Morgunblaðið - 21.11.1995, Blaðsíða 10
10 ÞRIÐJUDAGUR 21. NÓVEMBER 1995
MORGUNBLAÐIÐ
FRETTIR
Patreksfiörður
Umræður
um lokun
flugbrautar
ÓLAFUR Hannibalsson, varaþing-
maður Sjálfstæðisflokks á Vest-
fjörðum, spurði Halldór Blöndal
samgönguráðherra í fyrirspurna-
tíma á Alþingi í gær hvernig á því
stæði að þverbraut á Patreksfjarð-
arflugvelli hefði verið lokað fyrir-
varalaust með klossum.
Halldór svaraði því til að í raun
hefði þessi braut verið lokuð frá
árinu 1989 og í gær hefðu verið
settir upp klossar til að uppfylla
kröfur alþjóðaflugmálastofnunar
um frágang flugbrauta.
Ólafur sagði að margir ættu
„þessari þverbraut líf sitt að launa"
og minnti á að eftir snjóflóð, sem
féllu árið 1983 hefði þetta verið hin
opna braut, sem hefði gert björgun-
arsveitum kleift að komast á stað-
inn.
Halldór sagði að brautin væri
léleg og ekki hefði verið til fjár-
magn til að gera hana sambærilega
að gæðum og löngu brautina á
Patreksfjarðarflugvelli. „Ég held að
þegar til þess kemur verði ekkert
því til fyrirstöðu að opna brautina,"
sagði Halldór. „Það verður ekki
amast við því að hún verði notuð í
neyðartilvikum."
Dómur héraðsdóms Reykjaness í Atlantic Princess-nauðgunarmálinu
MENNIRNIR tveir af togaranum
Atlantic Princess, sem ákærðir voru
fyrir nauðgun, voru báðir sýknaðir
af þeirri ákæru og sá þeirra, sem
dæmdur var, fékk sex mánaða dóm
fyrir að hafa haft mök við konu í
ölvunarsvefni. Víða var misræmi í
framburði málsaðilja og gerði það
málið erfitt meðferðar. Ekki hefur
verið tekin ákvörðun um hvort
málinu verður áfrýjað.
Sigmundur Hannesson, verjandi
mannanna, sagði að þetta mál hefði
verið flókið úrlausnar. „Þeir neita
báðir og þrátt fyrir DNA-rannsókn
er þetta niðurstaðan," sagði Sig-
mundur.
Það var ekki aðeins framburður
málsaðilja, sem gerði málið flókið.
DNA-greining var gerð í Noregi og
sagði Bente Mevág, sérfræðingur í
DNA-greiningu, að þetta væri
flóknasta mál, sem hún hefði unnið
að.
Eitt mál eða tvö?
Sigmundur sagði að sér þætti
Frábær söluturn til sölu!
Einn sá besti í miðbæ Reykjavíkur með mikla nætur-
sölu og góðan hagnað.
Upplýsingar aðeins á skrifstofunni.
FYRIRTÆKJASALA REYKJAVÍKUR,
Selmúla 6, sími 588 5160.
4 frábær fyrirtæki
1. Innflutningur. Til sölu rótgróið innflutnings-
fyrirtæki, sem flytur inn allt fyrir kjötvinnslur,
vogir og þess háttar. Upplagt fyrir raftækni-
menntaðan mann.
2. Blómabúð. Glæsileg blómabúð með mikla
veltu. Vel staðsett og ein sér. Sanngjörn
húsaleiga. Vaxandi velta.
3. Bílaþjónustufyrirtæki í þjónustuþorpi á
Norðurlandi. Smábliksmíði, smurstöð, gryfjur
og bílaumboð. Skipti á fyrirtæki í Reykjavík
möguleg.
4. Trefjaplast. Til sölu fyrirtæki sem framleiðir
úr trefjaplasti. Vantar meðeiganda. Getur
flutt fyrirtækið hvert á land sem er. Mikið
af mótum og hugmyndum. Laust strax.
Upplýsingar aðeins á skrifstofunni.
I aTTTTsTTjWTPTPyiTW
SUÐURVE R I
SÍMAR581 2040 OG 581 4755, REYNIR ÞORGRÍMSSON.
552 11SHSZ1371
LÁRUS Þ. VALDIMARSSON, framkvæmoasuqri
KRISTJÁN KRISTJÁNSSON, lOGGinuR fasuignasali
Nýkomnar til sölu m.a. eigna:
Úrvalsíbúð - hagkvæm skipti
Rúmgóð 4ra herb. íb. á 2. hæð v. Fífusel. Nýtt parket á gólfum. Sér-
þvhús í íb. (b./vinnuherb. í kj. um 18 fm. Gott bílhýsi. Skipti mögul. á
einb. eða raðh. helst í Smáíbhverfi.
