Morgunblaðið - 16.11.1995, Blaðsíða 14
14 FIMMTUDAGUR 16. NÓVEMBER 1995
MORGUNBLAÐIÐ
AKUREYRI
Hugmyndasamkeppni um
deiliskipulag Naustahverfis
SKIPULAGSNEFND Akureyrar-
bæjar hefur samþykkt að efna til
opinnar hugmyndasamkeppni um
deiliskipulag svokallaðs Nausta-
hverfis, í samráði við Arkitektafé-
lag íslands. Að sögn Gísla Braga
Hjartarsonar, formanns skipulags-
nefndar, er gert ráð fyrir að kostn-
aður vegna samkeppninnar verði
í kringum 7 milljónir króna.
Gísli Bragi sagði ekki ljóst á
þessri stundu hvenær samkeppnin
fer fram en reiknaði með að það
yrði á fyrri hluta næsta árs.
Naustahverfí er næsti áfangi fyrir
byggingalóðir, eftir að Giljahverfi
er fullbyggt. Þar er gert ráð fyrir
um 2.100 íbúðum með 6-7 þúsund
íbúum og er talið að heildarkostn-
aður við uppbyggingu svæðisins
verði 15-20 milljarðar króna.
Meiri metnaður með
samkeppni
Ekki er gert ráð fyrir að bygg-
ingaframkvæmdir hefjist í
Naustahverfi fyrr en eftir alda-
mót, en Gísli Bragi sagði að það
réðist þó af eftirspurn og þörfum
eftir byggingalóðum í bænum.
„Þar sem hér er um hugmynda-
samkeppni að ræða er ekki sjálf-
gefið að sá sem kemur með bestu
hugmyndina sé sjálfkrafa búinn
að tryggja sér áframhaldandi
vinnu. Það er oft í svona sam-
keppni að keyptar eru fleiri en ein
tillaga og svo unnið áfram úr þeim.
I vinnuplöggum er talað um
Naustahverfið sem tvö hverfi,
Suðurbæ I og II, en það getur vel
verið að það komi upp einhveijar
aðrar hugmyndir í samkeppninni.“
Gísli Bragi sagði að einnig hefði
verið rætt um að láta vinna verkið
á skipulagsdeild bæjarins eða ráða
einhvem til verksins en hins vegar
sé meiri metnaður í því að efna
til samkeppni. „Ég held að menn
sjái ekki eftir þeim peningum sem
verður varið í samkeppnina því í
fullbúnu hverfinu ættu að koma
um 40 milljónir króna bara í skipu-
lagsgjöldum,“ sagði Gísli Bragi.
Frumdrög
aðnýju
tjaldsvæöi
við Hamra
FRUMDRÖG að nýju tjaldsvæði við
Hamra, norðan Kjarnaskógar, hafa
verið til umfjöllunar í skipulags- og
umhverfisnefndum Akureyrarbæjar.
Drögin eru eftir Helgu Aðalgeirs-
dóttur landslagsarkitekt.
Gert er ráð fyrir samkvæmt drög-
unum að nýja tjaldsvæðið verði á 6
hektra svæði við bæinn Hamra og
að það verði hluti af útivistarsvæði
bæjarins. Einnig er unnið með þá
hugmynd að auk tjaldsvæðis verði
útilífsmiðstöð skáta á svæðinu og ef
til vill reiðskóli og hestaleiga.
Tjaldsvæði Akureyrarbæjar við
Þórunnarstræti er eitt af fjölsóttustu
tjaldstæðum á landinu en þangað
komu um 20.600 gestir á liðnu sumri.
Svæðið er tvískipt, sitt hvoru megin
við Þórunnarstræti og hefur nú verið
afráðið að Sundlaug Akureyrar fái
neðra svæðið til umráða en á því
efra verður áfram tekið á móti gest-
um um ókomin ár.
Morgunblaðið/Kristján
Birkiplattar úr Vaglaskógi
JÓHANNES Gíslason, starfsmað-
ur Skógræktar rikisins í Vagla-
skógi, sker niður platta úr birki,
en framleiðsla á slíkum plöttum
hefur farið vaxandi hjá skóg-
ræktinni á síðustu árum. Eftir
að tréð hefur verið skorið niður
eru plattarnir þurrkaðir í þrjár
til fjórar vikur en síðan heflaðir
áður en þeir eru settir á markað.
Þessir plattar eru m.a. notaðir í
skreytingar af ýmsu tagi og þá
hafa einnig verið málaðar á þá
myndir.
Sveitarfélag
á Norðurlandi
auglýsir eftir samstarfi við einstakling eða
fyrirtæki, sem hefur áhuga á að flytja starfsemi
sína í viðkomandi sveitarfélag.
