Morgunblaðið - 08.11.1995, Side 7
MORGUNBLAÐIÐ
MIÖVIKUDAGUR 8. NÓVEMBER 1995 B 7
FRÉTTIR
ÞESSI nýi íslenski flokkari sem nýlega var seldur til Sildarvinnslunnar hf á Neskaupstað tekur
minna rými en flestir aðrir flokkarar miðað við afköst.
Nýr flokkari fyrir síld
loðnu og fleiri tegundir
FRAMLEIDDUR hefurverið flokk-
ari fyrir loðnu og síld, sem hentar
einnig vel fyrir fleiri tegundir. Um
er að ræða alíslenska hönnun og
framleiðslu. Flokkarinn verður
kynntur á sjávarútvegsráðstefnu í Murmansk í næstu viku og er búist við
að stór markaður sé fyrir hann erlendis.
Sótt verður inn á
markaði erlendis
„Þessi síldar- og loðnuflokkari
byggir á þykktarflokkun, þar sem
allar flökunarvélar mæla fisk eftir
þykkt við flökun,“ segir Ragnar
M. Magnússon hjá Style Internat-
ional. „Það sem er nýmæli er að
flokkarinn tekur minna pláss en
beltis- og keflisflokkarar og flokkar
betur og hraðar. Hann ræður þar
af leiðandi við miklu meira magn
af fiski á skemmri tíma. Þeir flokk-
arar sem hafa verið notaðir í loðnu
á íslandi á undanförnum árum eru
svokallaðir hristarar, sem fara verr
með fiskinn og eru ekki nógu ná-
kvæmir í .flokkun."
Hönnuðir nýja flokkarans eru
Ragnar M. Magnússon, Steinar
Steinsson og Egill Þór Ragnarsson,
en Style International er framleið-
andi. Nú þegar hafa tveir flokkarar
verið seldir, annar til Síldarvinnsl-
unnar hf. á Neskaupstað og hinn
til SR-Mjöls. Um er að ræða alís-
lenska hönnun og framleiðslu.
Þrepainnmötun fyrir flokkara
Ekki hefur farið fram kynning á
flokkaranum erlendis, en Ragnar
segir að stórir markaðir séu fyrir
hann þar. „Hann verður kynntur á
næstunni,“ segir hann. „Það verður
meðal annars sýnt myndband af
flokkaranum á sjávarútvegsráð-
stefnu í Murmansk í næstu viku.“
Auk þess var hönnuð ný þrepa-
innmötun fyrir flokkarann, sem
hentar líka fyrir aðrar flokkunarvél-
ar. Hún virkar þannig að að ef sfld-
in eða loðnan fellur þversum á
mötunarrennu eru pinnar á hábár-
um sem snúa fiskinum ofan í lág-
báru.
HannaA fyrtr fleiri tegundlr
„Flokkarinn er úr ryðfríu efni og
keðjurnar úr næloni, þannig að við-
haldskostnaður er í íágmarki," seg-
ir Ragnar og bætir við að hægt
verði að fá þennan flokkara í mörg-
um stærðum. Auk þess geti hann
flokkað fleiri tegundir en loðnu og
síld, t.d. makríl, kolmunna, gulllax
og ansjósur.
Ekki verður látið sitja við þennan
flokkara, heldur er líka unnið að
rækjuflokkara sem byggður verður
upp á sömu aðferð. „Það verður
algjör bylting í flokkun á rækju,“
segir Ragnar. „Búið er að panta
megnið af efninu í flokkarann,
þannig að hann ætti að vera tilbú-
inn um áramót.“ Auk þess er unnið
að hönnun flokkara fyrir fleiri fiski-
tegundir.
Mörenot
með ISO
9001 gæða-
vottun
ÁNÆGÐIR netagerðarmenn hjá Mörenot í Noregi.
MÖRENOT er fyrsti veiðar-
færaframleiðandinn í Noregi,
sem framleiðir nú eftir gæða-
eftilitskerfinu ISO 9001, sem
vottað er af Det Norske Verit-
as. „Ferlið hefur tekið mörg ár
og við erum mjög stoltir af því
að vera fyrstir til að taka kerf-
ið í notkun," segir Roald Rogne,
gæðastjóri Mörenot a/s.
„Við byrjuðum að vinna að
gæðahandbók fyrirtækisins
árið 1991 og fyrir einu ári var
send inn umsókn um vottun hjá
Det Norske Veritas. í dag
sjáum við viðurkenninguna
hanga í ramma uppi á vegg.“
Hann segi þó ljóst að vinnu við
gæðaeftirlit ljúki aldrei, heldur
verði stöðugt að leita nýrra
leiða.
