Morgunblaðið - 18.11.1995, Síða 7

MORGUNBLAÐIÐ
LAUGARDAGUR 18. NÓVEMBER 1995 C 7
Norræna húsið
Tónlist
fyrir börn
í DAG laugardag kl. 13 munu
dönsku tónlistarmennirnir Jan Ir-
hnj og Thorstein Thomsen segja
sögur og flytja dönsk barnalög í
Norræna húsinu.
Jan og Thorstein hófu feril sinn
innan rokktónlistarinnar og hafa
þeir spilað með fjölmörgum af
hljómsveitum gegnum tíðina. En
nú í seinni tíð hafa þeir snúið sér
alfarið að barnatónlist. Mörg lög
þeirra eru þegar orðin sígild
barnalög.
í Danmörku eru Jan og Thor-
stein ef til vill þekktastir fyrir
„Max og Antonette“, sem var gef-
in út í yfir 300.000 eintökum.
Nýjasta útgáfa þeirra er einskonar
tónlistarstafróf og kallast „Alle
tiders ABC“ og kom út á þessu ári.
Dagskráin í Norræna húsinu
stendur yfir í ca. 45 mín. og er
öllum opinn og aðgangur ókeypis.
-----------» ♦ ♦-----
Verk Finnboga
opin almenningi
UM miðjan október voru tvö verk
eftir Finnboga Pétursson afhjúpuð
í forsal Borgarleikhússins. Mynd-
list í forsal er nýjung í starfsemi
Leikfélags Reykjavíkur í vetur.
Til stóð að verkin yrðu einungis
til sýnis fyrir leikhúsgesti leikhúss-
ins. Verk Finnboga hafa vakið
mikla athygli og vegna fjölda
áskorana hefur verið ákveðið að
hafa verkin til sýnis fyrir almenn-
ing í dag, laugardag, kl. 16 og 18.
Snemma í sumar fór Leikfélag
Reykjavíkur þess á leit við Finn-
boga Pétursson að hann semdi og
hannaði verk sem hentuðu rými
og aðstæðum í forsal Borgarleik-
hússins. Útkoman voru tvö verk,
Vindlína og Stuttbylgja, sem leik-
húsgestir hafa borið augum (og
eyrum) á síðustu vikum.
-----♦—♦—♦-----
Athugasemd
við gagnrýni
GAGNRÝNANDI sem skrifar um
flutning tónverka leggur dóm á
flutning tónlistarinnar eftir sinni
eigin upplifun og því geta menn
oft og tíðum verið ósammála dóm-
um hans. Eftir 30 ára tónleika-
hald telur undirritaður sig vera
ýmsu vanur og tilbúinn að taka
gagnrýni, en ég leyfi mér í hvert
sinn að gera þær kröfur að hún
sé sanngjörn og að gagnrýnendur
vandi orðaval sitt.
í gagnrýni Morgunblaðsins um
Bach-tónleika Dómkórsins 11.
nóvember sl. í Landakotskirkju
voru notuð mörg orð sem voru
með öllu óviðeigandi og ósönn og
sýna að gagnrýnandinn er ekki
starfí sínu vaxinn. „Of stuttur
æfingatími“, „gleðisnauður flutn-
ingur“ og ábending um að kórinn
hefði þörf á að fara í æfingabúðir
eru mjög alvarlegar og ómaklegar
aðfinnslur.
Þar sem undirritaður var sjálfur
æfingastjóri kórsins get ég stað-
fest að ekkert af þessu á sér stoð
í raunveruleikanum. Ekki þekki
ég ástæðuna fyrir þessum and-
styggilegu, neikvæðu skrifum en
hún hlýtur að eiga rót sína að
rekja til annars en tónlistarflutn-
ingsins frá þessum tónleikum.
Skal ég með glöðu geði gefa gagn-
rýnandanum vandaða upptöku frá
fyrrnefndum tónleikum sem hann
getur vonandi hlustað á sér til
yndisauka þegar leiðindin víkja frá
honum.
Virðingarfyllst,
Marteinn H. Friðriksson,
dómorganisti.
Reykj avíkur saga
BOKMENNTIR
Barnabók
OBLADÍOBLADA
eftir Berg(jótu Hreinsdóttur. Teikn-
ingar og kápumynd: Ama Valsdóttir
Mál og menning, 1995-152 s.
BERGLJÓT Hreinsdóttir er
kynnt á bókarkápu sem ungur
höfundur sem þekki hugarheim
barna. Hún sendir hér frá sér
nútímasögu þar sem sögupersónur
eru nokkur systkini og foreldrar
jeirra í Reykjavík. Minna hlut-
verki gegna Ragna á efri hæð-
inni, afar og ömmur, kennari og
íþróttaþjálfari og nokkrir nafn-
greindir vinir og kunningjar.
