Morgunblaðið - 13.12.1995, Blaðsíða 45

MORGUNBLAÐIÐ
MIÐVIKUDAGUR 13. DESEMBER 1995 45
BRÉF TIL BLAÐSINS
Af hverju?
Appelsínuhúð
(cellulite)
Rafni Líndal svarað
Frá Böðvarí Magnússyni:
AF HVERJU viðgengst hið illa í
heiminum? Og fyrst Guð er góður,
af hveiju lætur hann þetta viðgang-
ast?
Mig langar að reyna að svara
þessum spurn-
ingum eins og
Biblían kennir
og ég sem krist-
inn maður lít svo
á að Biblían sé
óskeikult orð
Guðs sjálfs sam-
kvæmt 2. Tím.
3:16. Biblían
kennir það að
baráttan sem
maðurinn á í sé ekki í raun hver
við annan, heldur er baráttan við
andaverur vonskunnar í himin-
geimnum (Efesusbr. 6:12). Maður-
inn er skapaður í Guðs mynd og
er þess vegna andi, sál og líkami.
En vegna þess að maðurinn er
andleg vera þá er hann einnig
háður anda Guðs, en vegna þess
að maðurinn syndgaði og óhlýðn-
aðist Guði þá setti hann sig í raun
undir annað andlegt vald, sem er
Satan, eða andi heimsins eins og
Biblían orðar það líka. Það sem
ég vil segja er það að í okkar dag-
lega lífi þá höfum við fijálst val
hvorum andanum við hlýðum,
anda Guðs eða anda heimsins. Það
er í raun það sem gerðist í aldin-
garðinum Eden, að maðurinn sem
hafði ekkert val heldur varð að
hlýða Guði, sem er góður og mað-
urinn varð að hlýðnast hinu góða
en maðurinn notaði sipn fijálsa
vilja til að óhlýðnast Guði og hlusta
á rödd Satans og trúa lyginni í
honum og framkvæma hana. Þetta
er sama barátta í dag, þú getur
hlustað á alls konar raddir og far-
ið eftir þeim eða þú getur hlustað
á rödd Guðs og farið eftir henni.
Jesús segir að þú lærir að þekkja
rödd Guðs með því að nema Orð
Guðs sem er Biblían.
Onnur spurningin var svona:
Hvers vegna lætur Guð hið illa við-
gangast? Ég ætla að reyna að skýra
það í eins fáum orðum og hægt
er. Þegar Guð skapaði manninn þá
sagði hann við hann: Verið fijósöm,
margfaldist og uppfyllið jörðina og
gjörið hana ykkur undirgefna og
drottnið yfir fiskum sjávarins og
yfir fuglum loftsins og yfir öllum
dýrum á jörðinni (1. Mós. 1:28).
Það sem ég er að segja hér er að
Guð hefur gefið manninum vald
yfir jörðinni og allri sköpuninni og
Guð grípur ekki inn í atburðarás
Iífsins nema að við snúum okkur
til hans og biðjum hann um það.
Hann hefur falið manninum að
ráða og ríkja yfir sköpun sinni og
er því sjálfur ábyrgur hvað hann
gerir við hana og mun á degi dóms-
ins þurfa að svara fyrir bæði orð
sín og athafnir.
Ég veit að margir spyija núna
en hvað með slys og náttúru-
hamfarir? Er maðurinn ábyrgur
fyrir þeim líka? Ég vil fá að svara
þessu svona. Ég gat um það ann-
ars staðar í bréfinu að maðurinn
hafi notað sinn fijálsa vilja til að
óhlýðnast Guði og það er það sem
kallað er erfðasyndin. Eftir synda-
fallið setti Guð í gang áætlun til
bjargar manninum, því að enginn
syndugur maður getur haft samfé-
lag við Guð. Áætlun Guðs er að
hann sendi son sinn til að frið-
þægja fyrir syndir okkar svo að
við gætum aftur haft samfélag við
hann og leiðst af anda Guðs. Sá
sem er syndugur, hefur ekki iðrast
og beðið Jesú um að vera sinn
Drottinn hann er ennþá í syndum
sínum og getur því leiðst af hans
anda, þ.e.a.s. ef viðkomandi á ann-
að borð leitar Guðs eftir að hann
hefur iðrast.
