Morgunblaðið - 22.11.1995, Blaðsíða 8
SÉRBLAÐ UM SJÁVARÚTVEG
MIÐVIKUDAGUR 22. NÓVEMBER 1995
SIGLTINN TIL GRINDAVIKUR
f fjfí „' ;
v- ■■ - ■ „
V í'
i *4 í ‘
Morgunblaðið/Kristinn
Úrelding fískveiðiflota ESB
gengur samkvæmt áætlun
Fjöpir lönd hafa þó
ekki náð settu marki
URELDING fiskiskipa aðildar-
þjóða Evrópusambandsins gengur
eftir áætlun, þegar á heildina er
litið, en einstök lönd eiga langt í
land með að ná settu marki. Stefnt
var að því að úrelda flotann verulega, en mismunandi eftir því, hvaða veiðar
skipin stunduðu. Markmiðið er að úrelda 20% botnfiskveiðiflotans og 15% skipa,
sem sækja í annað en uppsjávarfiska, samkvæmt skýrslu sem unnin hefur verið
af Evrópusambandinu.
Stefnt er að þvi að ná þessu mark-
miði á tímabilinu 1992 til 1996. Þegar
nemur úreldingin 214.500 brúttótonn-
um alls, eða 10,5%, en sé miðað við
vélarorku, er úreldingin heldur minni
eða 7,4%.
Fjögur lönd eiga langt í land með
að ná settu markmiði, en það eru Bret-
land, írland, Belgía og Holland. Þá eiga
Frakkar enn eftir að minnka vélarorku
flota síns.
Bretland
Bretar hafa aðeins náð að úrelda
skip, sem nemur 10.000 tonnum, eða
um 5%, en markmið þeirra er 17% úreld-
ingtil ársloka 1996.
Reyndar hefur
settu marki um úr-
eldingu verið náð í
fjórum skipaflokk-
um, skelfiskflot-
anum, humarbát-
um, úthafsveiði-
flotanum og skipum
undir 10 metrum
að lengd. A hinn
bóginn hefur orðið
aukning í sóknar-
getu í öðrum skipa-
flokkum, sérstak-
lega í síðutogurum,
en þar hefur orðið
17% brúttótonna
aukning. Erfiðleik-
ar Breta við að ná
settri úreldingu
stafa meðal annars
af deilum um fisk-
veiðistjómun. Ætl-
unin var að stjóma
veiðum með eins
konar sóknarmarki,
takmörkuðum
fjölda róðrardaga,
en hætt var við það
vegna þess að sam-
tök sjávarútvegsins
í Bretlandi fóru með
málið fyrir Evrópu-
dómstólinn og hef-
ur nú yerið fallið frá
þeirri fiskveiðistjórn. Fyrir vikið hefur
ekki tekizt að draga úr sóknarmætti
brezka flotans eins og stefnt var að.
írland
Floti íra hefur í rauninni stækkað
um 467 brúttótonn og vélarafl flotans
hefur aukizt enn meira eða um 8%.
Skýringin liggur í því að þeir hafa látið
byggja eða keypt 20 stór skip sem
stunda veiðar á hvítfiski, ýsu, þorski
og skyldum tegundum. Mikil úrelding
hefur engu að síður átt sér stað, og
reiknað er með að fram til ársloka 1996
muni flotinn minnka um 3.000 til 4.000
brúttótonn. Settu marki hefur verið náð
Fiskveiðifloti ESB-ríkja 1991-96
iuL
Ríki Brúttótonn 1991 Brúttótonn 1994 Markmið 1996 Breyting 1994-96
Spánn 645.103 563.969 618.174 9,6%
Ítaiía 267.469 245.351 249.180 1,6%
Portúgal 182.254 131.123 191.870 46,3%
Frakkland 198.803 177.709 180.558 1,6%
Bretland 212.213 202.313 176.981 -12,5%
Grikkland 130.352 120.461 117.058 -2,8%
Danmörk 114.627 93.708 107.920 15,2%
Holland 142.827 153.096 91.035 -40,5%
Þýskaland 79.155 68.455 74.780 9,2%
írland 50.693 51.160 51.195 0,1%
Belgía 27.732 24.364 20.914 -14,2%
Samtals 2.051.228 1.831.709 1.879.665 2,6%
í flokki síðutogara og aðeins vantar um
1% upp á það í flokki togara sem veiða
uppsjávarfisk.
