Morgunblaðið - 12.11.1995, Blaðsíða 29

MORGUNBLAÐIÐ
SUNNUDAGUR 12. NÓVEMBER 1995 29
| ___________________________________
því haldið fram, mest í gamni, að
• séra Rögnvaldur væri eini múslim-
inn sem gegndi prestþjónustu hjá
íslensku Þjóðkirkjunni.
Allt þetta hafði ég heyrt um
Rögnvald, áður en ég kynntist hon-
um. Einnig um einarða afstöðu
hans til sjálfstæðismála þjóðarinn-
ar og þátt hans í baráttunni gegn
erlendum herstöðvum hér á landi.
) En ég hafði enga hugmynd um
) hvílíkt ævintýri það yrði að kynn-
ast þessum manni, að ferðast með
* honum til Jerúsalem og eiga hann
að vini.
Það er hamingja að eiga vin sem
vekur mann upp á morgnana með
símtali og er svo skemmtilegur, að
hláturinn lifir í manni langt fram
á dag. Ef eitthvað er að marka
málsháttinn um að hláturinn lengi
lífið, er ég hræddur um að ég geti
’ orðið nokkuð langlífur. Það verður
j þá séra Rögnvaldi um að kenna.
| Rögnvaldur var einstaklega hlýr
maður. Hann var alla ævi næmur
eins og barn, jafnt á mannfólkið,
náttúruna og umhverfið allt. Þessi
eiginleiki kom sterkt fram í
snilldarlegum ljóðum hans. Hann
opnaði augu mín æ ofan í æ fyrir
hlutum sem þau voru annars lukt.
í fáum og fátæklegum orðum fæ
. ég lítt þakkað vini mínum góðar
samverustundir til hinsta dags. Það
er huggun harmi gegn, að sama
| daginn og Rögnvaldur lést og und-
ir sama þaki, skyldi honum fæðast
sonarsonur, Finnbogason. Við
Björk vottum Kristínu, bömum öll-
um og barnabömum, Sesselju syst-
ur hans og öðmm aðstandendum,
dýpstu samúð og þakklæti fyrir
auðsýnda góðvild alla tíð.
Sveinn Rúnar Hauksson.
Séra Rögnvaldur Finnbogason
I sóknarprestur á Staðarstað er fall-
inn frá. Með honum er horfinn af
sjónarsviðinu eftirtektarverður per-
sónuleiki sem setti svip á samtíð
sína.
Með þessum fáu orðum ætla ég
ekki að rekja fyrsta æviskeið séra
Rögnvaldar. Þar þekki ég lítið til
enda munu aðrir gera þeim þætti
skil sem betur eru kunnugir. Mig
langar aðeins til þess að nefna örfá
I atriði af kynnum okkar þau 22 ár
' sem hann var prestur okkar í Stað-
arstaðarprestakalli. Hann var fjöl-
hæfur gáfumaður og gerði nokkuð
af því að ferðast og kynnast fram-
andi löndum og þjóðum. Þessa
þekkingu sína notaði hann oft til
þess að auka áhrifamátt í mörgum
eftirminnilegum ræðum sínum.
Séra Rögnvaldur var sjálfstæður
í skoðunum og setti þær óhikað
fram. Hann batt ekki alltaf bagga
| sína með sama hætti og samferða-
mennimir.
Það kom fljótt í ljós, eftir að
hann kom að Staðarstað, að hann
lagði mikla rækt við áð fegra stað-
inn og gera hann í alla staði sem
reisulegastan.
Kirkjan fór heldur ekki varhluta
af þessum áhuga hans. Allir sem
koma í Staðarkirkju geta séð hve
smekklega er að henni búið. Þar
hefir hugkvæmni séra Rögnvaldar
I notið sín vel.
Þegar Rögnvaldur flutti í presta-
kallið var Búðakirkja komin í mikla
niðumíðslu og þörf mikilla aðgerða
á henni. Var því fljótlega farið að
ræða um viðgerð á kirkjunni. Séra
Rögnvaldur tók upp baráttu fyrir
því að kirkjan yrði endurbyggð í
sama stíl og hún upphaflega var
árið 1§48. Þetta ræddi hann við
forystumenn Þjóðminjasafns og
fékk góðar undirtektir. Með góðum
stuðningi heimamanna og fjöl-
margra annarra hefir þessi endur-
reisn náð fram að ganga. Það er
ekki síst að þakka farsælli forystu
séra Rögnvaldar.
