Morgunblaðið - 17.10.1995, Blaðsíða 4
4 B ÞRIÐJUDAGUR 17. OKTÓBER 1995
MORGUNBLAÐIÐ
MORGUNBLAÐIÐ
ÞRIÐJUDAGUR 17. OKTÓBÉR 1995 B 5
KÖRFUKNATTLEIKUR
EVRÓPUKEPPNIN í HANDKNATTLEIK
Frábær vamarleikur
Haukar sigruðu KR örugglega en
KR-ingar kærðu leikinn þvíleikmaður
í banni sat á bekknum allan leikinn
HAUKAR sigruðu KR-ingar ör-
ugglega á heimavelli sínum á
sunnudagskvöldið, með 93
stigum gegn 72. Haukar léku
án Bandaríkjamannsins Jason
Williford sem var í leikbanni
og kom það ekki að sök, að
minnsta kosti ekki enn, því
Williford sat á bekknum hjá
Haukum allan leikinn án þess
að vera á skýrslu, og kærðu
KR-ingar leikinn vegna þessa
um leið og honum lauk.
Haukar byijuðu hreint út sagt
frábærlega og voru komnir
með 13 stiga forskot eftir rúmar
fjórar mínútur. KR-
Stefán ingar hreinlega
Eiríksson vissu ekki hvort þeir
voru að koma eða
fara og þegar fyrri
hálfleikur var hálfnaður höfðu
KR-ingar aðeins gert 12 stig á
móti 30 stigum Hauka. En þá
mættu líka KR-ingar til leiks og
minnkuðu forskot Haukanna hratt
og örugglega, og niður í þrjú stig
þegar flautað var til hálfleiks,
40:37.
Haukar byijuðu síðari hálfleik-
inn af álíka krafti og þann fyrri
og voru fljótlega komnir með um
tíu stiga forskot. KR-ingar voru
þó enn ekki á þeim buxunum að
gefast upp, náðu aftur að minnka
muninn niður í þijú stig; 66:63,
þegar um átta mínútur voru eftir,
en lengra komust þeir ekki. Hauk-
ar náðu frumkvæðinu aftur og þá
brotnaði KR-liðið endanlega og
Haukar völtuðu yfir þá í lokin.
Það var frábær varnarleikur
Haukanna sem lagði grunninn að
sigri þeirra, auk þess sem Jón
Arnar Ingvarsson lék hreint frá-
bærlega, einkum í síðari hálfleik.
Hann gerði 26 stig og átti níu stoð-
sendingar. Sigfús Gizurarson var
gríðarlega sterkur í vörninni og
mikilvægur í sókninni, Pétur Ing-
varsson lék mjög vel sem og Ivar
Ásgrímsson, og Björgvin Jónsson
kom mjög sterkur inn í liðið, í sókn
og vörn. Hjá KR-ingum var Bow
stigahæstur með 29 stig, en átti í
erfiðleikum gegn Sigfúsi í sókn-
inni.
Sterk liðsheild á bak
við þennan sigur
„Það er sterk liðsheild sem stendur
á bak við þennan sigur, þótt menn
vanti þá eru margir tilbúnir til að
hlaupa í skarðið og gera jafnvel
betur. Við spiluðum sterkan varn-
arleik og það skilar sér alltaf þeg-
ar á líður. Svo erum við með ansi
góðan heimavöll, við höfum sigrað
örugglega í öllum leikjum okkar í
vetur og áhorfendur voru frábærir
í dag,“ sagði Jón Arnar Ingvars-
son, besti maður Hauka.
„Þeir einfaldlega spiluðu betur
en við. í fyrri hálfleik grófum við
eigin gröf en náðum að grafa okk-
ur aftur upp, það sama var upp á
teningnum í síðari hálfleik en þá
náðum við ekki að grafa okkur upp
aftur,“ sagði Axel Nikulásson,
þjálfari KR. Aðspurður hvort liðið
hefði vanmetið Haukana, þar sem
Bandaríkjamaðurinn Williford var
í banni, sagði Axel svo alls ekki
vera, slíkt gerðist bara í huga
blaðamanna og áhorfenda. „Við
vitum það vel og það vita allir leik-
menn að lið tvíeflast ef þau missa
góðan leikmann. Þess vegna vorum
við þvert á móti enn hræddari við
þá,“ sagði Axel. Um kæru KR-inga
sagði Axel að þeir ætluðu að láta
á það reyna hvort leikmaður sem
væri í banni hefði heimild til að
sitja á varamannabekknum allan
leikinn.