Það sem ég er að segja er að
við verðum að leita Guðs með okk-
ar líf og eftir hans leiðsögn þó svo
við séum hans, því við getum enn
notað okkar fijálsa vilja til að leið-
ast að okkar vilja en ekki hans.
Ef við viljum finna einhveija söku-
dólga fyrir náttúruhamförum þá
er það helst ég og aðrir þeir sem
tilheyra Jesú Kristi, því það erum
jú við sem höfum endurheimt okkar
fyrri stöðu, að ráða og ríkja yfir
sköpuninni. En hitt er svo annað
að allir eru ábyrgir fyrir sínu eigin
lífi og foreldrar yfir börnum sínum
og hvað þeir kenna þeim. En ég
trúi því að allt hið illa sé sprottið
frá hinum vonda og þ.m.t. náttúru-
hamfarir og hann notfærir sér sof-
andahátt kirkju Jesú Krists að
standa ekki á verðinum og að vera
ekki skjöldur fyrir landið. Jakob
postuli skrifar í sínu bréfi til safn-
aðanna: þér fáið ekki af því að þér
biðjið ekki (Jak. 4:2). Én ég vil
hafa orð Jesú að lokaorðum í þessu
bréfi: Gjörið iðrun og trúið fagnað-
arerindinu (Mk. 1:15).
BÖÐVAR MAGNÚSSON,
Bjarnastaðavör 4.
Frá Þuríði Ottesen:
EKKI reiknaði ég með að þurfa að
lenda í ritdeilu við Rafn Líndal við
það að markaðssetja buxur sem svo
réttilega vinna á appelsínuhúð. En
eitthvað virðist þessi spjör fara fyr-
ir bijóstið á Rafni og er það leitt.
Því leyfi ég mér að svara bréfi
Rafns er birtist í Mbl. 1. desember
sl., undir fyrirsögninni: „Cellulite
bara venjuleg fita.“
Sjálf hef ég lesið fjölda tímarita,
sótt námskeið og fyrirlestra varð-
andi appelsínuhúð. Læknum grein-
ir á um hvað appelsínuhúð er og
sjálfsagt er dr. Peter Fonde, for-
manni samtaka lækna sem stunda
fitusog, í mun að halda fram að
cellulite sé ekkert annað en venju-
leg fita og því best að sjúga hana
burt með þar til gerðri tækni. Af
eigin raun þekki ég mjög vel til
appelsínuhúðar, hef leitað flestra
leiða til lækninga fyrir utan „fitu-
sog“. Þar með er talin íþróttaiðk-
un, hóflegt og gott mataræði,
margskonar nudd og krem. Árang-
ur lítill miðað við erfiði og var
freistandi að gefast upp. Þegar ég
frétti fyrst af Medisana Turbo-bux-
unum og áhrifamætti þeirra, hugs-
aði ég með mér, að þar væri um
enn eina sölubrelluna að ræða.
Freistaðist þó til að panta nokkrar
buxur og fannst mér, og fleiri not-
endum, þær virka vel. Pöntuð var
viðbót og fékk ég leyfi til að af-
henda þær nokkrum konum sem
stunda líkamsrækt í World Class
til þess að prófunin yrði óhlut-
dræg. Fylgst var með konunum og
eftir þijá mánuði voru konurnar
spurðar álits og voru þær allar
mjög ánægðar og ég hvött til að
dreifa vörunni hið fyrsta.
Hvað svo sem verður vísindalega
sannað þá er appelsínuhúð lýti og
óþægindi sem fæstar konur sætta
sig við.