Anna Lena er elst systkinanna,
ellefu ára, Matti er níu ára, Skotta
fjögurra og Pétur Ingi tveggja
ára. Pabbi þeirra er læknir og lítið
heima en mamma heimavinnandi
og hugsar vel um börnin sín. Sag-
an segir frá daglegu amstri þeirra,
smáskakkaföllum og bardúsi. Pét-
ur getur ekki sagt r fyrr en í síð-
asta hluta bókarinnar og mál hans
er oftast stafsett með 1 í staðinn
fyrir r. Pétur er annars skemmti-
legur krakki, vill láta lesa Dodda
fyrir sig endalaust og er virkur
þátttakandi í allri fjölskyldusög-
unni. Skotta, sem heitir að vísu
Ragnheiður Ýr, er kotroskinn
krakki, tekur kött í fóstur þegar
eigandinn veikist og tekst að hand-
leggsbijóta sig í fyrsta snjóföli
haustsins. Matti er fótboltastrákur
en lendir í vandræðum og er ásak-
aður ranglega þegar vinur hans
þjófkennir hann. Anna Lena kem-
ur mest við sögu og sagt er frá
verkefnum sem hún vinnur í skól-
anum, hún heyrir í Rögnu þegar
hún veikist og kemur henni til
hjálpar. Hún kemst í handboltalið
og við kynnumst lítillega Hrefnu
vinkonu hennar.
Sagan er ekki rismikil en frá-
sögnin er sögð af ýkjulausri alúð.
Snert er á ýmsu en síðan ekki
unnið úr því. Þarna kemur svartur
drengur við sögu en honum er síð-
an ekki boðið í afmæli af því eng-
inn skilur hairi. Ekki er heldur
unnið úr þjófnaðarákæru Matta
og einnig er ýjað að því að hann
mæti illa í skólann. Við vitum
heldur ekki hvort eldsvoðinn í húsi
Hrefnu hefur einhver áhrif á fjöl-
skyldulífið. Höfundi hættir dálítið
við að prédika og koma eigin við-
horfum inn í söguna. Mömmu og
pabba eru lögð í munn alls kyns
heilræði og útskýringar. Anna
Lena endurómar svo þessi heilræði
og viðhorf heimanfrá sér, t.d. þeg-
ar hún leiðréttir vinkonu sína og
segir að uppþvottavél sé ekki
keypt handa mömmu heldur fyrir
heimilið (s. 125). Fjölskyldan virð-
ist hafa lítil fjárráð og hefur ekki
efni á að veita sér tölvu eða annan
munað. Hrefna vinkona Önnu
Lenu kemur aftur á móti frá fínu
heimili þar sem allt er til en
mamma vinnur úti. Heimili Hrefnu
er „nýtískulegt og dálítið kulda-
legt. Það vantar einhvern veginn
sálina í þetta glæsilega hús“ (s.
124).
Þetta er átakalaus saga, slétt
og felld, af ákaflega venjulegri
fjölskyldu þar sem viðburðirnir eru
svo hversdagslegir að sagan getur
varla talist ævintýri en þetta er
notaleg saga um daglegt líf heil-
brigðra barna í Reykjavík nútím-
ans.
Sigrún Klara Hannesdóttir
Ensk-íslensk
stærðfræði-
orðabóká
alnetinu
ÍSLENSKA stærðfræðifélagið hef-
ur sett ensk-íslenska stærðfræði-
orðabók inn á veraldarvefinn á al-
netinu (Internetinu). Hefur undir-
búningur og vinna að orðabókinni
staðið yfir í um áratug að sögn
Roberts Magnus, varaforstöðu-
manns stærðfræðistofu HÍ, en hann
á sæti í orðanefnd stærðfræðifé-
lagsins sem vann að málinu.
Hugmyndin er að leyfa háskóla-
og framhaldsskólanemum og öðrum
þeim sem þurfa að þýða stærðfræði-
orð úr ensku yfir á íslensku aðgang
að bókinni. „Við viljum stuðla að
því að umræða um stærðfræði fari
fram á íslensku í stað þess að nota
erlend orð,“ sagði Robert.
Markmiðið er að gefa orðabókina
út í prentuðu formi en tilvalið þótti
að setja hana á veraldarvefinn án
gjaldtöku, a.m.k. til að byija með.
„Þetta er ennþá á tilraunastigi og
því vonumst við til að fá viðbrögð
og athugasemdir frá notendum,"
sagði hann.