Auðvelt
hjá Þór í
Kópavogi
ÞÓRS ARAR komust aftur á sig-
urbraut með 69:92 sigri á
Breiðabliki í Smáranum á
sunnudagskvöldið. Eftir þijá
tapleiki í röð ráku þeir slyðru-
■■■■■ orðið af sér. Mót-
Hörður spyrnan var
Magnússon reyndar ekki mik-
skrifar il, það var aðeins
í byijun leiksins
sem Blikum tókst að stríða gest-
unum. Það virðist augljóst að
Blikaliðið á ekki langa lífdaga
í úrvalsdeildinni; leikur liðsins
var í molum, mikið um ótímabær
skot og lítil barátta. Fred Will-
iams fór á kostum i liði Þórs,
gerði 16 fyrstu stigin og endaði
með 43 stig.
Bandaríkjamaðurinn Michael
Thoele gerði 29 stig fyrir Blika
en hittni hans var reyndar ekki
góð. Það má þó til sanns vegar
færa að félagar hans gerðu of
lítið af því að spila hann uppi.
Áður er minnst á góða
frammistöðu Fred Williams en
hann ásamt þeim Kristni Frið-
rikssyni og Kristjáni Guðlaugs-
syni í Þórsliðinu gerðu 85 af 92
stigum liðsins.
Njarðvíkingar iéku
við hvem sinn fingur
NJARÐVÍKINGAR léku við
hvern sinn fingur þegar þeir
unnu sannfærandi sigur á
Skallagrími frá Borgarnesi,
92:63 í „Ljónagryfjunni" í
Njarðvík á sunnudaginn. í hálf-
leik var staðan 39:29 og sýndu
íslandsmeistararnir oft á tíðum
skínandi góðan leik bæði í vörn
og sókn og höfðu Borgnesing-
ar lítið í hendurnar á Njarðvík-
ingum að gera að þessu sinni.
Björn
Blöndal
skrifar frá
Njarðvik
Jafnræði var þó með liðunum
framan af en á síðustu mínútum
fyrri hálfleiks datt allur broddur
úr leik Skallagríms-
manna og Njarðvík-
ingar náðu upp 10
stiga mun á nokkr-
um mínútum. í síð-
ari hálfleik héldu Njarðvíkingar
sínu striki á meðan hvorki gekk né
rak hjá Borgnesingum og í lokin
skyldu 29 stig á milli. „Við vorum
inni í leiknum allt þar til á síðustu
mínútunum í fyrri hálfleik en síðan
ekki söguna meir og að menn voru
ekki komnir hingað til að sigra. Það
vantar allan stöðugleika hjá okkur,
því við erum að vinna stórt og fáum
síðan skelli eins og hér,“ sagði Tóm-
as Holton þjálfari og leikmaður
Borgnesinga eftir leikinn.
Bestir í liði Njarðvíkinga að þessu
sinni voru þeir Teitur Örlygsson og
nýliðinn Páll Kristinsson sem vex
með hveijum leik og þar er greini-
lega mikið efni á ferð. Hjá Skalla-
grími voru Bragi Magnússon og
ÍR-ingar létu Ijós
sitt skína
og burstuðu Val
Við höfum ekki verið að spila
góðar sóknir svo að við ætluð-
um nú að byggja upp sóknarleik-
■■■■■■ inn, sagði Eirikur
Stefán Önundarspn, leik-
Stefánsson maður ÍR, eftir
skrifar 119:60 sigur á Val
í Seljaskóla á sunnu-
daginn. „Það er meiri pressa á okk-
ur en í fyrra og fólk er að spyija
hvað sé að og það er sóknarleikur-
inn. En við náðum að láta ljós okk-
ar skína og erum vonandi komnir
á beinu brautina."
Valsmenn náðu að halda jöfnu í
5 mínútur en þá skildu ÍR-ingar
þá eftir. Það gekk ekkert upp hjá
Hlíðarendadrengjunum, þeir nýttu
9 af 17 skotum innan teigs, 3 af
13 utan teigs og ekkert af 11
þriggja stiga skotum sínum. Það
sama var upp á teningnum eftir
hlé, Valsmenn náðu að þrauka
fyrstu 5 mínúturnar en þá stungu
ÍR-ingar af og var ekki einu sinni
gaman að leiknum.
