Morgunblaðið - 28.11.1995, Blaðsíða 12

Morgunblaðið - 28.11.1995, Blaðsíða 12
12 ÞRIÐJUDAGUR 28. NÓVEMBER 1995 MORGUNBLAÐIÐ FRETTIR i VIGDÍS Finnbogadóttir ræðir við Bernadette Chirac og á milli þeirra sést Noor, drottning Jórdaníu. Forseti íslands á ráðstefnu um réttindi barna VIGDÍS Finnbogadóttir, forseti íslands, tók í gær þátt í alþjóðlegri ráðstefnu í París um réttindi barna, en Barnahjálp Sameinuðu þjóðanna, UNICEF, og Menningarmálastofnun SÞ, UNESCO, voru meðal aðstandenda ráðstefnunnar. Skipuleggjandi ráðstefnunnar var Anne-Aymone Giscard d'Estaing, eiginkona Valery Giscard d'Estaing fyrrum Frakklandsforseta, en ráðstefnuna sóttu konur í æðstu embættum og eiginkonur þjóðarleiðtoga frá 25 löndum. Talið frá hægri á myndinni eru Suha Arafat, Marieke de Klerk, Naina Jeltsín, Anne-Aymone Giscard d'Estaing, Vigdís Finn- bogadóttir og bakvið hana sést Noor, drottning Jórdaníu. Nýtt útbob ríkisvíxla mibvikudaginn 29. nóvember Ríkisvíxlar til 3, 6 og 12 mánaba, 23. fl. 1995 • Utgáfudagur: 1. desember 1995 Lánstími: 3, 6 og 12 mánuðir , Gjalddagar: 1. mars 1996, 7. júní 1996, 6. desember 1996. Einingar bréfa: 500.000, 1.000.000. 10.000.000, 50.000.000, 100.000.000 kr, Skráning: Verða skráoir á Verðbréfaþingi íslands Viðskiptavaki: Seðlabanki íslands Sölufyrirkomulag: Ríkisvíxlarnir verða seldir með tilboðsfyrirkomulagi. Öllum er heimilt að bjóða í ríkisvíxla að því tilskyldu að lágmarksf járhæð tilboösins sé ekki lægri en 20 milljónir. Öðrum aðilum en bönkum, sparisjóbum, fjárfestingalánasjóðum, verðbréfafyrirtækjum, verðbréfasjóðum, lífeyrissjóðum og tryggingafélögum er heimilt í eigin nafni, að gera tilboð í meðalverð samþykktra tilboða, að lágmarki 1 milljón króna. ÖIl tilboð í ríkisvíxla þurfa ab hafa borist Lánasýslu ríkisins fyrir kl. 14:00 á morgun, mibvikudaginn 29. nóvember. Tilboðsgögn og allar nánari upplýsingar eru veittar hjá Lánasýslu ríkisins, Hverfisgötu 6, í síma 562 4070. LANASYSLA RIKISINS Hverfisgötu 6, 2. hæð, 150 Reykjavík, sími 562 4070. Samtök fámennra skóla vilja fresta flutningi grunnskólans Ráðherra segir frestungeta valdið óvissu STJÓRN Samtaka fámennra skóla hefur samþykkt ályktun um að fresta beri áformum um flutning grunnskólans frá ríki til sveitarfé- laga þar til fjárhagslegur grundvöll- ur sveitarfélaga hafi verið tryggð- ur. Björn Bjarnason menntamála- ráðherra segir hins vegar að ekkert hafi komið fram sem bendi til að sveitarfélögin hafi ekki bolmagn til að taka við rekstri grunnskólanna. í ályktun stjórnar Samtaka fá- mennra skóla kemur fram að hún hafi alvarlegar áhyggjur af að öll fjárhagsleg ábyrgð á rekstri grunn- skóla verði flutt til sveitarfélaga meðan fjárhagsstaða margra þeirra er svo bág sem raun ber vitni. „Stjórnin telur grunnskólann alltof dýrmæta og viðkvæma stofn- un til að flytja inn í svo ótryggt rekstrarumhverfi. Stjórnin óttast að við þessar aðstæður kunni til- flutningurinn að tefla skólahaldi í fjölmörgum sveitarfélögum í tví- sýnu með ófyrirsjáanlegum afleið- ingum fyrir menntun og framtíð barna í landinu," segir í ályktuninni. Réttarstaða kennara að skýrast Björn Bjarnason sagði í samtali við Morgunblaðið að ályktunin kæmi sér á óvart, miðað við fyrri afstöðu samtakanna, sem alla tíð hefðu ver- ið hlynnt því að sveitarfélögin tækju grunnskólann að sér. „Mér finnst ekkert hafa komið fram í síðustu viku á fjármálaráðstefnu sveitarfé- laganna, sem bendi til að þau séu ekki í stakk búin til að taka þetta verkefni að sér. Þvert á móti held ég áð fullur