Morgunblaðið - 14.11.1995, Blaðsíða 8

i
8 ÞRIÐJUDAGUR 14. NÓVEMBER Í995
MORGUNBLAÐIÐ
FRETTIR
Hann landaði laxinum _flwr
„Finnur Ingólfsson iönaöarráöherra og forsvars- m|| I j
menn Alusuisse-Lonza kynntu í gær niðurstöðu '''
samningaviöræöna um stækkun álversins í Straum-
svík.
,°G-MUAÍD^/6242^
Bjarni P. Magnússon hættir sem sveitarstjóri Reykhólahrepps
Heildarskuldir sveitar-
félagsins 217 milljónir
BJARNI P. Magnússon, sveitarstjóri Reykhólahrepps, hefur látið
af störfum sem sveitarstjóri, en skuldir sveitarfélagsins eru um 217
milljónir króna sem jafngildir að skuldir á hvern íbúa séu yfir 560
þúsund krónur. Skatttekjur sveitarfélagsins voru 55 milljónir króna
á síðasta ári. Þá hefur einn fulltrúi í meirihluta hreppsnefndar,
Bergljót Bjarnadóttir, sagt af sér. Varamaður kemur inn í staðinn
og helst núverandi meirihlutasamstarf í hreppsnefndinni óbreytt.
Stefán Magnússon, oddviti
hreppsnefndar, sagði að heildar-
skuldir sveitarfélagsins væru 217
milljónir króna fyrir utan kröfur
sem það ætti. Hann sagði að búið
væri að ræða alvarlega skulda-
stöðu sveitarfélagsins við alla þá
aðila sem að því máli kæmu, fé-
lagsmálaráðuneytið, heilbrigðis-
ráðuneytið og Samband íslenskra
sveitarfélaga. Núna yrði sest yfir
að reyna að finna lausn á málinu,
en honum og öðrum aðila hefði
verið falið að ganga í að gera það.
Viðskiptaráðherra
um 2.000 kr. seðilinn
Erfitt að
bætaúr
HELGI Hjörvar, fram-
kvæmdastjóri Blindrafélags-
ins, hittir Finn Ingólfsson við-
skiptaráðherra að máli í dag
þar sem honum verður gerð
grein fyrir óánægju blindra
með nýja 2.000_ kr. seðilinn
sem Seðlabanki íslands hefur
gefið út.
Eins og fram hefur komið
eru blindir óánægðir með að
nýi seðillinn skuli ekki vera
aðgreindur frá öðrum pen-
ingaseðlum í umferð hvað
varðar stærð og lit.
Finnur Ingólfsson sagði í
samtali við Morgunblaðið að
hann myndi í framhaldi af
fundinum með framkvæmda-
stjóra Blindrafélagsins ræða
við Seðlabanka Islands um
hvað hægt er að gera í mál-
inu.
„Eins og fram hefur komið
hjá Seðlabankanum þá eru
þetta ieið mistök sem þarna
eiga sér stað og kannski erf-
itt að bæta úr því sem komið
er. En við munum skoða
málið,“ sagði Finnur Ingólfs-
son í samtali við Morgunblað-
ið í gærdag.
Skuldir vegna Barmahlíðar
83 milljónir
Stefán sagði að þegar hjúkrun-
ar- og dvalarheimilið Barmahlíð
hefði verið yfirtekið hefðu verið
yfirteknar miklar skuldir, sem
núna næmu 83 milljónum króna.
Það mál yrði að leysa og þó þeir
hefðu fengið mikla aðstoð vegna
hjúkrunarheimilisins þá hefði það
ekki dugað til.
Þá næmu skuldir vegna félags-
lega íbúðakerfisins 55 milljónum
króna og þar væru þeir inni á
borði hjá félagsmálaráðherra eins
og öll önnur sveitarfélög vegna
þeirra mála. Þeim bæri skylda sem
sveitarstjórnarmönnum að finna
lausn á alvarlegri skuldastöðu
sveitarfélagsins og koma þeim
málum í lag aftur og það væri
einhugur í hreppsnefnd um að
gera það.
Aðspurður hvort ekki hefði ver-
ið ráðist í of miklar framkvæmdir
miðað við getu sveitarfélagsins
sagði Stefán að reynt hefði verið
að gera Barmahlíð þannig úr garði
að það væri hægt að bjóða þar
upp á þjónustu. Þá hefði verið
byggður leikskóli og tónlistarskóli
væri rekinn á staðnum. „Það er
verið að gera þetta umhverfi þann-
ig að menn geti verið hérna og
við myndum ekki missa fólkið frá
okkur,“ sagði Stefán.