ÍR-ingar gátu sýnt allar sínar
bestu hliðar og hættu ekki þrátt
fyrir litla mótstöðu, settu vara-
mennina inná um miðjan síðari hálf-
leik og þeir spjöruðu sig ágætlega.
John Rhodes réð ríkjum undir körf-
unni og tók 24 fráköst, Márus Arn-
arson gaf aldrei neitt eftir og Eirík-
ur sýndi góða takta.
„Við spiluðum illa. Að vísu erum
við ekki með gott lið en ekki svona
lélegt og við eigum að geta haldið
liðum undir hundrað stigum ef við
lengjum sóknirnar," sagði Bergur
Már Emilsson, sem var stigahæstur
Valsmanna. „Það þarf að gera ein-
hveijar breytingar, ef ekki að fá
útlending þá allavega hugarfars-
breytingu." Liðið fékk engan tíma,
tapaði boltanum í 26 skipti og
reyndi 17 þriggja stiga skot og
aðeins eitt rataði ofan í.
Keflvíkingar
höfðu betur
Keflvíkingar unnu þýðingamik-
inn sigur gegn nágrönnum
sínum frá Grindavík 84:75 í Kefla-
■■■■■I vík á sunnudags-
Björn kvöldið og sýndu
Blöndal þeir á köflum
skrifarfrá glimrandi leik sem
Keflavik gestirnir áttu ekk-
ert svar við þegar
mest þurfti á að halda. í hálfleik
var staðan 46:42 fyrir Grindavík.
Jafnræði var þó með liðunum
legi vel og skiptust þau á að hafa
forystuna. Grindvíkingar höfðu 4
stiga forskot eftir fyrri hálfleikinn
þar sem bæði lið léku hraðan og
oft skemmtilegan körfuknattleik.
í síðari hálfleik náðu Keflavíkingar
að halda dampi á sama tíma og
leikur Grindvíkinga varð ómark-
viss og tilviljanakenndur og settu
þeir aðeins 29 stig í síðari hálfleik.
„Við lékum einfaldlega ekki af
nægjanlegri skynsemi í síðari hálf-
leiknum. Leikurinn var í járnum
og þá má lítið bera útaf. Einnig
var þetta spuming um liðsbreidd,“
sagði Friðrik Rúnarsson þjálfari
Grindvíkinga eftir leikinn.
Bestu menn í liði Keflavíkur að
þessu sinni voru Lenar Burns,
Falur Harðarson, Guðjón Skúlason
og Davíð Grissom. Bestu menn
Grindvíkinga voru Guðmundur
Bragason og Herman Myers.
Akumesingar
stóðu íTindastóli
Tindastóll sigraði ÍA 83:76 í
jöfnum og spennandi leik á
Sauðárkróki. Mikil barátta var hjá
báðum liðum. Mil-
ton Bell og Torrey
John voru í aðal-
hlutverkum. Liðin
skiptust á um að
hafa forystu, en mesti munur í
fyrri hálfleik var níu stig. Bell var
mjög góður í liði Skagamanna og
Haraldur Leifsson var sterkur
undir körfunni. Hjá Tindastóli var
Torrey mjög góður og eins Hinrik.
Björn
Bjömsson
skrlfar frá
Sauðárkróki
Tindastólsmenn lentu snemma
í villuvandræðum og gátu því illa
beitt sér. Þegar þrjár mínútur voru
liðnar af síðari hálfleik fékk Ómar
Sigmarsson fimmtu villuna og
Torrey, Lárus og Arnar voru allir
komnir með fjórar villur. Þá breytti
Páll Kolbeinsson í svæðisvöm sem
gaf góða raun. Þegar ein og hálf
mínúta var eftir spilaði Torrey sig
inn í þrönga stöðu og tókst að fiska
fimmtu villuna á Bell, sem var
frekar harður dómur. Eftirleikur-
inn var því auðveldur fyrir Tinda-
stól því Skagamenn skoruðu ekki
eitt stig eftir það.
Páll Kolbeinsson, þjálfari Tinda-
stóls, sagði að leikurinn hafi verið
frekar erfiður. „Strákarnir voru
að leika undir getu, en sigurinn
er fyrir öllu,“ sagði Páll.
KA og Afturelding áfram eftir stóra sigra en Víkingur og kvennalið Stjörnunnar eru úr leik
FUNI sk
'ÖLNÍNG
A.IFTAROS HT
BILA
- NOA’
sx » nsu\c
Veisla
að Varmá
Takk fyrir stuðninginn!
