Morgunblaðið - 14.11.1995, Page 49

MORGUNBLAÐIÐ
ÞRIÐJUDAGUR 14. NÓVEMBER 1995 49
BRÉF TIL BLAÐSINS
Af kjötköllum
Konur
blekktar
Frá Rafni Líndal:
NÚ ER enn ein blekkingin og pen-
ingaplokkið sem ætlað er konum kom-
ið á markað. „Buxur sem veita nudd
og vinna á appelsínuhúð og staðbund-
inni fitu.“ Nokkrir aðilar selja þess
konar „undrabuxur“. Eins og mörg-
um öðrum megrunarvörum er þeim
beint að konum sem hafa áhyggjur
af sk. appelsínuhúð á líkamanum. Þar
sem appelsínuhúð er bara fíta og lýt-
ur sömu lögmálum og önnur fita þá
er þetta dæmt til að mistakast og það
vita þeir vel sem selja buxurnar og
framleiða. Með því að valda hita og
nuddast við lærin eiga þær að megra
sem hlýtur að þýða það að missa fitu.
Það er þekkt að með því að minnka
vatn í veflum minnkar ummál þeirra.
Með því að stuðla að vatnstapi undir
buxunum minnkar ummál læra lítils-
háttar, tímabundið. Engin fíta hverf-
ur, því það er þekkt að þó gerðar séu
þúsund rassæfingar þá fer ekkert
frekar af rassi en öðrum stöðum lík-
amans. Auk þess kemur allt vatn sem
hverfur strax aftur. Niðurstaða: Það
.er ódýrara og fljótlegra að fara í
gufubað ef menn vilja blekkja sjálfa
sig með vatnstapi í stað fítutaps. Það
sem er alvarlegra en sú staðreynd
að margir söluaðilar eru apótek og
líkamsræktarstöðvar sem þrátt fyrir
fagfólk tekur þátt í blekkingunni bara
til að græða nokkrar krónur. Það er
engin trygging fyrir gæðum vöru að
hún sé seld í apótekunum það er klárt
og er þetta enn eitt dæmið um það.
RAFN LÍNDAL,
Neshaga 8, Reykjavík.
Frá Haraldi Guðnasyni:
ÞAÐ er að vonum að sauðkindin
hljóti hæstan hlut á fjárlögum 1996
og hann verðtryggðan. Ómaklega
hafa margir horn í síðu sauðkinda
vorra. Án þeirra hefðum við verið
illa settir Islendingar eða
jafnvel útdauðir. Þeim ber
að þakka að við höfðum
fæði og klæði þó oft af
skornum skammti. Nú segja
sumir menn að bölvaðar roll-
urnar eyðileggi gróður
landsins, ekki nefna eldgos
eða aðrar hamfarir.
Enn er gerður búvöru-
samningur í samræmi við
fjárlög að sagt er og kostar
sitt. Eg las í blaði, að sumir
bændur skildu ekki samn-
inginn enda á stofnanamáli
eins og títt er um slík plögg.
Fólk vill varla 'lambið" lengur
segja íjölmiðlar okkur fáfróðum.
Sjónvarpið var svo smekklegt að
sýna kvöld eftir kvöld kindaskrokka
hangandi á rám sláturhúsanna. Ekki
beint lystaukandi fremur en fitukjöt-
spottur fréttafrúar á sínum tíma,
sýndur í sjónvarpi ríkisins.
Þá voru okkur sýndir nokkur
hundruð kindaskrokkar moldu ausnir
norðu í landi. Stjóri einn sagði ábúð-
armikill, að lítt væri um sakast því
þetta væri „draslkjöt". Ekki hafði
skifari heyrt þá sérlegu nafngift fyrr
þó aidraður sé. Og líklegt er, að þeir
sem voru látnir éta pestarket á öld-
inni hefðu talið urðað kjötið ljúfmeti.
