Morgunblaðið - 10.12.1995, Blaðsíða 14
14 B SUNNUDAGUR 10. DESEMBER 1995
MORGUNBLAÐIÐ
ÍBÍÓ
JÓLAMYNDIR kvik-
myndahúsanna lofa
góðu í ár en þær hafa
verið æði misjafnar und-
anfarin jól enda af sem
áður var þegar jóla-
myndir voru yfírleitt
helstu myndir ársins. Nú
koma athygiisverðustu
myndir ársins í bíóin um
leið og færi gefst.
Agnes og Gullauga,
17. Bondmyndin, verða
sjálfsagt þær myndir
sem mesta athygli vekja.
Einnig talsetta Disney-
teiknimyndin Pocahont-
as, sem naut mikilla vin-
sælda vestra sl. sumar.
Annað sem mjög er
að ryðja sér til rúms í
kvikmyndasýningum
hér á landi kallast ára-
mótamyndir en Sambíó-
in hafa innleitt þá ný-
breytni að bjóða uppá
glænýja bíómynd um
áramótin með góðum
árangri. í þetta sinn
frumsýna þau fram-
haldsmyndina Ace Vent-
ura 2: Náttúran kallar.
Önnur áramótamynd
verður að iíkindum
framtíðartryllirinn
Skrítnir dagar í Há-
skólabíói.
UM jólin; úr Indíánanum I skápnum.
8.000 höfðu séð
Benjamín dúfu
Alls höfðu um 8.000
manns séð íslensku mynd-
ina Benjamín dúfu eftir síð-
ustu helgi að sögn Karls
0. Schiöth í Stjörnubíói.
Þá höfðu um 15.000
manns séð Tár úr steini,
15.000 Tölvunetið og rúm
6.000 „Desperado".
Næstu myndir Stjörnu-
bíós eru íslenska jólamyndin
Agnes í leikstjóm Egils
Eðvarðssonar, bandaríska
jólamyndin Indíáninn í
skápnum og ný mynd Trin-
itybræðra.
Eftir áramótin er von á
myndum eins og „Sense and
Sensibility“ með Hugh
Grant og Emma Thompson,
„Jumanji" með Robin Will-
iams, sem væntanleg er í lok
febrúar, og „Devil in a Blue
Dress“ með Denzel Wash-
ington.
B-salur Stjörnubíós var
aftur tekinn í notkun fyrir
helgina eftir gagngerar
endurbætur. Sett hefur ver-
ið upp nýtt sýningartjald,
ný lýsing og hátölurum hef-
ur verið fjölgað.
Leyndardómurinn
um Kasper Hauser
Einhver frægasta og
besta mynd þýska
leikstjórans Werner
Herzog er Leyndar-
dómurinn um Kasper
Hauser frá 1974.
Hún byggði á sannri
sögu um mann sem
fannst á rangli um
Niirnberg árið 1820
og var mönnum mikil
ráðgáta. Sagan um
Kasper hefur enn
verið kvikmynduð, í
þetta sinn af þýska
leikstjóranum Peter
Sehr með Udo Samu-
el í titilhlutverkinu.
Sehr þykist þekkja
mæta vel söguna um
Kasper og tengir hana
verstu tegund af þýsk-
um stjórnmálaátökum.
Kasper fæddist inn í
konungsfjölskylduna í
Banden árið 1812, var
rænt í vöggu og í stað
hans sett dauðvona
bam. Áttu þessar ráða-
gerðir að tryggja bróð-
ur krónprinsins völdin.
Kasper lenti í höndum
verstu óvina Banden-
fjölskyldunnar sem not-
Pólitískt peð; úr Kasper
Hauser.
uðu hann í pólitísku
skyni og létu dúsa í 15
ár í myrkum klefa án
samneytis við aðra. Þeg-
ar prinsinn var látinn
laus lærði hann að
ganga og tala með hjálp
prófessors nokkurs en
var aldrei fær um að
stýra ríki sínu.
Þykir Sehr hafa tekist
mæta vel að gera sög-
una um Kasper að
mögnuðum pólitískum
trylli.
MÓðlingurinn Tommy
Lee Jones mun leika aðal-
hlutverkið í spennumynd-
inni „US Marshals“, sem
unnin er eftir hugmynd
fenginni úr Flóttamannin-
um með Harrison Ford.
Framhald þeirrar myndar
er einnig í undirbúningi.
MNý bíóútgáfa bókar Gra-
hams Greene um hljóðl-
áta Ameríkanann, „The
Quiet American“, er í
undirbúningi. Framleið-
andi er Sidney Pollack,
sem leikstýrt hefur ann-
arri endurgerð, „Sa-
brinu“, en leikstjóri verð-
ur Astralinn Phillip
Noyce. Paramount fram-
leiðir.
MEinhver albesta hroll-
vekja sem gerð hefur verið
heitir Fyrirboðinn eða
„The Omen“. Handritið
gerði David Seltzer og
nú hefur hann skrifað nýtt
hrollvekjuhandrit sem
heitir Atjándi engillinn
eða „The Eighteenth Ang-
el“. Leikstjóri myndarinn-
ar verður William Bind-
ley.
KVIKMYNDIR
/ Sagnfrœöi eba skáldskapur?
