Morgunblaðið - 24.10.1995, Blaðsíða 43
MORGUNBLAÐIÐ
FRETTIR
ÞRIÐJUDAGUR 24. OKTÓBER 1995 43
BRAGI Þorfinnsson, sigurvegari i eldri flokki, t.v. keppir
við Unnar Þór Guðmundsson.
DAVÍÐ Kjartansson, sigurvegari í yngri flokki, mætir hér
Sigurði Páli Steindórssyni.
Fjölmennasta
skákmót landsins
SKAK
Landsmót í
skólaskák
BLÖNDUÓSI
Úrslit á Landsmótinu í skólaskák
19. — 22. október 1995 fóru fram
nú um helgina á Blönduósi. Bragi
Þorfínnsson sigraði í eldri flokki
og Davíð Kjartanson í yngri flokki.
KEPPNIN fór fram á Blönduósi
m.a. í tilefni af því að í sumar voru
liðin 75 ár síðan Skáksamband ís-
lands var stofnað þar. Landsmót í
skólaskák, einstaklingskeppni, er
fjölmennasta skákmót landsins á
hveiju ári. Þijú til fjögur þúsund
böm ög unglingar um allt land
hefja keppni, síðan eru haldin sýslu-
mót, kjördæmismót og loks sjálf
úrslitakeppnin. Venja er að ljúka
landsmótinu á vorin, en vegna
kennaraverkfallsins þurfti að fresta
því fram á haust að þessu sinni. _
Keppt var í tveimur flokkum. í
yngri flokki tefldu skákmenn sem
voru í 1.-7. bekk síðastliðinn vetur
og í eldri flokki tefldu skákmenn
úr 8.-10. bekk.
Úrslit í eldri flokki urðu þau, að
Bragi Þorfínnsson sigraði með 9'A
vinningi af 11. Jón Viktor Gunnars-
son lenti í öðru sæti með 9 vinn-
inga og í þriðja sæti varð Bjöm
Þorfínnsson, bróðir Braga, með 8 ‘A
vinning. Jafnir Bimi að vinningum,
en lægri samkvæmt stigaútreikn-
ingi urðu þeir Bergsteinn Einarsson
og Einar Hjalti Jensson.
Þessir fimm skákmenn sem raða
sér í efstu sætin em einmitt þeir
sömu og skipuðu sigursveitina á
Ólympíumóti 15 ára og yngri á
Kanaríeyjum í vor. Það skal því
engan undra þótt yfirburðimir hafí
verið miklir.
í yngri flokki sigraði Davíð Kjart-
ansson af miklu Öryggi, hlaut 10 'A
vinning af 11 mögulegum. Hjalti
Rúnar Ómarsson varð annar og
Guðjón Heiðar Valgarðsson þriðji.
Við skulum líta á lagleg lok frá
mótinu:
Svart: Bergsteinn Einarsson
Hvítt: Jón Viktor Gunnarsson
19. Bxh7+!! - Kxh7 20. Dh5+ -
Kg8 21. Hf3 - g6 22. Dh6 -
Rg7 23. Hh3 - Rh5 24. Rd4!! -
Dg4+ 25. Kf2 - Hfe8?
Tapar strax en hvítur vinnur
einnig ef svartur þiggur hróksfóm-
ina: 25. — Dxh3 26. Rxe6 —
Dxh2+ 27. Kel - Dh4+ 28. Kd2
- Bxg5 29. Bxg5 - Df2+ 30.
Kc3 - Dc5+ 31. Kd3! - Dc4+ 32.
Kd2.
26. Rxc6 - Bxc6 27. Bd4! - f6
28. Dxg6+ - Rg7 29. Hh7 og
svartur gafst upp.
Haustmót TR
Síðasta umferðin fer fram á
miðvikudagskvöldið 25. október.
Röð efstu manna í hinum ýmsu
flokkum, að loknum tíu umferðum,
er sem hér segir:
A flokkur:
1. Þröstur Þórhallsson 9 v.
2. Sævar Bjarnason 7 v.
3—4. Jón Garðar Viðarsson og
Magnús Örn Úlfarsson 6 'A v. 5. Sig-
urbjörn Bjömsson 6 v.