„ISO 9001-kerfið snýr að öllu
sem fyrirtækið tekur sér fyrir
hendur, til að mynda rannsókn-
um, smíði, innkaupum, fram-
leiðslu, geymslu, uppsetningu,
sölu o.s.frv. Hver starfsmaður
er þátttakandi í kerfinu og
vinnur að þvía ð auka gæðin,“
segir Per Ringstad, fram-
leiðslustjóri Mörenot.
„Við vonumst til að ISO-kerf-
ið komi okkur í fremstu röð
hvað varðar gæði,“ segir Alf
Hildre, markaðsstjóri Mörenot.
„Það hefur kostað tima og pen-
inga að ná þessum árangri, en
við erum öruggir að við náum
einhverju til baka með betra
innra eftirliti, Iýtalausri fram-
leiðslu, ánægðum viðskiptavin-
um og aukinni sölu. Þá reiknum
við með að ISO-kerfið hjálpi
okkur að ná samböndum er-
lendis."
Hafgarðar og rif til
verndar fiskínum
FISKAFLI við strendur Malasíu
hefur farið dvínandi vegna ofveiði
og mengunar undanfarin ár. Mest-
ur er samdrátturinn á 'ansjósju-
veiðum og ýmsum veiðum á
grunnsævi. Þetta kemur illa niður
á frumstæðustu fiskimönnunum,
sem ekki geta sótt nema skammt
út og notast mest við handfæri
eða net, sem dregin eru með hand-
afli.
Uppi eru ýmsar ráðgerir til að
stemma stigu við hvorutveggja,
mengun og ofveiði og er áherzlan
fyrst í stað lögð á hafsvæðið út
að tveimur mílum frá landi. Er þá
hugmyndin að koma upp einskon-
ar „hafgörðum", líkt og þjóðgörð-
um á landi, þar sem strangt eftir-
lit er með veiðum og umgegni um
auðlindina.
Þegar hefur náðst nokkur
árangur og í fyrra varð aflinn 2,5%
meiri en árið áður. Aukningin staf-
ar reyndar fyrst og fremst af vax-
andi veiði á dýpra vatni og úr fisk-
eldi. Búizt er við að veiðar á djúp-
sævi eigi eftir að aukast um 10%
og fiskeldi og 12,8% á ári og þann-
ig náist að auka veiðar og vinnslu.
Loks er rætt um að byggja sér
stök rif um fimm mílur frá landi,
til að vernda veiðar á grunnsævi
fyrir togurum.
Námskeið
um uppsetningu innra eftirlits
(GÁMES) í matvælaiðnaái
Samkvæmt ákvæðum 4. gr. reglugerðar nr. 552/1994 um matvælaeftirlit og
hollustuhætti við framleiðslu og dreifingu matvæla, skulu þeir sem framleiða
eða dreifa matvælum hafa komið á innra eftirliti með starfseminni eigi síðar
en 14. desember n.k.
Af þessu tilefni mun Nýjo skoðgnarstofan hf. efna til námskeiðs um uppsetninau
inpra eftirlits í matvælaiðnaði. A námskeiðinu verður fjallað um grunavallaratrloi
GAMES-gæðaeftirlitskerfisins og hvernig standa beri að upnsetningu slíkra
kerfa. Námskeiðið er ætlað öllum sem starfa við framleiðslu eða areifingu
matvæla. Kennslan fer fram í formi fyrirlestra og verklegra æfinga.
Fundarstaður: Hús verslunarinnar 6. hæð Krínglan 7 103 Reykjavík.
Fundartími: Mánudagurinn 13. nóvember 1995, kl. 9:00 kl. 18:00.
Þátttökugjald: 10.000.- kr./þátttakanda. Greiðist við innganginn.
Skráning: Simi 568 1333 eða fax 568 8441 fyrir
föstudaginn 10. nóvember n.k.
Leiðbeinandi: Dr. Róbert Hlöðversson, framkvæmdastjóri Nýju
skoðunarstofunnar hf.
_ NÝJN
SK©EXJNAR
rSTOFAN
Nýja skoðunastofan hf. er viðurkennd skoðunarstofa og hefur um árabil unnið að uppsetningu
innra eftirlits i matvælafyrirtækjum og holdið fjölda námskeiða um þetta efni.
Fisktæknir
óskar eftir framtíðarstarfi. Haldgóð reynsla
fyrir hendi.
Upplýsingar í síma 568 8349 eða 896 8460.
kviíitabankinn
Þorskurtil leigu
Vantar þorsk varanlega
Sími 565 6412, fax 565 6372, Jón Karlsson.
Kvóti
Kvótamiðlun og markaður alla daga
Látið skrá kvótann hjá okkur. Höfum ávallt
kaupendur og leigjendur að öllum tegundum
kvóta. Áralöng reynsla, þekking og þjónusta.
Skipasalan Bátar og búnaður,
Kvótamiðlun, sími 565 2554
og símbréf 552 6726.