Morgunblaðið - 26.10.1995, Blaðsíða 40
40 FIMMTUDAGUR 26. OKTÓBER 1995
MORGUNBLAÐIÐ
Dýraglens
BREF
TIL BLAÐSINS
Kringlan 1103 Reylgavík • Sími 5691100 • Símbréf 569 1329
Ferdinand
Bráðvantar þak
yfir höfuðið
Kristín
Harðardóttir
Frá Krístínu Harðardóttur:
ÁRATUGIR eru liðnir frá því að
Reykvíkingar fóru að velta fyrir sér
gerð vélfrysts skautasvells. Það var
hins vegar ekki fyrr en í ársbyijun
1989 að borgar-
ráð ákvað að láta
gera skautasvell
í Laugardal og
var hugmyndin
sú_ að þak yfir
svellið kæmi
fljótlega eftir
það. I nóvember
árið 1990 var
skautasvell
borgarbúa full-
gert og hefur svellið verið opið al-
menningi frá þeim tíma.
Kaldir vetur hafa gert íslending-
um kleift að renna sér á skautum
frá örófi alda. Þess vegna þætti
þeim sem ekki þekkja til aðstæðna
eflaust eðlilegt að við stæðum nokk-
uð framarlega á sviði skautaíþrótt-
arinnar í samanburði við aðrar þjóð-
ir. En svell eitt og sér er því miður
ekki nóg til að hægt sé að leggja
rækt við íþróttina. Aðstæður þurfa
að vera þannig að svellið sé nothæft
hvemig sem viðrar. Okkur sem
búum á íslandi og höfum kynnst
íslenskri veðráttu er hins vegar ljóst
að hér þýðir lítið að reiða sig á stillt
og þurrt veður. Það er jafnvonlaust
fyrir listhlaupara að gera æfingam-
ar sínar í hávaðaroki og ætlast til
að fimleikastúlku takist vél til við
jafnvægisæfingar sínar á slá við
sömu aðstæður. Listhlaup felur ann-
að og meira í sér en það eitt að
skauta aftur á bak og áfram. Það
krefst mikillar nákvæmni og jafn-
vægis og er því talsvert yiðkvæmari
skautagrein en íshokkí. Það sem
stendur í vegi fyrir þróun íþróttar-
innar í dag er þakleysi.
Skautáféíag Reykjavíkur er ann-
að tveggja félaga sem hefur að-
stöðu í Laugardalnum. Það var
stofnað árið 1883 og starfaði með
miklum blóma þar til það var lagt
niður árið 1923. 31. október 1938
var það svo stofnað aftur undir
sama nafni. Síðastliðin þijú ár hef-
ur félagið m.a. staðið'fyrir kennslu
í listhlaupi. Það skal þó tekið með
í reikninginn að ekki er mögulegt
að halda svellinu lengur en 5-6
mánuði á ári þrátt fyrir allan frysti-
búnað. Á þessu 5-6 mánaða tíma-
bili detta svo alltaf einhveijar æf-
ingar upp fyrir eða nýtast illa vegna
veðurs. Þessi þijú ár samsvara því
í raun ekki nema u.þ.b. einu og
hálfu ári í mörgum öðrum íþrótta-
greinum. til þess að hægt sé að
halda áfram að byggja skauta-
íþróttina upp hér á landi svo viðun-
andi sé þarf að byggja upp svellið.
Það gefur auga leið að ef árangur
á að nást sama hver íþróttin er
þarf að hlúa rétt að henni. í dag
æfir talsverður hópur bama og
unglinga listhlaup hjá Skautafélagi
Reykjavíkur. Margir þeira eru mjög
áhugasamir og gætu náð góðum
árangri ef þeir fengju tækifæri til
að æfa á svelli sem hægt væri að
hafa opið í það minnsta heilan vet-
ur í senn. Þess vegna tel ég nauð-
synlegt að byggt verði yfir svellið
í Laugardalnum sem fyrst. Nú eru
fimm ár liðin síðan skautasvellið
var fullgert og þar af leiðandi nokk-
ur ár síðan yfirbygging hefði átt
að vera tilbúin miðað við þau loforð
sem upphaflega voru gefín. Ég
skora á borgaryfírvöld að gefa þeim
ungmennum, sem nú þegar hafa
brennandi áhuga á íþróttinni, tæki-
færi til að stunda hana við almenni-
legar aðstæður. Það hlýtur að vera
mögulegt að byggja yfir svellið
fljótlega þegar svo margt annað
virðist vera framkvæmanlegt. Þetta
er einungis spurning um forgangs-
röðun og það er mín skoðun og
margra annarra að timi sé komin
til að yfirbygging yfir Skautasvellið
í Laugardalnum verði sett efst á
lista framkvæmda.
KRISTÍN HARÐARDÓTTIR,
nemi í Verzlunarskóla íslands.
Þarna er hann! Þetta er strákur- Við skulum koma og tala við Mig langar bara að segja honum
inn sem vann af mér aliar marm- hann... Af hveiju lemurðu hann að hann hafi notfært sér þig. Ef
arakúlurnar mínar. ekki með priki? þú læðist aftan að honum, get-
urðu lamið hann með priki.
V estmannaeyingar
ekkifyrstir
Frá Stefáni Þór Sigurðssyni:
í KVÖLDFRÉTTUM Ríkissjón-
varpsins í gærkveldi, 22. okt., var
sagt frá opnun sjónvarpsstöðvar í
Vestmannaeyjum, sem endurvarpar
á örbylgju efni aðkomnu um gervi-
hnött. Sagt var að þetta væri í
fyrsta sinn sem endurvarpað er á
örbylgju hér á landi. Það er ekki
rétt. A Hellissandi, Rifí og Gufu-
skálum var árið 1985 stofnað sjón-
varpsfélag Neshrepps utan Ennis,
með þátttöku meginþorra íbúa
hreppsins. Mun um 90% heimila
hafa keypt sig inn í félagið, en
hreppurinn telur um 600 manns.
Keypt voru loftnet, móttökutæki og
sendir og efni Stöðvar 2 sjónvarpað
á örbylgju, ásamt heimaunnu efni.
Síðar jók félagið útbreiðslu sína
með því að sjá Ólafsvík fyrir efni
Stöðvar 2, en í Ólafsvík var það
sent um kapal. Við lagningu Ijós-
leiðara nýlega var félagið lagt af,
enda Stöð 2 þá farin að senda með
eigin sendi.
Aðalhvatamaður að stofnun
Sjónvarpsfélags Neshrepps utan
Ennis var Hafsteinn heitinn Jóns-
son, hann var mikill áhugamaður
um allt er fjölmiðlun viðvék. Þáver-
andi oddviti Neshrepps utan Ennis,
Ómar Lúðvíksson, opnaði stöðina
formlega á sínum tíma.
Með hamingjuóskum til Vest-
mannaeyinga með sína stöð.
STEFÁN ÞÓR SIGURÐSSON,
Hjallavegi 1, Njarðvík.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.