Morgunbiaöið/Ami Sæberg
STEMMNINGIN að Varmá var góð á sunnudagskvöldíð er Afturelding gjörsfgraðí Negótínó frá Makedóníu í Evrópukeppninni, og hér þakka
leikmenn liðsins áhorfendum fyrir stuðninginn. Frá vinstri: Bjarki Sigurðsson, Jóhann Samúelsson og Alexej Trúfan.
ÞAÐ reyndist leikmönnum Aft-
ureldingar létt verk að leggja
Negótínó frá Makedóníu að
velli í seinni leik félaganna í
Borgarkeppni Evrópu á Varmá
á sunnudagskvöldið. Lið Neg-
ótínó er tæplega miðlungslið á
íslenskan mælikvarða og veitti
aldrei verulega mótspyrnu í
leiknum. Þegar kom var fram í
síðari hálfleik má segja að
Mosfellingar hafi setið að
veisluborðum þegar þeir rúll-
uðu yfir gesti sína með hrað-
aupphlaupum og innbyrtu tólf
marka sigur, 35:23.
Fyrsta markið kom þegar tæp-
lega tvær mínútur voru liðnar
af leiknum og var þar að verki
■^■■■1 Bjarki Sigurðsson.
jvar Hann gaf þar með
Benediktsson félögum sínum tón-
skrifar inn og í framhaldinu
náði Afturelding
fimm til sex marka forystu sem
þeir héldu fram að leikhléi.
Makedóníumenn léku hægan
handbölta og virtust ekki vera nein-
ir sérstakir bógar í íþróttinni. Sókn-
arleikurinn gekk út á tvo leikmenn,
skytturnar Dragan Sukara og Mile
Maslarkov og ef gengið var út í þá
gerðist ósköp fátt hjá félögum
þeirra. Afturelding lék sex núll vörn
mestan hluta leiktímans en skiptu
á milli niður í fimm plús einn þar
Víkingar
áttu enga
möguleika
VÍKINGAR áttu aldrei möguleika
gegn tékkneska liðinu Gumarný
Zubrí í 1. umferð Evrópukeppni fé-
lagsliða. Þeir töpuðu fyrri leiknum
sl. fóstudag með með sjö marka mun,
23:16, en munurinn varð fimm mörk,
27:22, í fyrradag. Báðir leikirnir fóru
fram í Tékklandi.
Árni Indriðason, þjálfari Víkings,
sagði að seinni leikurinn hefði verið
betri af hálfu Víkings, en það hefði
verið borin von að jafna sjö mörkin
úr fyrri leiknum. Hann var sérstak-
Iega ánægður með varnarleikinn en
sagði að sóknarbrotin hefðu verið
allt of mörg.
„Við gerðum of mörg mistök, misst-
um boltann 15 til 20 sinnum eins og
í fyrri leiknum og það gengur ekki í
deildarkeppni, hvað þágegnjafn
sterku liði og því tékkneska í Evrópu-
keppni. Við erum einfaldlega ekki
nógu sterkir í bili en staðan var 12:8
í hálfleik."
Dómararnir voru frá Austurríki,
þeir sömu og dæmdu fyrri leikinn,
og sagði Árni þá hafa verið sérkenni-
lega og dæmigerða heimadómara.
„Við vorum oftast einum færri en
eins og áður komust mótherjarnir upp
með mikla hörku. Eg hef tekið þátt
í mörgum Evrópuleikjum og aldrei
fengið eins góðar móttökur ulan vall-
ar en þeir létu heldur betur finna
fyrir sér innan vallar.“
Mörk: Knútur Sigurðsson 8/5, Birg-
ir Sigurðsson 6, Guðmundur Pálsson
3, Þröstur Helgason 2, Halldór Magn-
ússon 1, Krislján Ágústsson 1.
Varin skot: Reynir Reynisson 12. •
KA pakkaði norsku
Víkingunum saman
NÚ ER Ijóst að fyrstu skref
KA-manna í Evrópukeppni í
handknattleik verða fleiri því
liðið sigraði norska liðið Viking
frá Stavanger 27:20 á Akureyri
si. sunnudag og er KA komið
í 2. umferð í Evrópukeppni bik-
arhafa. Samtals sigraði KA
með sex marka mun eftir eins
marks tap í Noregi. Ekkert ann-
að en sigur kom til greina á
Akureyri og áhorfendur studdu
liðið með sltkum sóma að gest-
irnir voru slegnir út af laginu
og raunar var KA miklu betra
liðiðá vellinum.
