Morgunblaðið - 02.12.1995, Side 1

Morgunblaðið - 02.12.1995, Side 1
96 SIÐUR LESBOK/C/D 276. TBL. 83. ÁRG. LAUGARDAGUR 2. DESEMBER 1995 PRENTSMIÐJA MORGUNBLAÐSINS Réttað í Baringsbankamálinu Sleppur Leeson með 2-4 ár? Singapore. Reuter. NICK Leeson játaði sig sekan í gær um svik í tengslum við samninga, sem ollu því, að Baringsbanki tapaði um 90 milljörðum ísl. kr. og varð gjaldþrota. Viðurlögin eru allt að átta ára fangelsi en margt bendir til, að hann fái eitthvað mildari dóm. Búist er við honum í dag. Við réttarhöld í gær kom fram, að Leeson hefði veðjað á gengisþró- unina á japanska verðbréfamarkað- inum én á 30 mánaða tímabili fram til síðustu áramóta hefði' stöðugt hallað undir fæti fyrir honum. Sagði saksóknarinn, að Leeson hefði falið tapið með fölskum reikningum og jafnvel falsað bréf í sama skyni. Ákæruatriðum fækkað Saksóknarinn hefur hins vegar fallið frá 9 af 11 upphaflegum ákær- um vegna samvinnuJ Leesons við rannsókn málsins. Þær tvær, sem eftir eru, geta varðað átta ára fang- elsi mest. Haft er eftir heimildum, að Leeson verði hugsanlega dæmdur í tveggja til fjögurra ára fangelsi. Veijandi Leesons sagði, að skjól- stæðingur sinn hefði ekki hagnast sjálfur á spákaupmennskunni og óförum bankans og ekki stæði til að gera neina Hollywood-kvikmynd um sögu hans eins og flogið hefði fyrir. Herlið til Bosníu Brussel, París. Reuter. SENDIHERRAR aðildarríkja Atlantshafsbandalagsins sam- þykktu í gær að senda 2.600 hermenn til Bosníu og þeir eiga að undirbúa friðargæslu 60.000 manna herliðs undir stjórn bandalagsins. Fyrstu hermennirnir verða sendir til Bosníu í dag og gert er ráð fyrir að þeir verði allir komnir þangað snemma i næstu viku. Hermennirnir 2.600 verða frá ýmsum NATO-ríkjum, m.a. 700 frá Bandaríkjunum og 500 frá Bretlandi. Reuter Flugumferð raskast í París FLUGVIRKJAR franska ríkis- flugfélagsins Air France, sem starfa á Orly-flugvelli, lögðu niður vinnu í gær í mótmæla- skyni við efnahagsstefnu stjórn- valda. Flykktust þeir út á flug- brautir og ollu verulegri röskun á flugumferð, einkum innan- landsflugi og flugi til Banda- ríkjanna. Flugi til vallarins var beint til Charles de Gaulle-vall- arins þar sem starfsemi var með eðlilegum hætti. Starfsmenn fjarskiptafyrir- tækja, skattsins, tollsins, vöru- flutningafyrirtækja, heilbrigð- isþjónustunnar og kennarar hafa ákveðið að leggja niður vinnu á mánudag. Talsmaður stjórnarinnar varaði starfs- menn samgöngufyrirtækja við í gær og sagði að áframhald- andi aðgerðir af þeirra hálfu þýddu að loka yrði fyrirtækjum og segja upp starfsfólki. Myndin var tekin af mótmæl- um járnbrautarstarfsmanna í Marseille í gær og þar klæddust sumir jólasveinabúningi. ■ 500 km umferðarhnútur/18 NATO-ríki velja nýjan framkvæmdasljóra Samstaða næst um Javier Solana Brussel, Kaupmannahöfn, Madrid. Reuter. SENDIHERRAR að- ildarríkja Atlantshafs- bandalagsins (NATO) samþykktu í gær sam- hljóða að mæla með því að Javier Solana, utan- ríkisráðherra Spánar, yrði framkvæmdastjóri NATO. Gert er ráð fyr- ir að Solana verði skip- aður í embættið á fundi utanríkisráðherra ríkja NATO á þriðjudag. Þetta verður í fyrsta sinn sem fram- kvæmdastjóri NATO kemur frá ríki sem hef- ur ekki að fullu verið fært undir herstjórnar- kerfi bandalagsins. Sendiherra Spánar, Carlos Mir- anda, sem stjórnaði fundi sendiherr- anna, fagnaði valinu. „Þetta er góð- ur og mikilvægur dagur fyrir Spán- veija.