Morgunblaðið - 01.12.1995, Qupperneq 1
• MARKAÐURINN • SMIDJAN • LAQNAFRÉTTIR * GRÓÐUR OG GARÐAR • HÝBÝLI • FRÉTTIR •
ÍMorgmtMafriti
Prentsmiðja Morgunblaðsins
Föstudagur 1. desember 1995
Blað 0
Umhverfis-
málin ráða
UMHVERFISMÁL eru ráðandi
þáttur í stefnumörkun við end-
urskoðun aðalskipulags á
Stokkseyri sem nú er unnið
að. í og við Stokkseyri er (jöl-
breytt fuglalíf, sögulegar minj-
ar og víða kjörið svæði til fjöl-
breyttrar útivistar. / 2 ►
Turnarnir
skipta málí
TURNAR setja mikinn svip á
hús. Þótt ekki séu margar
hallir á Islandi niá víða finna
turna. Þeir eru kannski ekki
stórir, ekki skrautlegir og ek!
garnlir en hvernig litu viðkon
andi hús út ef ekki væru turn
arnir? / 18 ►
Ú T T E K T
Skipulag
með
tölvutækni
V VIÐ endurskoðun aðal-
skipulags í Garðabæ fyr-
W ir tímabilið 1995 til 2015
sem staðið hefur að undan-
förnu hefur tölvutæknin verið
notuð til hins ítrasta. Landið
var skannað eftir Ioftmyndum
og síðan unnið með þær og
fleiri gögn sem tölvurnar
voru mataðar á en með þessu
móti er unnt að prenta út á
fljótlegan og ódýran hátt
. hugmyndir um skipulagið á
hinum ýmsu stigum.
Örn Arnar Ingólfsson sem er
kortagerðarmaður og annar
eigenda tölvuþjónustunnar ís-
grafs og arkitektanir Einar
Ingimarsson og Pálmar Óla-
son segja að það sé nánast
bylting að vinna skipulag með
þessum tækjum. Auðvelt sé
að kynna hugmyndir um
skipulag á myndrænan hátt
fyrir nauðsynlegum stjórnum
og nefndum en áður þurfti að
miklu leyti að handteikna og
lita slík gögn. í þessu tilviki
er tölvan látin keyra út gögn
og upplýsingar á þann hátt
sein menn óska.
Hugbúnaðurinn heitir Oddviti
og gefur líka þann möguleika
að sköða landslag og hugsan-
leg áhrif mannvirkja á um-
hverfi og þannig hafa Vega-
gerðin og Landsvirkjun notað
þessa leið t.il að meta um-
hverfisáhrif vegna fram-
kvæmda. / 14 ►
Minni sala á íbúðum -
verð á stórum eign-
um lækkar um 7%
ÖRLÍTIÐ minni hreyfing virðist
vera á sölu íbúða á höfuðborgar-
svæðinu ef marka má tölur um sölu
fjögurra herbergja íbúða fyrstu níu
mánuði ársins miðað við sama tíma
í fyrra. Þannig skiptu 418 slíkar
íbúðir um eigendur í ár en 425 á síð-
asta ári. Meðalstærð íbúðanna er
um 100 fermetrar. Á síðasta ári bár-
ust Fasteignamati ríkisins alls 5.911
samningar um íbúðasölur og var
velta þeirra alls 15.439 milljónir
króna. í nýju fasteignamati sem er
að koma út kemur fram að mat á
stórum eignum á höfuðborgarsvæð-
inu hefur verið lækkað um 7%.
í yfirliti frá Fasteignamati ríkis-
ins um sölu fjögurra herbergja
íbúöa kemur fram að fermetraverð
hefur einnig farið lækkandi á þessu
ári. Á það við. fram á mitt ár en fer
síðan hækkandi í júlí og september
en var lægra í ágúst. Meðalverð á
fermetra fjögurra herbergja íbúðar
á höfuðborgarsvæðinu var 71.985
krónur í janúar 1994 en 66.174 í jan-
úar í ár. Fermetraverðið er síðan á
bilinu 66-67 þúsund krónur í febrú-
ar til maí, hækkar í rúmar 70 þús-
und krónur í júní og júlí en lækkar í
ágúst í 65.962. í september var það
68.627.
Fasteignamat ríkisins byggir
mat sitt á sölusamningum sem fast-
eignasalar skila. Hefur stofnunin nú
um 80 þúsund samninga í gagna-
grunni sínum sem nær aftur til ár-
ins 1982. Fasteignamat stórra eigna
hefur verið lækkað um 7% og segir
Örn Ingvarsson hjá Fasteignamat-
inu að það eigi fyrst og fremst við
um eignir á höfuðborgarsvæðinu en
það gildi í raun um stórar eignir víðs
vegar um landið. Byggir þetta mat
á söluskýrslum og er verið að færa
matið nær söluverði en stórar eign-
ir hafa undanfarin ár selst nokkuð
undir fasteignamatsverði.
Sala 4 herbergja íbúða á höfuð-
borgarsvæðinu jan.-sept. 1994-95
jan. feb. mar. apr. maí jún. júl. ágú. sept.
Sparisjóður Reykjavíkur og nágrennis, Sparisjóður vélstjóra
og Sparisjóður Hafnarfjarðar bjóða nú íbúðarlán til 15-25 ára.
Lánin eru ætluð til kaupa, endurbóta eða viðhalds á
húseignum eða til endurfjármögnunar skammtímalána.
Um er að ræða verðtryggð jafngreiðslulán (annuitet) með
mánaðarlegum afborgunum sem taka mið af vísitölu
neysluverðs. Vextir eru fastir, á bilinu 6,8% - 8,5% og
miðast við veðsetningarhlutfall og áhættumat.
Allar nánari upplýsingar veita þjónustufulltrúar
í viðkomandi sparisjóðum.
Þú átt góðu láni að fagna hjá sparisjóðunum.
SPARISJOÐUR HAFNARFJARÐAR
«P> SPARISJÓÐUR VÉLSTJÓRA
SPARISJOÐUR
REYigAVÍKUR OG NÁCRENNIS