Morgunblaðið - 13.12.1995, Blaðsíða 6
MORGUNBLAÐIÐ
6 MIÐVIKUDAGUR 13. DESEMBER 1995
FRÉTTIR
Fágætir páfagaukar
komnir í leitirnar
PÁF AG AUKARNIR tveir, sem
var rænt úr gæludýraverslun
um helgina, fundust í Reykjavík
seint á mánudagskvöld og voru
þeir þá frekar illa á sig komnir.
Jón Ólafsson, einn eigenda
verslunarinnar Gæludýrahúss-
ins í Fákafeni, sagði í gær að
það væri „fyrst og síðast fjöl-
miðlanna verk að ég fékk þá
aftur“ og bætti við að málinu
væri nú lokið. Málið hefði feng-
ið slíka umfjöllun í fjölmiðlum
að þeir, sem námu páfagaukana
á brott, sáu að sér, enda hefði
ekki verið um annað að ræða
en að skila þeim eða drepa þá
því að ógerningur hefði verið
að koma þeim í verð.
Jón sagði að sér hefði verið
vísað á fuglana í ruslatunnu-
geymslu í Reykjavík eftir nokkr-
ar hringingar og samtöl við
fuglaræningjana. Hann hefði
ítrekað þau orð sín, sem fram
komu í fjölmiðlum, að málið
yrði látið niður falla ef fuglun-
um yrði skilað.
Páfagaukarnir eru af tegund-
inni alba cacat.ua og eru aðeins
um tíu pör af þessari tegund til
í Evrópu, en hún er upprunnin
í Ástralíu. Jón sagði að fuglarn-
ir hefðu verið illa farnir í fiðri
og svekktir eftir brottnámið.
Stélið vantaði á kvenfuglinn og
væri greinilegt að fjaðrirnar
hefðu reyst úr því að blóð væri
á endum þeirra. Hann sagði að
það hefði þó komið sér á óvart
að fuglamir hefðu þegið mat
úr höndum sér í gær og það
benti til þess að þeir yrðu fljótir
að ná sér.
Fuglarnir verða í Gæludýra-
húsinu út desember, en því næst
verður þeim komið fyrir hjá ein-
hverjum, sem „hefur aðstöðu og
Morgunblaðið/Kristinn
PÁFAGAUKARNIR tveir,
sem rænt var úr gæludýra-
verslun um helgina, eru nú
fundnir og þessi mynd var
tekin af þeim í búri sínu í
Gæludýrahúsinu í gær. Eins
og sést fer lítið fyrir stéli
kvenfuglsins eftir brottnámið.
áhuga“ eins og Jón orðaði það
og bætti við að öllum væri vel-
komið að skoða þá.
ASÍ og VSÍ undirrita samning um lífeyrismál
Margir lífeyrissjóðir þurfa
að gera breytingar
ALÞÝÐU S AMB AND íslands og
Vinnuveitenda,samband íslands und-
irrituðu í gær formlega samning um
lífeyrismál, þar sem leitast er við
að setja lífeyrissjóðum á samnings-
sviði þessara samtaka skýrari reglur
um uppbyggingu, starfshætti og lág-
markskröfur sem sjóðirnir verði að
uppfylla til þess að geta tekið við
iðgjöldum samkvæmt skyldutrygg-
ingarákvæðum kjarasamninga.
Meðal ákvæða samkomulagsins
má nefna að lífeyrissjóðunum er
gert að tryggja ákveðin lágmarks-
réttindi gegn greiðslu iðgjalds sem
nemur 10% af heildarlaunum og rétt-
indi umfram það verði að byggja á
tryggingarfræðilegu mati á greiðslu-
getu sjóðanna. Þá er forsenda þess
að lífeyrissjóður fái starfsleyfi að
þeir eigi fyrir skuldbindingum sín-
um. Settar eru hertari reglur um
meðferð sjóða sem ekki eiga fyrir
skuldbindingum sínum. Þá eru
ákvæði um að teknir verði upp opn-
ir ársfundir lífeyrissjóða og settar
skýrari reglur um verkefni og skyld-
ur stjórnar og framkvæmdastjóra.
