Morgunblaðið - 29.10.1995, Blaðsíða 43
MORGUNBLAÐIÐ
FÓLK í FRÉTTUM
KEPPENDUR að leikslokum.
Lenti í 4. sæti í HM
dúklagningarmanna
ÓLAFUR Lárusson dúklagningar-
maður tók þátt í heimsmeistara-
keppni í linoleumdúkakeppni í
Hollandi fyrir skömmu. Keppnin
er haldin innanhúss, í stórri verk-
smiðju og voru keppendur 14 og
komu víðs vegar að úr heiminum.
Keppnin, sem var tvíþætt, fór
þannig fram að bás var útbúinn
fyrir hvern keppanda. Fyrra
keppnisverkefnið var fjögurra
tíma verkefni þar sem keppendur
áttu að skera mynstur ofan í dúk
á fjögurra fermetra flöt. Seinna
verkefnið var suðuverkefni og
fólst í að sjóða mynstur sem
tengdist tölvuleiknum Pacman
ofan í dúkinn.
Þegar keppendur höfðu lokið
verkefnunum gaf dómnefnd ein-
kunnir fyrir ýmsa þætti, svo sem
vinnuaðferðir og að sjálfsögðu
endanlega útkomu. Ólafur náði
góðum árangri og lenti í 4. sæti.
Hann hlaut viðurkenningarskjal
að launum, auk verkfæra. Þetta
var í fyrsta skipti sem keppnin
var haldin, en ætlunin er að hún
verði á árs eða tveggja ára fresti
í framtíðinni. Ólafur segir að við
þátttöku í keppninni reyni á hæfi-
leika, vandvirkni, tímaáætlun og
hvernig staðið sé að verkinu.
HÉR SÉST keppnissvæðið, með Ólaf í forgrunni.
ÓLAFUR að leikslokum, sæll
og ánægður.
Skipað
fyrir
►BARBRA Strei-
sand hefur leikstýrt
nokkrum myndum.
Þeirra frægust er
myndin „Prinee of
Tides“ með Nick
Nolte í aðalhlut-
verki. Nú vinnur
hún að annarri
mynd. Ber hún heit-
ið Tvö andlit speg-
ilsins, eða „The
Mirror Has Two
Faces“. Meðfylgj-
andi mynd er tekin
í Central Park í
New York og ekki
er annað að sjá en
Streisand viti hvað
hún er að gera.
SUNNUDAGUR 29. OKTÓBER 1995 43
6. nóv.
35 sœti
London
á kr.
16.930
1.917 manns
bókaðir til London
Við bætum við sætum
Við hjá Heimsferðum þökkum frábærar undirtektir við
Londonferðum Heimsferða og bætum nú við sætum í nóvember
í þær brottfarir sem uppselt var í. Við höfum nú fengið
viðbótargistingu í London á Ambassador-hótelinu og einnig á
vinsælasta hótelinu okkar, Bailey's, sem er fallegt hótel í
Kensington með öllum aðbúnaði. Kynntu þér borgarrispu
Heimsferða til London, mestu heimsborgar Evrópu, á ótrúlega
hagstæðu verði og íslenskir fararstjórar Heimsferða tryggja þér
ánægjulega dvöl í heimsborginni.
Verð 16.930 kr.
Verð með flugvallarsköttum 6. nóvember
Verð 19.930 kr.
m.v. 2 í herbergi, Ambassador, 3 nætur.
Verð með flugvallasköttum.
Austurstræti 17, 2. hæð. Sími 562 4600.