Morgunblaðið - 21.11.1995, Blaðsíða 14
14 ÞRIÐJUDAGUR 21. NÓVEMBER 1995
MORGUNBLAÐIÐ
Tveir bílar
gjörónýtir
eftir veltur
LANDIÐ
Sextíu menn vinna við uppbyggingu loðnuverksmiðju á Fáskrúðsfirði
MorgunDiaoio/AiDert Kemp
MAGNI Þórlindsson, starfsmaður vélaverkstæðis kaupfélagsins, SKILVINDUR verksmiðjunnar og lýsistankar fyrir ofan.
t.v., og Bryngeir Sigfússon, starfsmaður Fiskimjöisverksmiðju
Vinnslustöðvarinnar hf. í Vestmannaeyjum vinna við að taka upp
mjölskilvindu.
Ein stærsta flokkunarstöð landsins
Fáskrúðsfirði - „Miklar vonir eru
bundnar við verksmiðjuna fyrir Fá-
skrúðsfjörð og nágrannabyggðarlög.
Lega og staðsetning hennar er talin
sú besta á landinu, auk þess sem
höfnin er talin vera ein sú besta á
Austurlandi og liggur vel við loðnu-
og síldarmiðum fyrir Austurlandi,"
segir Gísli Jónatansson, kaupfélags-
stjóri Kaupfélags Fáskrúðsfirðinga
og framkvæmdastjóri Loðnuvinnsl-
unnar hf.
A vegun Loðnuvinnslunnar hf. er
unnið að byggingu nýrrar loðnu- og
sfldarverksmiðju. Verkið hófst í nóv-
ember á síðastliðnu ári og ráðgert
er að því ljúki í janúar næstkom-
andi. Verksmiðjan á að gera unnið
1.000 tonn af hráefni á sólarhring. í
verksmiðjunni eru gufuþurrkarar sem
þýðir að hún skilar svokölluðu gæða-
mjöli. Gísli segir að ef einnig eigi að
vinna hágæðamjöl, þurfi að bæta við
loftþurrkurum en húsið er hannað
með það fyrir augum að hægt verði
að taka þá tækni í notkun síðar.
Kostnaður við uppbygginguna er orð-
inn 700 milljónir kr. að sögn Gísla.
Þar af er hlutafé 330 milljónir kr.
Við uppsetningu verksmiðjunnar
vinna að staðaldri sextíu menn.
Lokið er ýmsum áföngum, svo sem
hráefnisgeymum og mjölgeymum.
Auk þess er búið að koma fyrir öllum
tækjum. Eftir er að tengja þau sam-
an og ljúka frágangi.
Reist hefur verið 550 fermetra
löndunar- og flokkunarhús og tæki
til flokkunar og hrognatöku hafa
verið keypt. Gísli Jónatansson leggur
áherslu á að flokkunarstöðin verði
ein sú stærsta sem byggð hefur ver-
ið hér á landi og hún geti miðlað
öðrum fyrirtækjum hráefni.
Byggð hefur verið bryggja fyrir
framan verksmiðjuna. Á hana verða
sett tæki til útskipunar á mjöli en
hægt verður að losa mjöl beint úr
tönkum og um borð í skip með sér-
stökum búnaði.
Segir Gísli að það verði fyrsta
kerfi sinnar tegundar sem svona stór
verksmiðja taki í notkun. Auk þess
koma á bryggjuna löndunartæki fyr-
ir verksmiðjuna af nýjustu og full-
komnustu gerð.
Sauðárkróki — SÍÐDEGIS á föstu-
dag barst tilkynning um að bifreið
hefði farið út af veginum vestan
brúar við vesturós Héraðsvatna.
Einn maður var í bílnum og slapp
hann að mestu ómeiddur, en krapa-
elgur var á veginum og mun bílstjór-
inn hafa misst vald á bílnum með
þeim afleiðingum að hann valt og
er talinn gjörónýtur. Bílstjórinn er
grunaður um ölvun við akstur.
Klukkan rúmlega fimm aðfara-
nótt laugardags barst tilkynning um
að Toyota Corolla bíl hefði verið stol-
ið frá heimavist Fjölbrautaskólans
og töldu þeir sem tilkynntu stuldinn
sig vita hver væri þar að verki og
einnig hitt að líkur væru á því að
sá væri á leið til Reykjavíkur.
Hóf lögreglan þegar eftirgrennsl-
an og hafði samband við lögreglu í
Húnavatnssýslu en sýnt þótti að bíll-
inn hefði ekki farið þar hjá enda kom
á daginn að svo var ekki og fannst
bíllinn utanvegar rétt við bæjar-
mörkin, ónýtur. En meintur ökumað-
ur hafði komist skrámaður en ekki
slasaður að öðru leyti á sjúkrahúsið
þar sem gert var að sárum hans en
síðan tók lögreglan hann í sína
vörslu þar sem hann var grunaður
um ölvun við akstur.
Þá var um helgina fjölmennur
dansleikur í félagsheimilinu Mið-
garði og var þar nokkuð um óspekt-
ir en einnig var almenn ölvun í bæn-
um þar sem kalla þurfti til lögreglu.
Landgræðsluverðlaunin afhent í Gunnarsholti
Húsgnll og þrír
sunnlenskir bænd-
ur verðlaunaðir
Selfossi - Húsgull, samtök um
gróðurvernd, umhverfi, landgræðslu
og landvernd sem eru grasrótarsam-
tök á Húsavík og þrír bændur á
Suðurlandi, Markús Runólfsson í
Langagerði, Hvolhreppi, Jón Karls-
son á Gýgjarhólskoti og Valur Lýðs-
son í Biskupstungum fengu nýlega
Landgræðsluverðlaunin fyrir að
skara fram úr í starfi sínu í þágu
landgræðslu og gróðurverndar.