Einnig eru sett skýrari ákvæði
um ávöxtun á fé lífeyrissjóða, meðal
annars er gerð krafa um fjárfesting-
arstefnu sem kynnt verði á árs-
fundi. Ennfremur eru settar reglur
um víðtækari upplýsingaskyldu
gagnvart sjóðfélögum og reglur um
reikningsskil og tryggingarfræðileg-
ar úttektir samræmdar sem auðveld-
ar allan samanburð milli sjóða. Þá
fær bankaeftirlit Seðlabanka ís-
lands, sem hefur eftirlit méð lífeyris-
sjóðunum, auknar heimildir til að
framfylgja því eftirliti.
Á fundi með blaðamönnum við
þetta tækifæri kom fram að búast
má við að margir lífeyrissjóðir sem
samningurinn tekur til þurfi að gera
breytingar á starfsemi sinni til þess
að uppfylla-skilyrði samningsins um
lágmarksréttindi og að þeir eigi fyr-
ir skuldbindingum sínum, annað-
hvort með sameiningu við aðra sjóði
eða með öðrum hætti. Var því jafn-
framt spáð að innan fárra ára hefði
sjóðunum fækkað mjög og yrðu ekki
nema 10-12 talsins.
Benedikt Davíðsson, förseti ASÍ,
sagði að þessi samningur væri gerð-
ur til þess að tryggja að fólk fengi
þau réttindi í lífeyrissjóðunum sem
því væri lofað þegar það greiddi ið-
gjöld til þeirra. Olafur B. Ólafsson,
formaður VSÍ, sagði að aðdragandi
þessa samkomulags væri langur, en
breytingar í þessum málum væru
löngu tímabærar.
Morgunblaðið/Árni Sæberg
ÓLAFUR B. Ólafsson og Benedikt Davíðsson takast í hendur
að lokinni undirskrift að viðstöddum Þórarni V. Þórarinssyni,
Kára Arnóri Kárasyni og Þórunni Sveinbjarnardóttur.
Andlát
SIGURGEIR
SIGURJÓNSSON
SIGURGEIR Sigur-
jónsson hæstaréttar-
lögmaður lést hinn 6.
desmber síðastliðinn og
hefur útför hans farið
fram í kyrrþey að ósk
hins látna.
Sigurgeir var 87 ára
er hann lést en hann
fæddist 5. ágúst árið
1908 í Hafnarfirði.
Hann var sonur hjón-
anna Siguijóns Kristj-
ánssonar og Hjáimfríð-
ar Marsibilar Kristjáns-
dóttur. Sigurgeir varð
stúdent frá Mennta-
skólanum í Reykjavík
árið 1930, lauk lögfræðiprófi frá
Háskóla íslands árið 1935 og varð
héraðsdómslögmaður árið 1938 og
hæstaréttarlögmaður árið 1941.
Sigurgeir starfaði sem fulltrúi á
lögmannsstofu Stefáns Jóh. Stefáns-
sonar hrl. og Guðmundar 1. Guð-
mundssonar hrl. á árunum 1936 til
1942 en rak eigin málflutningsstofu
í Reykjavík frá árinu 1942 þar til
hann hætti sem lögmaður í árslok
1990. Hann stofnaði ásamt Erni Þór
hrl. sameignarfélagið Sigurjónsson
& Þór, einkaleyfaskrifstofu, árið
1970 en keypti hlut Arnar þremur
árum síðar og var félaginu breytt í
hlutafélag árið 1987
undir nafninu Sigur-
jónsson & Thor hf. og
var rekið undir forstöðu
Sigurgeirs til 4. janúar
árið 1989 er það var
selt.
