Morgunblaðið - 24.10.1995, Blaðsíða 27
MORGUNBLAÐIÐ
ÞRIÐJUDAGUR 24. OKTÓBER 1995 27
LISTIR
Kjarni málsins!
Nýjar bækur
Smásögiir Matthíasar
NYTT smásagnasafn,
Hvíldarlaus ferð inní
drauminn, eftir Matthí-
as Johannessen er kom-
ið út. Þetta er fimmta
sagnabók Matthíasar.
Hinar bækurnar eru
Nítján þættir (1981),
Spunnið um Stalín
(1983), Konungur af
Aragon (1986) og Sól á
heimsenda (1987).
í kynningartexta
segir: „Smásagnasafnið
Hvíldarlaus ferð inní
drauminn hefur að
geyma 22 smásögur og
stutta þætti þar sem
bestu kostir Matthíasar sem skálds
fá notið sín. Þar er meðal annars að
fínna fíngerðan og ljóðrænan skáld-
skap, hnittnar frásagnir og ógleym-
anlegar mannlýsingar, svo að eitt-
hvað sé nefnt. Styrkur höfundarins
liggur ekki síst í blæbrigðaríkum og
fjörlegum stíl, myndauðgu og oft
Matthías Johannessen
margræðu líkingarmáli.
Tvær sögur bókarinnar
eru umfangsmestar,
Hvar er nú fóturinn
minn? og Seglin og
vindurinn, margslungn-
ar sögur sem verða les-
endum eftirminnilegar
eins og annað fjölbreyti-
legt efni bókarinnar.“
Útgefandi er Hörþu-
útgáfan á Akranesi.
Bókin er 189 bls. Kápu-
mynd: RAX. Prent-
vinnsla: Oddi hf. Verð
2.980 kr.
Æfingar standa
yfir á Madáme
Butterfly
ÆFINGAR standa nú yfir hjá íslensku óper-
unni á einni vinsælustu óperu allra tíma,
Madame Butterfly eftir Giacomo Puccini.
Frumsýning verður 10. nóvember. Leik-
stjórn er í höndum Halldórs E. Laxness og
hljómsveitarstjóri er David Shaw.
Með helstu hlutverk fara: Ólöf Kolbrún
Harðardóttir, Ólafur Árni Bjarnason, Berg-
þór Pálsson, Rannveig Fríða Bragadóttir og
Sigurður Björnsson.
Sýningartímabilið verður þrengra en oft
áður því Ólafur Árni, er upptekinn við sýning-
ar í Evrópu og á erfitt um vik með sýningar
hér heima.
Enginn
sigur-
vegari
Varsjá. Reuter.
í ANNAÐ sinn í 68 ára sögu
Chopin-keppninnar gerðist
það sl. föstudag að dómnefnd
úrskurðaði að fyrstu verðlaun
yrðu ekki veitt í keppninni þar
sem enginn keppenda hefði
staðið sig sem skyldi.
Keppnin stóð í þrjár vikur
og tóku um 140 píanóleikarar
þátt í henni. 23 manna dóm-
nefndin, sem komst að þessari
niðurstöðu, gaf enga frekari
skýringu á niðurstöðunni en
þá að enginn verðskuldaði
fyrstu verðlaun.
Pólski píanóleikarinn Piotr
Paleczny, sem sigraði í
keppnninni árið 1970, sagði
frammistöðu píanóleikaranna
hafa verið ágæta í undanúr-
slitunum en hún hefði hins
vegar verið afleit í úrslitunum.
Tónleikagestir voru afar ósátt-
ir við úrskurð dómnefndar en
rússneski píanóleikarinn
Aleksej Sultanov, 26 ára, naut
mestrar hylli áheyrenda. Hann
lenti í öðru sæti ásamt Frakk-
anum Philippe Giusiano.
Tónleika-
heimsóknir á
leikskóla
TÓNLEIKAHEIMSÓKNIR á
leikskóla í Reykjavík verða
sem hér segir:
Í dag, þriðjudag, Rofaborg
kl. 10 og 14, umsjónarmaður
Hafdís Kristinsdóttir. Miðviku-
dagur: Leikgarður kl. 9 og 15,
Ægisborg kl. 10.30 og 13.30,
umsjónarmaður María Ceder-
borg. Fimmtudagur: Fellaborg
kl. 10 og 15, Völvuborg kl.
14, umsjónarmaður Linda
Hreggviðsdóttir. Föstudagur:
Laugaborg kl. 9.30 og 13.30,
Lækjarborg kl. 10.30 og
14.30, umsjónarmaður Aðal-
heiður Matthíasdóttir.
Hægt er að ná sambanöi
við umsjónarmenn með milli-
göngu skrifstofu.
24. október 1995
20 ára afmœli ,,
Kvennafadagsins
Reykjavík: bacáttu: og hátíðarfundur
^ í Islensku Operunni kl. 20:30
fagnaðarstund
í Hlaðvarpanum frá ki.22:00
Akureyri: baráttu- og hátíðarfundur
1 Deigiunni ki. 20:30
Félag kvenna í Alþýðubandalaginu
Konur í Þjóðvaka
Jafnréttisráð
Kvenféiagasamband Islands
Kvenréttindafélag Jslands
Samtök um kvennalista
Landssamtök Alþýðuflokkskvenna Starfsmannaféiag ríkisstofnana
Landssamband framsóknarkvenna B.S.R.B.
Landssamband sjálfstœðiskvenna A.S.Í.