Orlagasaga
Agnesar
Ný íslensk kvikmynd, Agnes, verður frumsýnd í Laugarás-
bíói og Stjörnubíói 22. desember nk. Leikstjóri er Egill Eð-
varðsson en með aðalhlutverkin fara María Eilingsen, Baltas-
ar Kormákur, Gottskálk Dagur Sigurðarson og Egill Ólafs-
son. Framieiðandi er kvikmyndafyrirtæki Snorra Þóríssonar,
Pegasus, í samvinnu við þýskt, danskt kvikmyndafyrirtæki.
eftir Arnald
Indriðoson
Myndin fjaliar aðallega
um Agnesi og Natan.
Þetta er ástar- og örlaga-
saga,“ sagði Snorri í samtali
við Morgunblaðið aðspurður
mmmmmmmmmm hvernig
hann mundi
lýsa mynd-
inni í fáum
orðum. Ag-
nes byggir
mjög laus-
lega á sönn-
um atburð-
um sem
áttu sér stað á Illugastöðum
í Kirkjuhvammshreppi í
Húnavatnssýslu árið 1828.
Bóndinn þar, Natan Ketils-
son, var myrtur ásamt öðrum
manni, Pétri Jónssyni, en
morðin frömdu Friðrik Sig-
urðsson frá Katadal og Ag-
nes Magnúsdóttir vinnukona.
Þau voru dæmd til dauða og
hálshöggvin og var það síð-
asta opinbera aftakan á ís-
landi. Axarblaðið sem notað
var við aftökuna er geymt á
Þjóðminjasafninu.
„Ég vil taka það skýrt
fram,“ sagði Snorri, „að
þessi mynd er á engan hátt
heimildamynd. Þetta er
skáldverk og persónur og
atburðir lúta í öllu lögmálum
skáldskaparins." Hugmynd-
ina að kvikmyndinni fékk
Jón Ásgeir Hreinsson, sem
ásamt Snorra skrifar hand-
ritið. Hann var í sveit á 111-
ugastöðum og kynntist þá
vel hinum fornu sögum um
Agnesi og Natan og Friðrik
og fyrir fimm árum kynnti
Jón Ásgeir hugmyndina fyrir
Snorra. Snorri rak þá Saga
film og leist vel á söguna,
„ekki síst vegna þess að 100
árum seinna kom Agnes
fram á miðilsfundi og bað
um að bein sín yrðu flutt í
vígða mold, sem var gert.“
Þeir fengu lán hjá Evr-
ópska handritssjóðnum til að
koma sér í gang og það þótti
ágætis gæðastimpill þegar
leitað var eftir frekari fjár-
mögnun. Hún tók nokkur ár
en sl. sumar hófust tökur.
„Myndin kemur til með að
kosta á milli 140 og 150
milljónir en mestur kostnað-
urinn fer auðvitað í að end-
urskapa gamla sveitasamfé-
lagið, hýbýli og fatnað. Við
urðum að búa allt til frá
grunni."
Snorri var beðinn um að
lýsa Agnesi eins og hún
kemur honum fyrir sjónir og
hann sagði: „Agnes er sjálf-
stæð kona sem er fædd inn
í lágstétt og vill komast úr
þeirri stétt og reynir sitt ýtr-
asta til þess. Hún er glæsileg
og skapstór kona sem geng-
ur í augun á karlmönnum
ENGIN sagnfræði; María og Helgi Skúlason.
en líklega er best að segja
ekki of mikið."
Af öðrum leikurum má
nefna Egil Ólafsson sem fer
með hlutverk sýslumanns,
Hönnu Maríu Karlsdóttur,
sem leikur sýslumannsfrúna,
Árna Pétur Guðjónsson, sem
leikur prest og Hilmi Snæ
Guðnason, sem leikur Guð-
mund bróður Natans. Snorri
er framleiðandi, tökumaður
og handritshöfundur á móti
Jóni Ásgeiri, Gunnar Þórðar-
sson semur tónlistma og er
Agnes fyrsta heila bíómynd-
in sem hann gerir tónlist við,
Steingrímur Karlsson
klippti, Þór Vigfússon sá um
leikmynd og Þorbjöm Erl-
ingsson hljóð auk þess sem
Helga Stefánsdóttir gerði
búningana og Ragna Foss-
berg sá um hár og förðun.
ENN í fréttum; risaskipið Titanic.
Cameron kvik-
myndar Titanic
EINN fremsti hasar-
myndaleikstjóri
Bandaríkjanna, James Ca-
meron, hefur ákveðið hvert
verður hans næsta verkefni
eftir tryllinn Sannar lygar
með Arnold Schwarzeneg-
ger. Cameron ætlar að gera
mynd sem heitir „Titanic“
og rekur sögu his hörmulega
sjóslyss sem varð 1503 far-
þegum að bana árið 1912.
En ekki nóg með það held-
ur ætlar hann líka að láta
myndina Qalla um björgun
flaksins af hafsbotni og sýna
áhorfendum í fyrsta skipti
inn í risaskipið þar sem það
hvílir í sjónum. „Þú munt sjá
inn í Titanic, húgsgögnin og
panelinn, þetta er allt þama
ennþá,“ sagði Cameron ný-
lega í blaðaviðtali.
Fregin um að Cameron
ætli að kvikmynda inni í
flakinu hefur vakið mótmæli
þeirra sem telja að slíkt sé
vanvirðing við_ afkomendur
hinna látnu. „Ég er alveg á
móti þessu. Skipið geymir
líkamsleifar fjölda fólks og
flokkast undir sögulegar
minjar.“ Ef allt gengur að
óskum verður myndin, sem
reiknað er með að kosti um
100 milljónir dollara, tilbúin
sumarið 1997.
ÁSTARSAGA; María Ellingsen og Baltasar Kormákur
í hlutverkum Agnesar og Natans.