Það var alltaf gott að koma í
heimsókn til þeirra presthjóna á
Staðarstað og njóta alúðar þeirra
og vinsemdar.
Við hjónin þökkum séra Rögn-
valdi fyrir áralanga, trausta vináttu.
Konu hans og börnum vottum
við innilega samúð.
Þráinn Bjarnason.
MIIMNINGAR
GUÐMUNDUR
ERLENDUR
GUÐMUNDSSON
+ Guðmundur Er-
lendur Guð-
mundsson fæddist 23.
maí 1968 í Reykjavík.
Hann lést 23. október
síðastliðinn. Hann
var sonur Nínu Math-
iesen og Guðmundar
Erlendar Hermanns-
sonar.
Útför Guðmundar
Erlends hefur farið
fram í kyrrþey.
Hinsta kveðja
móður
Elsku Mummi minn,
mér fannst ég ekki geta kvatt þig
nógu vel þegar þú varst kistulagð-
ur, enda margir um að kveðja þig.
Þú varst allra yndi, elsku drengur-
inn minn.
Þú varst eitthvað svo smár í kist-
unni, en svo bjartur og yndislega
fallegur. Það er ekkert skrítið, þú
varst alltaf svo fallegur, góður og
blíður og vildir öllum gott gera.
Ég minnist dásamlegra tíma úr
bemsku þinni. Þú vafðir alltaf hand-
leggjunum þínum um hálsinn á mér
hvar sem við vorum.
En svo veiktist ég og þú þurftir
að fara frá mér. Það
var sárt, svo sárt, en
ég vissi að þú varst
í góðum höndum og
við gátum alltaf hist
öðru hvoru.
Svo liðu árin, og
þú varst allt í einu
orðinn fulltíða mað-
ur.
Elsku Mummi
minn, ég vissi ekki
nákvæmlega hvemig
þér leið, þér tókst svo
vel að dylja mig þess.
Þú varst alltaf svo
hress og kátur þegar
þú varst hjá mér. Nú eru að koma
jól. Þú borðaðir alltaf hjá mér á
jólunum - þú gerir það ekki lengur.
Það verður líka allt gleðisnauð-
ara.
Elsku drengurinn minn, þetta eru
bara fáein kveðjuorð frá mömmu
þinni. Þakka þér fyrir allt það góða
sem þú gafst mér á lífsleiðinni. Nú
ert þú kominn til föður þíns og afa.
Megi Drottinn umvefja þig ljósi
sínu og gefa sálu þinni frið og ró
um alla eilífð.
Drottinn blessi minningu þína.
Þín mamma.
GUÐBERGUR
INGÓLFSSON
+ Guðbergur Ingólfsson
fæddist á Litla-Hólmi í
Leiru í Gerðahreppi 1. ágúst
1922. Hann lést á Borgarspítal-
anum 1. nóvember síðastliðinn
og fór útför hans fram frá Út-
skálakirkju 8. október.
.ALLAR hugsanir leita aftur í tím-
ann á svona stundum. í huga mér
stendur Beggi í blárri peysu við eld-
húsgluggann á Húsatóftum, en við
borðið sitja minnst tíu böm og
kannski nokkrir fullorðnir sem
slæðst hafa inn í kaffi. Mjólkurglös
eru full af ljósbrúnu dísætu kaffi
og Didda er að bæta jólakökusneið-
um og matarkexi á diska. í þessari
minningu er alltaf brakandi þurrk-
ur, tauið dansandi á snúrunum og
sólin skín á snjóhvítan saltfískinn
þar sem hann liggur til þerris á
svörtu fjörugtjótinu.
Það var alltaf pláss fyrir eitt bam
til hjá Diddu móðursystur minni og
Begga manni hennar og ég naut
þess að heimsækja þau. Naut þess
að ærslast með hinum krökkunum
og vasast í saltfískvinnu. Salt í sár
og að breiða og taka saman var
mér ævintýraleg upplifun, en hinum
börnunum daglegt brauð. Samt
sögðu þau aldrei: „Þér þætti þetta
Blómastofa
Friðjuuis
SuðurlandsbrautlO
108 Reykjavík * Sími 5531099
ekki svona rosalega gaman af þú
þyrftir alltaf að vera að þessu."
Það var mikið unnið í þá daga
og ekki held ég að fríin hafi verið
mörg, en samt man ég eftir að
hafa einu sinni farið, ásamt móður
minni, í langt ferðalag með Diddu,
Begga og tveimur börnum þeirra.
Það var þá sem ég uppgötvaði hvað
þau vom skemmtilegir ferðafélag-
ar. Þau sungu svo vel og svo vom
þau svo fróð um allt sem fyrir augu
bar.
