Morgunblaðið - 10.10.1995, Blaðsíða 5

MORGUNBLAÐIÐ
HANDKNATTLEIKUR
ÞRIÐJUDAGUR 10. OKTÓBER 1995 B 5
n möguleika
3 fjórum mörkum gegn Negótínó í Makedóníu
Dómarar leiksins komu frá Lettlandi
og annar þeirra snerist að sögn Einars
mjög á sveif með heimamönnum og rak
leikmenn Aftureldingar útaf og á síð-
ustu tuttugu mínútum leiksins voru
Mosfellingar útaf í samtals sextán mín-
útur og í flestum tilfellum fyrir að
mótmæla dómum og á þeim tíma misstu
þeir heimamenn framúr sér, þá fengu
heimamenn sjö vítaköst, en Afturelding
ekkert. „Það er bara segin saga þegar
farið er til Austur-Evrópu og leikið þar
þá eru dómaranir ævinlega frá fyrrum
austurblokkinni og þeir eru alltaf hlið-
hollir heimamönnum. Þetta vissi ég
fyrir leikinn og hafði farið yfír með
mínum mönnum að það mætti ekki
mótmæla hvað sem gerðist en því mið-
ur gerðist það. Dómagæslan er okkur
ekki nein afsökun fyrir tapinu.“
Þegar fimm mínútur voru eftir, og
UMFA einum færri, fékk Bergsveinn
Bergsveinsson markvörður Aftureld-
ingar rautt spjald fyrir að mótmæla
dómi. „Þrátt fyrir það tókst okkur að
halda í við þá og forðast stærra tap.
Ég er þokkalega bjartsýnn fyrir
seinni leikinn á sunnudaginn kemur að
Varmá. Ef umgjörðin verður rétt og
við fáum góðan stuðning og leikmenn
mínir koma vel einbeittir til leiks þá tei
ég möguleikana vera góða. Makedóníul-
iðið er blanda af yngri og eldri mönnum
og leikur þess snýst mest um tvo leik-
menn, Serbann Sukara Dragon, sem
gerði átta irórk í leiknum, og heima-
manninn Maslarkov Mile, en hann gerði
sex mörk. Þá verðum við að stoppa til
þess að eiga möguleika," sagði Einar
Þoi-varðarson að lokum.
Ingimundur Helgason, Páll Þórólfs-
son og Róbert Sighvatsson gerðu flest
mörk Aftureldingar, Ijögur hver, Gunn-
ar Andrésson skoraði þijú, Bjarki Sig-
urðsson tvö og Viktor B. Viktorsson
eitt. Bergsveinn Bergsveinsson varði
tólf skot og Sebastian Alexandersson
tvö.
artsýnn eftir eins marks tap gegn Víking
ð komast áfram
ekki nógu góð hjá okkur og markvarslan
ekki heldur en vömin var ágæt á köfl-
um. Ef við leikum eðlilega fyrir fullu
húsi á sunnudaginn sé ég ekki betur en
við séum komnir áfram,“ sagði Alfreð.
KA menn byijuðu ilia á laugardaginn
og heimamenn komust í 8:4 og 9:5, fyrst
og fremst vegna góðrar markvörslu
Steinars Ege í marki Viking. En norðan-
menn hrukku í gang og minnkuðu mun-
inn í eitt mark en voru 14:11 undir í
leikhléi.
KA jafnaði fljótlega í síðari hálfleik
og komst þremur mörkum yfir þegar tíu
mínútur voru eftir. „Þá kom einhver
værukærð yfir okkur og menn urðu
kærulausir, hættu að leika agað og mis-
notuðu mörg dauðafæri. Þeir náðu að
jafna og eftir það var ailt jafnt,“ sagði
Alfreð.
Hann sagði að ferðin hefði verið þægi-
leg, farið út á laugardagsmorgni og
heim strax að leik loknum. „Þetta var
bara eins og hver annar útleikur hér
heima,“ sagði Alfreð. Hann sagði Jóhann
G. Jóhannsson hafa leikið mjög vel í
hæjgra horninu og Patrekur Jóhannesson
átti einnig góðan leik. Hann gerði níu
mörk, Jóhann sjö og Duranona fjögur,
en aðrir minna. Hjá Viking var Rune
Erland markahæstur og Ege markvörð-
ur átti góðan leik.
Öruggt hjá
Frömurum
Framstúlkur eru komnar í 16 liða
úrslit Evrópukeppni bikarhafa
eftir glæsta frammistöðu í 1. umferð
gegn belgíska félaginu Meeuwen um
helgina. Liðið gerðu 19:19 jafntefli í
fyrri leiknum en Framstúlkur lærðu
af mistökunum og sigruðu örugglega
í seinni leiknum, 24:18, eftir að hafa
verið þremur mörkum yfír í hléi, 12:9.
„Við erum mjög kátar,“ sagði Guð-
ríður Guðjónsdóttir, þjálfari Fram,
en seinni leikurinn var 20. Evrópu-
leikur hennar og fór hún fyrir læri-
sveinum sínum — gerði 10 mörk.