Hann sagði að Bjarni P. Magn-
ússon hefði óskað eftir lausn frá
störfum og fá að hætta strax og
sveitarstjórn hefði orðið við þeirri
beiðni.
Bjarni P. Magnússon sagði að
aðdragandi þessa væri talsvert
langur. Þetta hefði verið mjög erf-
iður rekstur, en það væri ekkert
annað um það að segja en að það
væri full sátt um uppsögn hans.
Hann sagði óljóst hvað við tæki
hjá sér.
Aðspurður um ástæður þess
hvernig komið væri sagði hann
að skuldastaðan væri einkum
slæm vegna hjúkrunar- og dvalar-
heimilisins Barmahlíðar sem
hreppurinn hefði yfirtekið. Þá
hefðu tekjurnar lækkað mjög mik-
ið síðustu fjögur ár. Hérðaðið væri
landbúnaðarhérað, 45% manna á
vinnumarkaði væru sauðfjárbænd-
ur og allir vissu að tekjur þeirra
hefðu dregist verulega saman,
þannig að bæði hefði sveitarsjóður
haft minni tekjur og reksturinn
verið þungur og erfiður.
Engin formleg beiðni borist
Húnbogi Þorsteinsson, skrif-
stofustjóri í félagsmálaráðuneyt-
inu, sagði að ráðuneytinu hefði
ekki bofist formleg beiðni um að
það tæki til sinna ráða vegna
skuldastöðu sveitarfélagsins, en
fulltrúar þess hefðu gert ráðuneyt-
inu grein fyrir stöðunni í síðustu
viku. Húnbogi sagði að ráðuneytið
hefði lengi vitað um erfíða stöðu
sveitarfélagsins og myndi taka á
málinu þegar beiðni þar að lútandi
bærist.
Bílgreinasambandið 25 ára
Engin stefna
stjómvalda
Bílgreinasambandið
varð til við sam-
runa tveggja fé-
laga, annars vegar félags
bifreiðainnflytjenda og
hins vegar Sambands bíla-
verkstæða á íslandi. For-
kólfurinn og fyrsti formað-
urinn var Gunnar Ásgeirs-
son, kenndur við Velti.
Hallgn'mur ber lof á störf
forvera síns og segir að á
þessum tímamótum beini
menn huganum fram veg-
inn, en noti fortíðina til
þess að draga lærdóm af.
En hvers konar félags-
skapur er Bílgreinasam-
bandið?
„Bílgreinasafnbandið er
hagsmunasamtök í sölu
ökutækja, vöru og þjón-
ustu þeim tengdum. í BGS
í dag eru yfir 180 fyrirtæki í
Reykjavík og um land allt, þ.e.
bifreiðainnfiytjendur, varahluta-
salar, almenn verkstæði, bíla-
málningar- og réttingarverkstæði,
smurstöðvar, ryðvarnarstöðvar og
aðrir þjónustuaðilar í bílgreininni.
BGS er til fyrir neytendur og
kappkostar að vinna að hags-
munamáium þar sem samtaka-
máttur er líklegri til árangurs."
Hvaða dæmi geturðu nefnt í
því sambandi?
Glíman við stjórnvöld um álög-
ur á bíla er jafngömul samtökun-
um. Við höfum reynt að krefja
stjórnvöld um skipuleg og góð
vinnubrögð, en við ramman reip
er að draga. Það hefur engin
stefna verið og enginn í stjórn-
kerfinu hefur getað útskýrt fyrir
okkur hvers vegna álögur eru með
þeim hætti sem raun ber vitni.
Stjórnvöld hafa verið afar tæki-
færissinnuð þegar bílgreinin hefur
verið annars vegar, enda stór og
góður skattstofn þar á ferðinni
sem sést best á því að á síðasta
ári komu 18 milljarðar í ríkiskass-
ann vegna skattaálaga í greininni.
Iðulega hefur við fjárlagagerð
verið skellt á aukaálögum til þess
að ná einhverjum aukamilljörðum.