Guðmundur Bjarnason landbúnað-
arráðherra afhenti verðlaunin við
hátíðlega athöfn í Gunnarsholti 11.
nóvember. Við það tækifæri sagði
hann meðal annars að vaxandi skiln-
ingur væri fyrir því meðal bænda og
annarra að skila landinu betra til
komandi kynslóða.
Til að ná settum markmiðum um
gróðurvernd og landbætur leggur
Landgræðslan mikla áherslu á
fræðslu, kynningu og þátttöku al-
mennings í landgræðslustarfinu.
Hlutverk landgræðsluverðlaunanna
er að kynna og efla enn frekar það
mikla sjálfboðaliðastarf sem unnið
er víðs vegar um landið. Leitað er
eftir tilnefningum frá öllum búnaðar-
samböndum og umhverfisnefndum
landsins. Dómnefnd var skipuð
Huldu Valtýsdóttur, Sigurgeiri Þor-
geirssyni, Níelsi Árna Lund, Sigurði
Húsgull á Húsavík er baráttusam-
tök fyrir bættri landnýtingu og skóg-
rækt. Samtökin hafa skipulagt fjöl-
marga landgræðslu- og skógræktar-
daga þar sem ungir og gamlir hafa
tekið höndum saman um umhverfis-
bætur í Iandi Húsavíkur. Meðal fjöl-
margra baráttumála Húsgulls eru
meðal annars friðun Húsavíkurlands
fyrir beit, plöntun landgræðsluttjáa
og friðun og uppgræðsla Hólasands.
Einnig áttu samtökin stóran þátt
í því að komið var á fót Héraðsmið-
stöð Landgræðslunnar á Húsavík og
á í miklu samstarfi við Landgræðsl-
una.
Markús Runólfsson hefur verið
formaður Skógræktarfélags Rangæ-
inga síðan 1985 og beitt sér mjög
fyrir plöntun landgræðsluskóga.
Undir forystu hans hefur verið gróð-
ursett í örfoka lönd og svæði þar sem
unnið hefur verið að því að stöðva
jarðvegseyðingu. Hann hefur einnig
náð miklum árangri við að virkja
aðra til starfa eins og unglinga, fé-
lagasamtök og sveitarfélög.
Orfoka melar
í algróið land
Jón Karlsson í Gýgjarhólskoti í
Biskupstungum tók við búi á jörð
sinni 1960 sem þá var illa farin af
uppblæstri og gróðureyðingu liðinna
alda. Hann hefur með einstakri elju
og dugnaði ræktað upp nær alla jörð-
ina í samvinnu við Landgræðsluna
og breytt örfoka melum í algróið
land. Gýgjarhólskot er í alfaraleið
og framtak Jóns hefur því vakið verð-
skuldaða athygli. Þá hefur Jón unnið
kappsamlega að uppgræðslu Bisk-
upstungnaafréttar og farið þangað
óteljandi ferðir með lífrænan áburð
Valur Lýðsson á Gýgjarhóli í Bisk-
upstungum er nágranni Jóns Karls-
sonar og hefur verið landgræðslu-
bóndi um árabil. í nær þijá áratugi
hafa þeir hvor um sig keypt um tíu
tonn af áburði til uppgræðslu á jörð-
um sínum. Valur hefur með mark-
vissri uppgræðslu á heimalandi jarð-
ar sinnar veitt öðrum bændum verð-
ugt fordæmi um skynsamlega land-
nýtingu og búrekstur í sátt við landið.
Við athöfnina í Gunnarsholti
sungu þeir Kjartan Magnússon í
Hjallanesi og Sigurður Sigmundsson
í Ey við undirleik Lindu Margrétar
Sigfúsdóttur úr Skagafirði. í þakkar-
orðum sínum eftir afhendinguna
varpaði Jón Karlsson bóndi í Gýgjar-
hólskoti fram þessari stöku: Fínum
grip ég fagna vel,
og fagurt lof að heyra,
en gróin fit á gráum mel
gleður augað meira.
FRÁ afhendingu landgræðsluverðlaunanna.
Morgunblaðið/Sig, Jóns.
Skagfirsk börn skoða fyrirtæki
KAUPFÉLAG Skagfirðinga hefur
til nokkura ára boðið einum ár-
gangi barna í Skagafirði og Sauðár-
króki í heimsókn að skoða fyrirtæki
sín og starfsemi.
Á dögunum fór þessi heimsókn
fram og var öllum börnum fæddum
árið 1982 boðið ásamt kennurum
sínum. Tekið var á móti börnunum
við Skagfirðingabúð og þar var far-
ið inn á lager og fræðst um starf-
semi og verkgang í verslun. RKS-
tölvutækni sýndi nýjustu tölvu-
tækni og vakti það sérstakan áhuga
barnanna að kynnast öllum þeim
nýjungum sem þar eru í boði.
Einnig var farið I Mjólkursamlag-
ið og Fiskiðjuna Skagfirðing hf. en
endað á léttum veitingum og vöru-
kynningu auk þess sem allir fengu
minjagrip frá KS. Alls mættu um
80 börn og var ekki annað að sjá
en að þau væru ánægð með heim-
sóknina og í framhaldi er þeim boð-
NOKKRIR úr hópnum eftir að hafa kynnst nýjustu tölvutækni í
Tölvuveri RKS þar sem þau lásu m.a. Morgunblaðið á alnetinu.
ið að taka þátt í KS-leiknum sem
felst I að skrifa smágreinargerð um
heimsóknina og verða veitt þrenn
verðlaun: íþróttavöruúttekt í Skag-
firðingabúð 10.000 kr., 7.000 kr.
og 5.000 kr. fyrir bestu frásögnina.