Sigurgeir var ræðis-
maður fyrir ísrael árið
1957 til 1960 og aðal-
ræðismaður árið 1960
til 1973. Hann var með-
al annars einn af stofn-
endum og formaður
stjómar Steypustöðv-
arinnar hf. árið 1947,
sat í stjórn Sölutækni
árið 1959 og í Mann-
réttindanefnd Evrópu frá árinu 1962
til ársins 1966. Hann var einn af
stofnendum Félags umboðsmanna
eigenda vörumerkja og einkaleyfa
árið 1964 og formaður stjórnar fé-
lagsins til ársins 1988 og heiðursfé-
lagi. Sigurgeir var kjörinn í Mann-
réttindadómstól Evrópu árið 1967
til ársins 1972. Hann var einn af
stofnendum Alþjóða líftryggingafé-
lagsins hf. og í stjórn þess frá upp-
hafí.
Efirlifandi eiginkona Sigurgeirs
er Regína Hansen. Þau eignuðust
fjögur börn, sex bamaböm og eitt
bamabarnabarn.
Magnús Jóhannesson ráðuneytisstj óri um
ákvarðanatöku vegna snjóflóðahættu
Skynsamlegt að færa
ákvarðanatöku til
Veðurstofunnar
EF TEKIÐ er mið af stöðu snjó-
flóðamála og markmiði laga um
að koma í veg fyrir manntjón af
völdum snjóflóða er skynsamlegt
að færa ákvarðanatöku til Veður-
stofunnar enda býr stofnunin yfir
mestri fagþekkingu á snjóflóðum,
segir Magnús Jóhannesson, ráðu-
neytisstjóri í umhverfisráðuneyt-
inu, eftir fjóra borgarafundi um
snjóflóðamál á Vestfjörðum.
Magnús sagði að tilgangurinn
með fundunum hefði í megindrátt-
um verið þríþættur. Að kynna og
fá viðbrögð við skipulagsbreyting-
um, kynna hvaða þekking væri
fyrir hendi á eðli og orsök snjó-
flóða hér á landi og skapa skilning
á aðgerðum til bráðabirgða til að
draga úr hættu af völdum snjó-
flóða.
Hann sagði að enn ætti eftir að
halda fundi á Patreksfirði, Siglu-
firði, Seyðisfirði og í Neskaupstað
og því væri of snemmt að segja
að viðhorf fundarmanna á Vest-
fjörðum myndaði einhvers konar
þverskurð. „Fundimir voru hins
vegar mjög gagnlegir fyrir okkur.
Ekki síst af því útlit er fyrir að
umhverfisráðuneytið taki við mála-
flokknum. Nokkur atriði komu oft-
ar fyrir en önnur, t.d. spunnust á
tveimur stöðum umræður um að
færa vald vegna rýmingar húsa í
snjóflóðahættu frá almannávörn-
um á svæðinu til Veðurstofunnar.
Einhveijir töldu breytinguna til
hins verra. En svo töldu aðrir
breytinguna til bóta,“ sagði Magn-
ús.
Mikil ábyrgð á eina stofnun
Hann sagðist sjálfur líta svo á
að með breytingunni væri verið að
færa valdið til þeirra sem hefðu
bestu faglegu þekkinguna til að
meta hættuna. „Hins vegar er
augljóslega verið að setja geysilega
mikla ábyrgð á eina stofnun. Ég
veit að Veðurstofan sækist ekki
eftir því og í sjálfu sér er ég ekki
hvatamaður að því að setja okkar
stofnanir í svona stöðu. En miðað
við stöðu mála og markmið lag-
anna um að koma í veg fýrir mann-
tjón af völdum snjóflóða sýnist mér
mjög skynsamlegt að færa meira
af ákvarðanatöku, en hingað til
hefur verið, til Veðurstofu ís-
lands,“ sagði hann. Hann tók fram
að ekki mætti gleyma því að verið
væri að efla starfsemi snjóaathug-
unarmanna í sveitarfélögunum og
eftir breytinguna yrðu þeir starfs-
menn Veðurstofunnar. „Ekki má
heldur gleyma því að fleiri atriði
eru í frumvarpinu, t.d. um að gerð
hættumats og allar forvarnir flytj-
ist til Veðurstofunnar, og ég gat
ekki heyrt annað en að verulegur
stuðningur væri við það,“ sagði
Magnús og tók fram að hann von-
aðist til að með því yrði stjórnsýsl-
an einfaldari og fljótvirkari.
