Morgunblaðið - 07.11.1995, Blaðsíða 2

2 ÞRIÐJUDAGUR 7. NÓVEMBER 1995
MORGUNBLAÐIÐ
FRÉTTIR
Launanefnd aðila vinnumarkaðarins kemur saman til fyrsta fundarins í dag
ASI óskar eftir viðræðum
um launabreytingar
LAUNANEFND aðila vinnumarkaðarins kemur
saman til fundar kl. 15 í dag að ósk forystu
Alþýðusambandsins. Á fundinum munu fulltrúar
landssambanda ASÍ fara fram á við atvinnurek-
endur að teknar 'verði upp samningaviðræður
um endurskoðun gildandi kjarasamninga, þar
sem áhersla verði fyrst og fremst lögð á launa-
breytingar.
Benedikt Davíðsson, forseti ASÍ, segir að
verkalýðshreyfingin ætli ekki að leggja fram
ákveðna kröfugerð á þessum fyrsta fundi. „En
við munum væntanlega ganga eftir því hvort
gagnaðilar okkar eru ekki reiðubúnir að taka
upp efnislega umræðu til þess að leita lausna,
sem gagnast okkar fólki og ðraga úr þeirri miklu
óánægju sem orðin er,“ sagði hann.
Benedikt sagði að af hálfu ASÍ væri farið
fram á viðræður við vinnuveitendasamtökin fyrst
og fremst um launamálin. Ekki væri ætlunin
að hefja þríhliða viðræður milli aðila vinnumark-
aðar og ríkisvalds á þessu stigi um önnur mál
sem verið hefðu í umræðunni að undanfömu,
s.s. um verðlagsmál og skattamál. Ef til þess
kæmi hins vegar að efnislegar viðræður við at-
vinnurekendur um breytingar á núgildandi kjara-
samningi tækjust, væri mjög líklegt að í fram-
haldi af því yrði óskað eftireinhveijum viðræðum
við stjórnvöld, m.a. um breytingar á atriðum í
fjárlagafrumvarpinu, sem stönguðust á við þá
yfirlýsingu sem ríkisstjórnin gaf í tengslum við
gerð kjarasamninganna í febrúar sl.
Sérstakar launagreiðslur
koma til greina
Benedikt var spurður hvort verkalýðshreyfing-
in myndi fara fram á sérstakar launahækkanir
um næstu áramót til viðbótar þeirri 2.700 kr.
eða 3% launahækkun sem núgildandi samningar
gera ráð fyrir. Hann sagðist telja, að ef niður-
staðan yrði sú, að samningar teldust gilda áfram,
þá væru menn fyrst og fremst að horfa á svipað-
ar aðgerðir og stundum hefði verið gripið til
áður, þar sem efnahagsbatinn væri nýttur til
að bæta kjörin með einhveijum sérstökum launa-
greiðslum, annaðhvort reglulegum eða tíma-
bundnum.
Launanefndin er skipuð þremur fulltrúum frá
landssamböndum ASÍ annars vegar og vinnu-
veitendum hins vegar. Skv. gildandi samningum
skal hún fylgjast með framvindu efnahags-, at-
vinnu og verðlagsmála og gera tillögur um við-
brögð til samtakanna og stjórnvalda eftir því
sem aðstæður krefjast. Hvorum aðila er heimilt
að segja samningum lausum með minnst mánað-
ar fyrirvara ef marktæk frávik hafa orðið frá
samningsforsendum og tekur uppsögn þá gildi
31. desember næstkomandi.
Varnargarðar
á Flateyri
Tvö tilboð
bárust
ísafirði. Morgunblaðið.
TVÖ tilboð bárust í lengingu og
hækkun á snjóflóðavarnargörðum á
Flateyri, frá Græði hf. á Flateyri og
ístaki hf. í Reykjavík.
Tilboð Græðis hljóðaði upp á
6.224.000 kr. sem eru 75,45% af
kostnaðaráætlun og tilboð ístaks hf.
upp á 6.700.000 kr. eða 81,23% af
kostnaðaráætlun sem hljóðaði upp á
8.249.000 kr. Farið verður yfir til-
fjoðin næstu daga. Ráðgert er að
hefja vinnu við verkið sem fyrst en
því á að vera lokið 20. desember nk.