Við þessar ritdeilur hafa mér
borist ófá símtöl frá konum sem
notað hafa buxurnar með frábærum
árangri sem aldrei áður hefur náðst,
þrátt fyrir áralanga baráttu og
ýmiss meðöl. Tel ég réttast að þær
konur segi sína sögu án minnar
hlutdeildar.
í markaðssetningu á Medisana
Turbo-buxum hefur aldrei verið
haldið fram að nóg væri að fara í
buxurnar og leggjast á meltuna
með konfektskálina í kjöltunni. Við-
skiptavininum hefur verið bent á
að Medisana Turbo-buxurnar séu
frábært hjálpartæki, en skoða þurfi
matarvenjur og hreyfingu fyrst og
fremst. Ég hvet Rafn og lækna sem
e.t.v. eiga eftir að velja sér sér-
grein að mjög mikil þörf er á að
appelsínuhúð sé gefinn frekari
gaumur og læknar sérmennti sig
með það í huga. Konur hrópa á
hjálp í þessum efnum og ef við eig-
um að geta hjálpað þeim, þýðir
ekki að snýta þeim uppúr vísinda-
greinum og annarri teoríu. Lausnin
þarf að vera aðgengileg og án
hroka.
ÞURÍÐUR OTTESEN,
Héðinsgötu 1-3, Reykjavík.
Fórnum hvorki
eigin lífi
né annarra
ÞAÐ myndi kosta um 500 þúsund krónur að laga þessar skemmdir.
En reikna má með að þetta sé meðaltjónið hjá 17-20 ára ökumönnum.
VIÐ erum örugg því við notum bílbelti. Þátttakendur reyna mikil-
vægi bilbeltanna í veltibíl BFÖ og Umferðarráðs.
Frá hópi tvö og þijú hjá Sjóvá-
Almennum:
VIÐ erum tveir hópar sem sóttu
námskeið fyrir unga ökumenn hjá
Sjóvá- Almennum um miðjan nóv-
ember. Okkur langar til að miðla
til ykkar, kæru jafnaldrar, reynslu
okkar en við áttum það sameigin-
legt að hafa lent í árekstri og þess
vegna var okkur boðið á tveggja
kvölda námskeið.
Aftanákeyrslur:
Flest okkar lentu í að aka aftan
á. Við höfum skoðað vel hvers
vegna og nú viljum við benda á
eftirfarandi atriði sem forðað geta
aftanákeyrslu.
1. Hjá okkur öllum var bilið í
næsta bíl of stutt. Við vorum með
2-6 metra að meðaltali á götu eins
og Miklabrautin er. 15-20 metrar
eru nærri lagi til að sleppa. Aukum
bilið í næsta bíl og munum þriggja
sekúndna regluna.
2. Nú horfum við lengra en á
næsta bíl fyrir framan. Við reynum
að sjá hvað gerist framan við hann.
Þá erum við betur viðbúin þegar
hann hemlar.
3. Við þurfum að vera á varð-
bergi við gangbrautir. Þar má bú-
ast við að bílar stöðvi.
4. Við verðum sjálf að fylgjast
með umferðinni fyrir aftan þegar
við hægjum ferðina og höfum öll
Ijós og bremsur í lagi. Hemlaljós í
glugga eykur öryggið.
Gatnamót:
Við vorum nokkrir krakkar sem
lentum í árekstri á gatnamótum.
Við erum viss um að hefðum við
farið eftir eftirtöldum atriðum hefð-
um við sloppið.
1. Fylgist vel með umferðar-
merkjunum þegar þið nálgist gatna-
mót. Þá vitið þið hvaða gata á for-
gang.
2. Ekki líta bara einu sinni eftir
umferð áður en þið akið inn á götu.
Það getur borgað sig að horfa aftur
yfir gatnamótin.
