Morgunblaðið - 13.12.1995, Blaðsíða 44
44 MIÐVIKUDAGUR 13. DESEMBER 1995
MORGUNBLAÐIÐ
Dýraglens
50METIME5 IT'5 NICE
TO LIE IN BEP, ANO
THINK OF SOMETHlNé
UJONDERFUL THAT'S
HAPPENED TO YOU.. /
Hl! MY NAMEIsWjý&í^‘
“Tr 7\EMIL'1'-■ UIOULD You
JCT*^Í
■hTw nam£ 15 '
UKETOSeNW I
QAHCt PAATM6A ./
STUNDUM er gott að
liggja í rúminu og
hugsa um eitthvað dá-
samlegt sem hefur
komið fyrir mann ...
Hæ! Ég heiti Emelía — viltu vera dansfélagi minn?
BREF
HL BLAÐSINS
Kringlan 1103 Reykjavík • Sími 5691100 « Símbréf 569 1329
Yigdís forseti
Frá Hrafnhildi Guðmundsdóttur:
VIÐ starfslok hafa margir sent henni
þakkir fyrir vel unnin störf í þágu
íslenskrar þjóðar. Fáguð framkoma
og vel mælt orð hennar um menn-
ingu og gildi kærleika og bræðralags
allra manna eru eftirtektarverð.
Ekki hvað slst hefur vakið athygli
þjóðarinnar hversu umhyggja fyrir
æskufólki og börnum landsins hefur
verið henni, sem móður og forseta,
ofarlega í huga við hin ýmsu tæki-
færi.
Við erum minnt á barnasáttmála
Sameinuðu þjóðanna og eru það þarf-
ar áminningar. Væru það ekki afar
ánægjuleg starfslok og kærleiksvott-
ur Vigdísar í verki að rétta litlu telp-
unum hennar Sophiu Hansen hjálp-
arhönd?
Þær hafa orðið fyrir mannrétt-
indabrotum, sem móðir þeirra af
miklum kjarki hefur reynt að leið-
rétta, en er nú í veikri stöðu vegna
heilsu og peningaleysis. Háttvísi og
samkennd með meðbræðrum sínum
hljóta að vera eftirsóknarverðir
mannkostir allra manna. Þökk sé
Vigdísi forseta fyrir hennar framlag.
HRAFNHILDUR
GUÐMUNDSDÓTTIR,
Markarflöt 37, Garðabæ.
Lóan kemur í vor!
Frá Stefáni Baldurssyni:
VEGNA fyrirspumar I Morgunblað-
inu sl. sunnudag varðandi sýningar
á leikritinu Taktu lagið Lóa, í Þjóð-
leikhúsinu, er okkur ljúft að upplýsa
eftirfarandi:
Þetta vinsæia leikrit Jim Cart-
wrights hefur nú nýverið sýnt sam-
fellt á Smíðaverkstæði Þjóðleikhúss-
ins í tæpt ár, í hartnær hundrað
skipti, við feikilega góða aðsókn. Af
skipulagsástæðum og vegna
þrengsla í húsinu, er óhjákvæmilegt
að gera nú hlé á sýningum, þar eð
leikarar eru jafnframt uppteknir í
öðrum verkum og á öðrum sviðum
leikhússins, en Þjóðleikhúsið rekur
sem kunnugt er þrjú leiksvið. Næstu
verkefni þurfa að komast að, því að
margir áhorfendur hafa þegar keypt
miða á þau.
Stefnt er að því að halda áfram
sýningum á Lóu síðar á leikárinu,
strax og færi gefst enda er það stefna
Þjóðleikhússins að sýna verkefnin svo
lengi sem áhorfendur sækja þau. í
gríðarlegri velgengni síðustu missera,
ekki síst á Smíðaverkstæðinu, hefur
þetta stundum valdið árekstrum, þar
eð leikhúsið þarf að skipuleggja heild-
arstarfsemina og verkefnavalið a.m.k.
eitt ár fram í tímann. Ekki er unnt
að sýna nema eitt verkefni í senn á
Smíðaverkstæðinu, þar eð við breyt-
um salarkynnum hveiju sinni út frá
þörfum hvers viðfangsefnis. Enn höf-
um við þó ekki þurft að taka verk út
af dagskrá fyrir fullu húsi nema þá
til að setja það I „biðstöðu" þar til
færi gefst til áframhaldandi sýningar.