B flokkur:
1. Ólafur B. Þórsson 6'/z v. af 9
2. Páll Agnar Þórarinsson 6 'h v.
3— 4. Bergsteinn Einarsson og
Heimir Ásgeirsson 6 v.
5—6. Bragi Þorfinnsson og Björn
Þorfinnnsson 5 v. af 9
7—8. Sveinn Kristinsson og Einar
K. Einarsson 5 v.
C flokkur:
1. Jóhann H. Ragnarsson 6 'h v. af 9
2— 3. Kjartan Guðmundsson og
Davíð Olafur Ingimarsson 6 v.
4— 5. Sverrir Norðfjörð og Árni H.
Kristjánsson 5 'h v.
D flokkur:
1. Jón Einar Karlsson 9 v.
2. Flóki Ingvarsson 7 v. af 9
3. Guðmundur Sv. Jónsson 7 v.
4. Ottar Norðfjörð 6 v.
E flokkur (opinn):
1—2. Sigurður Páll Steindórsson
og Ingi Þ. Einarsson 7 v. af 9
3— 5. Þórir Benediktsson, Baldur
H. Möller og Haukur Halldórsson
7v.
7. Baldvin Þ. Jóhannesson 6 'h v.
Hannes Hlífar
áKrít
Hannes Hlífar Stefánsson, stór-
meistari, tekur nú þátt á alþjóðlegu
móti á eyjunni Krít í Miðjarðar-
hafi. 15 stórmeistarar tefla á mót-
inu og Hannes er sá 12. stiga-
hæsti þannig að um öflugt opið
mót er að ræða. Þeir Miles, Eng-
landi og Rogers, Ástralíu, eru
stigahæstir. Eftir ijórar umferðir
hafði Tyrkinn Atalik unnið allar
skákir sínar, en Hannes var í öðru
til fimmta sæti ásamt þeim Miles,
Grikkjanum Skembris og Júgóslav-
anum Miladinovic, sem nú teflir
fyrir Grikkland. Öflugasti and-
stæðingur Hannesar til þessa er
alþjóðlegi meistarinn Guliev
(2.495) frá Azerbadsjan, sem
Hannes vann í fjórðu umferð.
Margeir Pétursson.
Ur dagbók lögreglunnar
AF 407 bókfærðum tilvikum um
helgina eru 15 vegna innbrota, 14
vegna þjófnaða og 13 vegna eignar-
spjalla ýmis konar. Ein nauðgun
var kærð til lögeglu og 4 líkams-
meiðingar. Umferðaróhöppin urðu
46. í 8 tilvikum reyndist um að
ræða meiðsli á fólki. Mikið var um
kvartanir vegna ónæðis og hávaða
frá fólki, sem ekki kunni eða gat
tekið tillit til annarra að næturlagi.
M.a. var kvartað undan hávaða frá
gestum veitingastaða nálægt mið-
borginni.
Ellefu ökumenn voru kærðir fyr-
ir að virða ekki rautt ljós við gatna-
mót, 15 fyrir ranga stöðu bifreiða
og 23 ökumenn þurfa að greiða
sektir fyrir of hraðan akstur.
Allt að 4.000 manns voru í mið-
borginni aðfaranótt laugardags
þegar flest var þar eftir kl. 2.00.
Lögreglumenn þurftu að handtaka
nokkra vegna ölvunar, meiðinga
eða óspekta. Lítið bar á yngra fólk-
inu. Einn maður var handtekinn
eftir að sá hafði kastað flösku í
gegnum rúðu á Dómshúsinu við
Lækjartorg. Hann viðurkenndi
verknaðinn og gaf þá skýringu að
honum hefði skyndilega runnið í
skap og því kastað frá sér flösk-
unni með fyrrgreindum afleiðing-
um.
Aðfaranótt sunnudags var heldur
færra í miðborginni, eða um 3.000
manns þegar mest var. Handtaka
þurfti 6 manns vegna ölvunar eða
annarrar háttsemi. Vista þurfti 4 í
fangageymslum uns af þeim bráði.
Afskipti voru höfð af þremur ungl-
ingum undir 16 ára. Hella þurfti
niður áfengi í fórum nokkurra sem
augljóslega voru undir tvítugu. Lög-
reglumenn handtóku rúmlega tví-
• •
Olvun,
meiðingar
og óspektir
20. - 23. október
tugan mann eftir að hafa veitt hon-
um eftirför á fæti um svæðið.