Snjóflóðavarnargarðinum er ætl-
að að veija byggðina fyrir snjóflóð-
um úr Innra Bæjargili sem er vestan
við Skollahvilft, sem snjóflóðið féll
úr undir lok síðasta mánaðar. í dag
eru þar tveir sex metra háir garðar
og er ætlunin að lengja garðana og
tengja þá saman auk þess sem þeir
verða hækkaðir upp í 11-12 metra.
Eldur í
Þangbakka
ELDUR kom upp í íbúð á 8. hæð
í Þangbakka í Breiðholti eftir
hádegið í gær. Talið er að hann
hafi kviknað út frá vindlinga-
glóð í ruslafötu í eldhúsi. Tals-
verður reykur var í íbúðinni og
voru fjórir reykkafarar sendir
inn í íbúðina til að leita að fólki,
en hún reyndist mannlaus.
íbúum á 8. hæð hússins var
gert að yfirgefa hæðina meðan
að slökkviliðið var að störfum.
Eldurinn var einungis í eldhús-
innréttingu og gekk vel að
slökkva hann. Reykur komst
hins vegar niður í stigaganginn
og urðu af þeim sökum nokkrar
reykskemmdir á ganginum.
Þróunarsamvinnu-
stofnun íslands
Hjálpar-
gögn til
Namibíu
Morgunblaðið/Ásdís
Fjöldi sýnir rúmönsku stúlkunni velvilja
Bónorð og vinnu-
tilboð berast
TALSVERÐUR fjöldi manna hef-
ur boðið rúmensku stúlkunni, sem
hér bað um pólitískt hæli í síðustu
viku, aðstoð af ýmsu tagi, auk
þess sem maður hefur komið því
á framfæri við Rauða kross ís-
lands, að hann hafí áhuga á að
kvænast henni.
Að sögn Hólmfríðar Gísladóttur
hjá Rauða krossinum hefur fólk
m.a. haft samband sem hefur boð-
ið stúlkunni vinnu, dvöl í sveit og
margháttaða aðstoð aðra.
Stúlkan dvaldi á sjúkrahúsi um
helgina og hefur safnað þar kröft-
um. Á blaðamannafundi, sem
haldinn verður í dag, mun hún
veita fjölmiðlum viðtöl og skýra
frá ástæðum óskar sinnar.
Þar sem túlkur var ekkrtil reiðu
í gær, gat ekki orðið af yfírheyrsl-
um yfír stúlkunni í þeim mæli sem
vonast hafði verið eftir, en þeim
verður fram haldið í dag.
Hólmfríður Gísladóttir sagði
aðspurð, að stúlkan væri m.a. að
íhuga það nú hvort hfín breytti
ósk sinni um pólitískt hæli á ís-
landi í ósk um dvalarleyfi af mann-
úðarástæðum.
47 bílar seldust
FJÖRUTÍU og sjö notaðir bílar
seldust í gær í Kolaportinu, en
þessa vikuna selur P. Samúelsson
þar notaða bíla. Salan hófst kl.
'12 á hádegi og stóð til 10 um
kvöldið.
Loftur Ágústsson, markaðs-
stjóri hjá Toyotaumboðinu, sagði
þessa sölu miklu meiri en menn
hefðu reiknað með. Viðtökurnar
hefðu verið hreint ótrúlegar, enda
væru verulegir afslættir veittir frá
skráðu verði.
Ekki hefur áður verið reynt að
selja notaða bíla í Kolaportinu.
Mega víkja allt að 15%
frá skráðu bókaverði
LOKIÐ er yfírferð og breytingum
á verksmiðjutogaranum Hanover
hjá Slippstöðinni á Akureyri. Tog-
arinn er í eigu Seaflower Whitefish
í Namibíu, sem íslenskar sjávaraf-
urðir eiga stóran hiut í, og er hann
væntanlegur til Reykjavíkur í dag,
en heldur til Namibíu á fímmtu-
dag, 9. nóvember.
