Morgunblaðið - 21.11.1995, Blaðsíða 48
48 ÞRIÐJUDAGUR 21. NÓVEMBER 1995
MORGUNBLAÐIÐ
Dýraglens
flF Hl/SZJO Sk.yt.Dl þt£& \ (HÆ.'AFHve&v eRfU
i/yi4öfz t/eeA AÐkuFeA- í / að kOreA oppþekN-
OPP ÞeNUAfÍ^STF/H? 7 ( AH STElM
Grettir
Ljóska
Ferdinand
m
THI5 15 MY REPORT
ON THE STORV 0F THE
FtVE LITTLE HOGS..
OR UJA5 IT
THE 5IX
LITTLE
PI65?
ORTHE NINE
LITTLE H065,
OR S0METHIN6
LIKE THAT..
LOHICH I5THE KIND OF
REPORT m 6ET WHEN
YOU WRITE IT WHILE
0JALKIN6 FROM YOUR PE5K TO
THEFRONTOFTHE ROOM..
Þetta er ritgerðin mín Eða var það Eða litlu grísina
um söguna um litlu grís- litlu svínin níu eða eitthvað
ina fimm... sex? álíka...
Sem er sú tegund ritgerðar
sem maður fær þegar maður
skrifar hana á leiðinni frá
borðinu sínu og upp að töflu.
BREF
ITL BLAÐSINS
Kringlan 1103 Reykjavík • Sími 5691100 • Símbréf 569 1329
Hugsj ónamenn
í flórnum
Frá Jóni K. Guðbergssyni:
ÓSKÖP er það gaman þegar fólk
eignast hugsjón. Nú hefur slíkt
gerst meðal nokkurra alþingis-
manna og þó eru sumir alítaf að
tönnlast á því að meðal þeirra eigi
það fyrirbæri erfitt uppdráttar.
Fjórir þingmenn hafa fengið þá
hugljómum að brýna nauðsyn beri
til að leyfa framhaldsskólakrökk-
um að drekka löglega, enda löngu
vitað að löglega drukkið áfengi fer
miklu betur í menn en það sem
menn svolgra í sig ólöglega.
Að vísu bendir skýrsla lögregl-
unnar, sem birtist í Morgunblaðinu
31. október, til annars. Fyrirsögn-
in er: Fátt ungt fólk í miðborg-
inni. Síðan sést ef greinin er lesin
að ekki færri en sjö 'ofbeldisverk
og slys áttu sér stað þá nóttina á
menningarsetrum sjoppugreif-
anna eða í nánd við þau. Ekki var
þar fólk innan lögaldurs til áfeng-
iskaupa. En hugsjónamenn sjást
sem kunnugt er ekki fyrir. Hafa
skal fyrir satt að táningar valdi
ósköpunum í miðborginni.
Þá er einnig ljóst af rannsókn-
um að áfengisneysla unglinga hef-
ur aukist mjög eftir að tvíefldir
hugsjónamenn komu þeirra teg-
und áfengis, sem bjór kallast, á
markað. Hún hefur aukist um tæp
80% meðal pilta 16 til 19 ára og
tvöfaldast meðal unglinga 13 til
15 ára. Þó átti bjórkoman að koma
í veg fyrir ólöglega drykkju, þar
á meðal bruggun. Þá var líka
auknum forvörnum lofað eins og
til siðs er þegar virkar forvarnir
eru afnumdar. En glóðheitum hug-
sjónamönnum verða ekki slíkar
staðreyndir að fótakefli. Þeir eru
þess albúnir að vaða eld og brenni-
stein fyrir hugsjónina og þeim
koma staðreyndir ekkert við.
