Morgunblaðið - 28.11.1995, Blaðsíða 59

MORGUNBLAÐIÐ
ÞRIÐJUDAGUR 28. NÓVEMBER 1995 59
Morgunblaðið/RAX
Söngvar hvers-
dagslegrar gleði
TONLIST
Gcisladiskur
ÚT OGSUÐUR
Út og suður, Bogomil Font syngur
lög Kurts Weills. Sigtryggur Bald-
ursson syngur lög eftir Kurt Weill
með textum eftir ýmsa höfunda, þar
á meðal Þorstein Gylfason, Þorstein
frá Hamri. Hljóðfæraleikar;ir eru
ýmsir, m .a. Dave Adler, Baron von
Trumfio og Sigtryggur Baldursson.
Útsetningar aimaðist Sigtryggur
Baldursson og hann stýrði einnig
upptökum. Smekkleysa gefur út. 45
mín., 1.999 kr.
SIGTRYGGUR Baldursson ger-
breytti ballspilamennsku á Islandi
þegar hann birtist í gervi Bogomils
Fonts, söngvarans dularfulla með
Milljónamæringa sína sem undirleik-
ara. Framan af gekk útgerðin illa,
líklega fáir átt von á að Sigtryggur,
trommuleikari Sykurmolanna, gæti
komið undir sig fótunum sem raulari
af gamla skólanum. Sigtryggur sigr-
aðist þó á öllum efasemdarröddum,
Bogomil Font varð kærkominn heim-
ilisgestur á þorra íslenskra heimila
og breiðskífa hans seldist eins og
heitar lummur. Síðan hefur Sig-
tryggur haldið til annarra starfa í
Bandaríkjunum, en þó komið í reglu-
legar heimsóknir til íslands sem
Bogomil. Fyrir skemmstu kom svo
út önnur breiðskífa Bogomils, Út og
suður, að þessu sinni sólóskífa, því
nú eru Milljónamæringarnir ekki með
í spilinu.
A fyrri plötu glímdi Sigtryggur
helst við léttmeti, söng dægurlög
með suðrænni sveiflu, nokkuð jass-
skotinni á köflum. Á Út og suður
færist hann öllu meira í fang, því
hann glímir við lög Kurts Weills.
Þeir eru legíó sem tekið hafa upp
lög Kurts Weills, obbinn klassísk
menntaðir tónlistarmenn sem flutt
hafa lögin sem einskonar klassík; en
það hefur viljað brenna við að gleðin
og gamanið hefur gleymst í leit að
listrænni túlkun.
Útsetningar Sigtryggs eru víða
bráðvel heppnaðar, til að mynda í
millikafla upphafslags plötunnar,
sem sem ástartregi, túlkaður fyrst
með angurværri sög og síðar með
ástsjúkri básúnu. Strengir eru
smekklega notaðir í því lagi og
reyndar víða. Blástur er og skemmti-
legur, til að mynda gefur hálf
groddalegur blástur í I’m a Stranger
Here Myself laginu skemmtilegan
blæ kæruleysislegrar úrkynjunar.
Eina hljóðfærið sem ekki kemur nógu
vel út er harmonikkan, hljómur henn-
ar er of hvellur og einsleitur, líklega
hefði farið betur á að nota bandeone-
on eða eitthvert álíka dragspil, til
að mynda í laginu Surabaya Johnnie,
sem Sigtryggur fer vel með þó ekki
sé hann sleipur í þýskunni, ef marka
má framburðinn. Hann bregður
reyndar fyrir sig ýmist íslensku,
ensku, frönsku eða þýsku og óneitan-
lega tekst honum best upp í þeim
lögum sem eru á íslensku; að minnsta
kosti hljóma þau strax einna best.
Söngurinn er yfirleitt vel af hendi
leystur og hvarvetna af nærgætni
og smekkvísi. Sigtryggur Baldursson
og Bogomil Font hafa tekið höndum
saman um að minna áheyrendur á
að lög Kurts Weills eru fyrst og
fremst söngvar hversdagslegrar
gleði, skotin vonleysi og trega þeirra
sem orðið hafa undir í ástinni eða
lífinu, en taka ósigrunum eins og
hverju öðru hundsbiti. Eins og rakið
er tekst þeim glettilega vel upp og
víða framúrskarandi.
Árni Matthíasson
GUÐMUNDUR Guðmundsson, Atli Már Daðason og Berglind Sigurðardóttir.
Myrkra-
messa
►MENNTASKÓLINN í Kópa-
vogi stóð fyrir Myrkramessu
síðastliðið sunnudagskvöld.
Um er að ræða árshátíð þeirra
MK-inga, en hún er haldin ár-
lega, eins og nafnið gefur til
kynna. Að þessu sinni fór mess-
an fram í Ingólfscafé.
Morgunblaðið/Hilmar Þór
HUNANG lék
fyrir dansi.
JÓHANNA
„Anderson"
Jónsdóttir og
Svava Lút-
hersdóttir.