Að sögn Björns Dagbjartssonar,
framkvæmdastjóra Þróunarsam-
vinnustofnunar íslands, verða
ýmsar vörur sem safnað hefur ver-
ið á vegum Þróunarsamvinnustofn-
unar sendar með skipinu, svo sem
leikföng, garn til að pijóna úr og
notuð föt sem send eru starfs-
mönnum til dreifingar. Þá verða
sendir ýmsir vélarhlutar, gamlar
vélar, net og annað til kennslu í
sjómannaskólanum í Namibíu, en
þar eru sex kennarar starfandi á
vegum Þróunarsamvinnustofn-
unar.
Einnig ætlar Rótarý klúbburinn
Reykjavík-Austurbær að senda um
50 notaða hjólastóla fyrir fatlaða
einstaklinga í Namibíu. Starfs-
menn Þróunarsamvinnustofnunar
munu sjá um að lesta vörurnar í
Sundahöfn.
SAMKEPPNISSTOFNUN hefur
fyrir sitt leyti samþykkt viðskipta-
regiur sem Félag íslenskra bókaút-
gefenda og Félag íslenskra bóka-
og ritfangaverslana hafa komið sér
saman um. Reglurnar fela í sér að
bókaverslunum er heimilt að víkja
atlt að 15% frá skráðu verði bóka.
Samkomulag útgefenda og bók-
sala var gert í framhaldi af harðri
samkeppni um bóksölu fyrir síðustu
jól, en þá bauð m.a. Bónus bækur
á mun lægra verði en hefðbundnar
bókaverslanir. Samkomulagið hefur
verið til umfjöllunar hjá Samkeppn-
isráði undanfarnar vikur, en í gær
sendi það frá sér álit þar sem segir
að í reglunum felist tilslökun frá
því samkomulagi sem þessir aðilar
hafi áður gert. Að mati ráðsins
auka reglurnar svigrúm til sam-
keppni og fellst á þær.
Áfram fast verð
Reglur bókaútgefenda og bók-
sala gera ráð fyrir að áfram verði
fast verð á bókum, en smásöluaðil-
um sé heimilt að veita viðskiptavin-
um sínum allt að 15% afslátt frá
skráðu smásöluverði.
„Ástæðan fyrir því að menn hafa
reynt að koma sér niður á nýjar
reglur er sá óróleiki sem var á jóla-
bókamarkaðinum í fyrra þar sem
ákveðnir söluaðilar buðu bækur
með verulegum afslætti. Þeir sem
gengu lengst, Bónusmenn, voru
búnir að lýsa því yfir opinberlega
að þeir myndu hlíta úrskurði Sam-
keppnisstofnunar ef sett væri há-
mark á afslátt. Við lögðum því
áherslu á að ná samkomulagi um
það og Samkeppnisráð hefur lagt
blessun sína yfir þessar reglur.
Þetta þýðir að söluaðilum er heimit
að veita afsiátt á bókum en þó aldr-
ei meiri afslátt en 15%,“ sagði Ólaf-
ur Ragnarsson, formaður Félags
íslenskra bókaútgefandi.
Jóhannes Jónsson, kaupmaður í
Bónus, sagðist óttast að menn væru
að dæma bókina úr leik með þess-
ari ráðstöfun. Hann sagðist ætla
að taka sér tíma til að skoða þetta
mál frá öllum hliðum.
„Þarna er verið að tína til eina
vörutegund í viðbót sem ekki þarf
að hlíta almennum samkeppnislög-
um. Fyrir höfum við landbúnaðar-
vörurnar, sem ekki þurfa að fara
eftir samkeppnislögum. Það virðast
vera tvenn lög í landinu, sem greina
vörutegundir eftir flokkum. Ég heid
að þetta eigi eftir að koma í bakið
á mönnum og draga úr bóksölu.
Islendingar eru engir kjánar og láta
ekki bjóða sér hvað sem er.“
Samkeppnisnefnd Verðlags-
stofnunar veitti árið 1981 undan-
þágu frá Jögum um verðlag, sam-
keppnishömlur og óréttmæta við-
skiptahætti og heimilaði bókaútgef-
endum að ákveða fast verð á bók-
um. Þetta var gert með hliðsjón af
byggðastefnu og menningarhlut-
verki bókarinnar. Þessi heimild hef-
ur gilt fram til þessa. Það álit sem
Samkeppnisstofnun hefur nú látið
í ljós felur því í sér tilslökun frá
fyiTÍ stefnu.