Morgunblaðið - 14.12.1995, Blaðsíða 5

Morgunblaðið - 14.12.1995, Blaðsíða 5
MORGUNBLAÐIÐ FIMMTUDAGUR 14. DESEMBER 1995 F 5 LAUGARDAGUR 16/12 MYIMDBOIMD Sæbjörn Valdimarsson HÁLFBAKAÐUR SÝNDARVERU- LEIKI VÍSINDASKÁLDSKAPUR Framtíðarógn (Future Shockfkk Leikstjóri Eric Parkinson. Aðal- leikendur Vivian Schilling, Mart- in Kove, Bríon James, Bill Pax- ton. Bandarísk. Paradise Pictur- es 1994. Bergvík 1995. Tími 93 mín. Avldurstakmark 16 ára. Geðlæknirinn Langdon hyggst nýta sér nýja tölvutækni - sýndarveruleika - til að komast að veilum sjúkl- inga sinna, en ailt fer í handa- skolum. Svo sem ekki neitt stór- virki en notalega áhorfanieg B-mynd, gerð sam- kvæmt vel nýttri og slitseigri upp- skrift. Ekki illa gerð B-mynd sem Erik Parkinson leikstýrir af nokk- urri kostgæfni. Hann gæti náð lengra. Þá prýða myndina úrvals ruslmyndaleikarar einsog Brion James og hér gefur einnig að líta Bill Paxton (Apollo 13), sem gerði garðinn ófrægan í urmul lélegra mynda áður en frægðin sótti hann heim. Ef þið hafið ánægju af ósvik- inni vísindahrollvekju í B-dúr, þá er þetta myndin. EINNVARA REIÐ UM ÓTTUSKEIÐ SPENNUMYND Nátthrafninn (MidnightMan)k Leikstjóri John Weidner. Hand- rítshöfundur J.B. Lawrence. Að- alleikendur Lorenzo Lamas, James Lew Mako, James Shigeta. Bandarísk. Mark Damon 1994. Myndform 1995. Tími 90 mín. Aldurstakmark 16 ára. John Kang (Lamas) er áflogahundur af guðsnáðenjafn- framt drengur góður. Hann er því fenginn til liðs við lögregl- una er hún þarf a ð klófesta aust- urlenska óbótam enn. Svosemekke ret verri né b etri en tugir slíkra my nda, sem ekki er nokkur lífsins leið að skilja hve rja frá annarri í minningunni. Piltu rinn Lamas er kominn af vel metn um Hollywoodpersónum, er ka ttliðugur skratti en hefur annars lítið til brunns að bera. NATTURULAUS KYNLÍFS- KLÚBBUR GAMANMYND Kynlífskiúbbur í Paradís (Exit to Paradise)V2 Leikstjóri Garry Marshall. Aðal- leikendur Dan Aykroyd, Dana Delaney, Rosie O'Dohnell, Paul Mercurio, Iman, Stuart Wilson. Bandarísk. Tími 109 mín. Aldurs- takmark 16 ára. „Skrattinn fór að skapa kött", þessar ágætu ljóðlínur koma umsvifalaust uppí hugann eft- ir að hafa upplif- að sýningu á Kynlífsklúbbi í Paradís, sem sannar það m.a. að Bandaríkja- menn eru ekki enn þeim kostum búnir sem til þarf að gera almenni- lega kynlífskómedíu. I þeim efnum snúum við okkur áfram til Frakka, Breta og Úle Sötoft, eða hvað hann nú aftur heitir, sá danski rúm- stokksserðir. Hann var fyndinn. Marshall, sem gert hefur Pretty Woman og aðrar ágætar gaman- myndir, rennur hér á bruni á botn- inn. Þrátt fyrir umtalsverða reynslu og virðingu, úrvals tæknimenn og leikara í hverju horni, er útkoman afskapleg mistök. Vita náttúrulaus farsi sem á víst að vera djörf kyn- lífskómedía, tekur á mörgum, vel- þekktum „tabúum" í Amerískri kvikmyndagerð - en með handar- bökunum. Það er ekki eitt heldur allt sem bregst hjá Marshall og félögum. Fyrir það fyrsta er handritið nánast gjörsneytt allri krassandi gaman- semi og allar tilraunir höfundar til að vera frakkur og skotviss fara út um þúfur. Myndin snýst un dem- antasmyglarann Wilson og tvo lög- reglumenn (O'DonnelI og Aykroyd), sem eru sendir til ástaklúbbs á paradísareyju í Karíbahafinu til að afhjúpa kauða. Eini ljósi punkturinn er hin gull- fallega Dana