Leikurinn einkenndist af tauga-
veiklun í byijun. Viking komst
í 2:1 og hafði markvörðurinn Steinar
Ege þá varið víta-
kast frá Duranona.
KA-menn jöfnuðu
þegar hátt í 8 mínút-
ur voru liðnar af
leiknum. I stöðunni 3:3 brenndi Rune
Erland af vítakasti og nú hrökk allt
í baklás hjá gestunum sem komust
ekki á blað næstu 10 mínúturnar
meðan KA skoraði fjögur mörk.
KA-menn voru komnir með frum-
kvæðið og héldu forystunni til leik-
hlés. Patrekur var hvíldur á þessum
kafla því skotgleði hans hafði ekki
borið tilætlaðan árangur. Hann kom
þó aftur inn á í lokin en misnotaði
vítakast. Það kom ekki að sök, félag-
ar hans Duranona, Jóhann og Leó
Stefán Þór
Sæmundsson
skrifar frá
Akureyri
Örn voru í góðum g'r. Staðan í leik-
hléi var 12:8 og var það óþarflega
lítill munur miðað við gang lei.ksins.
Góður kafli KA-manna í upphafi
seinni hálfleiks réði úrslitum í þess-
um leik. Þeir skoruðu fjögur mörk
í röð. Norðmennirnir læddu inn einu
marki eftir tæpar 4 mín. en KA svar-
aði með þremur til viðbótar og stað-
an var skyndilega orðin 19:9 þegar
rúmar 7 mínútur voru liðnar af hálf-
leiknum. Margt gladdi augað á þess-
um kafla. Duranona skoraði 17.
markið með því stökkva himinhátt
upp og þruma knettinum nánast lóð-
rétt niður í markið. Guðmundur varði
víti og Duranona sýndi skemmtileg
tilþrif á línunni þegar hann skoraði
19. markið. Skömmu síðar skoraði
hann enn eitt glæsimarkið eftir að
hafa hoppað upp jafnfætis.
Víkingarnir norsku áttu ekki
möguleika á að vinna upp 10 marka
forskot. Þegar 11 mínútur voru eftir
af leiknum og staðan 25:15 fóru
KA-menn að slaka á og tóku sér
hvíld frá markaskorun í 9 mínútur.
Þá tókst gestunum að minnka mun-
inn örlítið en sigurinn var fjarri því
að vera í hættu. Síðasta mark KA
var dæmigert fyrir yfirburði liðsins,
en þá skoraði Björn Björnsson vara-
markvörður með skoti yfir endilang-
an völlinn.
Kúbumaðurinn Julian Duranona
var frábær í þessum leik. Hann er
búinn að öðlast mikla leikgleði, bros-
ir og fagnar þannig að aðrir hrífast
með, og hann getur skorað mörk
af öllu tagi. Þau urðu 9 í þessum
leik. Merkilegt hvað svona stór mað-
ur er lipur. Jóhann G. Jóhannsson
lék einnig listavel og skoraði 6 mörk,
þar af 4 úr hraðaupphlaupi. Leó Örn
og Patrekur skoruðu mikilvæg mörk,
vörnin var mjög góð og markverðirn-
ir Guðmundur Arnar og Björn vörðu
prýðilega. Hjá Viking var það aðeins
línumaðurinn Erland Södal sem
blómstraði. Hann skoraði 7 mörk.
KA-menn héldu öðrum leikmönnum
niðri, örvhenta skyttan Lauritsen
komst lítt áfram og hinn frægi Rune
Erland var slakur, en hann hefur
reyndar verið að glíma við meiðsl.
Þátttöku Víkinganna í Evrópukeppni
bikarhafa er lokið en gulir og glaðir
KA-menn halda út í óvissuna.
Spænsku liðin á
óskalista Alfreðs
„SPÆNSKU liðin Teka og
Vigo eru í pottinum og þau eru
á óskalistanum hjá mér sem
mótherjar okkar í 2. umferð,"
sagði Alfreð Gislason, þjálfari
KA-maima, eftir sigurinn á
Viking frá Noregi. Alfreð var
hæstánægður með sína menn
og jjómaði af stolti.
„Viking er með gott lið en
þetta var ekki þeirra dagur.
Eg var orðinn nokkuð öruggur
með sigur eftir að fimm mínút-
ur voru liðnar af seinni hálf-
leik því þá vissi ég að þeir
gætu ekki unnið þetta upp. Við
sýndum mjög góðan leik,“
sagði Alfreð.
