Morgunblaðið - 07.12.1995, Page 1
104 SÍÐUR B/C/D/E
280. TBL. 83. ÁRG. FIMMTUDAGUR 7. DESEMBER1995 PRENTSMIÐJA MORGUNBLAÐSINS
Ákvörðun Pers-
sons fagnað
Stokkhólmi. Reuter.
ÞEIRRI ákvörðun Görans Perssons, fjármálaráðherra Svíþjóðar, að taka
við af Ingvar Carlsson sem forsætisráðherra og leiðtogi jafnaðarmanna
hefur almennt verið fagnað. Wanja Lundby, talsmaður sænska alþýðu-
sambandsins, sagði, að Persson væri leiðtogi, sem gæti sætt hægri- og
vinstrimenn innan Jafnaðarmannaflokksins. Talsmaður vinnuveitenda
sagði, að Persson væri augljóslega besti arftaki Ingvars Carlssons.
Skoðanakannanir um Persson
gefa hins vegar dálítið ólíka niður-
stöðu. í Gallup-könnun, sem birtist
Frakkland
Tilraun-
um hætt í
febrúar
París. Reuter.
CHARLES Millon, varnar-
málaráðherra Frakklands,
sagði í gær að umdeildum
kjarnorkutilraunum Frakka i
Suður-Kyrrahafi myndi ljúka
fyrir lok febrúarmánaðar.
Gert hafði verið ráð fyrir
að tilraununum lyki fyrir 31.
maí. Þegar hafa verið sprengd-
ar fjórar kjarnorkusprengjur í
tilraunaskyni og Jacques
Chirac, forseti Frakklands,
hefur sagt að líklega verði alls
sex sprengjur sprengdar.
Tamílum
boðin sak-
aruppgjöf
CHANDRIKA Bandaranaike
Kamaratunga, forseti Sri Lanka,
flutti sjónvarpsávarp í gær og
bauðst tíl að veita tamilskum
skæruliðum sakaruppgjöf ef þeir
legðu niður vopn. Hún hvatti enn-
fremur allt að 500.000 íbúa
Jaffna-skaga, sem flúðu heimili
sín vegna bardaganna, tíl að snúa
heim. Stjórnarherinn náði Jaffna-
borg á sitt vald á þriðjudag, en
hún hafði verið undir yfirráðum
Tamíla í tæpan áratug. Kamara-
tunga sagði þetta mikilvægan sig-
ur fyrir sljórnina en mikið verk
væri enn óunnið til að tryggja
varanlegan frið í landinu. Skæru-
liðarnir berjast fyrir sjálfstæðu
ríki Tamíla í norður- og austur-
hlutum eyjunnar. Þeir rufu
vopnahlé í apríl og neituðu að
ræða tíllögur Kamaratunga um
víðtæka sjálfstjórn Tamíla, sem
eru um 17% landsmanna.
Mannskæðir bardagar
Fréttaskýrendur segja að
stjórn Sri Lanka eigi nú erfitt
verk fyrir höndum við að endur-
reisa Jaffna-borg eftir 12 ára
stríð og vinna ibúana á sitt band.
Þeir telja ennfremur að skæru-
liðarnir hefni ófaranna í Jaffna,
á norðurodda eyjunnar, með
árásum annars staðar í landinu.
í Expressen, voru 46% hlynnt hon-
um og 27% andvíg en í SIFO-körin-
un í Aftonbladet voru 45% á móti
honum og 38% með.
Karin, móðir Perssons, sagðist í
viðtali við Aftonbladet hafa áhyggj-
ur af syni sínum. Hann hefði haft
svo ágætt starf í fjármálaráðuneyt-
inu auk þess sem hún hefði heldur
viljað sjá Margot Wallström land-
búnaðarráðherra í forsætisráð-
herrastólnum.
■ Ekki „maður fólksins“/22
Reuter
Betrumbætur fyrir Karl
KARL prins af Wales ræðir við
skólanemendur á Hallwood
Park-fjölbýlishúsinu í Runcorn,
Cheshire, í gær. Prinsinn fór í
heimsókn til bæjarins til að líta
húsið augum en gagngerar end-
urbætur hafa verið gerðar á því
í kjölfar þess að prinsinn gagn-
rýndi útlit þess í bók sinni um
breskan arkitektúr.
Hægfara hjálpar-
starf vekur ugg
Brussel. Rcuter. ^ ^ i ^
ATLANTSHAFSBANDALAGIÐ (NATO) lýsti í gær áhyggjum sínum
vegna þess að hjálparstarf í Bosníu kunni að ganga mun hægar fyrir
sig en aðgerðir bandalagsins 'til að framfylgja friðarsamkomulaginu
sem náðist fyrir milligöngu Bandaríkjamanna í Dayton í Ohio.
Reuter
Heimildarmenn innan NATO
hafa lýst áhyggjum sínum vegna
þess hversu hjálparstarf hefur farið
hægt af stað.