Séríbúð - Garðabær - gott lán
„Stúdfó“íb. á 3. hæð og í risi rúmir 100 fm. Næstum fullg. Allt sér.
Rúmg. svalir. 40 ára húsnlán kr. 5,1 millj. Vinsæll staöur.
Fyrir smið eða laghentan
Sólrík 3ja herb. íb. tæpir 80 fm v. Grensásveg. Nýtt eldh. Gólfefni
o.fl. barf að endurn. Góð sameign. Laus fljótl. Vinsæll staður.
Lyftuhús - „stúdíó“íb. - útsýni
Suðuríb. mjög góð 4ra herb. íb. á 6. hæð v. Æsufell. Frób. útsýni.
Sameign eins og ný. Vinsæll staður. Mjög gott verð.
• • •
Raðhús eða einbhús óskast
í Smáíbúðahverfi.
íbúðir og hæðir óskast
i Vesturborginni.
ALMEMMA
FASTEIGNASALAN
LAUGBVEG118 S. 552 1150-552 1370
Misræmi í fram-
burði flækti
réttarhöld
Mennirnir tveir voru sýknaðir
af nauðgunarákæru
ýmislegt umhugsunarvert við málið.
I fyrsta lagi að þetta skyldi sett
fram í einu máli því að um tvö
aðgreind mál væri að ræða.
Þórir Oddsson, vararannsóknar-
lögreglustjóri ríkisins, sem var
sækjandi í málinu, sagði að það
væri „ekkert athugunarvert" við að
taka þessi mál í sama ákæruskjali.
„Það er ýmislegt, sem tengdi þessi
tvö mál saman, en það er greint á
milli þess, sem önnur varð fyrir og
hin varð fyrir,“ sagði Þórir.
Guðmundur L. Jóhannesson,
dómari í málinu, sagði að oft hefðu
verið gefnar út tvær ákærur í svona
tilviki, en ákæruvaldið hefði talið
hagkvæmara að standa svona að
málinu, þar sem umræddir atburðir
hefðu gerst á sama tíma og sama
stað.
Tvær konur lögðu fram nauðgun- '
arkæru eftir að hafa farið um borð
í skipið. Fyrir réttinum kom fram
að konurnar hefðu verið tvo tíma
um borð og þegar þær komu frá
borði hefði lögreglubíll staðið á
bryggjunni. Þær hefðu talað víð
lögregluþjóna í honum áður en þær
fóru upp í bifreið, sem beðið hafði
þeirra allan tímann. Kæran var
ekki lögð fram fyrr en þær fóru á
lögreglustöðina um hálfri kiukku-
stundu síðar.
Sennilega sterkur vodki
Konan, sem kærði í sýknunartil-
vikinu, hélt því fram í upphafi að
hún hefði verið með fullri meðvitund
og um tvo menn hefði verið að
ræða, sem hefðu brotið af sér. Við
DNA-rannsókn kom hins vegar í
ljós að hún hefði haft samræði við
sex eða sjö manns, að sögn Sig-
mundar. Við réttarhaldið hefði þessi
kona haldið fram að sér hefði verið
byrlaður „göróttur drykkur" og hún
liðið út af. Ekki var tekin blóðprufa
og var þáð niðurstaða réttarins að
ósannað væri að eitthvað hefði ver-
ið sett saman við vínið og sennilega
hefði hún fengið sterkan vodka-
drykk. „Það voru svona atriði, sem
leiddu til þess að maðurinn var
sýknaður," sagði veijandinn.
Sigmundur sagði að það væri
veikur hlekkur í málinu að í sak-
bendingu hefði hvorugur hinna
ákærðu verið tilgreindur. Þá lýstu
konurnar tveimur mönnum hvor,
en fyrir dómi sögðu báðar að lýsing
hinnar stæðist ekki.
Þriðji maðurinn fór úr landi
Að sögn Þóris bárust böndin
einnig að þriðja manninum í mál-
inu. Sá maður er einnig frá Georg-
íu og varð að fara til síns heima
vegna fjölskyldumáls, en hefði ann-
ars verið kærður, sagði Þórir.
Georgíumennirnir tveir eru nú
lausir úr fangelsi eftir að hafa setið
þijá og hálfan mánuð í gæsluvarð-
haldi. Sá þeirra, sem dæmdur var,
á því í mesta lagi eftir að afplána
tveggja og hálfs mánaðar fangelsi,
en verði fangavistin stytt vegna
góðrar hegðunar eða annarra þátta,
gæti farið svo að hann þyrfti ekki
að sitja inni nema í fjóra mánuði
og ætti þá aðeins eftir hálfs mánað-
ar fangavist.
