Morgunblaðið - 21.11.1995, Blaðsíða 21
MORGUNBLAÐIÐ
ÞRIÐJUDAGUR 21. NÓVEMBER 1995 21
ERLENT
Mikil viðhöfn í Kaupmannahöfn við brúðkaup Jóakims prins og Alexöndru prinsessu
Góðir gestir
og boðflenna
Kaupmannahöfn. Morgunblaðið.
BRÚÐGUMINN sagði hátt og
skýrt já, já og- brúðurinn játað-
ist honum með skýru jái og að
jáyrðunum var hálf danska
þjóðin vitni, ef marka má skoð-
anakannanir. Brúðkaup Jóak-
ims, yngri sonar Margrétar
Þórhildar Danadrottningar, og
Alexöndru Manley, sem nú er
orðin prinsessa eftir gifting-
una, dró að sér athygli þjóðar-
innar og næstu nágranna um
helgina. Gesti dreif víða að, en
mesta athygli hlaut þó franska
atvinnuboðflennan, sem nú get-
ur bætt konunglegu brúðkaupi
á afrekaskrá sína, þó ekki kæm-
ist hún lengra en í kirkjuna.
Engum íslenskum fulltrúa var
boðið, þar sem um var að ræða
fjölskyldusamkomu og ekki op-
inberan atburð, eins og verður,
þegar röðin kemur að krón-
prinsinum að festa ráð sitt.
Laumugestur í kirkjuna
A brúðkaupsdaginn mætti
brúðguminn ásamt svaramanni
sínum og bróður, Friðriki krón-
prins, kl. 16, er gestirnir fóru
að tínast að. Báðir
voru klæddir herbún-
ingum og sama var að
segja um Hinrik prins,
faðir þeirra og fleiri
karlmenn á staðnum.
Margrét Þórhildur
drottning birtist í
rauðum og gullnum
brókaðiskrúða með
fornlegu sniði, kjóll og slá
brydduð skinni.
Kl. 16.34, fjórum minútum á
eftir áætlun, sveif brúðurin upp
að altarinu með föður sínum,
íklædd hvítum silkiskrúða,
háum í hálsinn að kínversku
sniði með perluútsaumi og fjög-
urra metra slóða. Athöfnin tók
tæpa klukkustund, með tónlist
og stuttri og hnitmiðaðri ræðu
trúnaðarprests drottningar.
Prinsinn tvíjátaði hjúskapnum
og Alexander svaraði einnig
skýrt. Þegar kom að hringun-
um tók það nokkra stund að
höndla þá og allt slíkt vekur
mikla gleði blaða- og frétta-
manna. Að vígslu lokinni
hneigðu brúðhjónin sig fyrir
drottningunni, áður en þau
svifu út, kysstust í anddyrinu
og gengu út í gegnum heiðurs-
hlið, sem vinir prinsins mynd-
uðu með sverðum sínum.
I kirkjunni voru rúmlega tvö
hundruð manns boðnir, en held-
ur færri til brúðkaupsveislunn-
ar um kvöldið. En þarna var
líka gestur, sem hvorki var
boðinn í kirkjuna né í veisluna.
Hann er 64 ára gamall Frakki,
Claude Khazizian, sem hefur
þegar afrekað að smygla sér
inn á hátíðarsamkomur heima
fyrir og látið taka af sér mynd-
ir með forsetum og öðrum
mektarmönnum. Ekstra Bladet
hafði boðið honum að koma,
vistað hann á D’Angleterre hót-
elinu og fundið honum nafn,
sem stóð á listanum. Hann
komst því í ráðhúsið, þar sem
teknar voru af honum myndir
í góðum félagsskap. Hann
komst einnig í kirkj-
una, en þar kom upp
grunur, svo að eftir
vígsluna handtók
danska leynilögregl-
an manninn. Honum
var þó sleppt og
meira verður ekki úr
málinu. Hirðin hefur
hins vegar lýst yfir
óánægju yfir tiltækinu. Blaðið
segist þó aðeins hafa gert þetta
til vega upp á móti hátíðleikan-
um með glensi.
Ekki opinber veisla
Konungsfjölskyldan er þekkt
fyrir að leggja mikla alúð í
veislur sínar og bregða á þær
persónulegum blæ. Boðsgestir
þekkjast vel úr fyrri veislum,
en stór hópur var þarna þó í
fyrsta sinn, vinir og vandamenn
brúðarinnar. I samtali við
Morgunblaðið sagði Sören Has-
Manley
spáði lækk-
andi síma-
reikningum
Reuter
BRÚÐHJÓNIN kyssast eftir að hafa dansað hefðbunainn dansk-
an brúðarvals þar sem gestir þrengja smám saman að hjónun-
um, þar til þau standa í faðmlögum.
FRÖNSKU boðflennunni Claude Khazizian tókst að smygla sér
inn í kirkjuna með aðstoð Extra Bladet. Khazizian er t.v. en
t.h. eru Mie Egmont-Petersen og Mark Patterson, vinir prinsins.
lund-Christensen hirðmar-
skálkur að veislan hefði verið
fjölskylduveisla og því ekki
boðið eftir siðaskrá, heldur ein-
ungis eftir fjölskyldutengslum.
Veislan var með hefðbundn-
um brag. Gestirnir tíndust að
undir myndavélaaugum og sér-
fræðingar ræddu kjólana, gest-
ina, matinn og annað, sem
merkilegt þótti. Drottningin
ávarpaði brúðhjónin, óskaði
þeim alls góðs og sagði að í
hjónabandinu væri það þrennt,
sem skipti máli: Ég, þú og við.
Faðir brúðarinnar lýsti ánægju
sinni með ráðahaginn og að
símareikningar fjölskyldunnar
myndu nú lækka, þar sem ung-
mennin væru sameinuð. Brúð-
guminn ávarpaði brúði sína og
sagðist hlakka til að leggja upp
í æviferðina með hana sér við
hlið. Brúðarvalsinn var dans-
aður á danska vísu, þar sem
gestir þrengja smám saman að
brúðarparinu, þar til þau
standa í faðmlögum.
Á þeim stutta tíma sem liðinn
er síðan Alexandra Manley var
kynnt fyrir Dönum hefur hún
öðlast fádæma vinsældir og
unnið hug og hjörtu allra fyrir
fallega, glaðlega og látlausa
framkomu. Hún er þegar komin
áleiðis í dönskunámi, en fyrir
talar hún ensku, frönsku,
þýsku, kínversku og japönsku.
Prinsinn er 26 ára og prinsess-
an nýbakaða er 31 árs. Hún var
áður markaðsstjóri hjá verð-
bréfafyrirtæki í Hong Kong.
Foreldrar hennar eru kaup-
sýslumenn.
Brúðkaupið var mikil
fjölmiðlauppákoma, sem nánast
var í sjónvarpinu í tvo daga
samfleytt. Sá helmingur þjóðar-
innar, sem ekki fylgdist með
brúðkaupinu tæmdi mynd-
bandaleigurnar, svo annað eins
fár hefur ekki orðið þar. Fjöldi
blaðamanna heimsótti Dani
vegna brúðkaupsins og sænska
og norska sjónvarpið sjónvörp-
uðu helstu atburðunum beint.
Þó ýmsum þyki kannski til-
standið hafa verið mikið þá var
hér aðeins um fjölskylduatburð
að ræða. Aðaltilstandið er spar-
að þar til krónprinsinn gengur
í það heilaga. Það verður hins
vegar ekki auðvelt fyrir hann
að finna stúlku, sem getur
keppt við Alexöndru prinsessu
um vinsældir þjóðarinnar.