Hver er til að mynda kominn
til að segja að banaslysum á ungu
fólki í umferðinni fjölgi álíka mik-
ið og gerðist í Bandaríkjunum ef
við lækkum aldursmörkin eins og
þeir gerðu í allmörgum ríkjum
vestra? Við erum, sem kunnugt
er, svo sérstakir. Og þó að það
nýjasta sem gerst hefur í veröld-
inni á þessu sviði sé hækkun lög-
aldurs í 21 ár um gervöll Banda-
ríkin, þá skal það samt vera gam-
aldags og óhæft að hafa hann ári
lægri en Bandaríkjamenn en á
hinn bóginn í samræmi við tísk-
una að hafa hann þremur árum
lægri.
Svo glatt logar hugsjónaeldur-
inn að talsmenn ná vart andanum
þegar þeir mæla með því að um
það bil helmingi venjulegra fram-
haldsskólanema skuli nú heimilt
að kaupa sér áfengi löglega. Þeir
gleyma bara að geta þess, sem
er náttúrlega langmesti kosturinn,
að þarna gefst þeim sem yngri eru
möguleiki á að fá vini og kunn-
ingja til að kaupa fyrir sig áfengi.
Það er miklu erfiðara að fá tvítugt
fólk, komið í atvinnu eða háskóla,
til þeirra verka.
Sumir halda því fram að þarna
sé um lýðskrum að ræða, og því
ógeðslegra skrumi sem það beinist
að því fólki sem síst skyldi. Hvílík
ógnarfirra. Eins og það sé ekki
meira hagsmunamál fyrir ungt
fólk að geta keypt sér áfengi lög-
lega en að fá vel borgaða vinnu
og þurfa ekki að flýja land þegar
það hefur lokið námi? Eða til dæm-
is að geta komist yfir sæmilegt
húsnæði á viðráðanlegum kjörum?
Og svo eru það lögin sem eru
svo leiðinleg og óréttlát að „eng-
inn“ fer eftir þeim. Þama eru
hugsjónamennirnir sko á réttu róli.
Auðvitað á að kasta út í hafsauga
þeim lögum sem menn eru sífellt
að brjóta. Þá losna menn við alla
lögbijóta. Hvernig væri að hug-
sjónamennirnir legðu til atlögu við
skattalögin næst? Sumir segja að
það sé nánast þjóðaríþrótt að
bijóta þau.
En aðalatriðið er þó að menn
haldi áfram að loga af hugsjóna-
eldi og beri hugsjónir sínar fram
kjarkmiklir og óhræddir eins og
herra Kíkóti. Jafnvel þó einhver
unglingsgrey kunni að gjalda fyrir
með lífí sínu.
Hitt kann svo að vera íhugunar-
efni hver fitnar glottandi á fjósbit-
anum meðan galvaskir stuðnings-
menn hans fara hamförum í flórn-
um.
JÓN K. GUÐBERGSSON,
Máshólum 6, Reykjavík.
Mat á Kvistum
Frá Ragnari Böðvarssyni:
ATHUGASEMD vegna viðtals við
aðstoðarmann landbúnaðarráð-
herra í Tímanum 16. nóvember.
í viðtalinu er eftirfarandi haft
eftir aðstoðarmanninum. „Það
mætti húðskamma okkur hér fyrir
að yfirmeta eignir hans á sínum
tíma.“
Ég veit að sjálfsögðu ekki hvort
þetta er rétt eftir haft, en geri ráð
fyrir að aðstoðarmaðurinn viti að
matið á Kvistum fór fram á ná-
kvæmlega sama hátt og í öðrum
tilvikum þegar jarðeigandi kaupir
eignir ábúanda. Um þetta eru skýr
ákvæði í ábúðarlögum og eftir
þeim var farið.
Skuldastaða ábúanda hefur
engin áhrif á matið og á Kvistum
var það eins og annars staðar
framkvæmt af óháðum, opinber-
um matsmönnum.
Um þetta verða ekki höfð fleiri
orð að sinni.
Með þökk fyrir birtinguna.
RAGNAR BÖÐVARSSON,
Kvistum, Ölfusi.
Allt efni sem birtist í Morgunblaðinu og Lesbók verður framvegis varðveitt I
upplýBingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.