Dómarar í málinu voru auk Guð-
mundar Finnbogi Alexandersson og
Sigurður Ingvarsson læknir sem
meðal annars hefur unnið mikið í
barnsfaðemismálum.
Atburðirnir um borð í Atlantic
Princess áttu sér stað um miðjan
júní.
Sérlög vegna
samruna-
kosninga
ALÞINGI samþykkti í gær frum-
varp um að nóg sé að fjögur af sex
sveitarfélögum á norðanverðum
Vestfjörðum samþykki sameiningu
í atkvæðagreiðslu, sem haldin verð-
ur 2. desember.
Frumvarpið var samþykkt með
35 atkvæðum. Einar K. Guðfinns-
son, 1. þingmaður Vestfjarðakjör-
dæmis (S), mælti fyrir frumvarpinu
og sagði enga ástæðu til að hefta
framgöngu þess þar sem þetta
væri vilji viðkomandi sveitar-
stjórna.
Minnihluti félagsmálanefndar,
Kristín Ástgeirsdóttir og Bryndís
Hlöðversdóttir, skilaði séráliti um
þetta mál og þótti orka tvímælis
að gera 'undanþágu með þessum
hætti. Það væri réttur íbúanna að
fá að greiða atkvæði um nýja til-
lögu yrði upprunalega tillagan ekki
samþykkt. Þær sátu hjá í atkvæða-
greiðslunni.
Ætlast er til að hin nýju lög eigi
aðeins við um þessar einu kosning-
ar. Kosið verður um að sameina
Þingeyrarhrepp, Mosvallahrepp,
Fláteyrarhrepp, Suðureyrarhrepp
og ísafjarðarkaupstað.
Þyrlan sótti
sjómann
ÞYRLA Landhelgisgæslunnar sótti
slasaðan sjómann um borð í Grind-
víking í gærmorgun á ioðnumiðin
um 75 sjómílur NNA af Horni.
maðurinn hafði slasast á hendi og
var hann fluttur á slysadeild Borg-
arspítalans. Björgunarlugið tók um
3 'h klukkstund og lenti þyrlan kl.
13.25 við Borgarspítalann. ‘
Morgunblaðið/Ásdís
Tjara kveikti á brunaboðkerfi
ÞRIR slökkviliðsbílar frá
Slökkviliðinu í Reykjavík voru
kallaðir út þegar brunaboð-
kerfi í íslandsbanka við Lækj-
argötu fór af stað um kl. 15.12
í gær. Tveir slökkviliðsbílanna
voru þó sendir til baka eftir að
fram kom að ekki virtist vera
um eld að ræða. Iðnaðarmenn
höfðu verið að þétta þak bank-
ans með heitri tjöru með þeim
afleiðingum að reykur komst
inn í loftræstikerfi og setti
skynjara brunaboðkerfis af
stað. Efstu hæðir bankans voru
íýmdar um leið og brunaboð-
kerfið fór í gang en eins og
fram hefur komið reyndist ekki
hætta á ferðum. Slökkviliðs-
mennirnir endurstilltu bruna-
kerfið til að koma í veg fyrir
að tjaran hefði áhrif á það.
Þetta er í annað sinn á skömm-
um tíma sem þyrlan sækir mann
um bor í Grindvíking. í síðustu viku
sótti hún þangað mann sem óttast
var að þjáðist af alvarlegri hjarta-
bilun.
Innbrot í
Goðaborg
INNBROTSÞJÓFUR hafði á brott
með sér tölvuhugbúnað og ávísana-
hefti úr fiskverkuninni Goðaborg á
Fáskrúðsfirði aðfaranótt sunnu-
dags. Innbrotið er að fullu upplýst
og hefur þýfinu verið skilað
óskemmdu.
Innbrotsþjófur braut upp hurð á
skrifstofu og hafði þaðan á brott
með sér ýmsan tölvubúnað og ávís-
anahefti. Eftir að innbrotið upp-
götvaðist síðdegis á sunnudag var
hafist handa við að rannsókn máls-
ins og var henni lokið seint á
sunnudagskvöld. Einn aðili játaði
á sig innbrotið og skilaði þýfinu.
Ekki urðu aðrar skemmdir í Goða-
borg en á skrifstofuhurðinni. Inn-
brotsþjófurinn var undir áhrifum
áfengis þegar hann braut sér leið
inn.