Húsnæði er á staðnum og ef til vill frekari fyrirgreiðsla.
Þeir, sem áhuga hafa á viðræðum, eru beðnir að
skila inn upplýsingum um hvar
hægt sé að ná í viðkomandi.
Upplýsingum skal skilað í lokuðu umslagi,
merkt: „150", á afgreiðslu Mbl.
Skeiðönd í heimsókn
á Andapollinum
SKEIÐÖND hefur gert sig
heimakomna á Andapollinum við
Sundlaug Akureyrar og þykir
það tíðindum sæta. Skeiðöndin
er frekar sjaldgæfur fugl og í
fuglabókum er sagt að hér á landi
séu aðeins um 100 pör. Hún verp-
ir einna helst á Norðurlandi.
Skeiðöndin er minni en stokkönd-
in og auðþekkt á skeiðlaga nef-
inu. Skeiðöndin á Andapollinum,
sem er kvenfugl, hefur ekki vak-
ið hrifningu hjá stokkandar-
ste&gíunum og gerðu þeir aðsúg
að henni fyrst eftir að hún kom.
Morgunblaðið/Kristján
Hún lætur sér fátt um finnast og
svamlar um Andapollinn.
Fj ár hagsáætlun
Stefnt að
afgreiðslu
í desember
VINNA við fjárhagsáætlun
Akureyrarbæjar fyrir árið 1996
er nú að komast á lokastig og
er stefnt að því að áætlunin
verði afgreidd á tveimur fund-
um bæjarstjómar í desember.
Fyrri umræða um fjárhagsáætl-
unina fer þá fram 5. desember
en sú síðari þann 19. desember.
Dan Brynjarsson, hagsýslu-
stjóri Akureyrarbæjar, segir að
vinna við fjárhagsáætlunina sé
í nokkuð hefðbundnum farvegi.
Nefndir og ráð á vegum bæjar-
ins hafa skilað sínum tillögum
og nú fer vinnan fram í bæjar-
ráði. Upphaflega var stefnt að
því að leggja íjárhagsáætlunina
fyrir bæjarstjórnarfund í næstu
viku til fyrri umræðu en nú er
liggur fyrir að það næst ekki.
Bæjarráð hefur unnið við
fjárhagsáætlunina á nokkrum
fundum frá 6. nóvember sl. og
enn eftir nokkra vinnu við loka-
frágang hennar. „Þessi vinna
tekur alla jafna þijár til fjórar
vikur í bæjarráði enda er þetta
mikið og vandasamt verk,“
sagði Dan.
SJS verktak-
ar buðu lægst
ÞRJU tilboð bárust í byggingu
hæfingastöðvar fyrir þroska-
hefta við Skógarlund á Akur-
eyri en tilboðin voru opnuð hjá
Ríkiskaupum í vikunni.
Kostnaðaráætlun hljóðaði
upp á rúmar 60,8 milljónir
króna en lægsta tilboðið kom
frá SJS verktökum. Fyrirtækið
er tilbúið að yinna verkið fyrir
rúmar 51,5 milljónir króna, eða
rúm 84%.
Hyrnan hf. bauð rúmar 55,3
milljónir króna, eða tæp 91%
og SS Byggir bauð rúmlega
56,1 milljón króna, eða rúm
92% af kostnaðaráætlun.
Hagyrðinga-
kvöld
HAGYRÐINGAKVÖLD verður
í Deiglunni í kvöld, fimmtu-
dagskvöldið 16. nóvember, og
hefst það kl. 20.30.
Þá leiða saman hesta sína
Erla Guðjónsdóttir frá Seyðis-
firði, Jóhannes Sigfússon úr
Þistilfirði og Friðrik Stein-
grímsson úr Mývatnssveit.
Hörður Kristinsson leikur á
harmónikku og Steinunn S.
Sigurðardóttir frá Grenjaðar-
stað les upp. Stjórnandi er
Málmfríður Sigurðardóttir.
Aðgangur er ókeypis. Gilfé-
lagið og Dagur standa að hag-
yrðingakvöldinu.
Stórútsala á vöskum!
Verð frá aðeins kr. 3,990 stgr,!
Við bjóðum nú nokkrar gerðir af vönduðum
stálvöskum með stórafslætti. Ennfremur ýmsa
fylgihluti, svo sem körfur, grindur og skolskálará
aðeins Irr. 200 stykkið og tréskurðarbretti á
gjafverði. Athugið: Takmarkað magn!
Einar
Farestveit&Cohf
Borgartúni 28, símar 562-2901 og 562-2900.