Óvænt hefur óblíð náttúran lagst
á sveif með niðurskurði boðuðum
(30.000?) þá er fé fennti í heimahög-
um eða hraktist ofaní þá ferlegu
skurði sem bændur létu gera og ekki
alltaf vitað gagn þeirra, eða öllu
heldur sjáldan.
„Hefjum sunnudagssteikina til
vegs á ný“ stóð í blaði allra lands-
manna. Og það var eins og við mann-
inn mælt: Hið ógurlega háa kjötfjall
snarlækkar. Hundruð manna standa
nú í því að saga gamla góða kjötið
ofaní þjóðina og hafa bara hvergi
nærri við. Og verðið, maður! „Þetta
er lága verðið“ segja söluaðilar. Allt
niðurgreitt, en niðurgreiðslumar
borgum við líka — eða hvað? Auglýs-
ingaskrumið um lága verðið er blekk-
ing.
Svo bíðum við þess að kjötfjallið
í haust fari á útsölu þegar það er
orðið hæfilega gamalt.
HARALDUR GUÐNASON,
Bessastíg 12, Vestmannaeyjum:
Sunnudagssteikin?
« Opið bréf til Helgn Ingólfsdóttur
Frá Ragnari Þjóðólfssyni:
HINN 27. september síðastliðinn
birtist hér í Morgunblaðinu^ les-
endabréf eftir undirritaðan. í því
bréfi var Ijallað um herferð sem
Helga Ingólfsdóttir, i nafni Sam-
taka psoriasis- og exemssjúklinga,
I fór gegn jurtaáburði dr. Guttorms
Hernes sem undirritaður flytur inn.
< í bréfi mínu spurði ég Helgu nokk-
urra spurninga og fór fram á að
hún rökstyddi nánar ýmislegt sem
dylgjað var um í bréfi hennar til
apóteka og fjölmiðla hér á landi.
Helga hefur ekki orðið við þeirri
beiðni en ég vona að nú fáist hún
til að koma fram fyrir skjöldu
opinberlega og færa rök fyrir
( -------------------------------------
máli sínu. Ég endurtek því hér
með spurningar mínar til Helgu
og bíð svara.
1. Getur Helga fært sönnur á að
dr. Guttorm Hernes sé fjárglæfra-
maður með þá hugsjón eina að leið-
arljósi að hafa sársauka og neyð
sjúklinga að féþúfu eða er þetta
einungis álit hennar og formanns
norsku psoriasis-samtakanna?
2. Hvernig var rannsókn sú sem
Arne Jensveen vísar til í grein sinni
framkvæmd?
3. Var um að ræða niðurbrot á
kreminu á rannsóknarstofu og ef
svo var vita Arne og Helga þá að
það er brot á einkaleyfislöggjöf
Noregs?
4. Ef svo var ekki hvernig er þá
hægt að fullyrða að um venjulegt
rakakrem sé að ræða?
5. Hvers vegna snúast íslensku
psoriasissamtökin svo hatrömm
gegn dr. Hernes þegar íslenskir
grasalæknar hafa óáreittir fengið
að selja seyði sín psoriasissjúkling-
um?
6. Er það að undirlagi samtak-
anna að Helga hefur herferð sína
og hvernig skýrir hún þá að fjöldi
félagsmanna í samtökum hennar
kaupa áburð dr. Hernes og bregð-
ast illir við þegar þeir frétta af
vinnuaðferðum hennar?
RAGNAR ÞJÓÐÓLFSSON,
Arnartanga 17, Mosfellsbæ.
Malbikstímabilið
Frá Kristjóni Kolbeins:
MEÐ skammdeginu fylgir malbiks-
og tjörutímabilið sem stendur
venjulega fram í apríl eða uns bif-
reiðaeigendum ber skylda til að
hætta akstri'á negldum hjólbörðum
á götum höfuðborgarsvæðisins.