-----» ♦ .....—-
Tónleikar á
Seyðisfirði
FJÖLSKYLDUTÓNLEIKAR verða
haldnir í Seyðisfjarðarkirkju í dag,
laugardag, 18. nóvember kl. 17.
Flytjendur eru Sigrún Hjálmtýs-
dóttir söngkonu, Martial Nardeau
flautuleikari og Anna Guðný Guð-
mundsdóttir píanóleikari.
Á sunnudag munu þau halda
tónleika í Hafnarkirkju á Höfn,
Hornafirði, kl. 20.30.
Nýjar hljómplötur
• ÁRNESINGAKÓRINN í
Reykjavík hefur sent frá sér
geisladisk sem ber nafnið Sönglist-
in. Á diskinum er blandað efni,
íslenskt og erlend, og meðal ein-
söngvara með kórnum má nefna
Þorgeir J. Andrésson, Signýju
Sæmundsdóttur, Rannveigu Fríðu
Bragadóttur, Sigurð Bragason,
stjórnanda kórsins, auk eins félaga
úr kórnum, Ingvars Kristinssonar.
Undirleik önnuðust Þóra Fríða
Sæmundsdóttir, Bjarni Jónatans-
son og Úlrik Ólason.
Árnesingakórinn mun halda ár-
lega kaffitónleika 10. desember
og verða þá sungin lög af geisla-
diskinum, auk jólalaga. Vetrar-
starfinu lýkur síðan með vortón-
leikum í Langholtskirkju 28. apríl
í vor.
SELMA Guðmundsdóttir og Sigrún Eðvaldsdóttir.
Nýjar bækur
Ævintýraferð
til Hjartastaðar
SKÁLDSAGAN Hjarta-
staður eftir Steinunni
Sigurðardóttur er komin
út.
Harpa Eir tekst á
hendur ferð með ungl-
ingsdóttur sina, Eddu
Sólveigu, til að forða
henni frá sollinum í
Reykjavík. Hún fær vin-
konu sína, þekktan
flautuleikara, til að aka
þeim mæðgum á ættar-
óðalið austur á fjörðum
þar sem þær ætla að
hafa vetrarsetu. En leið-
angurinn sem upphaf-
lega var lagt í til að
bjarga baminu verður
öðrum þræði að leit
móðurinnar að sjálfri sér.
Steinunn
Sigurðardóttir
ævintýraleg ferð um ytri
heima og innri. I ytri
ferðinni ber fyrir augu
stórbrotna náttúru
landsins, víðáttur sanda
og jökla, og sérkennilegt
og ógleymanlegt fólk
sem landið hefur fóstr-
að. Innri ferðin er eins
og frásagnarháttur
Steinunnar bæði glettin
og sársaukafull, þrungin
nagandi spumingum
sem fá óvænt svör í bók-
arlok. Þetta er lang viða-
mesta skáldverk Stein-
unnar til þessa.“
Mál og menning gef-
ur út. Hjartastaður er
370 bls., unnin í Prent-
I kynningu segir: „Hjartastaður er
smiðjunni Odda hf. Kápumynd gerði
Robeit Guillemette. Verð 3.880 kr.
Sigrún og
Selma í Ytri-
Njarðvíkur-
kirkju
SIGRÚN Eðvaldsdóttir fiðlu-
leikari og Selma Guðmunds-
dóttir píanóleikari leika á tón-
leikum í Ytri-Njarðvíkurkirkju
á sunnudagskvöld kl. 20. Tón-
leikarnir eru haldnir í samvinnu
við Tónlistarskólann í Keflavík
og fá nemendur á grunn- og
framhaldsskólaaldri ókeypis
aðgang. Aðrir geta keypt að-
göngumiða við innganginn.
Gefnir hafa verið út tveir
geisladiskar með leik þeirra
Sigrúnar og Selmu og á tónleik-
unum á sunnudagskvöld munu
þær meðal annars flytja nokkur
íslensk sönglög í útsetningum
fyrir fiðlu og píanó ásamt verk-
um eftir Beethoven, Vitali,
Chausson o.fl.
MENNING/LISTIR
NÆSTU VIKU
MYNDLIST
Kjarvalsstaðir
Kjarval - mótunarár 1885-1930. Sýn.
Einskonar hversdagsleg rómantík og
sýn. Einars Sveinss. arkitekts til 9. des.
Listasafn íslands
Sýn. safns Ásgríms Jónss. til 26. nóv.
Gallerí Stöðlakot
Hrönn Vilhelmsdóttir sýnir til 26. nóv.
I >nnur hæð
Alan Charlton sýnir út desember.
Gallerí Fold
Sigurbjörg og Adam sýna til 19. nóv.
Gallerí Borg
Ingálvur af Reyni sýnir til 26. nóv.