Gunnar Blomback, þjálfari
Vikings, sagði liðið ekki hafa
ráðið við vörn KA í þessum
leik og að flestir leikmenn
hefðu verið að spila undir
getu. Hann sagði að Rune Er-
land væri ekki orðinn góður
af meiðslum og liefði þvi lítið
getað spilað. Gunnar sagði að
vissulega hefði betra liðið sigr-
að í þessum leik og liann full-
yrti að áhorfendur hefðu haft
sitt að segja og öll stemmning-
in í kringum leikinn.
sem Þorkell Guðbrandsson tók
Maslarkov á vinstri vængnum úr
umferð. Vörn Negótínó var slök, _
mjög opin og því gripu þeir oftar
en ekki til þess að ráðs að bijóta
mjög gróft þegar leikmenn UMFA
höfðu gengið i gengum hana. Það
leiddi af því að þeir voru oft utan
vallar og jafnvel tveir í einu.
Eftir fjögurra mínútna leik í síð-
ari hálfleik höfðu heimamenn náð
átta marka forksoti, 18:10, og þ£
má segja að leikmenn Negótínó
hafi endanlaga lagt niður rófuna.
Sóknarleikurinn hrundi til grunna
og leikmenn Aftureldignar nýttu
sér það og slógu upp hraðaupp-
hlaupsveislu. Bilið breikkaði ogþeg-
ar tíu mínútur voru til leiksloka
munaði tíu mörkum á liðunum og
enn bættu Mosfellingar við á loka-»
kaflanum.
„Eftir að hafa séð fyrri leikinn
þá sá ég að það væri einungis
skylduverkefni að slá þetta lið úr
keppninni heima. Ég vona bara að
sigurinn og sú stemmning sem
myndaðist í hópnum í kvöld hjálpi
okkur í þeirri erfiðu stöðu sem við
erum í deildinni. Deildarkeppnin er
það sem skiptir máli og að henni
verðum við að einbeita okkur,“
sagði Einar Þorvarðarson, þjálfari
UMFA.
„Ég hafði það á tilfinningunni í
leiknum úti að ef okkur tækist að
ná upp baráttu og forskoti gegn
þeim hér heima þá myndu þeir gef-
ast upp. Þeir eru engir bógar og
það kom í ljós að ég hafði rétt fyr-
ir mér,“ sagði Páll Þórólfsson, besti
Ieikmaður UMFA í leiknum en hann
lék við hvern sinn fingur.
„í leikhléi vorum við enn með í
leiknum, en í þeim síðari gerðum
við of mikið af mistökum í sókninni
og þeir fengu alltof mörg hraðaupp-
hlaup. Dómagæslan var slök og
bitnaði frekar á okkur en Aftureld-
ingu. En í heildina var sigur Aftur-
eldingar sanngjarn,“ sagði Cane
Krstevski, þjálfari Negótínó. ^
Stjaman
úr leik
Íslandsmeistarar Stjörnunnar eru
úr leik í Evrópukeppni bikarhafa
í kvennaflokki eftir að hafa tapað
fyrir grísku meisturunum Anagen-
isi Artas í Grikklandi. Stjarnan vann
fyrri leikinn með 8 marka mun,
24:16, en það dugði skammt því
liðið tapaði á útivelli með 11 marka.
mun, 30:19.
Fyrri hálfleikur var jafn og þegar
nokkrar mínútur voru til leikhlés
var staðan 11:10 fyrir gríska liðið.
Þá var Herdísi Sigurbergsdóttur
vísað útaf í þriðja sinn og því útilok-
uð frá frekari þátttöku í leiknum.
Staðan í hálfleik var 13:10.
í síðari hálfleik gekk hvorki né
rak hjá Stjörnustúlkum og gríska
liðið raðacfi mörkum og vann síðari
hálfleikinn 17:9 og heldur því áfram
í keppninni. Stjarnan lék síðari hálf-
leikinn illa að sögn Bergþóru Sig-1
mundsdóttur, fararstjóra, og eins
voru dómarar leiksins mjög hliðholl-
ur þeim grísku. íslensku stúlkurnar
voru 26 mínútur utanvallar, en þær
grísku aðeins sex mínútur.
Laufey Sigvaldadóttir var
markahæst Stjörnustúlkna með
fimm mörk og Ragnheiður Stephen-
sen gerði fjögur.