Holland og Belgía
Mikið vantar upp á að Hollendingar
hafi náð settu marki. I raun hefur orð-
ið auking í öllum skipaflokkum talið í
tonnum, en vélarorka hefur minnkað
lítiilega. Belgar hafa minnkað flota sinn
um 12% talið í tonnum og dregið úr
vélarorku um 15%. Þeir þurfa hins veg-
ar að skera niður um 25% alls til að
ná settu marki. Frakkar hafa náð
tonnafjöldanum niður að settu marki,
en ekki vélarafli.
Danmörk
Danir hafa þegar náð settu marki.
Þeir þurftu í raun aðeins að draga sam-
an um 6% í tonnum talið, en hafa þegar
úrelt 18% af flota sínum mælt á sama
mælikvarða. Þjóðveijar hafa einnig náð
settu marki í tonnum talið, en talið er
að sóknin sé engu að síður meiri en
gert var ráð fyrir.
Spánn
Samkvæmt
spænsku skipa-
skránni höfðu Spán-
verjar þegar náð
settu marki um úr-
eldingu mælt í tonn-
um árið 1992 og
1993 mælt í vélar-
afli. Þrátt fyrir það,
er spænski flotinn
sá öflugasti innan
ESB. Upplýsingar
frá Italíu benda til
að úrelding sé innan
settra marka. Hins
vegar eru upplýs-
ingar um skip á skrá
óáreiðanlegar. Þó er
talið að tvílembing-
um á uppsjávarfiski
hjá ítölum hafi fjölg-
að.
Portúgalir hafa
einnig náð settu
marki og hafa haldið
áfram að fækka
skipum. Sömu sögu
að segja af Grikkj-
um, þegar á heildina
er litið, en þeir eiga
þó enn eftir að skera
togaraflota sinn
verulega niður eða
um 18%.
FÓLK
Jón Már verk-
smiðjustjóri
9JÓN Már Jónsson hefur
verið ráðinn verksmiðjustjóri
við loðnu-
verksmiðju
Síldar-
vinnslunnar
í Neskaup-
stað. Jón er
38 ára gamall
Norðfirð-
ingur, vél-
fræðingur að
mennt. Hann starfaði sem
vélstjóri á fragtskipum fyrst
eftir að hann lau námi en
hefur, eftir að hann kom aust-
ur, starfað sem vélstjóri á
skipum Síldarvinnslunnar
auk þess sem hann var verk-
stjóri á vélaverkstæði fyrir-
stækisins í 2 ár, nú síðasta
var hann yfirverkstjóri á
rækjufrystiskipinu Blæng
NK. Jón er kvæntur Onnu
Þóru Arnadóttur sjúkra-
þjálfara og eiga þau 2 vörn.
Jón tekur við verksmiðju-
stjórastarfinu þann fyrsta des-
ember af Freysteini Bjarna-
syni, sem ráðinn hefur verið
útgerðarstjóri hjá Síld-
arvinnslunni.
Ný stjórn
hjá FFÍ
• Guðjón A. Kristjánsson var
endurkjörinn formaður Far-
manna- og Fiskimannasam-
bands á aðalfundi sambandsins
sem lauk síðastliðinn föstudag.
Heiðar B. Kristinsson var end-
urkjörinn varaforseti.