„Það er ekki hlutverk NATO að
dreifa hjálpargögnum og aðstoða
flóttamenn," sagði einn sendifull-
trúinn. Vill bandalagið að hjálpar-
stofnanir Sameinuðu þjóðanna, svo
sem flóttamannahjálpin og barna-
hjálp SÞ, starfi með NATO frá
fyrsta degi.
Uppbygging
Um helgina verður haldin ráð-
stefna í London þar sem rædd verð-
ur uppbygging í lýðveldum gömlu
Júgóslavíu. Er fullyrt að ríki heims
verði að leggja til um 6 milljarða
dala, um 390 milljarða ísl. kr., til
að hægt verði að koma lífi í löndun-
um í eðlilegt horf.
■ Snjókoma tafði/20
New York
Strangt
tekiðá
ölvun
New York. The Daily Telegraph.
ÞING New York-ríkis er að
ræða frumvarp sem kveður á
um að ökumenn yngri en 21
árs, sem staðnir verða að
akstri með minnsta mælanlega
áfengismagn í blóðinu, verði
tafarlaust sviptir ökuleyfi.
Verði frumvarpið samþykkt
verða þetta hörðustu lög í
þessum efnum í Bandaríkjun-
um. Æ fleiri umferðarslys eru
rakin til ungra, drukkinna,
ökumanna í New York og
markmið frumvarpsins er að
fækka þeim.
Frumvarpið er einnig rakið
til laga um samgöngumál, sem
Bandaríkjaþing samþykkti ný-
lega, en þau kveða á um að
skerða eigi fjárveitingar til
vegagerðar í ríkjum sem láta
hjá líða að herða viðurlög við
akstri undir áhrifum áfengis.
Vilja sýna
fram á áreið-
anleika sinn
Brussel. Reuter.
FYRRUM kommúnistaríki í Mið-
og Austur-Evrópu vonast til að
þátttaka í friðargæslu í Bosníu
auki líkur á aðild þeirra að Atlants-
hafsbandalaginu, að sögn stjórnar-
erindreka í höfuðstöðvum banda-
lagsins.
Utanríkisráðherrar NATO áttu í
gær fund með ráðherrum þeirra
ríkja er taka þátt í Samstarfi í þágu
friðar. Nokkur ríkjanna, ekki síst
Pólland, Ungveijaland og Tékkland,
reyndu að nýta þetta tækifæri tií
fulls til að sýna fram á áreiðanleika
sinn sem bandamenn, að sögn sömu
heimildarmanna.
„Þriggja mánaða þátttaka í frið-
argæslunni jafngildir þriggja ára
rannsóknum," sagði stjórnarerind-
reki. ■
Andreas Papandreou forsætisráðherra Grikklands gengst undir uppskurð
Valdabarátta að hefjast
Abenu. Reuter.
Andreas
Papandreou
Aþenu. Reuter.
GERÐUR var barkaskurður á Andreas
Papandreou, forsætisráðherra Grikk-
lands, í gær en hann er með lungna-
bólgu og hefur verið á sjúkrahúsi í tvær
vikur. Ráðherrann, sem er 76 ára, er í
öndunarvél, nýrun starfa illa og er búist
við að hann verði á sjúkrahúsi næstu
mánuði. Ljóst þykir að hörð barátta sé
hafin í sósíalistaflokknum, PASOK, um
leiðtogaembættið.
Læknar sögðu að með uppskurðinum
yrði hægt að bæta líðan Papandreous,
honum yrði gert kleift að hreyfa sig
meira en vegna öndunarerfiðleikanna
hefur hann verið með loftslöngu í kok-
inu og þurft að fá sterk verkjalyf. Einn-
ig er bent á að sennilega muni forsætis-
ráðherrann nú eiga auðveldara með að
tala sem skiptir ekki litlu ef hann hefur
heilsu til að ræða við gesti á sjúkrahús-
inu um stjórnmálastöðuna.
Hvatt til leiðtogakjörs
Margir þingmenn sósíalistaflokksins
og fjölmiðlar hafa hvatt til þess að kjör-
inn verði nýr leiðtogi en Akis Tso-
hatzopoulos innanríkisráðherra gegnir
nú embætti forsætisráðherra.
„Þetta getur ekki gengið mikið léng-
ur,“ sagði Lambros Kannelopoulos, einn
af þingmönnum sósíalista. Hann sagði
að stjórn flokksins yrði að gripa til ráð-
stafana til að binda enda á það pólitíska
tómarúm sem skapast hefði.
Kanellopoulos varð fyrstur til að
hreyfa málinu opinberlega. Ritari þing-
flokks PASOK, Dimitri Beis, tók undir
orð Kanellopoulos en ljóst er að mönnum
er vandi á höndum þar sem ekki eru
nein ákvæði í stjórnarskrá eða flokks-
lögum er mæla fyrir um viðbrögð við
þeirri stöðu sem upp er komin.