Afleiðingin er hins vegar sú, að
neysla leitar alltaf í hagstæðasta
farveginn þannig að ríkið hefur
alltaf tapað þegar til lengri tíma
er litið. Þetta hefur gert kerfið
að hálfgerðum óskapnaði. Þær
litlu breytingar sem gerðar hafa
verið eru auðvitað spor í rétta
átt, en til þessa hefur skort veru-
lega á pólitískt þor og vilja til
þess að taka almennilega á mál-
efnum bílgreinarinnar."
Þýðir þetta ekki að bílafloti
landsmanna fer að ----------------
ganga sér til húðar?
„A árunum 1986 til
1989 voru gjöld og
tollar á bifreiðum hlut-
fallslega miklu lægri
en það sem síðar varð. Sá stóri
hópur, sem þá hafði efni á því að
kaupa nýjan bíl, hefur fyrir vikið
lent. í basli við að endurnýja. Nú
eru þessir stóru árgangar á hraðri
útleið. Við sjáum í þessum efnum
enn hvernig neyslan leitar í hag-
stæðari farveginn þar sem meira
er sótt heldur en fyrr í margs
konar pall- og sendibíla sem menn
síðan freistast til að nota sem
einkabíla. Þetta stafar af því að
þessar tegundir bíla eru í lægri
tollaflokkum.
Þetta er auk þess mjög var-
hugaverð þróun gagnvart vöru-
bílaflotanum þar sem hátt í fjórð-
ungur slíkra bifreiða er orðinn
eldri en 20 ára og mjög lítill hluti
flotans er yngri en fimm ára. Það
Hallgrímur Gunnarsson
► Hallgrímur Gunnarsson er
46 ára gamall rafmagnsverk-
fræðingur. Hann hefur starfað
sem forstjóri hjá Ræsi síðan
árið 1986 og á síðasta ári var
hann kjörinn formaður Bíl-
greinasambandsins sem er ald-
arfjórðungsgamalt í dag
BGS telur að
lækka beri
álögurnar
er siæmt þegar atvinnulífið getur
ekki endurnýjað búnað sinn vegna
óraunhæfra tollaálaga."
Hvernig mun BGS haga sinni
baráttu á þessum tímamotum?
„Við viljum að stjórnvöld gefi
pólitísk fyrirheit um að fram fari
grundvallarendurskoðun á mál-
efnum bílgreinarinnar. Það er
sannarlega full þörf á því. Við sem
höfum lifað af þær miklu sveiflur
sem verið hafa vitum að það skipt-
ir ekki öllu máli hvort gjöld og
álögur séu há eða lág. Markaður-
inn aðiagar sig báðum umhverf-
um.
Við hærri álögur njóta hins
vegar færri og baráttan um við-
skiptavinina er harðari. BGS telur
hins vegar að lækka beri álögurn-
ar, því þannig betjumst við fyrir
viðskiptavinina. Það er kominn
tími til að hugsa sinn gang þegar
bílakostnaður fíölskyldu á ári
hveiju er orðinn hærri að jafnaði
en matarkostnaður. Það sýnir
hvað ríkjandi kerfi er á miklum
villigötum.
Við viljum einnig krefía stjórn-
völd um stefnu í eftirlits- og gæða-
málum. Það eru alls staðar reglu-
verk, fyrir starfsleyfi, umhverfis-
mál, bílaskoðun, faggildingu, sölu
notaðra bíla, hvaðeina. Allt hefur
sitt regluverk en samræming er
engin. Þarna viljum við taka til
hendinni. Við teljum að nú sé lag
--------- að setjast niður og
vinna með stjórnvöld-
um, því þau hafa sýnt
veikburða en eigi að
síður spennandi til-
raunir til úrbóta í
seinni tíð. Það þarf að koma við-
horfsbreyting í þjóðfélaginu í
þessum málum og ef til vill er
kominn vísir að henni.
Því vil ég hvetja sem fiesta af
okkar félagsmönnum til að koma
á afmælisfund okkar í Súinasal
Hótel Sögu á iaugardaginn þar
sem fíallað verður um bílgreinina
til framtíðar og pallborðsumræður
undir stjórn Árna Sigfússonar,
borgarfulltrúa og formanns FÍB,
fara fram. Þangað koma bæði
ráðherrar og þingmenn sem full-
trúar stjórnvalda. Um kvöldið
færum við okkur síðan yfir í Átt-
hagasal og höidum afmælishátíð
og veit ég að þangað mæta flest-
ir okkar félagsmanna'," eru loka-
orð Hallgríms Gunnarssonar.