3. Hægið ferðina þegar nálgast
gatnamót, jafnvel þótt þið eigið
forgang.
4. Stærð gatna segir ekki til um
umferðarréttinn. Litlar hliðargötur
geta átt forgang.
5. Reiknið frekar með meiri ferð
hjá bílunum sem nálgast.
6. Ef þið þurfið að taka vinstri
beygju munið að aka ekki of langt
inn á gatnamótin og munið að bíl-
arnir sem koma á móti eru oft á
mjög mikilli ferð.
7. Ef umferðarljós eru á gatna-
mótunum þá virðið þau. Munið að
gula ljósið á eftir rauðu er ekki til
að taka af stað. Þið verðið að gefa
hinum möguleika á að hreinsa
gatnamótin.
Mætingar:
Nokkur okkar lentu í tjóni þegar
við vorum að mæta bíl. Við viljum
benda á eftirfarandi atriði:
1. Varist hraðann. Hægið ferðina
verulega áður en þið mætið bíl. Það
getur borgað sig að stöðva alveg
sé vegurinn mjög þröngur.
2. Takið tillit til breidd vegarins.
Kantar geta verið hættulegir.
3. Þið skuluð ekki nauðhemla,
því þá gætuð þið misst stjórn á bíln-
um og hann lent framan á bílnum
sem á móti kemur.
Að lokum viljum við benda ykkur
á nokkur mikilvæg atriði sem hjálpa
okkur öllum í umferðinni:
1. Látum ekki aðra ökumenn
fara í skapið á okkur. Það gerir
okkur að verri ökumönnum.
2. Munum að aka ekki syfjuð,
þreytt eða undir áhrifum áfengis.
Við getum verið hættuleg í umferð-
inni daginn eftir (,,þunn“).
3. Tökum ekki óþarfa áhættu í
umferðinni og fórnum ekki eigin
lífi né annarra með slíku.
Kveðja frá hópi 2 og 3 hjá Sjóvá-
Almennum.
F.h. hönd hóps tvö og þijú,
EINAR GUÐMUNDSSON,
fræðslustjóri,
Sjóvá-Almennum.
Eld-
messías
Frá Birni Steinarí Haukssyni:
HVERJIR eru þeir sem brenna
bækur? Hveijir eru þeir sem
brennna tónlist? Hveijir eru þeir
heilögu sem opinberlega fella slíka
palladóma yfir verkum meðbræðra
sinna? Og hvað hafa þeir fram
yfir þá? Og eru þeir sjálfir yfir
alla gagnrýni hafnir? Eru þeir að
leiða ungmenni inn á heillvænlegar
brautir? Hafa ungmenni okkar
gott af slíku uppeldi? Hver hefur
efni á að leysa slíkt hatur úr læð-
ingi? Er það rétta leiðin? Hatur og
meðbræðrafyrirlitning? Er gott að
vera frelsaður? Er það frelsi að
vera friðlaus í sálu sinni yfir verk-
um annarra? Er gott að sjá djöful-
inn í öllum nema sjálfum sér?
Hveijir eru það sem sjá djöfla? Eru
það þeir sem þekkja djöfla manna
best? Eru þeir kannski haldnir djöf-
ulsæði? Líður þeim vel? Boða þeir
frið? Viljum við fylgja þeim? Er
þetta eitthvað nýtt? Er þetta ekki
kveikjan að ófriði? Er þetta þekk-
ing? Er þetta fáfræði? Ef þú, les-
andi góður, horfir á stríð, er það
þá ekki nákvæmlega þetta sem þú
sérð? Fáfræði, hatur og mannfyrir-
litningu? Svörum spurningum og
spyijum spurninga og svarið blasir
við.
BJÖRN STEINAR HAUKSSON,
Engihlíð 18, Ólafsvík.
+*%}*'* FLÍSAR

llí ÍWJJ * *
Stórhöfða 17, við Gullinbrú,
sími 567 4844