„Við lékum undir getu í fýrri leikn-
um, gerðum of mörg mistök og áttum
ekki nógu góðan leik en síðan fórum
við yfir leikinn, skoðuðum hann á
myndbandi og lærðum af mistökun-
um. Við vissum ekkert um mótheij-
ana og í fyrri leiknum réðum við illa
við pólska, hávaxna stúlku en þetta
var aldrei spurning í seinni leiknum."
Mörk Fram (seinni leikur i sviga):
Kristín Hjaltesteð 4 (2), Guðríður Guðjóns-
dóttir 3 (10), Hafdís Guðjónsdóttir 3 (5),
Berglind Ómarsdóttir 3 (5), Ama Steinsen
2 (1), Þórunn Garðarsdóttir 2, Þuríður
Hjartardóttir 2, Svanhildur Þengilsdóttir
(1). Kolbrún Jóhannsdóttir varði níu skot í
fyrri leiknum en fjögur í þeim seinni sem
var jafnframt 22. Evrópuleikur hennar. Hún
fór þá meidd af velli eftir stundarfjórðung
en Erna María Eiríksdóttir fór í markið og
varði 13 skot.
MorgunDiaöið/lvnstmn
GUÐNÝ Gunnsteinsdóttir fyrirliðið Stjörnunnar naut sín á línunni í Evrópuleíknum á laugardag-
inn og brýst hér framhjá Scara Vasiliki, fyrirliða gríska iiðsins.
Sljaman skein skært
STJARNAN skein skært í
Garðabænum á laugardaginn
þegar Stjörnustúlkum sýndu
sínar bestu hliðar og tókst með
frábærum leik að vinna grfsku
meistarana Anagenisi Artas
24:16 ífyrri leik liðanna íEvr-
ópukeppni meistaraliða. Þó
Garðbæingar fari með 8 mörk
í nesti til Grikklands, þegar lið-
in leika siðari leikinn 15. októ-
ber, er ekki vfst að sé nóg.
Strax í upphafi var ljóst að
Grikkirnir kynnu eitthvað fyr-
ir sér í handbolta en Stjörnustúlkur
eru heldur engir ný-
liðar og um miðjan
hálfleik höfðu þær
snúið dæminu úr 1:2
í 6:2. En þá breyttu
Grikkir úr flatri vörn og settu
„frakka“ á Herdísi Sigurbergsdóttir
leikstjórnanda Garðbæinga svo að
leikur þeirra riðlaðist. í upphafi síð-
ari hálfleiks léku Stjörnustúlkur á
als oddi og náðu tíu marka forskoti
þrátt fyrir 5 stangarskot og héldu
þeim mun fram á síðustu mínútu
en Grikkjum tókst þá að minnka
muninn með tveimur óþarflega auð-
veldum mörkum.
Stjörnuliðið naut þess að mót-
hetjarnir þekktu ekkert til þess, til
dæmis fékk línumaðurinn snjalli
Guðný Gunnsteinsdóttir að leika
lausum hala á línunni og leikkerfin
sem íslenskir mótheijar hafa lært
á undanfarin ár voru Grikkjum
framandi. Það var samt stórleikur
Fanneyjar Rúnarsdóttur í markinu
og frábær varnarleikur sem lagði
grunninn að sigrinum en Fanney
varði 23 skot, oft úr opnum færum.
Herdís átti einnig mjög góðan dag.
Gríska liðið tefldi fram góðum
markverði og tveimur stórum og
stæðilegum skyttum en þær komust
lítt áleiðis gegn snöggri og sterkri
vörn Garðbæinga.
Herdís Sigurbergsdóttir var
markahæst Stjörnustúlkna, gerði
7/2 mörk , Guðný Gunnsteinsdóttir
gerði 6, Ragnheiður Stephensen 4,
Margrét Vilhjálmsdóttir 2, Sigrún
Másdóttir 2, Inga Fríða Tryggva-
dóttir 2 og Margrét Theódórsdóttir
1. Fanney Rúnarsdóttir stóð í mark-
inu og verði mjög vel, 23 skot.
Er í skýjunum
„Ég er í skýjunum og rosalega
ánægð með leik okkar sem var sá
besti í vetur,“ sagði Herdís Sigur-
bergsdóttir sem lék mjög vel á laug-
ardaginn. „Við erum allar mjög
sáttar, spiluðum frábæran varnar-
leik með góðum sóknum og mark-
vörðurinn var frábær en við hefðum
svo sem getað nýtt fleiri færi þó
að við séum ekkert að kvarta yfir
því. Við vissum ekkert um lið þeirra
fyrir leikinn, sáum bara í upphitun-
inni en Ólafur þjálfari okkar sá þær
á æfingum og hræddi okkur svolít-
ið fyrir leikinn. Annars bjuggumst
við við meiru en það er ekki alveg
að marka því við áttum svo góðan
leik. Auðvitað verður þetta miklu
erfiðara úti en við ætlum áfram.“
Þaö býr meira í þeím
„Það kom mér á óvart hvað þær
voru hikandi því þær eru líkamlega
sterkar og eiga meira inni, en þær
sýndu betri leik í lokin ,“ sagði
Guðný Gunnsteinsdóttir fyrirliði
Stjörnunnar. „Við gætum þess
vegna tapað með meira en átta
mörkum úti í Grikklandi því þær
eiga eftir að koma grimmari til leiks
þar og það býr meira í þeim.“
Hef trú á níu marka sigri okkar
„Við hefðum getað gert betur en
eigum þó leikinn í Grikklandi eftir
og ég hef trú að við getum unnið
með meira en níu mörkum heima,“
sagði Karampinas Ioanis þjálfari
grísku stúlknanna. „Við sáum fyrst
til mótherja okkar í upphituninni.
