 27% í sterkum
bjór.
íslensk sjóefni hf.
Þessi eini framleiðandi á íslensku
salti tók við rekstri Saltverksmiðj-
unnar á Reykjanesi fyrir rúmu ári
og er nú unnið að uppbyggingu
fyrirtækisins. Helsta markaðsvar-
an er Eðalsalt, heilsusalt sem er
bæði selt hér á landi og erlendis.
Auk þess eru framleiddar ýmsar
aðrar gerðir af söltum. Jarðhiti á
Reykjanesi er notaður við fram-
leiðslu saltsins. Saltverksmiðjan
er skammt frá Höfnum á Reykja-
nesi og þaðan er stutt að fara út
á Reykjanesvita og skoða háhita-
svæðin og hverina.
Miðás hf.
Miðás hf. smíðar og selur innrétt-
ingar fyrir heimili undir nafninu
Brúnás-innréttingar. Smíðin fer
fram á Egilsstöðum en sala fer
að mestum hluta fram í gegnum
verslun í Reykjavík. Opið verður
í dag á báðum stöðum. Framleiðsl-
an verður sýnd á Egilsstöðum og
í Reykjavík verður kynnt ný lina
í baðinnréttingum sem innanhúss-
arkitektarnir Oddgeir Þórðarson
og Guðrún Margrét Ólafsdóttir
hafa hannað. Gestir geta einnig
fengið faglega ráðgjöf um innrétt-
ingar. Hjá fyrirtækinu hefur
áhersla verið lögð á vöruvöndun
og hafa Brúnás-innréttingar hlot-
ið vöruvottun Iðntæknistofnunar,
einir islenskra innréttingafram-
leiðenda. Velta fyrirtækisins er á
bilinu 70-100 milljónir króna á ári
og starfsmenn eru 16, þar af 3 í
söludeild í Reykjavík.
Póls-rafeindavörur hf.
Póls-rafeindavörur hf. á ísafirði
framleiða rafeindavörur fyrir
matvælaiðnað, sjávarútveg og
fleiri. Gestir fá að kynnast leynd-
ardómum rafeindatækninnar og
prófa það, sem kynnt verður, und-
ir handleiðslu tíu starfsmanna.
Fyrirtækið var stofnað árið 1991.
Fyrirrennari þess var Pólstækni
hf., en frá árinu 1991 hefur velta
hjá Póls-rafeindavörum rúmlega
tvöfaldast. Helstu framleiðsluvör-
ur eru flokkarar fyrir fiskvinnslu,
samvalsvélar, sem velja saman
einingar í pökkun, vigtunarkerfi,
vogir og tímaskráningarstöðvar.
Rúmlega tveir þriðju hlutar fram-
leiðslunnar eru seldir til útlanda,
bæði til meginlands Evrópu og til
Asíulanda. Starfsmenn eru 25, en
auk verksmiðjunnar á ísafirði er
starfrækt söluskrifstofa í Reykja-
vík.
Landssamband
bakarameistara
Fjölmörg bakarí í Landssambandi
bakarameistara verða með sértil-
boð og sýningar á handverki bak-
ara á degi iðnaðarins. Bakara-
meistarar verða frammi í af-
greiðslu og veita upplýsingar uin
efni og innihald í framleiðsluvör-
um sínum. Brauða- og kökugerð
er umfangsmikil iðngrein á Islandi
með heildarveltu upp á tæpa fjóra
milljarða króna og 832 ársverk.
Félag hárgreiðslu- og
hárskerameistara á
Norðurlandi
Stofur í Félagi hárgreiðslu- og
hárskerameistara á Norðurlandi
verða opnar í dag og er öllum
velkomið að líta inn til að fá per-
sónulega ráðgjöf um hársnyrt-
ingu, notkun hársnyrtivara eða
um iðngreinina sjálfa. Næstu daga
á eftír, það er frá mánudegi til
miðvikudags, verða stofurnar með
sértilboð á vöru og þjónustu fyrir
viðskiptavini sína.
f -
I
I
r
1
t
«