Lögreglumaður á sjónpósti hafði
veitt því athygli að maðurinn hafði
verið að sýna öðrum vegfarendum
langan hníf, sem hann hafði í fórum
sínum. Hald var lagt á hnífínn sem
og nokkra örvarodda, sem hann
hafði í poka á bakinu. Maðurinn
gef þá skýringu á hátterni sínu að
hann hefði verið að sýnast. Dyra-
vörður veitingastaðar í miðborginni
kom poka í hendur lögreglumönn-
um, en í honum var hvítt duft,
ætlað fíkniefni, sem einhver hafði
borið inn á staðinn og skilið þar
eftir.
Aðfaranótt föstudags var til-
kynnt um tvo pilta sem voru að
eiga við bifreiðar í Árbæjarhverfi.
Þeir voru handteknir skömmu síð-
ar. Þá kom í ljós að piltarnir höfðu
brotist inn í þrjár bifreiðar við
Reykjavíkurflugvöll. Ætlað þýfi
fannst í bifreið þeirra.
Á föstudagsmorgun varð kona
fyrir bifreið á Súðarvogi. Meiðsli
hennar voru minniháttar. Um svip-
að leyti varð hjólreiðamaður fyrir
bifreið á Hverfisgötu við Ingólfs-
stræti. Meiðsli hans munu einnig
hafa verið minniháttar. Um miðjan
dag voru ökumaður og farþegi flutt-
ir á slysadeild eftir árekstur tveggja
bifreiða á Vesturlandsvegi við Þver-
holt. Á föstudagskvöld brenndist
maður illa á framhandlegg er hann
var við vinnu í Austurborginni. Á
laugardagsmorgun var tilkynnt um
innbrot í geymslu fjölbýlishúss.
Þaðan var stolið haglabyssu og
bakpoka.
Um hádegi á laugardag var til-
kynnt um útafakstur og bílveltu
skammt austan við Skíðaskálann í
Hveradölum. Ökumaður og tveir
farþegar voru fluttir á slysadeild
með minniháttar meiðsli. Hálka
mun hafa verið á veginum þegar
óhappið varð. Á sunnudagsmorgun
valt bifreið á Fjallkonuvegi við
Gagnveg. Ökumaðurinn hafði verið
að reyna bifreiðina í fyrstu hálku
vetrarins með fyrrgreindum afleið-
ingum. Síðdegis á sunnudag voru
tveir ökumenn fluttir á slysadeild
með minniháttar meiðsli eftir
árekstur bifreiða þeirra á Grensás-
vegi við Suðurlandsbraut.
Á sunnudagsmorgun var tilkynnt
um innbrot í nokkur fyrirtæki við
Skúlatún. Auk skemmda var stolið
tölvu og hlutum henni tengdri.
Á sunnudagskvöld var tilkynnt
um eld í geymslu húss við Karfa-
vog. Slökkviliðinu gekk greiðlega
að slökkva eldinn, sem var töluverð-
ur. íbúi í kjallara hússins hafði orð-
ið eldsins var í tíma.
Næstu daga mun lögreglan á
Suðvesturlandi huga sérstaklega að
því hvernig ökumenn bera sig að
við akstur um gatnamót, hvernig
þeir haga stefnumerkjagjöf og í
hvaða ástandi ljósabúnaður öku-
tækja þeirra er. Það er von lögregl-
unnar að hún komi til með að þurfa
að hafa sem minnst afskipti vegna
slíkra brota á meðan á þvLvarir.
Fyrirlestur um meistara-
prófsritgerð í verkfræði
TÓMAS P. Rúnarsson flytur fyrir-
lestur um ritgerð sína til meistara-
prófs í verkfræði við Háskóla ís-
lands þriðjudaginn 24. október kl.
17.45 í stofu 158, VR II, Hjarðar-
haga 2-6.
I fréttatilkynningu segir að rit-
gerðin fjalli um aðferðir sem Tómas
hefur tekið saman til að greina
kennistærðir veldismerkja með
háupplausnaaðferðum. Fyrir titr-
ingsmælingar eru þær notaðar við
sama mat á forsendum einingaað-
ferðar. Meginmarkmið verkefnisins
er að setja fram aðferðir til að finna
þessar kennistærðir með bestu ná-
kvæmni. Verkefninu er skipt í
þrennt. í fyrsta hluta er samantekt
á aðferðum sem hafa þróast síðast-
liðin ár og hugbúnaður fyrir þær.
