Morgunblaðið - 07.11.1995, Blaðsíða 56
MORGUNBLAÐIÐ, KRINGLAN I, 103 REYKJAVÍK, SÍMI 569 1100, SÍMBRÉF 569 1181,
PÓSTHÓLF 3040, NBTFANG MBL(a)CENTRUM.IS / AKUREYRI: HAFNARSTRÆTl 85
ÞRIÐJUDAGUR 7. NÓVEMBER 1995
VERÐ í LAUSASÖLU 125 KR. MEÐ VSK
Theodor M. Tschopp forsljóri Alusuisse-Lonza eftir stjórnarfund A-L
. Jákvæð niðurstaða
um stækkun álversins
NIÐURSTAÐA fundar stjórnar Alusuisse-Lonza
í gær varðandi stækkun álversins í Straumsvík
var jákvæð, samkvæmt upplýsingum Morgun-
blaðsins. Ekki var hægt að fá neinar nánari upp-
lýsingar um niðurstöðu fundarins, en fyrirtækið
mun senda frá sér fréttatilkynningu í dag, þar
sem greint verður frá niðurstöðum stjórnarfund-
arins og hvemig staðið verður að framkvæmdum .
„Niðurstaða fundarins var jákvæð varðandi
stækkun, það er það eina sem ég get sagt að svo
stöddu," sagði Theodor M. Tschopp, forstjóri
Alusuisse-Lonza, í samtali við Morgunblaðið í
gærkveldi. Aðspurður sagðist hann ekkert geta
tjáð sig um málið frekar að svo stöddu, hvorki
um það hvenær ráðist yrði í framkvæmdir við
stækkun né annað sem tengdist ákvörðuninni,
en nánari grein yrði gerð fyrir niðurstöðu stjórnar-
fundarins í fréttatilkynningu sem fyrirtækið
myndi senda frá sér á morgun (í dag).
Viðræður hófust í febrúar
Formlegar viðræður íslenskra stjórnvalda og
Alusuisse um stækkun álversins í Straumsvík
hófust í febrúar í ár og var þá reiknað með að
það gæti tekið um sex mánuði að fá fram niður-
stöðu um það hvort samningar gætu tekist. Við-
ræðurnar gengu samkvæmt áætlun og í ágúst í
sumar hafði náðst samkomulag í aðalatriðum um
orkuverð, skattamál og annað sem tengist stækk-
un áiversins. Jafnframt hefur verið unnið að
umhverfisathugun vegna stækkunarinnar og
einnig hafa staðið yfír viðræður við starfsmenn
álversins í Straumsvík um breytingar á ákveðnum
þáttum í kjarasamningum, einkum hvað varðar
heimildir til að bjóða út ákveðna verkþætti í áiver-
inu. Þær viðræður hafa ekki skilað niðurstöðu
enn sem komið er.
Beðið hefur verið eftir niðurstöðu stjórnar
Alusuisse-Lonza með nokkurri óþreyju. Gert var
ráð fyrir að stjórn fyrirtækisins myndi taka
ákvörðun um hvort það myndi ráðast í stækkun
eða ekki á stjómarfundi í lok september, en þá
var ákveðið að fresta ákvörðun í málinu til næsta
stjórnarfundar, sem haldinn var í gær.
Gert er ráð fyrir að stækkun álversins í
Straumsvík sé um 12 milljarða króna fjárfesting
og að það skapist rösklega 70 framtíðarstörf í
verksmiðjunni eftir að álverið er komið í fullan
rekstur. Álverið í Straumsvík getur nú framleitt
um 100 þúsund tonn af áli á ári, en eftir stækk-
un er gert ráð fyrir að framleiðslugetan verði um
162 þúsund tonn á ári. Gera má ráð fyrir að
nokkur hundruð manns starfi við byggingu álvers-
ins á byggingatímanum og að orkan sem þurfi
til framleiðslunnar séu rúmar 900 gígawattstund-
ir á ári, en það er nálægt því sú umframorka sem
nú er til í orkuveitukerfínu.
Morgunblaðið/Berglind H. Helgadóttir
Morgunblaðið/Sig. Jóns
Indíánar á
Selfossi
NIU ára nemendur í Sandvíkur-
skóla á Selfossi héldu indíánahátíð
á föstudaginn var og buðu foreldr-
um sínum að koma og fylgjast
með, en undirbúningur hátíðarinnar
hafði staðið yfir í tvær vikur og var
hefðbundnu skólastarfi vikið til
hliðar á meðan.
