Morgunblaðið - 23.11.1995, Blaðsíða 1

BLAÐ ALLRA LANDSMANNA

D
1995
FIMMTUDAGUR 23. NOVEMBER
BLAÐ
Reuter
Porca aftur
á leið til Vals
SALIH Heimir Porca, sem hefur leikið með
KR-ingum síðustu tvö keppnistímabil, er á
leið til Vals samkvæmt áreiðanlegum heimild-
um Morgunblaðsins. Porca er ekki alveg
ókunnugur að Hlíðarenda því hann lék með
Val árið 1992 og varð þá m.a. bikarmeistari
með liðinu og var valinn í lið ársins í loka-
hófi knattspyrnumanna það ár.
Porca kom til landsins 1990 og lék með liði
Selfyssinga fyrstu tvö árin. Siðan fór hann
til Vals og þaðan til Fylkis þar sem hann lék
eitt tímabil áður en hann fór til Vesturbæjar-
liðsins. Porca á enn eftir ár af samningi sínum
við KR og á eftir að ganga frá þeim málum
áður en hann getur skrifað undir hjá Val.
Hann mun mæta á fyrstu æfingu sína hjá Val
í kvöld.
Framarar hafa
rætt við Ólaf
ogÁrna Gaut
EFTIR að Birkir Kristinsson, landsliðsmark-
vörður úr Fram, ákvað að leika með norska
liðinu Brann hafa Framarar sett sig í sam-
band við tvo markverði sem hugsanlega arf-
taka landsliðsmarkvarðarins. Markverðirnir
sem Framarar hafa mestan áhuga á eru Kefl-
víkingurinn Ólafur Pétursson, sem lék með
Þór frá Akureyri síðastliðin keppnistímabil
og Árni Gautur Arason, sem hefur verið vara-
markvörður Skagamanna.
Ólafur Helgi Árnason, formaður knatt-
spyrnudeildar Fram, sagðist vonast til að
þessi markmannsmál myndu skýrast á allra
næstu dögum. Hann sagðist þó ekki örvænta
því félagið ætti stórefnilegan markvörð sem
heitir Gunnar Sveinn Magnússon. Hann err
aðeins 18 ára og hefur leikið með yngri lands-
liðum íslands.
Formaðurinn sagði að forráðamenn Brann
hefðu ekkert liaft samband við félagið eftir
að Birkir fór til Noregs og skrifaði undir
samning. „Við viljum auðvitað fá eitthvað
fyrir hann, enda er Birkir landsliðsmarkvörð-
ur Islands. Ég hef þó trú á því að þetta mál
leysist á milli félaganna, en við ætlum ekki
að gefa Norðmönnunum neitt,“ sagði Ólafur
Helgi.
Meistara-
lið Ajax
frábært
AJAX frá Hollandi, núverandi
Evrópumeistari, fór á kostum í
gærkvöldi gegn spænsku meist-
urunum í Real Madrid í Evrópu-
keppninni. Þó leikið væri á Santi-
ago Bernabeu leikvanginum í
Madrid var engu líkara en Hol-
lendingarnar væru á heimavelli.
Liðið fór á kostum og 2:0 sigur
þess var allt of lítill miðað við
gang leiksins. Ekki hefði verið
ósanngjarnt þó meistararnir
hefðu verið tveimur til þremur
mörkum yfir í leikhléinu, en ekk-
ert var skorað í fyrri hálfleik.
Finnski landsliðsmaðurinn Jari
Litmanen gerði fyrra markið og
hinn ungi Patrick Kluivert það
síðara, en á myndinni hér að ofan
er hann með knöttinn — kominn
framhjá varnarmanninum Rafael
Alkorta. í baksýn er Manuel
Sanchis, fyrirliði Real.
■ Áhorfendur / D8
RALL
Colin McRae yngsti
heimsmeistarínn
Reuter
Sigurbros
COLIN McRae fá Skotlandi
sígraði í Breska konunglega
rallinu og tryggði sér þar
með heimsmeistaratitilinn.
Colin McRae fá Skotlandi sigraði
í Breska konunglega rallinu í
gær og tryggði sér þar með heims-
meistaratitilinn en þetta var síðasta
keppnin í mótaröðinni að þessu sinni.
Hann er 27 ára, yngsti heimsmeist-
arinn og fyrsti Bretinn til að standa
á efsta stalli en hann var 36 sekúnd-
um á undan Spánveijanum Carlos
Sainz.
McRae sigraði í 11 af 14 sérleiðum
í Wales og var fyrsti ökumaðurinn
í 13 ár til að veija titilinn í Breska
konunglega rallinu. „Það var frá-
bært að verða heimsmeistari og ekki
skemmdi fyrir að tryggja sér titilinn
á heimavelli."
Talið er að um tvær milljónir
manns hafi fylgst með keppninni í
ár. „Ég vona að árangur okkar verði
til þess að auka hróður rallsins í
Bretlandi," sagði sigurvegarinn í
fagnaðarvímu með aðstoðarmann-
inum Derek Ringer. „Ég reyndi að
einbeita mér að því að gera ekki
mistök. Allt hefði getað gerst, jafn-
vel á síðustu sérleið, því Carlos var
ekki það langt fyrir aftan.“
McRae er ekki á meðal þekktustu
íþróttastjarna Breta en hann er vel
kunnur í rallheiminum og íþróttin
hefur átt miklu fylgi að fagna innan
fjölskyldunnar. Jimmu McRae, faðir
hans, er fyrrverandi fimmfaldur
meistari Breta í ralli og Alister, eldri
bróðir hans, var í fjórða sæti í keppn-
inni sem lauk í gær, en hann varð
breskur meistari í ár. Colin sigraði
í bresku keppninni 1991 og 1992
og þá var hann þekktur fyrir hraðan
og óttalausan akstur.
„Nú skil ég betur að mikilvægara
er að ljúka keppni en græða eina
sekúndu eða tvær í einhverri
beygju," sagði kappinn sem ekur
Subaru eins og Sainz og hefur öku-
maður á Subaru ekki fyrr sigrað í
keppninni. „Það skrýtna við þetta
allt saman er að nú næ ég hærri
meðalhraða en áður.“
í fyrra flutti hann til Sviss og
þaðan til Monte Carlo. Hann á erfitt
með að standast freistingar þegar
áhætta er annars vegar og keppir í
öllu sem hann getur þar sem hraði
er annars vegar. Fyrir skömmu sagð-
ist hann hafa áhuga á að reyna fyrir
sér í Formula 1 kappakstrinum.
„Mesta ögrunin er að vera meistari
í ralli og ná síðan árangri í kapp-
akstri eins og Formula 1 en enginn
hefur gert það. Ég held að það reyni
meira á aksturshæfileika í ralli og
því ætti að vera auðveldara fyrir rall-
ökumann að fara í kappakstur en
öfugt. Ef tækifærið býðst tek ég því.“
HANDKNATTLEIKUR: SJÖUNDISIGUR KA-MANNA í RÖD í 1. DEILDINNI / D2