Gallerí Sævars Karls
Gréta Mjöll Bjarnadóttir sýnir.
Listhús 39
Einar Már Guðvarðarson og Susanne
Christensen sýna til 27. nóv.
Við Hamarinn
Sýn. „Takt’ana heim“ til 26. nóv.
Hafnarborg
Erla B. Axelsd., og Jón Gunnarss.,
sýna til 27. nóv.
Asmundarsalur
Ásdís Kalman sýnir til 19. nóv.
Norræna húsið
Sýn. „Samtímis" til 3. des. Grafíksýn.
til 3. des. I anddyri; Berta Moltke frá
Danm. sýnir grafíkverk til 3. des. og
Lína Langsokkur/jólasýn. til 31. des.
Listasafn Siguijóns Olafssonar
Sýning á völdum andlitsmyndum eftir
Sigurjón plafs. stendur í allan vetur.
Gallerí Umbra
Iréne Jensen sýnir til 6. des.
Listasafn ASI
Helga Egilsdóttir sýnir til 28. nóv.
Nýlistasafnið
Guðný og Thomas sýna og Martin í
Setustofu til 26. nóv.
Gallerí Greip
Tinna Gunnarsdóttir sýnir til 26 nóv.
Mokka
Ásmundur Ásmundsson sýnir.
Listhúsið, Laugardal
Eva Benjaminsdóttir sýnir til áramóta.
TONLIST
Laugardagur 18. nóvember
Kór Langholtskirkju í Logal. Borgarf.
kl. 15. Tónleikar Tónskóla Eddu Borg
í Seljakirkju kl. 16. Fjölskyldutónleik-
ar í Seyðisfjarðarkirkju kl. 17. Tónlist
fyrir börn í Norræna húsinu kl. 13.
Sunnudagur 19. nóvember
Tónleikar til styrktar misþroska og
ofvirkum börnum í Kristskirkju kl. 17.
Gítardúettin Icetone í í félagsheimilinu
Breiðumýri í Reykjadal kl. 15.30 og
í Safnahúsinu á Húsavík kl. 20.30.
Karlakórinn Fóstbræður í Digranes-
kirkju kl. 20.30. Mosfellskórinn með
söngskemmtun ! Bæjarleikhúsinu í
Mosfelssbæ kl. 20.30. Sigrún Eðvalds-
dóttir og Selma Guðmundsdóttir
Ytri-Njarðvíkurkirkju kl. 20.
Miðvikudagur 22. nóvember
Mosfellskórinn í Njarðvíkurkirkju kl.
21.
LEIKLIST
Þjóðleikhúsið
Þrek ogtár lau. 18. nóv., þri., fim., lau.
Taktu lagið, Lóa lau. 18. nóv., mið.,
fim.
Sannur karlmaður sun. 19. nóv., fös.
Kardemommubærinn lau. 18. nóv., sun.,
lau.
Glerbrot sun. 19. nóv., fös.
Borgarleikliúsið
Una Langsokkur sun. 19. nóv., lau.,
Súperstar fim. 23. nóv., fös.
Tvfekinnungsóperan lau. 25. nóv.
Hvað dreymdi þig Valentína? lau. 18., lau.
BarPar finras. lau. 18. nóv., fös., Iau.
Við borgum ekki Við borgum ekki lau.
18. nóv. íslensld dansflokkurinn: Sex
ballettverk lau. 18. nóv. Hamingjupakkið
á Litla sviðinu. Dagur, söng, dans og I
leikverk mið. 22. nóv.
Möguleikliúsið
Ævintýrabókin lau. 18. nóv., sun., mið.,
lau.
Loftkastalinn
Rocky Horror lau. 18. nóv., fös., lau.
HafnarQarðarleikhúsið
Hermóður og Háðvör sýnir Himnaríki,
l_au. 18. nóv., fös., lau.
íslenska óperan
Carmina Burana lau. 18. nóv.
Madama Butterfly fós. 24. nóv., lau.
Styrktartónleikar mið. 22. nóv.
Kaffileikhúsið
Sápa þijú og hálft sn. 19. nóv.
Kennslustundin lau. 18. nóv., þri.
Lögin úr leikhúsinu mið. 22. nóv. kl. 21.
Kópavogsleikhúsið
Galdrakarlinn í Oz sun. 19. nóv.
Listvinafélag Hallgrimskirkju
Heimur Guðriðar sun. 19. nóv., mið.
KVIKMYNDIR
MÍR
„Hin unga sveit“ siðari hluti sun. kl.
16.
LISTAKLUBBUR
Leikhúskjallarinn
Ólafía Hrönn syngur ásamt Tríói Tóm-
asar R. Einarssonar mán.kv. kl. 21.