Þessi tími er eitthvert hvimleiðasta
skeið ársins og yfirleitt fer
óþrifnaðurinn sem því fylgir meira
fyrir bijóstið á mörgum ökumönn-
um heldur en þæfingur eða þung
færð ef menn eru þokkalega búnir
til vetraraksturs.
Allt of mikið er gert úr þörf fyr-
ir neglda hjólbarða og flestir öku-
menn sem fara aldrei út fyrir götur
borgarinnar að vetrarlagi ættu að
komast auðveldlega af án þeirra
með réttum hjólabúnaði og aksturs-
lagi þegar tekið er tillit til þess að
venjulega er búið að bera salt á
allar aðal akstursleiðir fyrir fóta-
ferðatíma þegar hálkuskilyrði
skapast. Hálka á götum höfuðborg-
ar og nágrannasveitarfélaga er því
yfírleitt alger undantekning nema
að því er snertir fáfarnar húsagöt-
ur. Til allrar hamingju eru fjöl-
margir sem setja aldrei neglda
barða undir bifreiðir sínar og leggja
þar af leiðandi sitt af mörkum til
að spara sér og öðrum hin ónauð-
synlegu þrif sem einkenna þennan
árstíma. Ástæðulaust ætti að vera
að brýna fyrir ökumönnum að gróf-
ir barðar hafa meira veggrip en
sléttir og hversu miklu betri hrein-
ir barðar eru en barðar útataðir í
tjöru. Akstri verða menn alltaf að
haga eftir aðstæðum og hálka er
ekki eini óhappavaldur umferðar.
Margir aðrir þættir hafa afgerandi
áhrif þegar kemur að vetrarakstri
í ófærð, s.s. að nægur þungi sé á
afturhjólum þegar um afturhjóla-
drifnar bifreiðir er að ræða enda
hefur umferðardeild Reykjavíkur-
borgar, og sjálfsagt umferðardeild-
ir fleiri sveitarfélaga, úthlutað
sandi til þeirra hluta.
Að lokum skiptir oft sköpum um
það hvort menn komast leiðar sinn-
ar akandi í vetrarfærð hvort bifreið
sé framhjóladrifin eða því sem enn
betra er, búin sídrifi. Með fullri
virðingu fyrir samborgurum mínum
þá er mér gjörsamlega fyrirmunað
að skilja hvað rekur eigendur slíkra
bifreiða til að aka um á negldum
börðum á auðum götum, hálft árið,
einkum og sér í lagi þegar ferðir
í dreifbýlið eru ekki á dagskrá allan
veturinn.
KRISTJÓN KOLBEINS,
Nýbýlavegi 60, Kópavogi.
Færeyska
þjóðin í
sérflokki
Frá Rúnari Kristjánssyni:
ÉG VIL sérstaklega minna lands-
menn mína á að meta og muna til
framtíðar þann einstaka hlýhug sem
Færeyingar hafa jafnan sýnt okkur.
Þessi litla grannþjóð okkar hefur
verið að ganga í gegnum geysilega
erfíðleika vegna efnahagslegs hruns,
eins og öllum er kunnugt, en þeir
erfíðleikar koma ekki í veg fyrir fóm-
arlund hennar í annarra garð. Fær-
eyingar hafa enn sem fyrr bragðist
við af einstökum samhug, okkur til
aðstoðar, vegna þeirra náttúruhamf-
ara sem orðið hafa á landi okkar á
þessu ári og kostað svo mörg manns-
líf. Viðbrögð þessara vina okkar eru
þess eðlis, að þjóð okkar ætti aldrei
að gleyma þeirri vináttu sem þar
kemur fram. Það er von mín að ís-
lendingar beri gæfu til þess að vera
ekki síðri í garð Færeyinga en þeir
hafa verið í okkar garð og að skipti
þjóðanna verði jafnan báðum til
sæmdar.
Færeyska þjóðin er vissulega í
algerum sérflokki hvað snertir velvild
til okkar og því má hin íslenska þjóð-
arsál aldrei gleyma.
