Morgunblaðið - 29.11.1995, Blaðsíða 29
28 MIÐVIKUDAGUR 29. NÓVEMBER 1995
MORGUNBLAÐIÐ
MORGUNBLAÐIÐ
MIÐVIKUDAGUR 29. NÓVEMBER 1995 29
STOFNAÐ 1913
ÚTGEFANDI: Árvakur hf., Reykjavík.
FRAMKVÆMDASTJÓRI: Hallgrímur B. Geirsson.
RITSTJÓRAR: Matthías Johannessen,
Styrmir Gunnarsson.
KJARAMALIN
TAÐAN í kjaramálum er ískyggileg. Eins og nú horfir
bendir flest til þess, að verkalýðshreyfingin hyggist segja
upp kjarasamningum þeim, sem gerðir voru í febrúar sl.
og eiga að gilda til ársloka næsta árs. í kjarasamningnum
sjálfum er einungis gert ráð fyrir því, að segja megi upp
samningum á ákveðnum verðlagsforsendum. Þær forsend-
ur eru ekki fyrir hendi. Þess vegna hefur verkalýðshreyf-
ingin gripið til þess ráðs að halda því fram, að hún geti
sagt samningunum upp með þeim rökum, að ríkisstjórnin
hafi ekki sfaðið við yfirlýsingu, sem hún gaf í tengslum
við kjarasamningana. í kjarasamningnum sjálfum kemur
ekkert fram um, að honum megi segja upp á þeim forsend-
um. Þá heldur verkalýðshreyfingin því fram, að hún geti
sagt samningum upp á þeim forsendum, að þeim hafi ver-
ið ætlað að stuðla að launajöfnuði en síðan hafi aðrir feng-
ið mun meiri kauphækkanir. í þessu sambandi er sérstak-
lega vísað til ummæla forsætisráðherra, hér í Morgunblað-
inu hinn 22. febrúar sl. í kjarasamningnum sjálfum kemur
heldur ekkert fram um, að honum megi segja upp á þeim
forsendum.
Uppsögn verkalýðsfélagsins Baldurs á ísafirði er nú
fyrir félagsdómi. Segi verkalýðshreyfingin í heild samning-
unum upp á ofangreindum forsendum má ganga út frá
því sem vísu, að VSÍ vísi þeirri uppsögn einnig til félags-
dóms. Það þarf ekki löglærða menn til að sjá, að verkalýðs-
hreyfingin getur ekki unnið þetta mál fyrir félagsdómi.
Hún hefur gert samninga með ákvæðum um uppsögn á
ákveðnum forsendum. Þær eru ekki til staðar. Það er ekki
hægt á þessu stigi málsins að búa til nýjar forsendur utan
samningsins sjálfs og vísa til þeirra um rökstuðning fyrir
uppsögn.
Efnisleg staða verkalýðshreyfingarinnar í þessu máli er
því afar veik. Það breytir hins vegar ekki því, að forystu-
menn verkalýðsfélaganna hafa markað ákveðna stefnu í
þessu máli eftir úrskurð Kjaradóms um launakjör ráð-
herra, þingmanna og æðstu embættismanna og ákvarð-
anir, sem Alþingi tók um kostnaðargreiðslur til þing-
manna. Þótt þingið hafi síðar breytt þeim ákvörðunum
hefur það að því er virðist engin áhrif haft á verkalýðsfor-
ystuna.
Vinnuveitendur hafa brugðizt við þeirri stöðu, sem upp
er komin með því að bjóða ákveðnar viðbótarkauphækkan-
ir í formi hækkaðrar desemberuppbótar nú í næsta mán-
uði og í desember að ári. Þetta tilboð VSÍ svarar til þriðj-
ungs af nýrri kröfugerð verkalýðsfélaganna. Ætla má, að
ríkisstjórnin vilji bæta þar einhverju við, þótt ekki sé af
miklu að taka, þannig að verkalýðshreyfingunni standi nú
til boða jafngildi um helmings þess, sem hún hefur farið
fram á. Þetta til viðbótar 3% kauphækkun 1. janúar nk.
er umtalsvert.
