Morgunblaðið - 02.12.1995, Blaðsíða 17
MORGUNBLAÐIÐ
LAUGARDAGUR 2. DESEMBER 1995 17
VERIÐ
Morgunblaðið/Kristján
KONURNAR á bandinu bíða spenntar eftir að fyrstu rækjurnar renni eftir færibandinu.
Ein fullkomnasta
rækjuvinnsla landsins
RÆKJUVINNSLA Fiskiðjusamlags
Húsavíkur var gangsett í nýju hús-
næði í gær. Verksmiðjan var flutt
úr húsnæði á Höfðanum og í stærra
húsnæði neðan við Bakka og þar
hefur verið komið upp einni full-
komnustu rækjuverksmiðju lands-
ins. Það var því mikill handagangur
í öskjunni þegar tæknimenn, iðnað-
armenn og starfsfólk FH voru að
undirbúa gangsetningu í gær. Heild-
arkostnaður við uppsetningu verk-
smiðjunnar og byggingu frystiklefa
við hana er um 180 milljónir króna.
Hlutur rækjuvinnslunar
alltaf að aukast
Hlutur rækjuvinnslunar hefur
verið stöðugt að aukast hjá FH á
síðustu árum og er nú um 2/3 af
heildarveltu fyrirtækisins. Um 5.000
tonn af rækju fóru í gegnum gömlu
verksmiðjuna á, ári og segir Tryggvi
Finnsson, framkvæmdastjóri FH, að
sú verksmiðja hafi í raun verið yfir-
keyrð miðað við þann vélakost sem
þar var.
Hann vonast til að geta keyrt um
6-7.000 tonn í gegnum nýju verk-
smiðjuna en afkastageta hennar með
góðu móti er um 8.000 tonn á ári.
I verksmiðjunni er fullkomin pökk-
unarlína og er gert ráð fyrir að hluta
rækjunnar verði pakkað beint í neyt-
endapakkningar.
Afgangshús við höfnina
„Það hefur legið fyrir lengi að
Rækjuvinnsla
Fiskiðjusamlags
Húsavíkur gang-
sett í nýju húsi
verksmiðjan yrði flutt um set, enda
staðsetning hennar á Höfðanum
ekki góð og þar er heldur enginn
frystiklefi. Þetta er í raun þriðja
rækjuverksmiðjan sem við hönnum
en það áraði ekki alltaf vel í þessari
vinnslu þannig að menn vildu ekki
fara í stórar framkvæmdar. Síðan
var ákveðið að láta slag standa og
ráðast í þetta stóra verkefni. Vegna
samdráttar í veiði bolfísks áttum við
um 1.000 fermetra hús afgangs nið-
ur við höfn og það hentar vel fyrir
þessa starfsemi. Að auki hefur verið
byggður frystiklefi sem tekinn verð-
ur í notkun í febrúar," segir Tryggvi.
Allur vélbúnaður gömlu verk-
smiðjunnar hefur verið settur upp í
nýja húsnæðinu, fyrir utan það að
keyptir voru nýir frystiskápar. Til
viðbótar fjárfesti FH í mjög full-
komnum vinnslubúnaði og er rækju-
vinnslan ein sú fullkomnasta á land-
inu í dag.
Unnið á tveimur vöktum
„Við gerum ráð fyrir því að unnið
verði á tveimur vöktum í nýju verk-
smiðjunni en unnið var á þremur
vöktum í hinni verksmiðjunni og all-
ar. helgar. Þá er einnig gert ráð fyr-
ir að helgarvinnan minnki. Það er
ekki gert ráð fyrir að starfsfólki
fækki sem neinu nemur en aftur á
móti verður samdráttur í vinnutíma.
Um 50 manns hafa starfað í rækju-
vinnslunni."
Hráefnisöflun rækjuvinnslunnar
hefur gengið vel, enda hefur veiði
verið mjög góð að undanförnu.
Tryggvi segir að fyrirtækið eigi nú
töluvert mikið magn af óunninni
rækju. „Það verður því hægt að
keyra verksmiðjuna rösklega í byrj-
un og svo er að sjá hvernig það
gengur."
Sala á afurðum rækjuvinnslunnar
gengur vel og er fyrirtækið með lít-
ið af óseldri rækju. Mest er selt á
markaði í Bretlandi en einnig í Dan-
mörku, Þýskalandi og Frakklandi.
„Við höfum hingað til pakkað
rækju til stærri notenda og pökkun-
arstöðva sem þá endurpakka vörunni
áfram. í nýju verksmiðjunni er full-
komin pökkunarlína fyrir smápakka
og því gerum við ráð fyrir að á þessu
verði breyting."
Tryggvi segir að ágætis verð hafi
fengist fyrir afurðirnar og vonandi
verði það áfram.,, Rækjuverðið
hækkaði mikið fyrir um einu og
hálfu ári og menn njóta þess ennþá.
Hins vegar hefur leiguverð á kvóta
hækkað mikið og við skulum vona
að hægt verði að reka þetta með
einhverjum hagnaði áfram,“ sagði
Tryggvi Finnsson.
TRYGGVI Finnsson, framkvæmdastjóri Fiskiðjusamlags Húsavíkur, og Peter Fischer, tæknimaður
frá Elbiscan, fylgjast með vinnslulínunni.