“ Malcolm Rifkind, utanríkisráð- herra Bretlands, sagði Solana hafa hæfileika og reynslu til að standa sig vel í embættinu. Klaus Kinkel, utanríkisráðherra Þýskalands, tók í sama streng. „Javier Solana er fyrsta flokks val. I honum samein- Javier Solana ast evrópsk viðhorf og stuðningur við náið samstarf við Bandarík- in, auk leiðtogahæfi- leikanna. Þetta hefur hann sýnt sem forseti ráðherraráðs Evrópu- sambandsins," sagði Kinkel. Nokkrum mínútum áður en skýrt var frá valinu tilkynnti Uffe Ellemann-Jensen, fyrr- verandi utanrikisráð- herra Danmerkur, að hann drægi sig í hlé sem frambjóðandi. „Ég óska gamla starfsbróð- ur mínum til ham- ingju,“ sagði hann. „Ég læt í ljósi þá von að hann noti embættið til að stuðla að sterkari tengslum Evr- ópu og Norður-Ameríku og styrkja evrópska stoð NATO.“ Samstaða náðist smám saman um Solana eftir að Bandaríkjamenn höfnuðu Ruud Lubbers, fyrrverandi forsætisráðherra Hollands, sem Bretar, Frakkar og Þjóðveijar studdu. Frakkar neituðu hins vegar að styðja Ellemann-Jensen. Spænski utanríkisráðherrann tekur við af Willy Claes, sem sagði af sér 20. október vegna meintrar aðildar að mútuhneyksli í Belgíu á síðasta áratug. Var andvígur NATO í fyrstu Ákvörðuninni var fagnað á Spáni. „Þetta er í fyrsta sinn sem Spánveiji gegnir svo mikilvægu hlutverki á alþjóðavettvangi,“ sagði talsmaður Þjóðarflokksins, stærsta stjórnarandstöðuflokksins. Solana og félagar hans í Sósíal- istaflokknum voru andvígir aðild Spánar að NATO þegar landið gekk í bandalagið. Hálfu ári síðar, eða 1982, komst flokkurinn til valda og sneri við blaðinu. Flokkurinn studdi aðildina þegar efnt var til þjóðaratkvæðis um hana árið 1986. Solana er 53 ára og hefur getið sér gott orð sem ráðherra í öllum stjórnum spænskra sósíalista frá árinu 1982. Solana hefur verið tal- inn eini maðurinn sem gæti tekið við af Felipe Gonzalej forsætisráð- herra sem leiðtogi Sósíalistaflokks- ins og bundið enda á deilurnar inn- an hans. Fréttaskýrendur sögðu það því nokkurt áfall fyrir spænska sós- íalista að Solana skuli vera á leið til Brussel. Irar hylla Clinton BILL Clinton, forseti Bandaríkj- anna, ávarpaði í gær írsku þjóð- ina í miðborg Dyflinnar að við- stöddum 100.000 manns sem fögnuðu honum ákaft. „Irar hafa lagt sitt af mörkum til að sigrast á myrkum öflum tortímingar út um allan heim,“ sagði forsetinn meðal annars. „Þið blásið heims- byggðinni friðaranda í brjóst. Þið hafið sveipað friðinn hetju- Ijóma.“ Clinton ávarpaði einnig írska þingið og hét því að Bandaríkja- stjórn myndi styðja tilraunir Ira og Breta til að konia á varanleg- um friði á Norður-írlandi. Hann sagði hins vegar ekkert hæft í vangaveltum um að hann myndi knýja á Irska lýðveldisherinn (IRA) um að láta vopn sín af hendi áður en friðarviðræður hæfust. Irskir fjölmiðlar fóru lofsam- legum orðum um Clinton sem „forseta friðarins" og honum var tekið sem „syni írsku þjóðarinn- ar“, enda er móðir hans, Virgin- ia Cassidy-Kelly, af írsku bergi brotin. Clinton kvaðst stoltur af írsku ætterni sínu og kom við á krá í Dyflinni sem ber sama nafn og fjölskylda móðurinnar, Cassidy, þótt kráin tengist henni ekki að öðru leyti. Á myndinni heldur Bill Clinton á írskum bjór með Marien G. Kakebeeke, framkvæmdastjóra ölgerðarinnar Murphy’s Brew- eries.

x

Morgunblaðið

Direkte link

Hvis du vil linke til denne avis/magasin, skal du bruge disse links:

Link til denne avis/magasin: Morgunblaðið
https://timarit.is/publication/58

Link til dette eksemplar:

Link til denne side:

Link til denne artikel:

Venligst ikke link direkte til billeder eller PDfs på Timarit.is, da sådanne webadresser kan ændres uden advarsel. Brug venligst de angivne webadresser for at linke til sitet.