RÚNAR KRISTJÁNSSON,
Skagaströnd.
Minningartónleikar
í Háskólabíói
vegna náttúruhamfaranna á Flateyrí
í kvöld, þríðjudaginn 14. nóv. 1995 kl. 21
Flateyri sumarið 1995 Ljósm.: Haukur Snorrason
E. Grieg: Mars
Málmblásararnir úr Sinfóníuhljómsveit íslands. Stj.: Osmo Vánska.
Avarpsorð:
Kristín Á. Ólafsdóttir.
Skúli Halldórsson. Tveir sálmar
Félagar úr Kór íslensku óperunnar. Stj.: Garðar Cortes
L. van Beethoven: Þitt lofó, Drottinn
Karlakór Reykjavíkur. Stj.: Friðrik S. Kristinsson.
F. Schubert: Ave Maria
Rannveig Friða Bragadóttir, mezzósópran, Jónas Ingimundarson, píanó.
J.S. Bach: Air
Guðrún Birgisdóttir, þverjlauta, Martial Nardeau, þverjlauta.
R. Wagner: Söngurinn til kvöldstjömunnar
Bergþpr Pálsson, baritón, Jónas Ingimundarson, píanó.
Gliick - Kreifiler: Melodie úr „ Orfeus og Evridis “
Sigrítn Eðvaldsdóttir, ftðla, Selma Guðmundsdóttir, píanó.
J. Verdi: Been úr óperunni „ Vald örlaganna “
Karlakór Reykjavíkur, Sigrún Hjálmtýsdóttir, sópran,
Anna Guðný Guðmundsdóttir, píanó. Stj.: FriðrikS. Kristinsson.
M. Raveh Pavane
Jónas Ingimundarson, pianó.
Sigvaldi Kaldalóns: Ave María
Kór íslensku óperunnar, Ólöf Kolbrún Harðardóttir, sópran,
Davið Knowles Játvarðsson, pianó. Stj.: Garðar Cortes.
Sigurður Þórðarson: Sjá dagar koma
Þorgeir J. Andrésson, tenór, Jónas Ingimundarson, píanó.
J.S. Bach - Gounod: Ave Maria
Gunnar Kvaran, celló, Gísli Magnússon, pianó.
Sigfiís Halldórsson: Söknuður
Friðbjörn G. Jónsson, tenór, Sigfús Halldórsson, píanó.
Jón Ásgeirsson: Minning um bam
Elin Ósk Óskarsdóttir, sópran, Jónas Ingimundarson, píanó.
Mascagni: Atriði úr ópemnni „ Galvaleria Rusticana “
Kór íslensku óperunnar, Ólöf Kolbrún Harðardóttir, sópran,
Davið Knowles Játvarðsson, píanó. Stj.: Garðar Cortes.
C. Orff: O Fortuna úr „ Carmina Burana “
Kór Islensku óperunnar. Hljóðfœraleikarar úr Hljómsveit íslensku óperunnar.
Stj.: Garðar Cortes.
Hollenskt lag: Þakkarbæti
Karlakór Reykjavikur. Stj.: Friðrik S. Kristinsson.
Lokaorð:
séra Guðmundur Óskar Ólafsson.
Þorkell Sigurbjörnsson: Heyr himnasmiður.
Kór Islensku óperunnar. Stj.: Garöar Cortes.
S. Karg-Elert: Mars með sálminum „Nú gjaldið Guðiþökk“
Málmblásararnir úr Sinfóníuhljómsveit íslands. Stj.: Osmo Vanska
Forsala aðgöngumiða verður í Háskólabíói í dag,
þriðjudaginn 14. nóv. frá kl. 16.30
Aðgangseyrir er kr. 1 .OOO.
Sérstakir stuðningsaðilar þessara minningartónleika, auk
alls þess fjölmarga listafólks sem fram kemur, eru:
BORGARPRENT!
bllémwdl
ONFIRÐINGAFELAGIÐ