Delaney sem hefur ekki aðeins af glæstu útliti að státa heldur ágætum leikhæfileikum. En hvorki líkamsburðir né andlegar gáfur konunnar ná að bjarga neinu umtalsverðu svo menn ættu að halda sig í hæfilegri fjarlægð frá þessum sólbökuðu, straumlínulög- uðu ósköpum. BIOMYNDBOND Sæbjörn Valdimarsson Brúðkaup Muriel (Muriel's Wedding)kkk Muriel er ekki hin dæmigerða aðal- persóna*~Hvíta tjaldsins, heldur ófyndin, luraleg og fávís þorps- stelpa. En Brúðkaup Muríel er heldur ekkert venjuleg mynd héld-' ur bráðhress, áströlsk tragikóme- día um ólánlega stúlku sem berst gegn umhverfinu á sinn eigin máta - og verður nokkuð ágengt. Mikið er lagt uppúr hversu myndin er fyndin, sem hún vissulega er, eri hún virkar ekki síður sem trega- fullt drama. Toni Collette er maka- laus í aðalhlutverkinu og P.J. Hog- an er einn sá nýjasti í langri röð ástralskra leikstjóra sem unnið hafa hug manna um alla heims- byggðina. > Siggi Hall bankar upp á hjá húsmæðrum í Aöaldal. íslensk mm m w ¦ svertajol STÖÐ 2 20.45 P"Matreiðsla Sigurður L. Hall leggur land undir fót íþættinum sem sýndur verður á Stöð 2 í kvöld og bankar upp á hjá myndarlegum húsmæðnim í Aðal- dalnum. Þær Jóhanna, Sigríður, Halla og Áslaug bjóða gestin- um í bæinn og leyfa okkur að fylgjast með jólaundirbúningn- um. Þarna gefst kjörið tækifæri til að gægjast inn á íslenskt bóndaheimili þar sem jólahefðirnar eru í hávegum hafðar. Fjölskyldan kemur saman og bakar laufabrauð, eldar rjúpur að þingeyskum sið og hugar að frægasta hangikjöti á ís- landi. Já, hróður þingeyska hangikjötsins hefur borist víða en samviskuspurning þáttarins er hvort þessi íslenski þjóðar- réttur sé ef til vill allt annar en hann var fyrir nokkrum tugum ára. Á það hangikjöt sem við borðum í dag eitthvað skylt við hangiketið sem forfeður okkar snæddu? Dagskrár- gerð er í höndum Þórs Freyssonar. BIÓIN I BORGINNI Amaldur Indriðason/Sæbjörn Valdimarsson V BIOBORGIN Algjör jólasveinn k kVi Ekta jólamynd fyrir alla fjölskyld- una. Leysir ráðgátuna um jólasvein- inn. Gamanleikarinn Tim Allen er sem sniðinn í hlutverkið. „Dangerous Minds" kkVi Michelle Pfeiffer leikur nýjan kenn- ara í fátækraskóla sem vinnur baldna nemendur á sitt band með ljóðabækur að vopni. Gamalreynd hugmynd að sönnu en skemmtileg mynd. Brýrnar í Madisonsýslu kkk Meryl Streep og Clint Eastwood gera heimsfrægri ástarsögu ágæt skil. Miðaldraástin blossar í nokkra daga í Madisonsýslu en getur aldrei orðið neitt meira. Sönn ástarmynd. BÍÓHÖLLIN Sýningarstúlkur k Versta mynd Paul Verhoevens til þessa segir af sýningarstúlkum í Las Vegas. Kvenfyrirlitning og klúryrði vaða uppi og sagan er lap- þunn og leikurinn slappur. Benjamín dúfa kkkVz Einstaklega vel heppnuð bíóútgáfa sögunnar um Benjamín dúfu og félaga. Strákarnir ungu í riddara- reglunni standa sig frábærlega og myndin er hin besta skemmtun fyr- ir alla fjölskylduna. Boðflennan kk Grallaraleg gamanmynd um svert- ingja sem treður sér inn á fjöl- skyldu í úthverfi og veldur miklum usla. Sinbad og Phil Hartman halda uppi fjörinu. Hundalíf kkk Bráðskemmtileg Disneyteiknimynd um ævintýri meira en hundrað hunda. Bráðgóð íslensk talsetning eykur enn á fjörið. Nautn kk Popptónlist, léttúð og áhyggjuleysi setur mark sitt á skemmtilega stutt- mynd um helgarsport æskufólks. Daniel Ágúst