Þær voru snöggar og vörnin var
mjög góð en ef þær hefðu ekki
haft þennan markvörð, hefði örugg-
lega farið á annan veg. Við sam-
þykktum líka að nota dómara frá
Skandinavíu en þeir voru okkui
mjög erfiðir.“
Stefán
Stefánsson
skrifar
itórskyttð Mórgunblaðið/Bjami
úr Val kom sínum mönnum áfram í
»ví að skora beint úr aukakasti eftir
imhjá rússneska varnarmúrnum.
Valsmenn sióu CSKA Moskvu úr Evrópukeppninni
Olafur skoraði
úr aukakasti
VALSMÖNNUM tókst hið
ómögulega um helgina er þeir
slógu rússnesku meistarana
CSKA Moskva út úr Evrópu-
keppninni íhandknattleik, en
liðin léku báða leikina í Þýska-
landi. Valur sigraði f seinnj
leiknum 21:20 og tryggði Ólaf-
ur Stefánsson liðinu sigur
með því að skora beint úr
aukakasti eftir að leiktíminn
var liðinn.
Strákarnir ætluðu að stilla upp
fyrir mig, en ég rak þá í burtu,“
sagði Ölafur í samtali við Morgun-
blaðið. „Ég hafði ákveðnar hug-
myndir um hvernig ég ætlaði að
taka aukakastið. Þeir eru það há-
vaxnir að það þýddi ekkert að reyna
að skjóta yfir þá þannig að ég þótt-
ist ætla að skjóta undirhandarskot
meðfram veggnum og við það opnað-
ist múrinn aðeins. Við það sá ég
glufu og skaut í gegnum klofið á
ysta varnarmanninum og inn,“ sagði
Ólafur.
Hann sagði að Valsmenn hefðu
farið að átta sig á því eftir fyrri leik-
inn að þeir ættu möguleika á að
komast áfram, en fyrirfram var ekki
búist við því. „Við áttum ekki von
á að komast áfram en við lékum
miklu betur en við höfum verið að
gera í deildinni og núna vorum við
í fyrsta sinn í hlutverki músarinnar
og það kom adrenalíninu á fulla ferð
hjá okkur. Þetta er dæmigert rúss-
neskt lið sem leikur fínan leik og
agaðan. Við klipptum hálfpartinn
út aðalmanninn hjá þeim í síðari
hálfleik og það gafst vel, en mikið
rosalega var maður þreyttur eftir
leikinn," sagði hetja Valsmanna.
Nú hefur oft verið sagt að því
lengra sem menn komast í handbolt-
anum því dýrara sé það fyrir félög-
in. Var formaðurinn ekkert fúll?
„Nei, nei. Við fórum í síðari leik-
inn til að vinna og komast áfram
og það tókst og auðvitað eru allir
ánægðir með það. Nú verðum við
bara að vinna úr því hvernig við
kljúfum næstu umferð," sagði Ólaf-
ur.
Jón Kristjánsson, þjálfari og leik-
maður Vals var að vonum ánægður
með sigurinn. „Síðari leikurinn þró-
aðist um margt eins og sá fyrri.
Þeir höfðu frekar undirtökin í fyrri
hálfleik og voru 12:10 yfir í leikhléi
en í síðari hálfleik réðum við ríkjum
og náðum þriggja marka forystu,
en þeir náðu að jafna og við fengum
síðan aukakastið í síðustu sókninni,“
sagði Jón.
Hann sagðist telja að betra liðið
hafi komist áfram. „Menn gerðu sér
ekki háar vonir áður en við fórum
út, en eftir fyrri leikinn sáu menn
að þetta var hægt, eða vonuðu það,
þó svo við værum ef til vill að hugsa
um að þeir hafi vanmetið okkur. Við
vorum mjög ósáttir við dómgæsluna
í síðari leiknum og því má segja að
réttlætið hafi sigrað,“ sagði Jón.
Ólafur Stefánsson gerði 8 mörk,
Valgarður Thoroddsen 6, Jón Krist-
jánsson 3, Sigfús Sigurðsson 2,
Dagur Sigurðsson 1 og Sveinn Sig-
finnsson 1. Guðmundur Hrafnkels-
son stóð í markinu og varði mjög
vel að sögn þjálfarans.