Rétt er að nota þetta tækifæri til
þess að hvetja áhorfendur að draga
aldrei á langinn að sækja þær leik-
sýningar, sem vekja áhuga þeirra.
Reynslan sýnir að erfitt getur verið
að fá miða á síðustu sýningar leikrit-
anna, þótt miðaframboð hafi verið
nægilegt lengst af sýningartímanum.
STEFÁN BALDURSSON,
þjóðleikhússtjóri.
Fylgi sjálfstæðis-
manna í Reykjavík
er engin tilviljun
Frá Sveini Guðmundssyni:
GÓÐ útkoma sjálfstæðismanna I
Reykjavík í skoðanakönnun DV er
engin tilviljun. Staðreyndin er ein-
faldlega sú að R-listaflokkamir
standa engan veginn undir vænting-
um. Það gera sjálfstæðismenn hins
vegar, þótt í minnihluta séu.
Flestir eru farnir að sjá í gegn um
stöðugar fullyrðingar Ingibjargar
Sólrúnar um það að fjárhagsstaða
borgarinnar sé slæm vegna stjórnar-
hátta Sjálfstæðisflokksins á árum
áður. Staðreyndin er sú að skuldir
Reykjavíkurborgar eru lægri en hjá
flestum öðrum sveitarfélögum. Á
meðan meðalskuldir eru um 120
þús. kr. á hvern íbúa Reykjavíkur,
þá eru þær tvöfalt hærri í Kópavogi
og Hafnarfirði. Þrátt fyrir tiltölulega
góða skuldastöðu borgarinnar hafa
vinstri flokkarnir í R-listanum ekki
getað stillt sig um að hækka skatta
á borgarbúa. Á sama tíma dregur
úr framkvæmdum á vegum borgar-
innar. Ekkert réttlætir þessa auknu
skattheimtu. Þvert á móti ætti borg-
in að leggja sitt af mörkum til hag-
vaxtarins með því að draga úr skatt-
heimtunni.
Sjálfstæðismenn í borgarstjórn
hafa ekki byggt stjórnarandstöðu
sína á nöldri og naggi. Þeir hafa
lagt áherslu á uppbyggingu en ekki
pólitískar reykbombur. Fyrir vikið fá
þeir kannski minna pláss í fjölmiðl-
um. Almenningur skynjar samt að
þetta eru ábyrg vinnubrögð og þess
vegna fá sjálfstæðismenn yfirgnæf-
andi stuðning í könnun DV.
Ámi Sigfússon, oddviti sjálfstæð-
ismanna í borgarstjórn, hefur sýnt
að hann lætur verkin tala þar sem
hann fær tækifæri til þess. Það kem-
ur til dæmis fram í starfi hans sem
formaður FÍB. Þar er hann fyrst og
fremst að bæta kjör almennings.
Aðgerðir FÍB til að lækka iðgjöld
bílatrygginga voru löngu tímabærar
og ljóst að forysta Árna skiptir þar
meginmáli. Þetta eru vinnubrögð
sem fólk kann að meta og það skilar
sér í auknu fylgi við Sjálfstæðisflokk-
inn I borgarstjórn Reykjavíkur.
SVEINN GUÐMUNDSSON,
BS líffræðingur,
Bankastræti 14, Reykjavík.
Allt efni sem birtist í Morgunblaðinu og Lesbók verður framvegis varðveitt í
upplýsingasafni þess. Morgunblaðið áskilur sér rétt til að ráðstafa efninu það-
an, hvort sem er með endurbirtingu eða á annan hátt. Þeir sem afhenda blaðinu
efni til birtingar teljast samþykkja þetta, ef ekki fylgir fyrirvari hér að lútandi.