■ Indíánahátíð/15
—.—■♦■■■» -»-
Forsætis-
ráðherra
Eistlands í
heimsókn
FORSÆTISRÁÐHERRA Eistlands,
hr. Tiit Váhi og frú Raine-Lea Váhi,
eru væntanleg í opinbera heimsókn
til landsins dagana 8.-11. nóvember.
í för með þeim verða ráðherrar
efnahagsmála Eistlands hf., Andres
Lipstok, sendiherra Eistlands, hr.
Arvo-Jurgen Alas, og eiginkona hans
og embættismenn úr forsætis- og
utanríkisráðuneytum Eistlands.
Á dagskránni eru viðræður við
forsætisráðherra og utanríkisráð-
herra, fundur á vegum útflutnings-
ráðs með fulltrúum íslensks atvinnu-
lífs, skoðunarferð um Suðurland og
frumsýning í Islensku óperunni.
Samkeppnisráð gagnrýnir drátt á afgreiðslu umsóknar um rekstur farsímakerfis
Brot á reglu
umjafnræði
. Beðið
eftir
betri tíð
Akureyri, Morgunblaðið
TRILLUKARLAR á Akureyri
segjast ekki hafa séð það
-verra í langan tíma, með afla
upp á 1-200 kíló á dag, þegar
gefur. Þeir halda sig á Pollin-
um og út að Hjalteyri og segj-
ast ekki reikna með betri tíð
fyrr en í vor. Bergsteinn
Garðarsson er einn þessara
manna og á myndinni dyttar
hann að um borð á meðan
hann bíður betri gæfta.
SAMKEPPNISRÁÐ telur að sá
dráttur sem orðið hefur hjá sam-
gönguráðuneytinu við afgreiðslu
umsóknar um GSM-farsímakerfi
fari gegn markmiði samkeppnis-
laga. Jafnframt verði ekki betur
séð en að núveraridi skipan þess-
ara mála fari gegn þeirri grunn-
reglu íslensks réttar um jafnræði
aðila.
Þetta kemur m.a. fram í áliti
Samkeppnisráðs sem fram er kom-
ið vegna erindis frá Samtökum
seljenda fjarskiptabúnaðar. Sam-
tökin telja að með þvi að fella
stofnkerfi tveggja farsímarása og
boðkerfa undir samkeppnisstarf-
semi í fjarskiptum sé verið að
færa starfsemi sem sé i raun
einkaréttur yfir á samkeppnissvið.
Samkeppnisráð bendir á í áliti
sínu að samgönguráðherra geti
heimilað aðilum með staðfesturétt
á Evrópska efnahagssvæðinu að
reka slík stofnkerfi að uppfylltum
skilyrðum. „Samgönguráðherra
hefur ekki birt hvaða skilyrði þarf
að uppfylla til að fá leyfi til að
reka umrædd kerfi þótt liðin séu
tvö og hálft ár frá setningu fjar-
skiptalaga og nokkur tími sé liðinn
síðan ráðuneytinu barst umsókn
um rekstur GSM-farsímakerfis.
Póst- og símamálastofnun rekur
farsímakerfi hér á landi án þess
að ljóst sé hvaða skilyrði þarf að
uppfylla til slíks reksturs. Með því
að ekki Iiggja fyrir almenn hlutlæg
skilyrði og vegna þess dráttar sem
orðið hefur við afgreiðslu umsókn-
ar um GSM-farsímakerfi verður
að telja að farið sé gegn mark-
miði samkeppnislaga. Jafnframt
verður ekki betur séð en að þessi
skipan mála fari gegn þeirri
grunnreglu íslensks réttar um
jafnræði aðila.“
Hljótum að fara gætilega
Halldór Blöndal, samgönguráð-
herra, segist eiga eftir að kynna
sér þetta mál nánar með sínum
lögfræðingum og ákveða hvernig
brugðist verði við. „Það hafa fleiri
enn einn aðili sýnt áhuga á að
setja upp GSM-kerfi. Ef sú verður
niðurstaðan að heimila öðrum að-
ila að koma þar inn, þá er það
mikið verk að undirbúa málið
þannig að menn standi jafnfætis.
Þetta er ekkert sem menn gera á
einum eftirmiðdegi. Við erum að
tala um almannahagsmuni og mér
ber sem ráðherra samgöngumála
að gæta hagsmuna skattgreiðenda
og þjóðarinnar sem á Póst- og
símamálastofnun. Við hljótum að
fara gætilega í þessum efnum.“
■ Hraðaþarf/16