Aðrir í stjórn eru Sigurður
Steinar Ketilsson Skipstjóra-
félagi Islands og Hilmar
Snorrason varamaður, Guðjón
Armann Einarsson Öldunni
og Guðlaugur Jónsson vara-
maður, Þorbjöm Sigurðsson
Skipstjórafélagi Norðlendinga
og Guðjón Ebbi Sigtryggsson
varamaður, Guðlaugur Gísla-
son Stýrimannafélagi íslands
og Magnús Harðarson vara-
maður, Reynir Björnsson Fé-
lagi íslenskra loftskeyta-
manna og Harald Holsvik
varamaður, Ölver Skúlason
Vísi og Örn Einarsson vara-
maður, Skarphéðinn Gíslason
Bylgjunni og Grétar Þórðar-
son varamaður, Halldór Guð-
björnsson Verðandi og Óskar
M. Ólafsson varamaður, Ingvi
R. Einarsson Kára og Guð-
mundur Jónsson varamaður,
Bjarni Sveinsson Hafþóri og
Eiríkur Jónsson varamaður,
Asmundur Asmundsson
Sindra og Hjörvar Hjálmars-
son varamaður, Ólafur örn
Jónsson Ægi og Arinbjörn
Sigurðsson varamaður, Finn-
bogi Aðalsteinsson Félagi
bryta og Bjarni Bjarnason
varamaður, Níels Olgeirsson
Félagi matreiðslumanna og
Gunnar Ó. Eiríksson vara-
maður.
Endurskoðendur voru kjörnir
Bogi Þórðarson, Kári Hall-
dórsson og Árni Sverrisson
varamaður. Framkvæmdastjóri
FFSÍ er Benedikt Valsson.
Atti hugmynd-
ina að Granda-
nafninu
• SIGURÐURÁ. Kristjáns-
son, verkstjóri I Bakka-
skemmu Granda og fyrrver-
andi skipstjóri, átti hugmynd-
ina að nafni fyrirtækisins, en
efnt var til samkeppni meðal
starfsmanna þegar fyrirtækið
var stofnað fyrir tíu árum.
Spjallað er við Sigurð í frétta-
bréfi Granda sem kom út á
dögunum.
„Mér fannst það liggja beint
við. Fyrirtækið er hér á Grand-
anum og það fer vel á því að
nefna það eftir staðnum," seg-
ir Sigurður og bætir síðar við:
„Ég sendi reyndar inn tillögu
með tveimur nöfnum, hitt
nafnið var Örfirisey."
Sigurður var skipstjóri á
togurum BÚRtil ársins 1963.
„Þá varð ég að fara í land
vegna þess að ég var svo
slæmur af liðagigt. Ég var svo
ósáttur við þetta að það tók
mig mörg ár að venjast því
að vinna í landi. Sem betur fer
gat ég þó leyst af Öðru hveiju
sem skipstjóri allt til ársins
1972,“ segir Sigurður í frétta-
bréfínu.
Jón Már
Jónsson
Gufusoðin ýsa
UPPSKRIFT þessarar viku í Verinu er kínversk og
fengin hjá Jóhanni Youyi Xiang, mat-
vælafræðingi. f hana þarf:
Soðningin
400 g ýsuflök
3 g salt
10 g engifer
50 g grænir vorlaukar
25 ml hrísgijónavtn eða hvitvin
í fyrri sósuuppskrift þarf:
35 ml soya sósa
25 ml hrísgrjónavín eða hvitvin
10 g sykur
50 ml grænmetisolía
5 gr nyölvi í 25 ml af vatni
1 teningur Honig kjötkraftur
í slðari sósuuppskrift þarf:
40 ml soya sósa
80 g tómatsósa
50 ml grænmetisolía
1 teningur kjötkraftur
Hefð er fyrir því að nota gufusoðningu í Kína, en einn-
ig er hægt að notast við örbylgjuofn. Skera á grænan
vorlauk í 1 cm langa bita og pressa engiferið. Marínera
flökin tneð salti, engiferi og vini í hálftíma. Setja flökin
á disk fyrir örbylgjuofn, þekja þau með grænum lauk
og eida í örbyigjuofni þar til þau eru tilbúin.
Þfegar fyrri sósan er matreidd á að leysa kjötkraftinn
upp í 50 ml af vatni. Síðan á að sjóða fiskisoðið, soya-
sósu og vin í oliu. Bæta við sykri, kjötkraftslausninni
og mjölvanum í vatninu. Sósa af þessu tagi er algeng
i Austur Kina.
Þegar síðari sósan, sem er súrsæt, er matreidd á að
leysa kjötkraftinn upp í 50 ml af vatni, sem fyrr. Sjóða
fiskisoðið, soya sósu og tómatsósu í olíu. Bæta við kjöt-
kraftslausninni. Hræra vel í mjög stuttan tíma og hella
sósunni yfir fiskinn áður en hann framreiddur.