Hverju fórna verkalýðsforingjarnir fyrir hönd félags-
manna sinna, ef þeir hafna þessum boðum? í fyrsta lagi
fórna þeir 3% kauphækkun í byrjun næsta árs. I öðru lagi
fíórna þeir viðbótarkjarabótum, sem nú standa til boða. í
þriðja lagi efna þeir til uppnáms og óvissu á vinnumark-
aði, sem getur leitt til aukinnar verðbólgu á næstu misser-
um og mánuðum. í fjórða lagi kalla þeir þar með yfir laun-
þega hættu á því, að lán hækki vegna verðtryggingar
umfram það, sem þau ella mundu gera og jafnvel að vext-
ir hækki líka. í fimmta lagi hlýtur ætlun þeirra að vera sú
að stefna félagsmönnum sínum út í ólöglegar verkfallsað-
gerðir, sem þýða tekjutap fyrir þá launþega, sem taka þátt
í slíkum aðgerðum. I sjötta lagi efna þeir til margra mán-
aða samningaþófs á vinnumarkaði til þess að ná fyrst 3%
hækkuninni, sem þeir fórnuðu um áramót, síðan þeim
hækkunum, sem nú standa til boða og þeir vilja ekki taka
við, þá tekjutapi félagsmanna sinna^ af þessum sökum og
vegna hugsanlegra skæruverkfalla og loks kostnaðarauka
vegna verðbólguhækkana lána. Hvernig í ósköpunum eiga
launþegar í landinu að koma út í plús eftir þessa meðferð
mála?
Þegar á allt er litið getur það ekki verið hagur launþega
að fara þá leið nú að segja upp samningum og efna til
átaka á vinnumarkaði með þessum afleiðingum. Hið eina
skynsamlega fyrir launþega er að taka þær viðbótarhækk-
anir, sem í boði eru, tryggja áframhaldandi vinnufrið og
stöðugleika út næsta ár. Þegar kemur að kjarasamningum
á ný geta þeir sagt sem svo, að þeir séu reynslunni ríkari
og vilji búa betur um hnútana í næstu umferð en samninga-
menn þeirra gerðu að þessu sinni. Ef verkalýðsforingjarn-
ir vilja ná fram því bezta fyrir félagsmenn sína kjósa þeir
þessa leið í stað ólögmætrar uppsagnar.
AVEGUM átaksverkefnisins
Áforms hófst í mars á
þessu ári könnun á mögu-
leikum á sölu lambakjöts
á erlenda markaði. Hefur þetta verið
forgangsverkefni hjá Áformi frá því
stofnað var til þess með lögum frá
Alþingi á síðasta vetri. í upphafi var
reynt við Band|iríkjamarkað, einkum
New York og nágrenni. Kjötið er
selt frosið í neytendapakkningum og
kynnt undir vörumerkinu „All Natur-
al Icelandic Lamb“ í 30 verslunum
Red Apple.
Illa pakkað og hár á kjöti
í framhaldi af því var efnt til ann-
arrar kynningarherferðar í fjórum
verslunum Shop Rite í New Jersey
í lok ágústmánaðar. Baldvin Jónsson
segir að kynningin hafí gengið það
vel að flestar verslanir Shop Rite,
eða alls 167 verslanir, muni hafa
íslenskt lambakjöt á boðstólum fram
að páskum 1997. Dreifingarfyrir-
tækið í New York, Cooking Exel-
lence Ltd., ræðst í vörukynningu í
þessum verslunum fyrrihluta des-
embermánaðar.
Vart varð við ákveðin gæðavanda-
mál eftir að fyrsta sendingin fór.
Baldvin segir að kjötinu hafí verið
illa pakkað svo plastpakkningar hafi
opnast og kjöt skemmst. í einhveij-
um pakkningum hafi hár fundist á
kjötinu. Viðkomandi söluaðili hefur
nú fengið sýnishorn af vörunni og
er verið að rannsaka það gaumgæfi-
lega, að sögn Baldvins.
Ferskt kjöt til Belgíu og
Danmerkur
Jafnhliða hefur verið unnið að
markaðssetningu lambakjöts í Evr-
ópu og Asíu. Það hefur borið þann
árangur að verslanakeðjurnar Delha-
ize í Belgíu og SuperBrugsen í Dan-
mörku hafa sýnt áhuga á að kaupa
ferskt kjöt í sláturtíðinni. Fór til-
raunasending til Belgíu og segir
Baldvin að varan hafi fengið góðar
viðtökur. Hann segir að það hafi
valdið vandræðum að útflutnings-
pappírar frá utanríkisráðuneytinu
voru ekki réttir og það orðið til þess
að belgíska verslunin varð að greiða
toll og virðisaukaskatt. Þetta hafi
þó fengist leiðrétt að einhverju leyti.