og Emiliana Torrini eru flott í aðalhlutverkunum. Klikkuð ást kk Andleg vanheilsa setur strik í reikn- inginn í vegamynd um unga elsk- endur í leit að hamingjunni. HÁSKÓLABÍÓ Saklausar lygar kVi Breskur lögreglumaður rannsakar dularfullt morðmál í Frakklandi. Óttalega óspennandi og oft óskilj- anleg spennumynd um systkina- kærleik og siðferðilega úrkynjun. „Jade" kk Spennumynd sem hefur alla hefð- bunda þætti Eszterhaz-handrita og kemur því ekki á óvart. Leikstjórn William Friedkins þó prýðileg og leikurinn ágætur. Fyrir regnið kkkk Frábær mynd sem spinnur örlaga- vef persóna og atburða í sláandi stríðsádeilu og minnir á hvers er ætlast til af okkur hvar og hver sem við erum. Aðlifa kkkVz Enn eitt listaverkið frá Zhang Yimou og Gong Li fjallar um djöful- skap ómennskra stjórnvalda og endalaus áföll saklausra borgara. Lætur engan ósnortinn. Glórulaus kk Alicia Silverstone bjargar annars fáfengilegri unglingamynd frá glöt- un með góðum leik og Lólítu- sjarma. Ætti að vera bönnuð eldri en 16 ára. Apollo 13 kkkk Stórkostleg bíómynd um misheppn- aða en hetjulega för til tunglsins. Tom Hanks fer fyrir safaríkum leik- hópi. Sannarlega ein af bestu mynd- um ársins. LAUGARÁSBÍÓ Feigðarboð k Einkar viðburðarsnauð en kynferð- islega hlaðin sálfræðileg spennu- mynd sem býður upp á óvænt en lítt greindarleg endalok. Hættuleg tegund kkVi Spennandi og vel gerð blanda af hrylling og vísindum heldur fínum dampi fram á lokamínúturnar. Góð afþreying. REGNBOGINN Handan Rangoon kkk Spennandi og vel gerð mynd John Boormans um ástandið í Burma. Ung bandarísk kona leiðist inn í átök lýðræðissinna gegn herfor- ingjastjórninni árið 1988 þegar landið rambaði á barmi borgara- styrjaldar. Krakkar kkkVi Einstök, opinská mynd um vágest- inn eyðni, eiturlyf og afbrot meðal unglinga á glapstigum í New York. Að yfiriögðu ráði k kV^ Hrottafengin og óþægileg sann- söguleg mynd um illa meðferð fanga í Alcatraz og hvernig ungur lögfræðingur berst gegn ofurefli til að fá hið sanna i ljós. Kevin Bacon er góður sem bæklaður fangi. Frelsishetjan kkkVi Gibson er garpslegur að vanda í hlutverki kunnustu frelsishetju Skota. Sýnir það einnig (einkum í fjöldasenum) að hann er liðtækur leikstjóri. Frelsishetjan er ein af bestu myndum ársins. SAGABÍÓ Algjör jólasveinn (sjá Bióborg- ina) „Dangerous Minds" (sjá Bíó- borgina) STJÖRNUBÍÓ „Desperado" kkVi Hollywood-útgáfa Farandsöngvar- ans hefur litlu við að bæta öðru en frábærri hljóðrás. Antonio Bande- ras er ábúðamikill sem skotglaði farandsöngvarinn. Benjamin dúfa kkkVi Einstaklega vel heppnuð og skemmtileg kvikmyndaútgáfa sög- unnar um Benjamín dúfu og félaga. Strákarnir ungu í riddarareglunni eru frábærir í hlutverkum sínum og myndin er hin besta skemmtun fyrir alla fjölskylduna. Tár úc steini k k kVi Tár úr steini byggir á þeim þætti í ævisögu Jóns Leifs sem gerist á Þýskalandsárum hans, frá því fyrir 1930 og fram undir lok heimsstyrj- aldarinnar síðari. Þegar best lætur upphefst Tár úr steini í hreinrækt- aða kvikmyndalist. Mælikvarðanum í íslenskri kvikmyndagerð hefur hér með verið breytt, nýtt viðmið skap- að. Erlendur Sveinsson

x

Morgunblaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Morgunblaðið
https://timarit.is/publication/58

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.