Morgunblaðið - 07.12.1995, Blaðsíða 4
4 FIMMTUDAGUR 7. DESEMBER 1995
MORGUNBLAÐIÐ
FRÉTTIR
Nýir rekstr-
araðilar
Nausts
Gestur Jónsson hæstaréttarlögmaður um gagnrýni á breytingar á skaðabótalögum
Of há iðgjöld stafa ekki af
því að líkamstjón séu ofbætt
ÞORFINNUR Guttormsson, yfír-
þjónn á Hótel Holti til margra ára
og Óðinn Jóhannsson, þjónn á Hótel
Holti taka um áramót við rekstri
veitingastaðarins Nausts við Vest-
urgötu.
„Við stefnum að því að gera
Naustið að góðum matstað þar sem
allir geta komið, látið sér líða vel
og fengið góðan mat á góðu verði,“
sagði Þorfínnur.
85.000 m3
fjarlægðir
FRAMKVÆMDIR við jarðvegs-
vinnu vegna nýja kerskálans sem
byggja á við híið eldri kerskála
ÍS AL í Straumsvik ganga sam-
kvæmt áætlun, að sögn Rannveig-
ar Rist, upplýsingafulltrúa ÍSAL,
en flylja þarf á brott um 85 þús-
und rúmmetra af jarðvegi af
byggingarsvæðinu. Þegar fyrsta
áfanga jarðvegsvinnunnar verður
lokið hefst fyrsti áfangi við bygg-
ingu skálans.
GESTUR Jónsson hæstaréttarlög-
maður segir að fullyrðingar Sam-
bands íslenskra tryggingafélaga
um að iðgjöld bifreiðatrygginga
muni hækka ef tilögur hans og
Gunnlaugs Claessens hæstaréttar-
dómara um breytingar á skaða-
bótalögum verða að lögum séu
ótímabærar. Ef iðgjöld bifreiða-
trygginga á íslandi séu of há stafí
það ekki af því að líkamstjón ein-
staklinga séu ofbætt, heldur af
hinu að slysin í umferðinni séu allt-
of mörg, auk þess sem vera kunni
að rekstrargjöld tryggingafélag-
anna séu of há.
Gestur sagði að í álitsgerð hans
og Gunnlaugs sé fjallað um það
hvemig bæta skuli fjártjón fólks
vegna örorku. Niðurstöðurnar séu
meðal annars þær að skaðabótalög-
in frá 1993 séu um margt til bóta,
en bæta þurfí úr annmörkum sem
komið hafí fram við framkvæmd
þeirra og jafnframt aðlaga laga-
reglurnar breyttum forsendum
vegna lækkunar vaxta.
Meginregla laganna sé að bætur
fyrir varanlega örorku reiknist á
grundvelli svokallaðs fjárhagslegs
örorkumats í stað staðlaðra læknis-
fræðilegra örorkumata sem áður
hafí gilt, en þó gildi það áfram að
stuðst sé við læknisfræðileg möt
hjá þeim sem ekki afli atvinnu-
tekna. Lagt sé til að aðalregla
skaðabótalaganna verði víkkuð út
og skaðabætur vegna varanlegrar
örorku verði alltaf ákveðnar á
grundvelli fjárhagslegs örorkumats,
enda leiði gildandi reglur til óeðli-
legrar mismununar á bótarétti fólks
eftir því hvort það hefur atvinnu-
tekjur eða ekki. Þessi tillaga muni
í mörgum tilvikum lækka bætur til
slasaðs fólks vegna þess að niður-
stöður fjárhagslegra örorkumata
hafi sýnt sig að vera mun lægri að
jafnaði en læknisfræðilegu mat-
anna.
Leiðrétting á
margföldunarstuðli
Gestur sagði að í álitsgerðinni
væri einnig sýnt fram á að marg-
földunarstuðull skaðabótalaganna
væri ekki nægjanlega hár til þess
að slasað fólk fengi fullar bætur
fyrir fjártjón vegna varanlegrar
örorku. Margföldunarstuðullinn
sem lagður sé til sé mun hærri en
stuðull gildandi laga. Tillaga um
hærri stuðul byggist á reiknifor-
sendum sem séu nákvæmlega til-
greindar í álitsgerðinni og útreikn-
ingi sem gerður sé á þeim forsend-
um. „Ég held að enginn haldi því
fram að stuðullinn sé rangur miðað
við forsendur. Hækkun margföld-
unarstuðulsins ein og sér mun valda
hækkun skaðabóta miðað við gild-
andi lög. Þar er um að ræða leiðrétt-
ingu á margföldunarstuðli sem ein-
faldlega er ekki réttur, ef markmið-
ið er að slasað fólk fái fullar bætur
fyrir fjártjón," sagði Gestur.
„Ég dreg mjög í efa það mat SÍT
og vátryggingafélaganna að iðgjöld
bifreiðatrygginga þurfi að hækka
um 30% ef tillögurnar verða að lög-
um. í langflestum þeirra mála sem
vátryggingafélögin hafa gert upp á
undanfömum árum hafa verið
greiddar örorkubætur á grundvelli
læknisfræðilegra örorkumata. í yf-
irgnæfandi meirihluta þessara mála
hefur læknisfræðilega örorkan ver-
ið metin 15% eða lægri. Sú reynsla
sem þegar liggur fyrir um fjárhags-
leg örorkumöt bendir til þess að
fjárhagsleg örorka í sambærilegum
tilvikum sé nú metin mun lægri og
oft engin. Þessi breyting mun draga
mjög úr bótagreiðslum til slasaðra,"
sagði Gestur ennfremur.