Fleiri vandamál komu upp við
þessa tilraunasendingu. Ekki hafi
verið hægt að vinna og fiytja út allt
það kjöt sem fulltrúar Delhaize höfðu
fengið upplýsingar um að þeir ættu
kost á. Loks skiluðu þeir hluta af
kjötinu vegna þess að það aflitaðist.
Segir Baldvin að fulltrúar verslunar-
innar telji að það sé vegna þess að
kjötinu var pakkað í plast sem ætlað
er fyrir fryst kjöt en ekki ferskt og
pakkningin af þeim ástæðum orðið
of þétt. Einnig hafi þeir bent á þann
möguleika að notað hafi verið of heitt
vatn við pökkunina. Segir Baldvin að
búið sé að senda afsökunarbréf til
verslunarinnar og annarra þeirra sem
að málinu komu og segist hann von-
ast til að hægt verði að koma í veg
fyrir að þetta endurtaki sig.
Kjöt hefur enn ekki verið sent til
SuperBrugsen. Segir Baldvin að það
sé meðal annars vegna þess að ann-
ar íslenskur söluaðili hafi boðið lægra
verð fyrir lambakjöt í Danmörku.
Fyrirhugað er að senda kjöt í þessar
verslanir næsta haust og vill Baldvin
undirbúa það með myndarlegri kynn-
ingu. Segir hann að íslendingar eigi
til dæmis kost á að auglýsa í út-
breiddum kynningarblöðum um-
ræddra verslanakeðja.
Þarf að lengja sláturtíðina
Góðir möguleikar eru á sölu á
umtalsverðu magni af kjöti í dönsku
og belgísku verslununum, einkum
fersku, og á hærra verði en á hefð-
bundnum mörkuðum, að mati Bald-
vins Jónssonar. Byggist það á gæð-
um kjötsins. Segir Baldvin að til
þess að nýta þessa möguleika verði
að lengja sláturtíðina. Hefja slátrun
í byijun ágúst og láta hana standa
fram eftir nóvember og helst fram
undir jól ef það reynist mögulegt.
Aðeins fjögur sláturhús hafa leyfi
til að slátra fé fyrir erlenda mark-
aði. Baldvin segir æskilegt að breyta
því, fækka sláturhúsunum og
styrkja, og gera kröfur um að öll
ÚTFLUTNINGUR LAMBAKJÖTS
Morgunblaðið/Áskell Þórisson
AUGLÝSINGASPJOLD til kynningar á náttúrulega íslenska lambakjötinu
blöstu við fólki í gluggum verslana Red Apple í Bandaríkjunum.
Þurfum
að læra
af mis-
tökunum
Margvíslegir erfíðleikar hafa mætt þeim sem
skipulagt hafa útflutning á unnu lambakjöti
til Bandaríkjanna og Evrópu á þessu ári. í
samtali við Helga Bjamason leggur Baldvin
Jónsson markaðsfulltrúi áherslu á, að menn
læri af þeim mistökum sem gerð hafa verið
og noti næstu mánuði til að vinna að breyting-
um hér heima, jafnt í gæðamálum sem skipu-
lagsmálum, því hann telur að möguleikar séu
til útflutnings á lambakjöti við viðunandi verði.
húsin uppfylli kröfur um slátrun til
útflutnings, hvort sem þau selji á
innanlandsmarkaði eða erlendis. Vill
hann gera sömu kröfur til þeirra
afurða sem seldar eru innanlands og
fara á erlenda markaði.
ísland hefur haft tollfijálsan kvóta
fyrir 600 tonn af kindakjöti í Evrópu-
sambandinu, en þar af mega einung-
is 60 tonn vera ferskt kjöt, afgangur-
inn frosið. Islendingar hafa haft jafn
mikinn tollfijálsan kvóta í Svíþjóð
og er hann ekki bundinn sömu skil-
yrðum og ESB-kvótinn. Baldvin seg-
ir að eftir sé að fá úr því skorið
hvernig farið verður með sænska
kvótann okkar eftir að Svíþjóð gekk
í Evrópusambandið. Ef hann héldi
sér yrði þokkalegt svigrúm til þess
útflutnings sem nú er verið að tala
um. Telur hann brýnt að fá þessi
mál á hreint.