Elsku Didda, mér er það ómögu-
legt að skrifa um Begga án þess
að skrifa líka um þig, því ég held
að ég hafi aldrei hugsað um annað
ykkar án þess að hugsa um leið um
hitt. Ég veit að þið Beggi hafið ver-
ið hvort öðm og öllum öðmm góðir
ferðafélagar á þessu ferðalagi okkar
og ég bið Guð að styrkja þig og
fjölskyldu þína. Leyf mér nú að
stijúka þér um vanga eins og Beggi
strauk einu sinni mér. Þá virtist líf
mitt dapurlegt og erfitt fyrir alla
að ræða það. En Beggi kom til mín,
blíður að vanda, strauk mér um
vangann og sagði: „Það er svo
skrýtið þegar ólánið eltist við þá sem
síst eiga það skilið.“ Þetta var besta
huggunin.
Hulda Karen Daníelsdóttir.
II I Krossar
áleiði
I 'Æarlit og málo&ir.
Mismunandi mynsnjr, vonduS vinna.
Sími SS3 S989 og SS3 S738
»»»»»»»»»»»
^ Fersk blóm og *
% 2
* skreytingar *
a við öll tækifæri *
A Persónuleg þjónusta *
A ------------ x
^ Fákafeni 11, sími 568 9120 $
■}■» »»»»»»»» »*
t
Alúðarþakkir fyrir auðsýnda samúð og
hlýju við andlét ástkærs eiginmanns
míns, föður okkar, tengdaföður, afa og
langafa,
FINNS HILMARS
INGIMUNDARSONAR,
Teigaseli 1,
Reykjavík.
Bergljót Karlsdóttir,
Marfa Guðrún Finnsdóttir, Bragi Olafsson,
Ingibjörg Auður Finnsdóttir, Skúli Sigurvaldason,
Sigurlaug Björk Finnsdóttir, Guðmundur Guðbjörnsson,
Finnur Sverrir Magnússon, Helga Guðrún Guðnadóttir,
barnabörn og barnabarnabörn.
t
Innilegar þakkir fyrir auðsýnda samúð og hlýhug við andlát og
útför eiginmanns míns, föður, tengdaföður og afa,
GUNNARS HELGA SIGURÐSSONAR
frá Brúarhrauni,
Melgerði 15,
Reykjavík.
Soffía Guðbjörg Sveinsdóttir,
Sigurður Gunnarsson,
Viggó Jörgensson, Lena K. Lenharðsdóttir,
Helga Jörgensdóttir, Helgi I. Jónsson
og barnabörn.
t
Innilegar þakkir til allra, sem sýndu
okkur samúð og vinarhug við andlát og
útför eiginmanns míns, föður okkar,
tengdaföður, afa og langafa,
GUÐJÓNS EMILSSONAR.
Dagrún Gunnarsdóttir,
Emil Theodór Guðjónsson, Guöriöur Halldórsdóttir,
Sveinn Guðjónsson, Björg H. Bjarnason,
Gunnar Guðjónsson, Guðrún Gfsladóttir,
Anna Guðjónsdóttir,
barnabörn og barnabarnabörn.
t
Faðir minn,
GUÐMUNDUR GUNNARSSON,
Arnarsíðu 2a,
Akureyri,
verður jarðsunginn frá Akureyrarkirkju miðvikudaginn 15. nóvem-
ber kl. 13.30.
Blóm vinsamlegast afþökkuð, en þeim, vilja minnast hans, er
bent á líknarstofnanir.
Helga Guðmundsdóttir.
t
Við þökkum ykkur öllum, sem sýndu okkur hlýhug og samúð og
veittu okkur stuðning við ótímabært fráfall okkar hjartkæru dótt-
ur, systur og barnabarns,
STEINUNNAR ÞÓRU MAGNÚSDÓTTUR,
er lést 1. október sl.
Sérstakar þakkir til alls leitarfólks og björgunarsveita Vestmanna-
eyja, svo og til allra nemenda og kennara Sólvallaskóla.
Guð blessi ykkur öll.
Sonja Guðmundsdóttir, Magnús Þór Gissurarson,
Guðmundur Þór Magnússon, Svanhildur ólafsdóttir,
Júlía Gladys Magnúsdóttir,
Guðmundur Guðleifsson, Guðrún Brynjólfsdóttir.

LEGSTEINAR
MOSAIK H.F.
Hamarshöfða 4 - sími 587 1960