FRÉTTIR : EVRÓPA
Semja við Banda-
ríkin um tollamál
„Fátæku ríkin fjögur“ krefjast sára-
bóta vegna tollalækkana í landbúnaði
Washington. Reuter.
EVROPUSAMBANDIÐ og Banda-
ríkin náðu í gær samkomulagi um
bættan aðgang bandarískra útflytj-
enda að Evrópumarkaðnum. Með
æssu er Bandaríkjunum bætt upp
)að óhagræði, sem þau urðu fyrir
er Svíþjóð, Finnland og Austurríki
gengu í ESB um síðustu áramót
og tollar á ýmsum vörum, sem
Bandaríkjamenn hafa flutt til þess-
ara ríkja, hækkuðu.
Jafnframt var samið sérstaklega
um umdeilt fyrirkomulag Evrópu-
sambandsins við útreikning tolla af
innfluttu korni og hrísgrjónum frá
Bandaríkjunum og féllu Banda-
ríkjamenn frá kröfu sinni um úr-
skurð í málinu af hálfu Heimsvið-
skiptastofnunarinnar (WTO).
Bandaríkin hafa krafizt þess að
ESB hætti að nota fast viðmiðunar-
verð við útreikning tolla o'g meti
fremur hverja sendingu afkorni eða
hrísgijónum fyrir sig. ESB heitir
því nú að halda öllum upplýsingum
til haga_og endurgreiða áílt það,
sem kann að vera oftekið í toll.
Samkvæmt meginsamkomulag-
inu lækka tollar meðal annars á
hrísgijónum, hnetum, gæludýra-
fóðri, kirsubeijum, laufi í blóma-
skreytingar, kröbbum og ýmsu öðru
sjávarfangi, nærri 200 kemískum
efnum, krossviði, dagblöðum, tau-
efni, litskiljum, litsjám, sveiflusjám
og hálfleiðurum.
Mestu tollalækkanirnar verða á
hálfleiðurum, landbúnaðarvörum og
kemískum efnum, að sögn Mickeys
Kantor, viðskiptafulltrúa Banda-
ríkjastjórnar.
Viðskiptaþvinganir ef
samkomulag er ekki innsiglað
fyrir áramót
Ráðherraráð Evrópusambands-
ins verður að samþykkja báða
samningana. Ráðið kemur saman
næstkomandi mánudag, en emb-
ættismenn segja ólíklegt að það
muni staðfesta samningana þá.
Ástæðan er sú að „fátæku ríkin
fjögur“, þ.e. Spánn, Portúgal, Ítalía
og Grikkland, krefjast sárabóta fyr-
ir það tjón, sem þau telja tollalækk-
anir á landbúnaðarvörum valda sér.
Talið er að málið geti því frest-
azt þar til á fundi landbúnaðarráð-
herra ESB 19. desember. Þá eru
síðustu forvöð að innsigla sam-
komulagið, því að hafi samkomulag
ekki náðst um áramót munu Banda-
ríkin beita Evrópusambandið við-
skiptaþvingunum.
Reuter
ÞÝZKI seðlabankinn er stundum sagður fyrirmynd hins evr-
ópska seðlabanka framtíðarinnar vegna stefnufestu sinnar og
aðhaldssemi. Hér heilsast þeir Hans Tietmeyer, aðalbankastjóri
þýzka seðlabankans (t.h.) og Alexandre Lamfalussy, yfirmaður
Evrópsku gjaldmiðilsstofnunarinnar (EMI), sem er undanfari
evrópsks seðlabanka. Á milli þeirra stendur Theo Waigel, fjár-
málaráðherra Þýzkalands. Þremenningarnir sóttu fund gjald-
miðilsnefndar ESB fyrr í vikunni.
Efnahags- og myntbandalagið
Spánn og Austurríki
stefna að stofnaðild
Vín. Reuter.
AUSTURRÍKI og Spánn stefna
staðfastlega að því að verða stofn-
ríki Efnahags- og myntbandalags
Evrópu (EMU) er sameiginleg Evr-
ópumynt verður tekin upp í byijun
árs 1999.
Á sameiginlegum blaðamanna-
fundi Franz Vranitsky, kanzlara
Austurríkis, og Felipe Gonzalez,
forsætisráðherra Spánar, kom fram
að þeir væru engu að síður sam-
mála um að ekki mætti slaka á
þeim kröfum, sem gerðar væru til
aðildarríkja EMU um staðfestu í
peninga- og ríkisfjármálum.
„Við erum sammála um að það
á ekki að þynna út skilyrði aðildar
að Efnahags- og myntbandalaginu
og að ekki eigi að breyta tímaáætl-
uninni,“ sagði Vranitsky.
Gildistöku má ekki seinka
Gonzalez sagðist sammála Jacqu-
es Santer, forseta framkvæmda-
stjórnar ESB, um að seinkun á gild-
istöku EMU gæti stefnt áformunum
um sameiginlega mynt í hættu.
„Það er rétt hjá Santer að seinkun
getur haft i för með sér eilífa töf,“
sagði hann.
Spænski forsætisráðherrann,
sem jafnframt er forseti ráðherra-
ráðs ESB, sagði að Evrópuríkjum
bæri skylda til að þrýsta á um skjót-
an evrópskan samruna og stækkun
Evrópusambandsins. „Skýrslur
sýna að stækkun verður mun ódýr-
ari en áður var spáð,“ sagði hann.
„Það er siðferðileg og pólitísk
skylda okkar að stefna að einingu
Evrópu.“