Eigum langt í land
Þegar Baldvin Jónsson hóf af-
skipti af útflutningi lambakjöts á
fyrri hluta þessa árs gekk hann út
frá því sem vísu að útflutningur síð-
ustu áratuga og tilraunir sem gerðar
hafa verið með útflutning hafí skilið
eftir þekkingu sem hægt væri að
byggja á. „Eg verð að viðurkenna
að það hefur komið mér verulega á
óvart hversu greinin er illa undir það
BALDVIN Jónsson með fulla
poka af kynningarefni fyrir
verslanir í New York.
búin að takast á við útflutning á
fullunnu kjöti. Við eigum lengra í
land en ég gerði mér grein fyrir.“
Hann segir að skipulagið miðist
við að flytja út frosið kjöt í heilum
skrokkum og það virki ekki í því
nákvæma og erfiða ferli sem sé við
útflutning unninna afurða, hvort
heldur þær eru seldar ferskar eða
frosnar. Segir að nú verði að nýta
þá reynslu sem fengist hafi og skipu-
leggja upp á nýtt.
Hefur Baldvin lýst þeirri skoðun
sinni við forystu bændasamtakanna
og fleiri að komið verði á fót sjálf-
stæðu útflutningsfyrirtæki bænda
sem taki að sér öflun markaða og
sölu erlendis, nokkurs konar Sölu-
miðstöð landbúnaðarins. Vísar hann
til reynslunnar af sölusamtökum
sjávarútvegsins í því sambandi. Telur
hann líkur á að með þessum hætti
mætti koma til dæmis vöruþróun og
gæðastjómun fyrr í gott horf en með
núverandi fyrirkomulagi. Slíkt fyrir-
tæki þyrfti að hafa bolmagn til að
leggja út í nauðsynlegt markaðsstarf
og vöruþróun. Segir Baldvin að starf-
ið kosti nokkurt fé. Telur hann eðli-
legt að sjóðir landbúnaðarins eða
opinberir sjóðir leggi fram fjármagn
í upphafi enda verði menn að líta á
það sem fjárfestingu í markaði.
Eftirspurn meiri en framboð
Þær tilraunir sem gerðar hafa ver-
ið til útflutnings á þessu ári byggjast
á því að selja náttúrulegt íslenskt
lambakjöt. Baldvin segir að mun
meiri möguleikar felist í því að selja
kjötið lífrænt eða vistvænt og þurfi
að stefna að því í framtíðinni. Fyrir
það fáist að minnsta kosti 20% hærra
verð. Enn meira máli skipti þó að
auðvelt væri að selja kjötið því eftir-
spurnin er meiri en framboðið.
Ýmislegt þarf að gera til þess að
unnt verði að bjóða lífrænt framleitt
kindakjöt. Hætta þarf notkun tilbú-
ins áburðar og segir Baldvin ekki
óhugsandi að hægt yrði að fá undan-
þágu til að skipta um áburð á nokkr-
um árum en fá kjötið strax vottað
sem lífrænt. Finna þyrfti annan
áburð og nefnir Baldvin að framleiða
mætti áburð úr lífrænum úrgangi.
Til þess að slík aðlögun geti farið
fram þurfi stefnumörkun, ákvörðun
um það hvað íslenskur landbúnaður
ætli sér í þessum efnum í framtíð-
inni. Eftir það gætu allir róið í sömu
átt.
Margir bændur hafa verið hálf
hræddir við áróðurinn fyrir lífrænni
ræktun og hafa viljað fara sér hægt
í breytingum. „Ég lít á þetta sem
gæðastjórnun og markaðssetningu
en ekki trúarbrögð. Ef vel tekst til
í upphafi sjá menn það og fleiri koma
með,“ segir Baldvin.
Dýrt að slátra og pakka
Baldvin Jónsson telur að viðun-
andi verð fáist fyrir lambakjötið.
Aðstæður hafi verið að breytast.
Eftirspurn eftir hreinum landbúnað-
arafurðum fari vaxandi, hér ríki
stöðugleiki í efnahagsmálum og
gengi íslensku krónunnar sé rétt
skráð fyrir útflutning.
Nefnir hann sem dæmi að fengist
hafi 480 krónur fyrir kíló af lamba-
læri í Belgíu, þegar búið væri að
draga frá flutning og annan kostnað
við að koma vörunni þangað. í
Bandaríkjunum fást 420 krónur fyr-
ir lærið. Baldvin segir að verðmynd-
un sé nokkuð ólík á þessum mörkuð-
um og vestra sé mun meiri munur
á milli dýrari og ódýrari stykkja en
í Evrópu. Því geti verið hagkvæmt
að hafa vinnsluna undir sama hatti
og senda mismunandi hluta skrokks-
ins þangað sem best verð fæst fyrir
þá.