hugur fylgi máli hjá sveitarstjórnarmönnum, þegar þeir segjast reiðubúnir að taka málið að sér og taka þátt með fulltrúum ríkis- ins og kennara í því mikla starfi, sem nú hefur verið unnið um nokk- urra mánaða skeið og miðar að því að takist að flytja grunnskólann til sveitarfélaga í byrjun ágúst næst- komandi," sagði Björn. Ráðherra sagði að í byrjun næsta mánaðar ætti réttarstaða kennara að fara að skýrast. „Það ætti að minnsta kosti að koma fram um hvað er tekizt á í því máli, þegar hinar margvíslegu athuganir á rétt- arstöðunni hafa verið gerðar," sagði hann. Björn sagðist ekki hafa orðið var við annað en að í þessu efni væri stefnt að samkomulagi. Tekizt á um hvað séu ný verkefni Menntamálaráðherra sagði að ekki væri deilt um það hvernig ætti að sjá sveitarfélögunum fyrir tekjustofnum. „Hins vegar er tekizt á um hvað beri að skilgreina sem ný og aukin verkefni frá því sem verið hefur. Því hefur verið lýst af hálfu ríkisins að það ætli ekki að hagnast á þessari breytingu og góð sátt virðist ríkja um þær jöfnunar- aðgerðir, sem kynntar hafa verið á fundum víða um land í haust. Mér virðist að einnig í þessu efni hafí menn unnið með því hugarfari að ná samkomulagi. Björn sagði að hugmyndir sveit- arfélaga um sérfræðiþjónustu væru víða vel mótaðar og að ekki væri ástæða til að óttast að sú þjónusta minnkaði við flutninginn. „Mér finnast rökin fyrir að slá málinu á frest ekki í anda þess sam- starfs, sem hefur skapazt um málin. Þvert á móti getur það valdið óvissu ef menn fara að telja sér trú um að sveitarfélögin ha'fi ekki bolmagn til að taka við grunnskólanum. Það hefur rætzt úr fjárhag þeirra frekar en hitt, að því er fram kom á fjár- málaráðstefnunni," segir Björn Bjarnason. Kaup Tómasár A. Tómassonar á Pósthússtræti 9 VIS A samþykkti hvorki ábyrgðir né raðgreiðslur FASTEIGNAVIÐSKIPTI hér á landi hafa hingað til ekki verið stunduð með greiðslukortum og fregnir um að raðgreiðslur greiðslukortafyrir- tækisins VISA-íslands hafí verið notaðar til að festa kaup á húsinu í Pósthússtræti 9 eiga ekki við rök að styðjast, að því er fram kemur hjá talsmanni VISA-íslands. Rað- greiðslur snúast um sýnu minni upp- hæðir, en hér um ræðir. Raðgreiðslur VISA fara þannig fram að korthafar gefa út skulda- bréf vegna viðskipta, sem þeir gera. Innheimtan fer þannig fram að korthafinn leyfir að afborganir, vextir og aðrar færslur verði skuld- færðar mánaðarlega, en VISA- ísland sér um að koma fénu til eig- anda skuldabréfsins, hvort sem það er í höndum þess, sem viðskiptin "oru gerð við, eða hefur verið selt þriðja aðila. „Ekkert raðgreiðslubréf hefur verið gefíð út vegna þessara við- skipta," sagði Leifur Steinn Elísson, aðstoðarframkvæmdastjóri VISA, í samtali við Morgunblaðið um kaup Tómasar á Pósthússtræti 9 frá Reykjavíkurborg á 54 milljónir króna. „Auk þess er hámarkið á þessum raðgreiðslum langt, langt undir þeirri upphæð sem hér er um að ræða." I frétt Morgunblaðsins á mið- vikudag um þessi viðskipti Tómasar og Reykjavíkurborgar, var sagt að til tryggingar legði kaupandi fram yfirlýsingu frá VISA-íslandi um að fyrirtækið skuldbyndi sig til að leggja inn greiðslur á reikning borg- arsjóðs á gjalddögum. Upplýsingar þessar voru úr gðgnum frá Reykja- víkurborg. „Það hefur ekkert verið við okkur talað um að veita slíka ábyrgð og það mu'num við ekki gera," sagði Leifur Steinn. „Við getum ekki tek- ið ábyrgð á framtíð einstakra fyrir- tækja. VISA ábyrgist ekkert."
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.