Síðan er ráðstefnugrein sem fjallar
um mat á forsendum einingarað-
ferðar út frá sveiflugreiningu. Að
lokum er tæknileg skýrsla um nýja
aðferð sem hann hefur þróað þar
sem notuð er hærri gráðu tölfræði
við_ rófgreiningu á veldismerki.
í umsjónamefnd með verkéfninu
eru Magnús Þór Jónsson, dósent,
sem er formaður nefndarinnar,
Guðmundur R. Jónsson, dósent og
Jón Atli Benediktsson, dósent.
Fyrirléstur um sjálfs-
virðingri nemenda
1AN Griffiths, forstöðumaður sér-
kennsluþjónustu á eyjunni Guerns-
ey á Ermarsundi, flytur fyrirlestur
á vegum Rannsóknarstofnunar
Kennaraháskóla íslands miðviku-
daginn 25. október kl. 16.15. Fyrir-
lesturinn nefnist: Sjálfsvirðing nem-
enda.
í fyrirlestrinum mun Griffiths
fjalla um sjálfsmynd nemenda og
hvernig kennarar geti eflt sjálfsvirð-
ingu þeirra með markvissum hætti.
Ian Griffiths er menntaður á sviði
sérkennslufræða. Árið 1991 var
hann ráðinn til að koma á fót sér-
kennsluþjónustu á eyjunni Guerns-
ey og er hann nú forstöðumaður
hennar. Griffiths á sæti í ritstjórn
sérkennslutímaritsins Bridges og
hefur hann birt þar fjölmargar
greinar um sérsvið sitt.
Fyrirlesturinn verður fluttur á
ensku í stofu M-301 í Kennarahá-
skóla íslands og er öllum opinn.
Vínarkynning á
þýsku og ensku
AUSTURRÍSKI félagsfræðingur-
inn dr. Lisa Fischer heldur kynn-
ingarfyrirlestur um Vínarborg í
hátíðarsal Háskóla íslands kl.
20.15 í kvöld. Fyrirlesturinn í kvöld
verður á þýsku en annað kvöld
verður hann endurtekinn á ensku.
Dr. Lisa Fischer er hér í boði aust-
urríska menntamálaráðuneytisins
í samvinnu við Endurmenntunar-
stofnun HÍ. Öllum er heimill að-
gangur og er enginn aðgangseyrir.
Bjórhátíð á
Kaffi Reykjavík
HALDIN verður bjórhátíð á Kaffi
Reykjavík dagana 24.-27. október.
í boði verður þýskur sveitamatur og
einn lítill fyrir 950 kr. milli kl. 18-20
alla dagana.
Hljómsveitin Papar heldur uppi
stuði milli kl. 22 og 1 þriðjudags-,
miðvikudags- og fimmtudagskvöld.
Föstudaginn 27. október spila
Paparnir milli kl. 18 og 21 og hljóm-
sveitin Sól Dögg tekur við kl.
22.30-3.
Bjór verður seldur með afslætti á
hátíðinni.
-----• ♦ ♦-----
Fagnaður í
Hlaðvarpanum
TUTTUGU ár eru liðin frá kvenna-
frídeginum í dag, þriðjudaginn 24.
október. Af því tilefni verður fagnað-
arstund og opið hús í Hlaðvarpanum,
Vesturgötu 3, Kaffileikhússalnum.
Fagnaðarstundin hefst kl. 22 að
loknum baráttufundi sem ýmis
kvennasamtök standa fyrir í Gamia
bíói í kvöld.
VINNINGSTÖLUR
LAUGARDAGINN
21.10.1995
VINNINGAR FJÖLDI VINNINGSHAFA UPPHÆÐ Á HVERN VINNINGSHAFA
1 . 5 al5 0 4.203.353
2. ? W' 731.010
3. 4al5 94 7.690
4. 3al5 2.686 620
Heildarvinningsupphæö: 7.322.543
BIRT MEÐ FYRIRVARA UM PRENTVILLUR