Hann segir að mikill kostnaður
við slátrun og pökkun kjöts hér á
landi leiði til þess að gott verð á
mörkuðum skili sér ekki til bænda.
Kostnaður við slátrun og pökkun er
143 kr. á hvert kíló, þar af er slátur-
kostnaður 78 krónur og kostnaður
við pökkun 65 kr. Segir Baldvin að
þetta sé óheyrilega dýrt og ef hægt
yrði að lækka kostnaðinn um 50-60
krónur, meðal annars með fækkun
sláturhúsa, myndi það skila sér í
hærra afurðaverði til bóndans og
gera honum kleift að framleiða kjöt
til útflutnings.
„Þær tilraunir sem gerðar hafa
verið sýna að markaður er fyrir
hendi. Einnig að hægt er að fram-
leiða afurðir sem markaðurinn óskar
eftir og koma þeim til neytenda,"
segir Baldvin. Hann er bjartsýnn á
að í framtíðinni verði hægt að selja
1.500-2.000 tonn af lambakjöti á
erlenda markaði á ári. Til þess þurfi
ákveðið skipulag og þolinmæði. En
ekki-sé réttlætanlegt annað en að
láta reyna á það því ef vel tækist
til myndi útflutningurinn skapa at-
vinnu og gjaldeyristekjur, auk þess
sem fjöldi bænda og byggða ætti
tilveru sína undir því.
Atvinnuþátttaka jókst sl. ár samkvæmt könnun Hagstofu
Starfandi fólkí
fjölgaði um 5000
UMTALSVERÐ fjölgun
hefur orðið á vinnumark-
aði á þessu ári eftir
stöðnun undanfarinna
ára, samkvæmt vinnu-
markaðskönnun sem
Hagstofan gerði dagana
11.-22. nóvember.
Könnunin leiðir í ljós að
3,9% vinnuaflsins voru
án atvinnu og er það
minnsta atvinnuleysi
sem Hagstofan hefur
mælt síðan 1991.
Atvinnuleysi á Islandi
I nóvember og apríi
1992-1995
Aætlaöur
heildarfj.
IfNep. atvirmu-
2 3 4 5 % lausra
Ásetiað
vinnuafl
Einstaklingar
áskrá
í miðjum
mánuði
Vinnumarkaðskönnun Hagstofunnar. Atvinnulausir skv. skilgr. ILO
Skráð atvinnuleysi skv. Félagsmálaráðuneyti.
Hlutfall skráðra atvinnulausra af vinnuafli * í lok mars ** i lok október
Atvinnuþátttaka eftir aldri
>r* A^ci’ Utan Áætl.
Aldur
16-19
20-29
30-39
40-49
50-59
60-69
70-74
Heimild: Vinnumarkaðskönnun Hagstolunnar, nóv. 1995.
IKÖNNUN Hagstofunnar í nóv-
ember á seinasta ári varð
vart við aukna atvinnuþátt-
töku og hélt sú þróun áfram
skv. könnun sem gerð var í apríl
sl. Þessi aukning er umfram fjölgun
þeirra sem bætast í hóp fólks á
vinnualdri á hveiju ári.
„Allar vísbendingar í þessari
könnun benda til þenslu á vinnu-
markaðinum," segir Ómar Harðar-
son, starfsmaður á Hagstofunni.
Hann bendir á að heildarfjöldi fólks
á vinnumarkaði fer vaxandi en engu
að síður fer atvinnuleysi minnkandi
á sama tíma, sem bendir til að störf-
um hafi fjölgað.
Atvinnulausum fækkað um
2.900 frá apríl
Hlutfall fólks á vinnumarkaði af
öllum svarendum í könnuninni nú
voru 83% en það jafngildir að um
149.500 manns séu nú á vinnu-
markaði en til samanburðar var
áætlað vinnuafl landsmanna í nóv-
ember á síðasta ári 145.600 talsins.
Starfandi fólki hefur fjölgað um
5.000 frá því í nóvember 1994 eða
úr 138.700 í 143.700 manns. Frá
því í apríl síðastliðnum hefur fjölgun
starfandi fólks numið 3.500 manns.
Atvinnuleysi sem mældist í könn-
uninni jafngildir því að um 5.800
einstaklingar hafí verið atvinnu-
lausir um miðjan nóvember saman-
borið við 6.900 manns í sama mán-
uði í fyrra og 8.700 atvinnulausa í
apríl sl. en það er fækkun um 2.900
manns frá apríl.
