Morgunblaðið - 04.11.1995, Blaðsíða 44
44 LAUGARDAGUR 4. NÓVEMBER 1995
MORGUNBLAÐIÐ
Dýraglens
Ferdinand
Ég held það sé tími til kominn
að við tölum alvarlega saman...
Þú átt við svona pinulítið fram
og til baka spjall?
Nei, eitthvað lítið meira ein-
hliða...
BREF
TTL BLAÐSINS
Kringlan 1 103 Reylgavik • Sími 569 1100 • Símbréf 569 1329
Stjörnuspekin og
andstaða íslensku
þj óðkirkjunnar
Frá Þorsteini Sch. Thorsteinssyni:
í TILEFNI þess að bráðum eru lið-
in eitt þúsund ár frá því að kristin
trú var lögtekin hér á landi, fannst
kirkjunnar mönnum áríðandi að
reyna að minnast þess sérstaklega
með þýðingu Biblíunnar upp á nýtt
fyrir stórhátíðina.
Ekki er mér kunnugt um að ein-
hver annar undirbúningur sé í
gangi, en þýðing Biblíunnar. En
vegna Biblíuþýðingarinnar eru
sumir hræddir um að ýmsu verði
sjálfsagt breytt. Þar sem dr. Jónas
Gíslasson, vígslubiskup og fýrrver-
andi kennari, hefur sagt hvað eftir
annað að stjörnuspeki sé kukl og
dr. Gunnar Kristjánsson, sem vinn-
ur við biblíuþýðinguna, hefur verið
mikið á móti Nýaldarhreyfíngunni,
stjörnuspeki og karismatískum
söfnuðum, má því ekki búast við
öðru en ýmsu verði breytt.
Kirkjunnar menn vilja ekki segja
að stjörnuspekin eigi rétt á sér, eða
hvað þá Nýaldarhreyfingin. Það
kæmi mörgum á óvart ef ekki yrði
ýmsu umorðað á annan hátt í rit-
inu, eins og þá t.d er segir: „Getur
þú þrengt sjöstirnis-böndin eða fær
þú leyst fjötra Órions? Lætur þú
stjörnumerki dýrahringsins koma
fram á sínum tíma og leiðir þú Birn-
una með húnum hennar?" (Job
38:31-32)
Eða að: „Hann, sem skóp sjö-
stjörnuna og Óríon, sem gjörir nið-
myrkrið að björtum morgni og dag
að dimmri nótt, sem kallaði á vötn
sjávarins og jós þeim yfir jörðina,
Drottinn er nafn hans.“(Amos 5:8)
Það kæmi mér heldur ekki á
óvart að sagan af vitringunum frá
Austurlöndum yrði umorðuð öðru
vísi. Eða að vitringarnir frá Austur-
löndum hefðu verið gyðingar, er
hefðu farið til Austurlanda, fengið
vitrun og farið aftur heim með gjaf-
ir og viljað sjá konunginn. Ekki að
vitringarnlr frá Austurlöndum
hefðu farið eftir einhveijum öðrum
helgiritum annarra trúarbragða
(stjörnuspeki) varðandi stjörnuna,
er sagði fyrir um fæðingu konungs-
ins, er þeir vildu fá að sjá og veita
lotningu.
Gagnvart öllum öðrum trúar-
brögðum hafa menn innan raða
kirkjunnar ævinlega viljað hamra á
sama vinsæla Biblíuversinu, Jó-
hannesi 14:6 „Jesús segir við Hann,
ég er vegurinn, sannleikurinn og
lífið. Enginn kemur til föðurins,
nema fyrir mig.“ Versið hefur hins
vegar ekki reynst nægilega gott
eftir að menn fóru að túlka versið.
Vegurinn sem talað er um í vers-
inu er vegur kærleikans, en ekki
Ágsborgaijátning sjálf eða einhver
vegur haturs og fyrirlitningar. Og
sannleikurinn er sagður vera guð-
dómurinn, því ekki er hann bundinn
við eina persónu. Menn hafa hins
vegar ekki neitað þeirri staðreynd
varðandi Jesú að hann hafi verið
sameinaður vilja föðurins og vilja
kærleikans. Jesús er vegur kærleik-
ans og guðdómsins. En eins og í
öllum trúarbrögðunum má fínna
mikið ijallað um að menn eigi að
sýna kærleika gagnvart Guði og
eins milli manna. Þess vegna ætti
ekki að vera til nein fyrirstaða, að
sameina trúarbrögððin.
Kristnir menn hafa lagt mikla
áherslu á, að menn ættu að hafa
gott persónulegt samband við Guð
eða Jesú í bænum sínum. En þessir
sömu menn hafa ekki leitað til
Guðs í bæn með þá spurningu, hvort
Guð hafi byggt upp önnur trúar-
brögð er hafa kærleikslögmálið að
leiðarljósi?
Þeirri spurningu hafa menn ekki
viljað svara, ekki frekar en spurn-
ingunni um vitringana þijá frá
Austurlöndum, hvaða trúarrrit það
voru er vitringarnir fóru eftir varð-
andi stjörnunna, er sagði fyrir um
komu Krists í heiminn?
ÞORSTEINN SCH.
THORSTEINSSON,
formaður samstarfsnefndar trúfélaga
fyrir heimsfriði,
Kaplaskjólsvegi 53, Reykjavík.
Það eru forréttindi að
þekkja Ólaf Egilsson
Frá Alberti Jensen:
SAMKVÆMT skoðanakönnunum,
blaðagreinum og móttökum í opin-
berum heimsóknum Vigdísar for-
seta á landsbyggðina og að engin
sem hægt var að taka alvarlega tók
móti henni sýnir að við íslendingar
höfum búið við forréttindi hvað
þjóðhöfðingja varðar og er mikil
eftirsjá að henni. Þegar Vigdís var
í öðrum löndum tóku allir eftir og
vissu að þar fór glæsilegur forseti
fijálsrar þjóðar. Mannkosta mann-
eskja sem tókst öðrum fremur að
vekja jákvæða athygli á fámennri
eyþjóð sinni út í miðju Atlantshafi.
Órugglega er margt fólk sem
telur sig hæft sem forseta. En víst
er að erfitt verður að koma á eftir
Vigdísi.
Eg las fyrir mörgum árum, sem
Vigdis skrifaði um Ólaf Egilsson
sendiherra, að það væri forréttindi
að hafa kynnst slíkum manni. Væri
ekki gott ráð þjóð vorri að nýta sér
mann sem slík meðmæli fær og
kynnast honum sem forseta okkar
íslendinga.
ALBERT JENSEN,
Háaleitisbraut 129, Reykjavík.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess, Morgunblaðið áskilur sér rétt tit að ráðstafa efninu það-
an, bvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.