Morgunblaðið - 26.10.1995, Blaðsíða 23

MORGUNBLAÐIÐ
LISTIR
FIMMTUDAGUR 26. OKTÓBER 1995 23
Sinfóníhljómsveit íslands og TónVakinn
Hjartsláttur
náttúrunnar
SIGURVEGARAR TónVaka RÚV,
Ármann Helgason klarinettleikari
og Júlíanna Rún Indriðadóttir píanó-
leikari, koma fram á hátíðartónleik-
um TónVakans
með Sinfóníu-
hljómsveit ís-
lands í Háskóla-
bíói í kvöld. Á
tónleikunum
mun Heimir
Steinsson út-
varpsstjóri af-
henda sigurveg-
urunum verðlaun
sín. Einnig verð-
ur flutt verðlaunaverk eftir japanska
tónskáldið Michio Kitazume.
Ármann Helgason lauk einleik-
araprófi frá Tónlistarskólanum í
Reykjavík vorið 1988. Hann stund-
aði framhaldsnám í Manchester
undir ieiðsögn Alans Hacker og
Paul Dintinger og síðar hjá John
McCaw í Lundúnum og Philippe
Cuper í París. Ármann hefur komið
fram víða sem einleikari og er fé-
lagi í Camerarctica-hópnum. Ár-
mann mun leika klarinettukonsert
eftir bandaríska tónskáldið Aaron
Copland í kvöld.
Júlíanna Rún Indriðadóttir lauk
píanókennaraprófi 1988 og einleik-
araprófi 1989. Hún stundaði fram-
haldsnám í píanóleik hjá prófessor
Georg Sava í Berlín og sótti tíma í
söng og kórstjórn hjá Peter Iljunas
Knack. Júlíanna hefur leikið og
stjórnað íslenskri tónlist í Berlín,
meðal annars flest píanóverka Jóns
Leifs á tónleikum. Á tónleikunum í
kvöld mun Júlíanna leika píanókon-
sert eftir Mozart nr. 20.
Á þessum tónleikum verður einn-
ig flutt verðlaunaverkið frá tón-
skáldaþinginu í París í ár sem er
Ei-Sho eftir japanska tónskáldið
Michio Kitazume og verður það
frumflutningur þess utan Japans.
JÚLÍANNA Rún Indriðadótt-
ir og Ármann Helgason.
Tónskáldið kemur til íslands af
þessu tilefni og verður viðstatt tón-
leikana. Kitazume er fæddur í Tókýó
1948 og stundaði þar nám og síðar
í Frakklandi. Hann hefur líkt verki
sínu við mynd: „Stundum eru litirn-
ir prentaðir með tréristu 30-40 sinn-
um til að viðunandi árangur náist.
Ný yfirferð skemmir ekki litina sem
fyrir eru. Mynd sem þannig er unn-
in býr yfir svo ótrúlegum blæbrigð-
um, svo margbrotnum að þau fara
langt fram úr hugmyndaafii þess
sem skoðar þau. Samt eru upphaf-
legu litirnir til staðar og eru mjög
skýrir. Það er nautn að skoða mynd
sem þannig er gerð. Fínleg blæ-
brigði áferðar og lita gefa myndinni
nýja þýðingu.“
Kitazume segir að hann hafi lagt
mikla áherslu á að hlusta á og með-
taka náttúruleg hljóð og ummynda
þau í verki sínu. „Á meðan á tón-
smíðinni stóð hélt ég mér á stað þar
sem hjartsláttur náttúrunnar var
nálægur."
Áhrifavaldur
o g uppalandi
TONLIST
J a 11
GUÐMUNDUR
INGÓLFSSON
ÞAÐ má endurlifa liðna daga með
ýmsum hætti. Vilji menn gera árun-
um 1977 til 1991 skil er ekki úr
vegi að setja á spilarann annan af
tveimur ef ekki báða geisladiska
Jazzís útgáfunnar með upptökum
frá tónleikum Guðmundar Ingólfs-
son píanóleikara. Upptökurnar eru
frá því hann kom heim frá Noregi
1977 en sú síðasta var gerð skömmu
áður en Guðmundur lést árið 1991.
Þetta er annað upplag af disknum
sem Jazzís gefur út en til útgáfunn-
ar var stofnað með ágóða af eftir-
minnilegum tónleikum sem haldnir
voru til að heiðra minningu Guð-
mundar á Hótel Sögu 1992.
Á disknum leikur Guðmundur með
mörgum af íslenskum samferða-
mönnum sínum í djassinum. Alls eru
þarna 26 lög, mest þekktir standard-
ar sem Guðmundur lék gjarnan, auk
eins frumsamins lags og nokkurra
eftir Óliver Guðmundsson.
Hljómurinn á diskunum er ekki
alltaf gallalaus enda sumt tekið upp
á heldur fátæklegan tæknibúnað
RÚV sem ekki gefur kost á endur-
hljómblöndun. Mestu skiptir þó að
tekist hefur að halda andrúminu,
þeirri einstæðu stemmningu sem
þeir sem sóttu tónleika Guðmundar
muna eftir, hvort sem það var í Stúd-
entakjallaranum, Djúpinu eða Heita
pottinum í Duus-húsi - nálægðinni,
glaðværðinni og afslöppuðu kæru-
leysinu. Diskarnir hafa að geyma
dýrðleg augnablik þar sem Guð-
mundur fór á kostum við hljóðfæri
sitt, hvattur áfram af listrænni
ástríðu. Guðmundi dugði sjaldnast
að leika eftir bókinni. Hann vildi
vitna í aðra kafla í djassögunni með
sínum hætti og vakti einatt kátínu
hve fundvís hann var á slíkar tilvitn-
anir. Þá sögu segja diskarnir tveir
sem nú eru komnir út.
Píanóleikur Guðmundar Ingólfs-
sonar var ekki heldur alltaf með öllu
gallalaus. Stundum var hann óagað-
ur. Það kemur líka fram í þessum
upptökum. En Guðmundur hafði
þann ákafa sálarinnar sem skilur á
milli meðalmannsins og hins dáða
og elskaða listamanns. Það skín í
gegn í þessum upptökum. Hæfileikar
Guðmundar voru heldur ekki síst
fólgnir í hugmyndaríkum og list-
fengum undirleik sem mörg dæmi
eru um á disknum.
Útgáfa Jazzís er í raun heiðarleg
heimild um fjórtán ár í tónlistarævi
Guðmundar. Ekkert er fegrað með
grufli í tækjum og tólum, diskurinn
er hljóðheimildir um þann Islending
sem í senn var mestur uppalenda
og áhrifavalda djassmenntar í land-
inu.
Guðjón Guðmundsson
Skafðu
!og skemmtu þér
með „Happ í Hendi"
Fáðu þér skafmiðann „Happ í Hendi'
í næstu sjoppu. Þú getur unnið

strax...
milljónir
...auk fjölda annarra vinninga.
Byrjaðu að skafa
Horfðu á þáttinn með Hemma
Horfðu á sjónvarpsþáttinn „Happ
í Hendi" með Hemma á hverju
föstudagskvöldi í Sjónvarpinu.
Þú gætir unnið glæsilegan
aukavinning á skafmiðann þinn.