Atvinnuleysi er mest meðal
yngstu aldurshópanna eða um 14%
meðal 16-19 ára og tæplega 5%
meðal 20-29 ára.
Hagstofan kannaði einnig fjölda
vinnustunda á viku. Niðurstöðurnar
urðu þær að karlar vinna að jafnaði
49,1 stund á viku í aðalstarfi sínu
en konur 33,1 stund. Karlar veija
að jafnaði 1,5 stundum í aukastarfi
en konur 1,9 stundum.
Á undanförnum árum hafa
vinnumarkaðskannanir Hagstof-
unnar undantekningalaust sýnt
meira atvinnuleysi en fram kemur
á skrám Vinnumálaskrifstofunnar.
Ein af skýringum þessa er sú að
vinnumarkaðskannanirnar ná einn-
ig tii fólks sem er án atvinnu en
hefur ekki skráð sig atvinnulaust.
Skv. upplýsingum Gunnars Sigurðs-
sonar, forstöðumanns Vinnumála-
skrifstofu félagsmálaráðuneytisins,
byggir hún útreikninga sína á áætl-
uðum fjölda ársverka þegar reiknað
er hlutfall atvinnulausra og mann-
afli á vinnumarkaði.
í þessari nýjustu könnun Hag-
stofunnar, sem tók til stöðunnar á
vinnumarkaði 4.-18 nóvember,
kemur aftur á móti ekki fram telj-
andi munur á hlutfalli at-
vinnulausra og á skráðu
atvinnuleysi í október sl.
samkvæmt yfírliti Vinnu-
málaskrifstofu. í könnun
Hagstofunnar mældist
3,9% atvinnuleysi í nóv-
ember samanborið við 4% skráð
atvinnuleysi í október og er munur-
inn innan skekkjumarka. Fram kom
á yfirliti Vinnumálaskrifstofunnar
um atvinnuástandið í október að
atvinnuleysisdagar hefðu ekki áður
mælst fleiri 5 þeim mánuði.
49,8% kvenna í fullu starfi
í könnun Hagstofunnar telst fólk
hafa atvinnu ef það hefur unnið
eina klukkustund eða lengur í við-
miðunarvikunni sem könnunin tek-
ur til, skv. upplýsingum Ómars
Harðarssonar. Könnunin leiðir í ljós,
að tæp 70% starfandi fólks eru í
fullu starfi. Er mikill munur á kynj-
unum hvað þetta varðar því 87,2%
karla eru í fullu starfi á móti 49,8%
kvenna. 43,9% kvenna eru í hluta-
starfí og 3,3% hafa íhlaupavinnu.
Að sögn Gunnars Sigurðssonar
hefur færst í vöxt að fólk sem skráð
hefur verið atvinnulaust fái hluta-
störf eða íhlaupavinnu í einhvern
tíma, sem dregst þá frá skráðum
atvinnuleysisdögum þeirra.
Skv. könnun Hagstofunnar er
atvinnuleysi örlitlu meira meðal
kvenna en karla eða 4,2% á móti
3,6% en munurinn er það lítill að
hann er innan skekkjumarka. Þá
kemur fram í könnuninni að ekki
er teljandi munur á atvinnuleysi
fólks eftir búsetu. Sam-
kvæmt yfirliti Vinnumála-
skrifstofunnar yfir skráð
atvinnuleysi, hefur aftur á
móti verið verulegur mun-
ur á atvinnuleysi á ein-
stökum landsvæðum.
Þannig var 4,8% atvinnuleysi á höf-
uðborgarsvæðinu í seinasta mánuði
en 2,9% á landsbyggðinni.
Vinnutími virðist hafa lengst
Að sögn Ómars segist um helm-
ingur þeirra sem mælast atvinnu-
lausir í könnun Hagstofunnar jafn-
framt vera á atvinnuleysisskrá.
Hann sagði að könnunin benti til
að fjölgunin á vinnumarkaði hefði
átt sér stað í flestum aldurshópum
og fólki í fullu starfí færi hlutfalls-
lega fjölgandi miðað við fyrri kann-
anir, auk þess sem vinnutíminn virt-
ist hafa lengst.
Heildarártakið í könnuninni vai
4.383 manns á aldrinum 16-74 áre
sem voru valdir af handahófi úr þjóð-
skrá. Nettóúrtakið var 4.260 mann;
og fengust svör frá 3.822, sem jafn-
gildir 89,7% endanlegri svörun.
87,2% karla
og 49,8%
kvenna eru í
fullu starfi