Jón Steinar Gunnlaugsson um viðbrögð
vegna breytinga á skaðabótalögum
Ekkí sannfær-
andi spádómar
JÓN Steinar Gunnlaugsson hæsta-
réttarlögmaður segir spádóma vá-
tryggingafélaganna um að breytt-
ar reiknireglur skaðabótalaga leiði
til 30% hækkunar iðgjalda ekki
efnislega sannfærandi.
„Minnt skal á, að með hinum
nýju skaðabótalögum voru tekin
upp svokölluð fjárhagsleg örorku-
möt, þar sem lagður skyldi hald-
betri mælikvarði en áður á ör-
orkutjón," segir Jón Steinar í
grein sem birtist í Morgunblaðinu
í dag.
Örorka lækkar verulega í
smærri málum
„Lítil reynsla er ennþá komin á
lögin. Engu að síður er ljóst af
störfum örorkunefndar fram til
þessa, að örorkan lækkar verulega
í fjöldanum öllum af smærri mál-
unum. Mín tilfinning er, að sú
lækkun muni vega mun þyngra í
heildardæminu en sú hækkun bóta
sem felst í tillögunum um breyt-
ingu á skaðabótalögunum,“ segir
ennfremur.
Jón Steinar Gunnlaugsson segir
einnig að þeir sem vilji mótmæla
lagareglu um fullar bætur fyrir
ijártjón með því að vátryggingaið-
gjöld á sviði ábyrgðartrygginga
muni hækka við lögleiðingu slíkrar
reglu, séu í reynd að krefjast þess,
að tjónþolar niðurgreiði iðgjöld
með hluta af tjónbótum sínum.
Lögmaðurinn segir tillögur Gunn-
laugs Claessens hæstaréttardóm-
ara og Gests Jónssonar hæstarétt-
arlögmanns um hækkun reiknist-
uðuls laganna vel unnar og brýnt
að lögunum verði hið fyrsta breytt
til samræmis við þær.
■ Fjártjón og/41
Rótaryklúbbur Reykjavíkur
Þórarinn V. Þórarinsson framkvæmdastjóri VSí
Konur fá aðgang
að klúbbnum
MEIRIHLUTl félaga í Rótary-
klúbbi Reykjavíkur samþykkti á
fundi í gær að breyta lögum
klúbbsins þannig að konum verði
framvegis veitt innganga í hann,
en nokkrar deilur hafa verið inn-
an klúbbsins um það undanfarin
ár hvort það skyldi leyfa.
Um 25 rótaryklúbbar eru
starfandi hér á landi og er Rót-
aryklúbbur Reykjavíkur sá
fímmti þeirra sem gerir konum
kleift að gerast félagar.
Friðrik Pálsson, starfandi for-
maður Rótaryklúbbs Reykjavík-
ur, sagði í samtali við Morgun-
blaðið að grundvallarlögum Rót-
aryhreyfingarinnar hafí verið
breytt fyrir nokkrum árum
þannig að heimilað var að taka
konur inn sem fulltrúa fyrir sín-
ar starfsgreinar.
„Um þetta hefur verið nokkur
ágreiningur hér á landi og það
má kannski segja að það hafi
verið horft með dálítilli eftir-
væntingu til þess hvernig Rót-
aryklúbbur Reykjavíkur tæki á
þessu þar sem hann er bæði
stærsti og elsti klúbburinn í
landinu. Það hefur nokkrum
sinnum verið reynt að fá þessa
breytingu í gegn, en það hefur
ekki verið samþykkt fyrr en nú.
Ég held að þetta séu mjög
ánægjuleg tíðindi fyrir hreyfing-
una og fyrir okkar klúbb fyrst
og fremst,“ sagði Friðrik.
Kemur ekki til álita að
hefja samningaviðræður
ÞAÐ kemur ekki til álita að taka
við gagntilboðum og hefja samn-
ingaviðræður við einstök verka-
lýðsfélög sem ætla ekki að aftur-
kalla uppsögn kjarasamninga,
segir Þórarinn V. Þórarinsson,
framkvæmdastjóri VSÍ. Hann
bendir á að samningar við þessi
félög séu bundnir út næsta ár og
að samningaviðræður verði fyrst
teknar upp í lok næsta árs.
Þórarinn segist vænta þess að
fleiri félög afturkalli uppsagnir
næstu daga en þau sem þegar
hafa gert það. Launanefnd hafí
komist að þeirri niðurstöðu að for-
sendur samninga stæðust. Því
verði ekki breytt einhliða eftir á.
„Það er óumdeilanlegt að for-
sendur samninganna stóðust og
þess vegna er ekkert frekar hægt
að segja samningum upp um þessi
mánaðamót en um einhver önnur
mánaðamót á samningstímanum.
Aramótaviðmiðunin í kjarasamn-
ingunum sneri eingöngu að til-
teknum forsendum samninganna
og endurmati launanefndar á
þeim,“ segir Þórarinn.
Ákvörðunin snýst eingöngu
um desemberuppbótina
„Ákvörðunin sem Verkamanna-
sambandsfélögin eru nú að taka
er ósköp einföld og snýst eingöngu
um það hvort félagsmenn þeirra
eiga að fá 16.000 krónum hærri
desemberuppbót eða ekki,“ segir
Þórarinn.
Niðurstaða óskynsamleg
Hann segir að niðurstaða þeirra
verkalýðsfélaga sem hafa ákveðið
að afturkalla ekki uppsagnirnar
sé mjög óskynsamleg. „Þetta var
greinilega mjög naumt hjá Norð-
lendingunum og atkvæðagreiðslan
fór fram á fundum, þannig' að
vafalaust hefur verið lagt mikið
upp úr því hvað forystumennirnir
sögðu. Mér kæmi ekki á óvart þó
allsheijaratkvæðagreiðsla hefði
farið með öðrum hætti,“ segir
Þórarinn.