Morgunblaðið - 08.11.1995, Qupperneq 1
HANDKNATTLEIKUR
KNATTSPYRNA: ÞÝSKU MEISTARARNIR ÚR LEIK í BIKARNUM / C4
Benedikt
tekur við KR
1995
MIÐVIKUDAGUR 8. NÓVEMBER
BLAD
BENEDIKT Rúnar Guðmundsson var í gær ráð-
inn þjálfari meistaraflokks karla í körfuknatt-
leik hjá KR og tekur við því starfí af Axel Niku-
lássyni sem hætti störfum í síðustu viku. Bene-
dikt gerði tveggja ára samning við félagið, en
hann er 23 ára og hefur starfað undanfarin ár
sem þjálfari yngri flokka félagsins en var einn-
ig aðstoðarþjálfari meistaraflokks KR er Laszlo
Nemeth þjálfaði liðið. Hann hefur enn fremur
starfað sem framkvæmdastjóri körfuknattleiks-
deildar KR.
Hlynur aftur
til Eyja
HLYNUR Stefánsson, landsliðsmaður í knatt-
spyrnu, hefur ákveðið að hætta að leika með
Órebro í Svíþjóð og ætlar að ganga aftur í rað-
ir Eyjamanna. Hlynur fór til Orebro 1992 og
hefur þvi leikið undanfarin fjögur timabil með
liðinu en sagði við Morgunblaðið í gær að rétt
væri að breytatil og staðfesti að hann væri á
Jeið til Eyja.
Lánjs Orri
gaf ekki
kost á sér
Stjarnan
hefur ekki
tapað stigi
STJARNAN sigraði KR 28:20 í
1. deild kvenna í Garðabæ í
gærkvöldi. Stúlkurnar úr
Garðabæ hafa unnið alla sex
leiki sína í deildinni og eru
komnar í efsta sæti. Ragnheið-
ur Stephensen var markaháest
í liði Sijörnunnar í gær með 8
mörk, Sigrún Másdóttir kom
næst með 7 mörk. Selma Grét-
arsdóttir gerði 6 mörk fyrir
KR og Brynja Steinsen 5. KR
náði fjögurra marka forystu í
byijun fyrri hálfleiks en Stjarn-
an náði undirtökunum um miðj-
an hálfleikinn og hafði yfir í
hálfleik, 13:9. Á myndinni
reyna Stjörnustúlkurnar Guðný
Gunnsteinsdóttir og Herdís Sig-
urbergsdóttir að bijóta sér leið
í gegnum vörn KR-stúlkna.
■ Staðan / C4
Morgunblaðið/Kristinn
LÁRUS Orri Sigurðsson, knattspyrnumaður hjá
Stoke, gaf ekki kost á sér í U-21 árslandsliðið
sem leikur i Búdapest á föstudag. „Ég tók Stoke
framyfir vegna þess að það er mikil samkeppni
um a ð komast í liðið og ég þorði ekki að taka
áhættuna að faratil Ungveijalands því þá hefði
ég misst af tveimur leikjum með Stoke. Þetta
er nú einu sinni atvinnan mín og ég verð að
hugsa um mig og fjölskylduna," sagði Lárus
Orri sem hefur leikið alla leikina með Stoke á
timabilinu nema einn, en þá var hann meiddur.
Hann segir að það hefði horft öðruvísi við hefði
hann verið valinn i A-landsliðið.
Framboð á beinum útsendingum í sjónvarpi eykst jafnt og þétt
Stöð 3 sýnir beint frá ensk-
um deildar- og bikarleikjum
SJÓNVARPSSTÖÐIN Stöð 3,
sem hefur útsendingar fljótlega,
gekk í gær frá samningum við enskt
umboðsfyrirtæki um einkarétt á
beinum útsendingum á íslandi frá
leikjum í ensku bikarkeppninni í
knattspyrnu (FA Cup) í vetur og tvö
næstu keppnistímabil — fram á vor
1998. Þá samdi Stöð 3 við sama
fyrirtæki um einkarétt á beinum út-
sendingum hérléndis frá leikjum í
ensku úrvalsdeildinni á sunnudögum
og mánudögum á yfirstandandi
keppnistímabili og því næsta.
Ríkissjónvarpið hefur í mörg ár
sýnt úrslitaleik ensku bikarkeppninn-
ar beint, en nú verður sem sagt
breyting þar á og leikurinn aðeins
sýndur á Stöð 3. Frá og með þriðju
umferð bikarkeppninnar, sem er á
dagskrá strax eftir áramót, verður
stöðin með þætti um leiki í hverri
umferð þar til kemur að undanúr-
slitaleikjunum tveimur, sem verða
báðir í beinni útsendingu. Þeir eru á
dagskrá sama sunnudaginn, annar
kl. 12 og hinn kl. 15.
RÚV verður áfram með beinar
sendingar frá ensku úrvalsdeildinni
á laugardögum, en sunnudags- og
mánudagsleikirnir sem Stöð 3 verður
með eru viðbót frá-Englandi; en þar
er um að ræða sömu leiki og Sky
sjónvarpsstöðin sýnir beint um Bret-
landseyjar. Þær útsendingar nást
reyndar víða hérlendis.
Það var Heimir Karlsson, fyrrum
íþróttafréttamaður á Stöð 2 og RÚV,
sem nú er búsettur í Englandi, sem
samdi við enska umboðsfyrirtækið
CSI fyrir Stöð 3. Heimir mun lýsa
a.m.k. einhveijum leikjanna frá Eng-
landi fyrir stöðina.
Að sögn Úlfars Steindórssonar,
framkvæmdastjóra Stöðvar 3, verður
fyrsta beina útsendingin frá Eng-
landi væntanlega viðureign Liverpool
og Manchester United sunnudaginn
17. desember. Stöð 3 vérður einnig
með beinar sendingar frá Þýskalandi
í vetur, eins og Morgunblaðið hefur
greint frá, og mestar líkur eru á að
fyrsti leikurinn þaðan verði laugar-
daginn 18. nóvember, viðureign Bay-
ern Munchen og Werder Bremen.
Hann verður a.m.k. örugglega sýnd-
ur en hugsanlega verður byijað fyrr.
Ljóst er að innan skamms eykst
framboð á beinum sendingum frá
knattspyrnuleikjum sunnar í álfunni
til muna í íslenskum sjónvarpsstöðv-
um. í hefðbundinni viku verða ís-
lensku stöðvarnar með fímm deildar-
leiki beint — tvo á laugardegi (RÚV
frá Englandi og Stöð 3 frá Þýska-
landi), tvo á sunnudegi (Stöð 2 frá
Ítaiíu og Stöð 3 frá Englandi) og
einn á mánudegi (Stöð 3 frá Eng-
landi). Sá sjötti bætist svo við þegar
Meistaradeild Evrópukeppninnar er
á dagskrá, en Sýn er með þá í beinni
útsendingu.
KNATTSPYRNA