Varúðaráætlun
Hann tók fram að meðan verið
væri að afla betri vitneskju til að
spá fyrir um komu, skriðlengd og
útbreiðslu snjóflóða yrði að beita
varúðaráætlunum. „Hugmyndin er
að Veðurstofan vinni, í samráði við
almannavarnanefndir og staðkunn-
uga heimafyrir, sérstakar áætlanir
tií að fara eftir við sérstök veður-
skilyrði. Vísindamenn í Háskólan-
um hafa verið að fara yfir ýmsar
forsendur og útreikninga við gerð
slíkra áætlana og reiknað er með
að þeirri vinnu verði lokið um ára-
mót fyrir flesta staðina, 5 eða 6 af
8 eða 9 um áramótin, og sérfræð-
ingar Veðurstofunnar munu á
grundvelli þess eiga fundi með
heimamönnum strax í janúarmán-
uði. Vonast er til að sjálfar áætlan-
imar verði tilbúnar í lok janúar.“
Andlát
GÍSLIÓLAFSSON
RITSTJÓRI
GÍSLI Ólafsson rit-
stjóri lést á heimili
sínu í Reykjavík að-
faranótt sunnudags-
ins 10. desember. Gísli
kom víða við í rit-
stjórnarstörfum sín-
um og vann við þýð-
ingar og stundaði út-
gáfustarfsemi mestan
hluta ævi sinnar.
Gísli Ólafsson
fæddist 3. janúar
1912 að Búðum í Fá-
skrúðsfirði. Foreldrar
hans vom Björn Ólaf-
ur Gíslason, fram-
kvæmdastjóri í Viðey, og Jakobína
Davíðsdóttir.
Gísli lauk stúdentsprófi frá
Menntaskólanum í Reykjavík árið
1933, gerðist blaðamaður við Vik-
una 1940-41 og var gjaldkeri hjá
Steindórsprenti hf. í Reykjavík
1941-42.
Hann var ritstjóri tímaritsins
Úrvals frá stofnun þess 1942-59
og útgefandi 1956-59. Hann var
einnig ritstjóri Viðskiptaskrárinn-
ar 1957-76, aðstoðarmaður við
ritstjórn Ægis frá 1955 og Tíma-
rits Verkfræðingafélags íslands
frá 1964. Gísli rak
bókaforlagið Blá-
fellsútgáfuna frá
1958-75. Hann gaf
út Krossgátublaðið frá
1961-79 og hóf út-
gáfu þess að nýju um
mitt síðasta ár.
Gísli var ritstjóri
árbókarinnar Stórvið-
burðir líðandi stundar
í myndum og máli frá
upphafi 1965 þar til
hún hætti að koma út.
Hann var fram-
kvæmdastjóri Félags
íslenskra bókaútgef-
enda 1976-81 og var í stjórn þess
frá 1961-76 þegar það hét Bók-
salafélag Islands. Hann vann við
bókaþýðingar frá 1946 og þýddi
meðal annars bækurnar Klarkton
eftir Howard Fast, Borin fijáls
eftir Joy Adamson og Raddir vors-
ins þagna eftir Rachel Carson.
Gísli lætur eftir sig eiginkonu,
Hólmfríði Jóhannesdóttur frá Hof-
stöðum í Skagafírði, og þijú upp-
komin börn, Ólaf, Jóhannes og
Gunnhildi. Hann verður jarðsung-
inn frá Laugarneskirkju klukkan
10:30, mánudaginn 18. desember.
'
í
I
>
\
\
)
i
I